Gobernu Programa sailka

Ekimena 1. Susperraldi Ekonomikorako eta Enplegurako sail eta Esparru-programa bat lantzea, koordinatzea eta sustatzea. Programa hori Euskadiren berreraikitze sozial eta ekonomikora bideratuko da; hazkunde jasangarria bultzatuko du eta 2030 Agendarekin eta Nazio Batuen Garapen Jasangarrirako Helburuekin lerrokatuta egongo da, baita Europako “Sure” eta “Next Generation EU” Programen lehentasunekin ere.

Ekimena 1. Zientzia, Teknologia eta Berrikuntzako Plan Estrategiko berri bat (PCTI Euskadi 2030) onestea administrazioen, enpresen, klusterren, unibertsitateen eta eragile zientifiko eta teknologikoen parte-hartzearekin; hala, plana Europarekin lerrokatuta egongo da eta Euskadiren erronka sozial eta ekonomikoei aurre egiten lagunduko du.

Ekimena 2. Espezializazio adimenduneko estrategian sakontzea eta horrek lehentasunez egingo die aurre trantsizio teknologikoari eta digitalari, energia- eta ingurumen-trantsizioari eta osasun- zein gizarte-trantsizioari.

Ekimena 3. Dibertsifikazio ekonomikoa eta teknologikoa planteatzea, Euskadik suspertzen ari diren gaitasunak dituen lau abagune-arlo hauek indartuz: elikadura osasungarria; ekoberrikuntza; hiri jasangarriak eta kultura eta sormen industriak.

Ekimena 4. I+G+bren orientazioa indartzea Nazio Batuen Garapen Jasangarrirako Helburuekin lerrokatutako gizarte-erronka handien ebazpenera: kalitatezko enplegua; osasuna; klima-aldaketa; digitalizazioa eta genero-berdintasunaren zeharkako erronka.

Ekimena 5. Enpresen, ikerketa-zentro teknologikoen eta unibertsitateen arteko lankidetzako trakzioko ikerketa- ekimen transbertsalak bultzatzea zahartze aktiboaren, mugikortasun elektrikoaren eta ekonomia zirkularraren eremuetan.

Ekimena 1. Basque Research and Technology Alliance (BRTA) finkatzea, euskal eskaintza teknologikoaren tresna integratzaile gisa eta Europan eta munduan gure ikertzeko gaitasuna proiektatzeko helburuarekin.

Ekimena 2. Ikerketako lankidetza-proiektu estrategikoak babesteko programak indartzea Zientzia, Teknologia eta Berrikuntzaren Euskal Sareko eragile
desberdinen eta euskal enpresen artean.

Ekimena 3. Euskal Unibertsitate-ekosistematik garatutako bikaintasunezko ikerketa bultzatzea eta ikerketa zientifikoa indartzea nazioarteko zentroekin
elkarlanean, baita ikertzaileak erakartzea ere, zehazki, Europako Ikerketa Kontseiluaren (ERC) laguntzekin.

Ekimena 1. Zientzia, Teknologia eta Berrikuntzako Euskal Sistema nazioartekotzean eta irekitzean aurrera egitea, euskal lidergoa eta parte-hartzea bultzatuz “Horizonte Europa” esparru-programa europarraren etorkizuneko misioetan.

Ekimena 2. Babes-programa bat abiaraztea, Zientzia, Teknologia eta Berrikuntzaren Euskal Sareko eragileek proiektu europar gehiago zuzentzea lortzeko.

Ekimena 3. I+G+b zentroetan eta proiektuetan nazioarteko inbertsio pribatuak erakartzea sustatzea. Xedea da Euskadi “inbertsiorako leku erakargarria” izatetik, “berrikuntzarako leku erakargarria” ere izatea lortzea.

Ekimena 4. Start-up berritzaileen ezarpena sustatzea Euskadin, gure Erkidegoa Europako berrikuntza-interesgune gisa kokatzeko, gehiago parte hartuz Horizonte Europa esparru-programaren misioetan eta Digital Innovation Hub sare europarrean eta EIT Food erkidegoan.

Ekimena 1. Gazteriaren Legea onestea; lege horrek gazte-ikuspegia txertatuko du politika publiko guztietan eta bere helburu nagusiak izango dira gazteen
laneratzea, Euskadiren gizarte-kapitalerako ekarpenik onena delako.

Ekimena 1. Gazteen emantzipaziorako zeharkako estrategia bat zehaztea, sustatzea eta koordinatzea. Estrategia hori sail arduradunekin elkarlanean
gauzatuko da eta bere funtsezko oinarriak Gazteen Enplegurako Plana eta Gazte-etxebizitzako neurri bideratzaileak garatzea.

Ekimena 1. “Euskadi - Basque Country 2025 nazioartekotzeko esparru-estrategia” definitzea, sektore anitzeko ikuspegi parte-hartzaile batekin. Hori abian jartzea sustatzea, koordinazioa eta lankidetza areagotuz, bai Eusko Jaurlaritzaren barruan, bai nazioartekotzeko euskal ekosistemako gainerako
erakunde eta eragileekin ere.

Ekimena 2. Euskadiren atzerriko delegazioen erakunde-sarea indartzea.

Ekimena 3. Bazkide estrategikoen sarea indartzea, sektore anitzeko eta alde biko lankidetzako baterako proiektuak garatuz.

Ekimena 4. Harremanak areagotzea lehentasunezko herrialdeetako erakundeekin, ordezkaritza diplomatikoekin eta erreferentziazko Think Tankekin eta harremanak indartzea nazioarteko organismoekin eta sare nabarmenekin. Euskal eragileek nazioartekotze-proiektuak hedatzea erraztea.

Ekimena 1. Nazioartekotzerako euskal esparru-estrategiarekin lerrokatutako Euskadi - Basque Country markaren kanpoko sustapenerako plan bat onestea.

Ekimena 2. Jarduketa-plana egikaritzea nazioartekotzeko euskal sistemarekin elkarlanean, sektore anitzeko eta eragineko jarduketen finantzaketa barne, Euskadi - Basque Country marka atzerrian promozionatzeko.

Ekimena 3. Gizarte-trantsizioko eta 2030 Agendako Idazkaritza Nagusiarekin elkarlanean, nazioartean proiektatzea Euskadik Nazio Batuen 2030 Agendaren garapen jasangarrirako helburuetan egiten duen ekarpena.

Ekimena 1. Beharrezko hobekuntzak defendatzea Euskadik euskal autogobernuari eragiten dizkioten Europar Batasuneko Kontseiluetan Estatuko Delegazioaren parte gisa parte hartzeari eta ordezkatuta egoteari dagokienez, batez ere, bere eskumen esklusiboko gaiak jorratzen direnean.

Ekimena 2. Estatu azpiko beste gobernu batzuekin lankidetza ezartzea Europar Batasunean benetako maila anitzeko gobernantza sustatzeko.

Ekimena 3. Aktiboki lan egitea euskal parte-hartzea maximizatzeko Europako programa eta proiektuetan, bereziki, Next Generation EU programan eta honekin lotutako programetan: energiaren eta ingurumenaren arloko eraldaketak, eraldaketa teknologiko-digitala eta eraldaketa soziosanitarioa;
ikerketaren eremua; ekosistema industrialak; kultura eta prestakuntza, bai unibertsitatekoa, bai lanbide-heziketa.

Ekimena 4. Euskadiren parte-hartze aktiboa indartzea mugaz gaindiko eta eskualde arteko lankidetza-sareetan, bereziki, Arku Atlantikoko Konferentzian eta Pirinioetako Lan-erkidegoan, hain zuzen ere, POCTEFA programa operatibo berrian oinarrituta.

Ekimena 1. Euskal Etxeen ekimenak eta proiektuak babesteko programak handitzea, gazteriari zuzendutako berariazko lan-plan batekin, belaunaldi-erreleboa bermatzeko helburuarekin.

Ekimena 2. “Basque Global network” sare birtuala finkatzea eta hedatzea, munduan benetako euskal erkidego globala eratzeko.

Ekimena 3. Euskal emigrazio berriaren mapa bat ezartzea, euskal diaspora berri honetara egokitutako arreta- eta lotura-politikak diseinatzeko.

Ekimena 4. Atzerriko euskal erkidegoan ahultasun-egoeran dauden pertsonei arreta ematea.

Ekimena 5. Itzultzea erabakitzen duten pertsonei aholkularitza ematea, eskuragarri dituzten programen eta ekimenen berri emanez.

Ekimena 1. Mugaz gaindiko lankidetza irekiagoa eta parte-hartzaileagoa sustatzea.

Ekimena 2. Prestakuntza eta enplegua indartzea mugaz gaindiko eremuan.

Ekimena 3. Nafarroarekiko eta Communauté d´Agglomération du Pays Basque edo Iparralderekiko lankidetza indartzea kulturaren eremuan, kirolean eta, bereziki, euskararen eremuan, mugaren bi aldeetako “euskararen lurralde” guztien hizkuntza komun gisa.

Ekimena 4. Mugaz gaindiko eta Euroeskualdeko lehiakortasuna eta berrikuntza babestea, espezializazio adimenduneko eremu komunetako ikerketa-proiektuetan eta proiektu industrialetan parte hartuz eta Euroeskualdearen lurralde-ekintzako politika integratua garatzea.

Ekimena 1. Euskadiko erronka demografikoari buruzko sail arteko plana egitea, gure gazteriaren emantzipazio- gaitasuna sustatzean eta familia eta jaiotza-tasa erantzunkidea babestean oinarritutakoa. Horrekin, lortu nahi dena da baldintza egokiak sortzea, pertsonak nahi dituztenak baino semealaba
gutxiago izatera behartuta ez egoteko eta amatasuna/aitatasuna bere bizitza-proiektuko beste alderdi batzuekin bateratu ahal izateko.

Ekimena 2. Erronka demografikoari buruzko planaren sail arteko, erakunde arteko eta gizarteko koordinazioa bultzatzea, politiken koherentzia-ikuspegia sustatuz, maila anitzeko lankidetzako ikuspegi integral eta sistemiko batekin.

Ekimena 3. Trantsizio soziosanitarioko “Bizi Berri Plana” eguneratzea eta koordinatzea, bere edukiak eta prebentzioko, murrizketako edo normaltasun-estandarrak lehengoratzeko xedapenak Covid 19aren pandemiaren eta horren ondorioen bilakaerara egokituz.

Ekimena 4. Berdintasun, Justizia eta Gizarte Politiketako Sailarekin adostuta eta sail arteko ikuspegi batekin, jarduketa-proposamenak sustatzea eta koordinatzea, Migraziorako Euskal Itun Sozialaren aurreikuspenak garatzeko hori sinatu duten erakundeekin elkarlanean.

Ekimena 1. Euskal Autonomia Erkidegoak Nazio Batuen Garapen Jasangarrirako Helburuak betetzeko egiten duen ekarpenaren segimendua , ebaluazioa eta proiekzioa egitea, urtero, Garapen Jasangarrirako Helburuen bilakaera-mailaren berri emanez Eusko Legebiltzarrari.

Ekimena 2. Euskadi - Basque Country 2030 Agendan oinarrituz, 2030 Agendaren Lehentasunen Euskal Programa egitea eta horren koordinazioa eta sail arteko, erakunde arteko eta gizarteko lankidetza bultzatzea, zehazki, politiken koherentzia-ikuspegi batekin.

Ekimena 3. Kanpo Harremanetarako Idazkaritza Nagusiarekin elkarlanean, lerrokatzea eta nazioarteko aliantzak sustatzea 2030 Agendaren bultzadan eta garapenean.

Ekimena 1. Herritarrekin elkartzeko etengabeko sistema bat ezartzea, segurtasunaren eremuan, bere kezkak ezagutzeko eta bere eskariei prebentzioz erantzuteko.

Ekimena 2. Gizarte zibilarekiko eta herritarren elkarteekiko komunikaziorako bide egonkorrak indartzea, egiaztatutako informazioa helarazteko denbora errealean, horrela sare sozialetan “fake news” edo albiste faltsuak hedatzea saihestuz.

Ekimena 1. Berariazko programak ezartzea kolektiborik ahulenetan, segurtasun-arriskuak saihesteko, bereziki, drogen kontsumoari eta jokoarekiko edo bestelako portaera-mendekotasun batzuei dagokienez gazteen kolektiboan.

Ekimena 2. Edozein erradikalizazio biolento prebenitzeko programak indartzea, sinesmen edo iritzi desberdinak ez errespetatzeagatik eragindako bereizkeria-, xenofobia- edo arrazakeria-adierazpenak barne, baita fanatismo totalitarioa bereizten duen gorrotora erakartzeko eta horretan hezteko tresna berriak ere, propaganda jihadistarekiko ahulenak diren kolektiboetan sakonduz.

Ekimena 3. Emakumeen aurkako indarkeriaren arrisku-egoeren detekzio eta prebentzio goiztiarrerako programak indartzea.

Ekimena 4. Prebentzioa sustatzea Interneten erabileran, bereziki, haurrei eta nerabeei dagokienez.

Ekimena 5. Zibersegurtasuneko gorabeheren aurrean sentiberak diren azpiegituren babeserako prebentzio- sistema bat sortzea.

Ekimena 6. Ikerketa-sistema zein espezialista-taldeen prestakuntza egokitzea, ingurumen-delituak, salerosketa- sareak eta Interneten bidezko finantza-delituak bezalako delitu-forma berriei prebentzioz erantzuteko.

Ekimena 1. Tresna teknologiko berriak ezartzea pertsonen babesa indartzeko; sistema informatikoak eta komunikazioak eguneratuz eta agenteei banakako kamerak emanez, bere jarduketen gardentasuna bermatzeko eta delituzko egitateen aurrean froga hobeak emateko.

Ekimena 2. Ustelkeria-, ekonomia- eta zerga-delituak ikertzeaz eta jazartzeaz arduratzen diren Ertzaintzaren unitateen baliabideak indartzea.

Ekimena 3. Bide-segurtasunarekin lotutako kontzientziazio-programak indartzea, trafikoaren kudeaketa Europar Batasunak ezarritako parametroetan hobetzeaz gain.

Ekimena 1. Segurtasun Publikoko 2025 Plan berria onestea, segurtasunean esku hartzen duten organo
guztien esku-hartze eta koordinaziorako gida gisa.

Ekimena 2. Aurrera egitea Ertzaintzaren interkonexioan eta Estatu zein nazioarteko mailako beste poliziaestamentu
batzuekiko datuen eta informazioaren trukean.

Ekimena 3. Larrialdiei Aurre Egiteko eta Babes Zibilerako Euskal Sistemarekiko lankidetza-mekanismoetan
sakontzea, larrialdietarako zentro adimendun bat abiaraziz eta hondamendietan laguntzeko
unitateak sortuz, beharrezkoa izatekotan, lurralde artean eta autonomia erkidegotik kanpo jarduteko
gaitasuna izango dutenak.

Ekimena 1. Legegintzaldi-programa onestea gobernu berria eratu osteko lehenengo hiru hilabeteetan eta bere jarraipena egitea eta betetzea bultzatzea.

Ekimena 1. Enplegu-plan bat onestea, enpresa txiki eta ertainak eta autonomoak babesteko berariazko likidezia-neurriak barne hartuko dituena. Enplegurako prestakuntzaren eremuko programa zehatzekin enplegua babestera zuzenduta dago, enplegu berdea sortzea errazten duen bidezko trantsizio ekologiko bat lehenetsiz.

Ekimena 2. Prestakuntza eguneratzeko plan pertsonalizatuak eta egokituak sustatzea, bereziki zuzenduta digitalizazioaren erronkara egokitu behar diren 45 urte baino gehiagoko langileei.

Ekimena 3. Tokiko garapen ekonomikoa bultzatzea eta autoenplegua zein ekintzailetza sustatzea, tokiko eta eskualdeko enplegu-planak indartuz, batez ere, lehentasunez jardun behar den eskualde horietan.

Ekimena 4. “Enplegu eta susperraldi ekonomikoko esparru-programan” txertatutako Gazteen Enplegurako Txoke-plan bat onestea eta abian jartzea, 30.000 gazteri lehenengo lan-esperientzia bat eskaintzeko. Hauek izango dira plan horren jarduketa-Ardatzak: gazteen enplegurako prestakuntza duala; hezkuntza-mundutik lanerako trantsizioa; prestakuntza-bekak eta esperientzia profesionala kontratazio-konpromisoarekin; gazteen
laneratzerako eta enplegurako berariazko programak; ekintzailetzaren garapena; gazteen autoenplegua eta start-upak; tokiko zein eskualdeko
enplegu-planak; enplegu publikoko eskaintzak eta gazteen kolektiboan bereziki enplegu-prekarietatea murrizteko programak.

Ekimena 1. Enplegurako gobernantza integraleko eredu berri bat bultzatzea, zehazki, Euskal Enplegu Sis temaren Legearen bidez. Eredu berriaren ardatz egituratzailea izango den Lanbide-Euskal Enplegu Zerbitzuak bere lan-merkaturako orientazioa indartuko du eta arreta handiagoa jarriko du enpresengan eta pertsonengan, Euskadin enplegagarritasuna hobetzeko eta enplegua sortzeko egiten duen ekarpena indartzeko helburuarekin.

Ekimena 2. Arretako eta esku-hartzeko zerbitzu pertsonalizatuen garapena indartzea, teknologia digital berrietan oinarritutako enplegurako prestakuntza-sistema integral batekin.

Ekimena 3. Eskumen profesionalen eta enpleguen etorkizuneko eskariak identifikatzen dituen behatoki bat garatzea.

Ekimena 4. Lankidetza indartzea enpresekin eta lanbide-heziketako zentroekin, lan-merkatuaren oraingo zein etorkizuneko premietara hobeto egokitutako jarduketa integralak diseinatu ahal izateko.

Ekimena 1. Gizarte Elkarrizketarako Mahaian eta sindikatu- eta enpresa-eragileekin batera, plan bat abiaraztea enpleguan behin-behinekotasuna eta lanaldietan partzialtasuna murrizteko.

Ekimena 2. Laneko Segurtasun eta Osasunerako 2021-2025 Estrategia onestea, lanaldian zehar eta in itinere gertatzen diren lan-istripu larriak erdira
murrizteko xedearekin. Beste xede bat da euskal administrazio publikoa erreferentziazko eredua izatea Europan lan-arriskuen prebentzioari eta
kudeaketari dagokienez.

Ekimena 3. Generoarekin lotutako soldata-arraila murriztera zuzendutako ekimenak indartzea, berdintasun-planen ezarpena gehituz hitzarmen kolektiboetan.

Ekimena 4. Bizitza pertsonala, lana eta familia bateratzea sustatzea, helburu hori erraztera zuzendutako berariazko neurrien bidez, telelana edo lan ordutegien malgutasuna bultzatuz, betiere enpresa bakoitzaren premiak eta aukerak kontuan hartuz eta familia-errealitate desberdin guztiak barne hartuz.

Ekimena 1. 4.000 mikroenpresa berri eta autonomoen 5.500 enplegu berri sortzen laguntzea. Horretarako, ekintzailetzari buruzko prestakuntza-programa berriak burutuko dira hezkuntza-zentroetan beste gizarte-eragile batzuekin elkarlanean eta, horrekin batera, laneratzeko zailtasunak dituzten pertsonen kolektiboei laguntzeko eta babesa emateko jarduketak burutuko dira, mikroenpresak sortzen laguntzeko edo autoenplegua errazteko.

Ekimena 2. Ekintzailetzaren eta barne-ekintzailetzaren sustapena lehenestea, batez ere, honako arloekin lotutako enplegu-hobi berrietan: digitalizazioa; “green economy” bidezko trantsizio ekologikoa; “silver economy” zahartze aktiboa eta zaintzen ekonomia.

Ekimena 3. Ekintzailetzaren eremuan, erakunde arteko lankidetza indartzea, zehazki, Foru aldundiekin, udalekin, eskualde-garapenerako agentziekin eta eremu honetako bestelako eragile aktibo batzuekin lankidetza-akordioak gauzatuz.

Ekimena 4. Zailtasun ekonomikoak dituzten enpresen likidezia erraztea eta autonomoak, mikroeteak eta ETEak bere finkapen- eta hazkunde-prozesuetan babesten dituen programa berri bat abiaraztea, hain zuzen ere, oraingo enpleguak mantentzeko eta berriak sortzeko.

Ekimena 1. Euskadiko kooperatiben lege berriaren arautegia garatzea.

Ekimena 2. Gizarte-ekonomiako enpresen garapena babestea, horien dimentsioa indartzera, bazkide berriak lortzera eta horien arteko lankidetza zein gizarte-ekonomiako enpresen arteko asoziazionismoa sustatzera zuzendutako jarduketak erraztuz.

Ekimena 3. Enpresa-kudeaketaren eta plangintzaren hobekuntza, gobernu onaren eraketa eta sustapena eta gizarte-erantzukizun korporatiboa babestea gizarte-ekonomiako enpresetan.

Ekimena 4. Sektoreko elkarte eta antolakuntzekin elkarlanean, berrikuntza teknologikoko zein ez-teknologikoko proiektuak bultzatzea gizarte-ekonomiako enpresetan.

Ekimena 1. 140 milioi euro bideratzea tokiko zein eskualdeko enplegu-planetara. Planak foru aldundiekin eta tokiko administrazioekin elkarlanean garatuko dira eta pertsona hauei zuzendutako ekimenak lehenetsiko dira: gizarte-bazterkeria arriskuan dauden pertsonak; dibertsitate funtzionala dutenak; gazteak; 45 urte baino nagusiagoak eta iraupen luzeko langabeak, arreta berezia jarriz lehentasunez jardun behar den eskualde
horietan.

Ekimena 2. Saihestea 45 urtetik gorako pertsonen langabezia kronifikatzea, laneratzeko prestakuntza ekintza integralekin eta laguntza pertsonaleko ekintzekin, genero-ikuspegia txertatuz. Arreta berezia emango zaie ezgaitasunen bat duten pertsonei.

Ekimena 3. Proiektu pilotuak eta lankidetza-proiektuak burutzea hirugarren sektoreko enpresa eta antolakuntzekin, egoerarik ahulenean dauden langabeen gizarteratzea eta laneratzea sustatze aldera.

Ekimena 1. Hiruko gizarte elkarrizketa eta etengabeko negoziazioa sustatzea eragile ekonomiko eta sozialen artean, lan-harremanen euskal sistema indartuz eta Gizarte Elkarrizketarako Mahaiko lantaldeak indartuz, hain zuzen ere, Lanaren Nazioarteko Erakundearen jarraibideen arabera.

Ekimena 2. Honakoaren aldeko neurriak hartzea:
Egonkortasuna eta enpresa-lehiakortasuna.
Soldata-arrailaren murrizketa.
Bizitza pertsonal, lan eta familiaren bateratze erantzunkidea.
Telelana.
Ordutegi-malgutasuna.
Lanaren behin-behinekotasunaren murrizketa.
Nahi gabeko partzialtasunaren murrizketa.
Langileen etengabeko prestakuntzaren sustapena.
Laneko segurtasuna eta osasuna lantokian eta “in itinere”.

Ekimena 3. Lan-harremanen eredu berri bat sustatzea, langileek enpresan parte hartuz, horrekiko duten lotura indartuz eta gardentasuna hobetuz. Konpromisoa da Eusko Legebiltzarrean 2018ko irailaren 27an aho batez onetsitako legez besteko proposamenari behar bezala erantzutea,
euskal enpresaren eredu inklusibo eta parte-hartzaile batean aurrera egiteko.

Ekimena 4. Oñatiko Adierazpenaren garapena eta aplikazio praktikoa sustatzea: 2019ko apirilean Lanaren Nazioarteko Erakundearen (LANE) mendeurrena zela-eta onetsitako “Lan-harremanen eredu berritu baterako dekalogoa”.

Ekimena 1. Ikuskatzailetza-plan berezi bat abiaraztea ezarritako lanaldiak zuzen betetzen direla bermatzeko eta iruzurra behin-behinekotasun eta partzialtasun terminoetan jazartzeko. Xedea da lan-kontratuak erregularizatzea eta mugagabe egitea, batez beste, 7.000 pertsonentzat urtean. Horretarako, ikuskatzeko baliabide materialak eta giza baliabideak indartuko dira.

Ekimena 2. Lan-baldintzen aplikazio zuzena indartzea eta aurreko legegintzaldian abian jarritako lan iruzurraren aurkako postontzi anonimoaren erabilera sustatzea.

Ekimena 3. Berariazko ikuskatzailetza-kanpaina bat garatzea, euskal enpresetan gizonezkoen eta emakumezkoen arteko lan-diskriminazioa deuseztatzeko.

Ekimena 1. Parte-hartzearen eta akordioen bidez, beharrezko osasun-neurriak hartzea, lantoki guztietan koronabirusaren agerraldi berrien aurreko prebentzioa indartzeko.

Enpresa bakoitzeko prebentzio-zerbitzuek, langileen ordezkariek, ugazaba-antolakuntzek eta sindikatuek Osalanekin, laneko
ikuskatzailetzarekin eta lan-agintaritzarekin elkarlanean parte hartzea formularik onena da osasunaren ikuspegitik seguruak diren lantokiak bermatzeko. Hori izango da Laneko Segurtasun eta Osasunerako 2021-2025 Estrategiarako oinarria.

Ekimena 1. Diru-sarrerak Bermatzeko Errentaren eredua indartzea, bizitzeko gutxieneko diru-sarreraren errealitate berria kontuan hartuz.

Ekimena 2. Unibertsalizazioan sakontzea, oraindik behar besteko estaldurarik ez duten herritarren segmentuetara helduz eta arreta berezia jarriz ardurapeko seme-alabak dituzten familia ahulengan.

Ekimena 3. Kudeaketa hobetzea, izapidetzean arintasuna handituz eta prestazio eta laguntza ekonomikoen zorroztasuna eta kontrola indartuz.

Ekimena 4. Lan egin dezaketen eta Diru-sarrerak Bermatzeko Errentaren onuradunak diren pertsonen jarduera ekonomikoa eta gizarteratzea zein laneratzea sustatzea.

Ekimena 1. 2022-2025 Gizarteratzeko V. Euskal Plana onestea erronka berriei erantzuteko. Plan honek zikloaren aurkako neurriak aurreikusiko ditu,
krisialdi ekonomikoko aldien eraginari aurre egin ahal izateko, arreta berezia jarriz gizarteratzearen eremuan genero-ikuspegia txertatzeari.

Ekimena 1. Politika estrategikoen koordinazioan sakontzea gainerako erakundeekin (foru aldundiak eta udalak), ezarritako koordinazio-mekanismoak eta organoak ezarriz edo, hala badagokio, erakunde arteko lanerako eta lankidetzarako espazioak sortzea babestuz, gizarte gisa aurre egin behar diegun erronka handiak jorratzeko.

Ekimena 1. Lortutako autogobernuaren defentsa zaintzea, bere garapena sustatzea eta Eusko Legebiltzarrak edo Jaurlaritzak bere eskumen-eremua gauzatuz onetsitako politika publikoetan sartzea eta horiek hustea, baldintzatzea edo murriztea eragiten duten jarduketak salatzea. Gure ustez, Konstituzioaren 156. artikuluan zerga- eta finantza-politikari buruz aurreikusitako koordinazio-eskumenetatik ondoriozta daitezkeen neurriek Euskal Ekonomia Ituna errespetatu behar dute eta dagozkien alde biko organoetan adostu behar dira. Hortaz, hori aplikatzeko edo gauzatzeko, alde biko topaketa-organoa edo Ekonomia Itunaren Batzorde Mistoa elkartu behar da, denbora eta forma egokietan.

Ekimena 2. Autogobernuaren defentsan eskuduna den sailak ofizioz edo gainerako sailek eskatuta koordinatuko du Estatuko araudi-ekimenen konstituzio-legezkotasunaren eta Gernikako Estatutuarekiko errespetuaren inguruko txostenen lanketa. Txosten horiek autogobernuaren defentsan eskuduna den sailak egingo ditu, zehazki, ukitutako sail sektorialarekin kontsultatu ostean. Euskal autogobernuaren urraketak antzematen direnean, gatazka judizialak saihesten dituzten prebentzio-konponbideak bilatzen saiatuko da, zehazki, dagokion “lankidetza-gutunaren” bidez. Era berean, lankidetzako alde biko batzordearen aurrea negoziatzea lehenetsiko da, euskal autogobernua zaintzeko eta horren konstituzio- judizializazioa saihesteko xedearekin.

Ekimena 3. Lankidetzako prebentzio-neurriek emaitzarik ez badute, autogobernuaren defentsan eskuduna den sailak, ukitutako sail sektorialarekin kontsultatu ostean, Gobernu Kontseiluari aurkeztuko dizkio euskal autogobernuaren, Euskadiri esleitutako eskumenen eta Euskal Autonomia Erkidegoaren erakundeen antolaketaren defentsan oinarritzen diren mota guztietako konstituzioprozesuak edo prozesu judizialak jartzeko proposamenak.

Ekimena 4. Eusko Jaurlaritzak eragile gisa esku hartzen duen prozesuetan eta Estatuak EAEk ezarritako arauen eta egintzen aurka jarritako errekurtsoen ondoriozko prozesuetan, lankidetzako alde biko batzordearen aurrean autogobernuaren defentsan eskuduna den sailak negoziatzea lehenetsiko
da, ukitutako sail sektorialaren laguntzarekin. Hori guztia euskal autogobernua ahalik eta baldintzarik onenetan mantentzeko eta konstituzio-judizializazioa saihesteko, baita gure eskumen-eremua txikitzeko efektuak dituen doktrina bat finkatzen duten autogobernuaren gaineko
interpretazio hutsezko akatsak eragitearen arriskuak saihesteko ere.

Ekimena 1. Espainiako Gobernuarekin batera lan egitea, transferitu ahal diren eskumen, gai eta zerbitzuei buruzko negoziazioak gauzatzeko, Gobernu Kontseiluak 2017ko irailean babestutako eta Eusko Jaurlaritzaren Autogobernuaren Ponentziara bidalitako Euskal Autonomia Erkidegoari egin
beharreko Transferentzien Eguneraketari buruzko 2017ko Txostenak jasotako terminoen barruan eta Espainiako Gobernuak formalki 2020ko otsailaren 20an bidalitako Eusko Jaurlaritzak eskatutako transferentziei buruzko balizko negoziazioetarako kronograma-proposamen orientagarriarekin bat eginez. Izan ere, jakin badakigu beharrezkoa dela horiek elkarren artean adostuta eguneratzea, batez ere, kontuan hartuta COVID-19aren pandemiaren eragina.

Ekimena 1. Sektore Publikoaren Legea onestea, Eusko Jaurlaritzak erakundeen egituran duen paper koordinatzailea bermatuko duena eta erakunde-maila desberdinen arteko balizko bikoiztasunak saihesten dituzten lankidetza- eta koordinazio-mekanismoak barne hartzen dituena.

Ekimena 2. Administrazioaren eta herritarren arteko harreman-eredua berriz diseinatzea, digitalizazioaren bultzadan eta sinplifikatzeko berritzearen filosofian oinarrituta. Zerbitzuak uneoro egon behar dira eskuragarri, edozein tokitik eta edozein gailuren bidez. Zerbitzuak sinplifikazioko eta aktibitateko ikuspegi batekin sortu eta diseinatu egingo dira eta herritarrei zuzenduko zaizkie, zehazki, hizkuntza sinplea erabiliz. Bide digitala sustatuko da, herritarrei arreta emateko leihatila bakarraren bidez, baita telefono mugikorraren bidezko harremana ere.

Ekimena 1. “Herritarren parte-hartzerako eta gardentasunerako legea” onestea, administrazioaren herritarrekiko gardentasuna bermatzeko, herritarren parte-hartzea sustatzeko gai publikoetan eta gobernu-programa betez garatzen diren ekintzen eta ekimenen kontuak denbora errealean ematea ahalbidetzeko.

Ekimena 2. Beharrezko araudiaren garapena bultzatzea politika publikoen eraikuntzan eta egikaritzapenean, administrazio publikoaren eta sindikatuen eta enpresa-antolakuntzen arteko etengabeko elkarrizketa bultzatzeko.

Ekimena 3. Mundu digital honetan, datuak oso baliagarriak dira antolakuntza zein herritarrentzat. Datuen balioa ateratzeko eta hori herritarrei itzultzeko, datuen gobernantzako base irmoa sustatuko da. Base horrek hauxe ahalbidetuko du: adimen artifizialaren hedapena; politika publikoen
ezarpena eta datuak trukatzeko eta berrerabiltzeko konfiantzazko ingurune seguruen ezarpena.

Ekimena 4. Datu irekien eta lotutako datuen estrategia indartzea. Euskadiko berrerabiltzaileen kolektiboak eta herritarrek eskatutako datu-multzoak identifikatzea eta datu horiek normalizatzea eta lotzea, erakunde arteko zerbitzu berriak garatuz.

Ekimena 5. Gobernu irekiko eta nazioarteko aitorpeneko estrategia sustatzea. Erreferentziazko nazioarteko antolakuntzarekiko, hau da, Gobernu Irekirako Aliantzarekiko (OGP) lankidetza irekiagoak, arduratsuak eta herritarrekiko sentiberak diren gobernuak sustatzeko mekanismoak garatu
eta ebaluatzeko.

Ekimena 6. Herritarren parte-hartzea eta horien iritzien entzute aktiboa areagotzea eta adierazleen sistema berriz ere diseinatzea, kudeaketa publikoaren denbora errealeko informazio- eta ebaluazio prozesu etengabe batean.

Ekimena 1. “Euskal enplegu publikoaren lege” bat onestea, euskal administrazio publikoaren bitarteko kontratuen tasa altuak murrizten dituena, zehazki, bitarteko langileak finkatzeko prozesuen eta enplegu- eskaintza publiko berrien bidez, funtzionarioak berritzea eta horien belaunaldi-erreleboa
ahalbidetzeko.

Ekimena 2. Funtzio publikorako sarbide-sistemak eguneratzea eta berrikustea, gardenagoak eta arinagoak izan daitezen, erabateko bermearekin betez berdintasun, merezimendu eta gaitasuneko printzipioak.

Ekimena 3. Berrikuntza publikoa bultzatzea funtzionario-egitura horizontalagoen bidez, langile publikoek erabakiak hartzeko prozesuetan parte hartzea sustatzeko.

Ekimena 4. “Gobernu digitalaren” euskal estrategia abiaraztea, administrazioen arteko eta sektore pribatuarekiko elkarreragingarritasuna amaituko dugu eta herritarren karpeta bateratu bat sortuko dugu.

Ekimena 5. Araudi- eta administrazio-prozesuen sinplifikazioan eta modernizazioan aurreratzea, herritarren eskariei arinago eta lasterrago erantzuteko eta araudiaren lanketa azkartzeko.

Ekimena 6. Administrazioaren eremuko adimen artifizialeko proiektu pilotu bat abian jartzea, hori izanik adimen artifizialeko euskal zentroaren aplikazio-arloetako bat. Horrela, teknologia berriak eta berrikuntza teknologikoa baliatuko ditugu, gobernuaren ekintza eta herritarrei ematen zaien zerbitzua hobetze aldera.

Ekimena 1. Garapen Industrialerako eta Nazioartekotzerako Plan Estrategiko bat onestea, helburutzat industriak eta zerbitzu aurreratuek BPGdren % 40
gainditzea izango duena. Besteak beste, planak alderdi hauek aurreikusiko ditu: trantsizio ekologikoa eta digitala; ETEeentzako babesa; enpre
sa-errotzea eta proiektu industrial estrategikoak; industriaren zerbitzu aurreratuak; enpresa-azpiegiturak eta lurzoru industriala; lehentasunez jarduteko guneak; zailtasunak dituzten enpresentzako babesa; enpresa-eredu inklusiboagoa eta parte-hartzaileagoa; enpresa-talentuaren
çpromozioa eta nazioartekotzea.

Ekimena 2. Kluster-politika berriz orientatzea, Euskadin birlokalizazio industriala eta trakzio-proiektuen garapena bultzatzeko, Europako balio-kateetan eta
ekosistema industrialetan integratuta.

Ekimena 3. Bereziki indartzea euskal osasun-industriaren klusterra, enpresen, zentro teknologikoen eta Osakidetzaren arteko lankidetza indartuz, hain
zuzen ere, osasun-zerbitzuak, ekipamenduak eta produktuak hornitzeko eta gure gizartearen zerbitzura egongo diren teknologia aurreratuko
produktu berriak garatzeko.

Ekimena 1. Eragile ekonomikoen eta gizarte-eragileen parte-hartzearekin, Gizarte Elkarrizketarako Mahaian, trantsizio teknologikoaren eta digitalaren
ondoriozko prestakuntza-premiak eta berriz trebatzeko premiak jorratzea, 4.0 industriarako bidezko trantsizioa lortze aldera.

Ekimena 2. Adimen Artifizialeko Estrategia bat egitea, administrazio publikoan, zerbitzu publikoetan eta gizarte-politiketan berritzeko konpromisoen elementu integratzaile gisa. Europako funtsekin lotuta egongo da; hodeiko konponbideak eta big data hartuko ditu barne administrazio
prozesuak hobetzeko eta datuak biltegiratzeko sistema bat sustatuko du, behin betiko osatzeko premia publiko eta pribatu guztiak. Horrekin, enplegua eta lehiakortasuna sortzen dituzten gaitasun teknologikoak gehitu ahalko dira.

Ekimena 3. Basque Artificial Intelligence Center sortzea, enpresetan adimen artifizialaren ezarpena sustatzeko.

Ekimena 4. Abiadura handiko komunikazio-azpiegitura berriak hedatzea babestea, euskal enpresa guztietara hel daitezen.

Ekimena 5. Enpresen lehiakortasuna hobetzea sustatzea, horien digitalizazioa bultzatuz, eta lankidetza publiko-pribatuko eredu batean oinarritutako Data
Center berri bat sortuko da.

Ekimena 6. Energiaren Klusterrarekin lotutako enpresa-taldearen ekarpena bultzatzea, bidezko energia eta klima-trantsizioa dinamizatzeko.

Ekimena 7. “Produktuen industriatik” “konponbideen industriara” aurreratzea eta “industria eta zerbitzu aurreratuen” berariazko programa bat abiaraztea.

Ekimena 8. Euskadin jarduera industriala mantentzea eta errotzea errazten duten eta enpresa-proiektu berriak erakartzea bultzatzen duten proiektu industrial estrategikoen garapena indartzea.

Ekimena 9. Sail arteko beharrezko koordinazioa zainduko da, beharrezko administrazio-izapidetzeei (ingurumenarekin lotutakoak barne) dagozkien
enpresa-proiektuak abian jartzeko, betiere indarreko araudi-esparruak eskaintzen dituen aukeren barruan (hala badagokio, oinarrizko legerian
zehaztutako kontsulta publikorako epeak bermatuz...). Horrez gain, deslokalizazio industrialen arriskua murriztuko da.

Ekimena 10. Gure enpresak Europako balio-kate eta ekosistema industrialetan integratzea erraztea, bereziki, Euskadiko RIS3 Espezializazio Adimendunaren Estrategiaren lehentasunezko eremuetan.

Ekimena 11. Finkatuz Funtsaren zuzkidura handitzea, euskal trakzio-enpresen errotzea eta gure ekonomiarengan duten dinamizazio-efektua bermatzeko.

Ekimena 1. Garapen Industrialerako eta Nazioartekotzerako Plan Estrategikoaren esparruan, ETEak babesteko berariazko programa baten alde egitea,
horien lehiakortasuna hobetzeko helburuarekin. Babes-programa horrek berrikuntza teknologikoa eta digitalizazioa txertatzea erraztuko du eta berrikuntza ez-teknologikoa ere indartuko du, negozio-, antolakuntza- eta marketin-eredu berrien bitartez.

Ekimena 2. Enpresa inbertsioak egiten laguntzeko finantziazio-tresnak sustatzea, beste enpresa batzuekiko eta Zientzia, Teknologia eta Berrikuntzaren
Euskal Sareko zentroekiko lankidetza indartzea eta euskal trakzio-enpresek zuzendutako berrikuntza eta garapen teknologikoko proiektuetan parte hartzea bultzatzea.

Ekimena 3. Makineriaren Renove Planak indartzea, ETEak robotikara eta digitalizaziora azkar egokitzea errazteko.

Ekimena 4. Langileen trebakuntza, prestakuntza eta birziklapenerako neurriak sustatzea, aro digital berrira orientatuta.

Ekimena 1. Ezkerraldea-Meatzaldeko Parke Teknologiko berria garatzea.

Ekimena 2. Gipuzkoako zenbait gune handitzea eta garatzea babestea (Eibar [Erisono]; Galarreta-Hernani, Hondarribia-Irun; Pasaia, …), lurraldearen premiak asetzeko.

Ekimena 3. Arabako Parke Teknologikoa dinamizatzea eta antzemandako premien arabera handitzea.

Ekimena 4. “Eskualde-intereseko/Interes estrategikoko Proiektuaren” ideia sortzea, kanpoko inbertsio produktiboak erakartzea erraztuko duena.

Ekimena 5. Sail arteko eta erakunde arteko funts bat abian jartzea, kutsatutako eta narriatutako lurzoruak nabarmentzea sustatzeko.

Ekimena 6. Enpresa handiak eta ertainak ixtearen edo lekuz aldatzearen ondorioz erabiltzen ez diren lurzoru eta/edo instalazio industrialak jarduera ekonomikoetarako berrerabiltzea sustatzea.

Ekimena 1. Lehentasunez jardun beharreko eskualdetan eta udalerrietan berariazko jarduketa-planak egitea eta zailtasunak dituzten edo berreraikitze
prozesuetan dauden enpresei laguntza ematea.

Ekimena 2. Lehentasunez jardun beharreko eskualdeen garapen industrialerako eta sozio-ekonomikorako estrategia bat sustatzea, jarraitutasuna emango
diona 2018-2020 Gune Behartsuetarako Txoke-planari.

Ekimena 3. Ezkerraldea-Meatzaldea, Enkarterria-Encartaciones eta Oarsoaldea eskualdeetako plan estrategikoak onestea eta Aiarako Eskualdera eta
gune baztertutzat hartzeko errekerimenduak betetzen dituzten beste eskualde batzuetara ere hedatu ahalko dira.

Ekimena 4. Zailtasunak dituzten enpresen berregituraketa erraztea Bideratu Programa indartuz eta inbertsio teknologikoak egiteko babesa emango da
egungo Luzaro Funtsaren partaidetzako maileguekin. Hori guztia ukitutako pertsonek lanpostu berria aurkitzea eta birziklatzea errazten
duten ekintzekin osatuta.

Ekimena 1. “Garapen Industrialerako eta Nazioartekotzerako Plan Estrategikoan” sartutako 2025 Enpresa nazioartekotzeko Programa bat onestea, besteak beste, jarduketa hauek aurreikusiko dituena: nazioarteko abaguneei aurrea hartzen dien adimen “lehiakorreko” eredu bat eraikitzea;
Eusko Jaurlaritzaren kanpoko sarea indartzea; alde biko akordioak finkatzea hautatutako eskualdeekin; nazioarteko merkatueta espezializatutako profesionalen kopurua areagotzea; enpresa nazioartekotzerako finantza-babeseko programak garatzea eta euskal enpresen kapitalean funts publiko-pribatuen bidezko aldi baterako partaidetza izatea, garatzea eta kanpoan hedatzea babesteko.

Ekimena 2. Euskadi - Basque Country marka indartzea eta sustatzea, euskal enpresek atzerrian aitorpena eta ospea irabazteko tresna gisa.

Ekimena 3. Kluster-elkarteen eta Merkataritza-ganberen lankidetza estutzea, nazioartekotzeari emandako babes publikoa finkatze aldera.

Ekimena 4. Garapen jasangarriko printzipioak sartzea nazioartekotzerako laguntzak ematerakoan kontuan hartu beharreko funtsezko irizpideen artean.

Ekimena 1. Enpresako I+G bultzatzeko programak indartzea eta proiektu estrategikoen garapena erraztea, liderrak diren trakzio-enpresen, balio-kateko enpresa
txikien eta Zientzia, Teknologia eta Berrikuntzaren Euskal Sareko eragileen parte-hartzearekin.

Ekimena 2. Ikerketa eta garapeneko 120 proiektu estrategiko bultzatzea.

Ekimena 3. Administrazio publikotik, enpresa-konponbide eta produktu berrien eskaria indartzea, erosketapubliko berritzailea indartuz.

Ekimena 4. Eusko Jaurlaritzatik edo bere enpresa publikoetatik erosketa publiko berritzaileko edo merkaturatuaurreko erosketa publikoko 12 ekimen abiaraztea.

Ekimena 5. Impulsar la actividad del Basque Cibersecurity Centre, contribuyendo al desarrollo de un polo tecnológico de ciberseguridad industrial en Euskadi,
competitivo a nivel internacional y atractivo para la implantación de nuevas empresas de base tecnológica relacionadas con el sector.

Ekimena 1. Berrikuntza “azkenengo miliara” arte eramatea, hau da, enpresa txikietara eta ertainetara heltzea. Berrikuntza teknologikoen eta ez-teknologikoen ezarpena sustatuko da produktu etaprozesu desberdinetan, karbono-aztarna txikiagoko produkzio-eredu jasangarriagoetaranzko trantsizioa sustatuz.

Ekimena 2. Enpresa-berrikuntza babesteko programak indartzea, bereziki zuzenduko zaizkienak ETE industrialei eta industriarekin lotutako zerbitzuen ETEei,
5.000 ETE gehitzeko eraldaketa digitalera eta berrikuntzara.

Ekimena 3. Diseinu industrialarekin, merkaturatzearekin, marketinarekin eta antolakuntzarekin lotutako berrikuntza babesteko programak indartzea, marka eta diseinu europarren eskaera bultzatuz.

Ekimena 4. Lanbide-heziketako zentroekin elkarlanean, ETEentzako babesa finkatzea berrikuntza teknologikoaren eta balidazio esperimentalaren eremuan.

Ekimena 5. ETE berritzaileak aintzatesteko berezko sistema bat ezartzea, horien marka-irudia eta ospea hobetzeko.

Ekimena 1. Ikertzaileen prestakuntza indartzea doktorego industrialaren bidez, betiere enpresen premiekin bat eginez.

Ekimena 2. Basque Research and Technology Alliance (BRTA) aliantzaren bidez, nazioarteko talentu teknologikoa erakartzea bultzatzea, hori euskal zentro
teknologikoetara gehitzeko, hain zuzen ere, berariazko programa bat abiaraziz.

Ekimena 3. Zientzia, teknologia, ingeniaritza eta matematikekin (Science Tecnology Enginering and Mathematics) lotutako bokazioak bultzatzea, hezkuntza
zikloaren etapa guztiak barne hartuz eta arreta berezia jarriz adar industrialetan emakumearen presentzia areagotzean.

Ekimena 4. Emakumearen parte-hartzea eta lidergoa babestea eremu industrialarekin eta RIS3 Euskadi estrategiarekin lotutako ikerketa eta berrikuntzako proiektuetan.

Ekimena 1. Ekintzailetzako erakunde arteko plan berri bat onestea, foru aldundiekin, udalekin eta ekintzailetzaren euskal ekosistemako eragilerik
garrantzitsuenekin elkarlanean.

Ekimena 2. Ekintzak garatzea publikoki aintzatesteko ekintzaileen papera eta gizarteari egiten dioten ekarpena.

Ekimena 3. Hezkuntzaren, zientzia-teknologiaren eta enpresaren eremuetan, izaera eta kultura ekintzailea sustatzeko programa bat bultzatzea.

Ekimena 4. BIND 4.0 ekimena indartzea eta enpresa berritzaile berrien eta oinarri teknologikoko enpresa berrien sorkuntza babesteko azpiegiturak eta zerbitzuak hobetzea, leihatila bakar gisa jarduten duen atari zentralizatu bat garatuz.

Ekimena 5. Enpresa-ekimen berrien lehenengo faseetan, finantza- eta inbertsio-babeseko tresnak hobetzea, zehazki, Ekintzaile, Aurrera eta Basque Fondo programen bitartez.

Ekimena 1. Nekazaritza-politika komunaren (PAC) Landa-garapenerako Plana Euskadirentzat onestea, jasangarria den eta pertsonen osasunarekiko zein ingurumenarekiko errespetua duen XXI. mendeko nekazaritza baterantz aurrera egiteko xedearekin. Horretarako, adostasuna bilatuko da
erakunde-eragile desberdinen, hau da, Eusko Jaurlaritzaren eta foru aldundien eta erreferentziazko eragile sektorialen artean.

Ekimena 2. Elikagaiak xahutzearen aurkako ekimenak garatzea, elikagaiak lehengoratzea eta berriz erabiltzea erraztuz.

Ekimena 3. Produktu ekologikoen produkzioa, eraldaketa eta merkaturatzea bultzatzea, nekazaritza ekologikoaren produkzioa 7.500 hektareetara handituz.

Ekimena 4. Belaunaldi-erreleboa ziurtatzea eta neurriak sustatzea gure lehen sektorearen eta elikaduraindustriaren modernizazioa eta lehiakortasuna hobetzeko, berrikuntza, inbertsioa, lankidetza eta nazioartekotzearen bidez.

Ekimena 5. Euskadiko mahastizaintza eta ardogintzako guneen garapen integrala babestea, kalitate handiko ardoen produkzioa eta merkaturatzea sustatuz eta familia-bodegen eredua babestuz.

Ekimena 6. Ekonomia eta Ogasun Sailarekin elkarlanean, ingurumen-irizpideak eta zero kilometroko produkzioentzako babesa txertatzen dituzten kontratazio publikoko klausula berriak gehitzea sustatzea.

Ekimena 1. Euskadiko Itsas eta Arrantza Funts Europarraren (FEMP 2021-2027) Programa Operatiboa onestea, sektorearen lehiakortasuneko eta baliabideen jasangarritasuneko printzipioen pean.

Ekimena 2. Berezko Arrantza Erakunde Ordaintzaile baten sorkuntza sustatzea, 2021-2027 programa operatibo berrian ahalik eta autonomiarik handiena
lortzeko xedearekin.

Ekimena 3. Estatuko Gobernuarekin elkarlanean, euskal presentzia indartzea arrantzarekin lotutako nazioarteko akordioetan.

Ekimena 4. Dagozkion lankidetza-hitzarmenak sinatzea, arrantza-kuoten berezko kudeaketa ahalbidetzeko, Eusko Jaurlaritzaren eskumenen eremuaren barruan, bereziki lehenetsiz antxoa eta hegaluze espezieak.

Ekimena 5. Uretako eta arrantzako prestakuntza-zentroen talentua erakartzea eta mantentzea sustatzea, hain zuzen ere, aginte-postuetarantz.

Ekimena 6. Belaunaldi-erreleboko neurriak erraztea arrantza-sektoreko enpresen titulartasunean, Euskadin errotzea eta etorkizunean hemen jarraitzea bermatzeko tresna gisa.

Ekimena 7. Akuikultura eta, bereziki, itsaso-akuikultura jasangarria sustatzea, ikerketa eta proiektu berritzaile berriak sustatuz ekonomia urdinaren eta zirkularraren eremuan.

Ekimena 1. Euskadiko eta Akitania Berriko kirol-portuen zerbitzuen eta jardueren baterako eskaintza bat sustatzea.

Ekimena 2. Gobernantza Publiko eta Autogobernuko Sailarekin batera, dagokion akordioa lantzea “portuen” zerbitzuen gaiaren transferentzia egiteko, Gernikako Estatutua osorik betez eta garatuz, Gobernu Kontseiluak 2017ko irailean babestutako eta Eusko Jaurlaritzaren Autogobernuaren
Ponentziara bidalitako Euskal Autonomia Erkidegoari egin beharreko Transferentzien Eguneraketari buruzko 2017ko Txostenak jasotako
terminoen barruan eta Espainiako Gobernuak formalki 2020ko otsailaren 20an bidalitako Eusko Jaurlaritzak eskatutako transferentziei buruzko
balizko negoziazioetarako kronograma-proposamen orientagarriarekin bat eginez.

Ekimena 3. Ondare naturalaren kontserbazioa eta landa-inguruneko jarduera sozioekonomikoen garapena sustatzen dituzten neurriak bultzatzea.

Ekimena 4. Landa-garapeneko Lege berria onartzea eta ezartzea.

Ekimena 5. Plangintza parte-hartzaileko tresnak sustatzea, landa- eta kostalde-guneetan garapen-eragileen sarea eta Tokiko Ekintza-taldeak indartuz.

Ekimena 6. Enplegua eta hazkundea suspertzea landa- eta kostalde-guneetan, dibertsifikazio ekonomikoa bultzatuz gizarte-berrikuntzaren bidez, turismoarekin, osasunarekin, ongizatearekin eta teknologia berriekin lotutako eremuetan garatzeko potentziala duten proiektuak babestuz.

Ekimena 7. Landa-eremuan, enpleguaren sorkuntza eta aukera-berdintasuna sustatzea, arreta berezia jarriz emakumeentzako, gazteentzako eta enplegurako
sarbide-zailtasunak dituzten kolektiboentzako berariazko programen garapenean.

Ekimena 8. Euskadiko landa- eta kostalde-ingurunean bizi-kalitate egokia bermatzen duten oinarrizko azpiegituren, ekipamenduen eta zerbitzu integralen
horniduran aurrera egitea.

Ekimena 1. Nekazaritzako elikagaien eta egurraren sektorean, proiektu berritzaileen garapena bultzatzea, batez ere, ekonomia zirkularrarekin, urdinarekin eta gizarte-ekonomiarekin lotutako proiektuena.

Ekimena 2. Elikagaien eta zuraren balio-katean, transferentzia teknologikoa eta 4.0 konponbideen garapena sustatzea.

Ekimena 3. Elikaduraren arloko ekintzailetza sustatzea BIND 4.0 programa indartuz eta EIT Food (European Innovation Technology) Erakundearen euskal egoitzan sortutako start-upak ezarriz Euskadin.

Ekimena 4. Elikagaien eta zuraren balio-katean ezarriko diren estrategia eta politika guztietan klima-agindua txertatzeko prozesuan aurrera egitea.

Ekimena 5. Kalitatezko ziurtapenak garatzea abeltzaintza-produkzioetan.

Ekimena 1. “Bioekonomiako Euskal Estrategia” garatzea eta “Bioekonomiarako Euskal Aliantza” bat bultzatzea, Bioeskualdeen Europako Sarearen lider izateko xedearekin.

Ekimena 2. Egurraren balio-katea sustatzea, hobekuntzak bultzatuz horren produktibitatean, eraldaketan eta kontserbazioan, zehazki, baliabide energetiko gisa (biomasa) dituen aukerak indartuz

Ekimena 3. Ekintzailetza eta enpresa-jarduera berrien sorkuntza sustatzea bioekonomiaren eremuan, nekazaritza-basogintzaren sektorean eta elikaduraren
industriaren jarduera eraldatzaileetan zentratuz.

Ekimena 1. Sorkuntza banatu berriztagarriko eta kogenerazioko proiektuak bultzatzea, banakako autokontsumoa eta autokontsumo kolektiboa sustatzen duten laguntza-lerroekin.

Ekimena 2. Autokontsumorako elektrizitatearen sorkuntza sustatzea eraikinetan eta etxebizitzetan, zehazki, teknologia fotovoltaikoa, eolikoa eta biomasakoa bezalako teknologien bidez.

Ekimena 3. Hornidura termikoko sistema zentralizatuak aukeratzen dituzten hirigintza-garapen berriak sustatzea.

Ekimena 4. Lurralde-antolamenduan eta hirigintza-plangintzan energiaren ikuspegia apurka-apurka txertatzea, udalak aholkatzeko eta babesteko neurriekin, horiek energia-eraginkortasuneko planak gara ditzaten.

Ekimena 5. Batez ere, eremu publikoko etxebizitza eraikien parkea berritzeko politika bat garatzea, energia- eraginkortasuneko eta aurrezpeneko irizpideekin.

Ekimena 6. Eraginkortasun energetikoko irizpideak garatzea obren eta horniduren erosketa publikoan.

Ekimena 7. Eraikinen birgaitze energetikoari buruzko berariazko prestakuntza, bidezko trantsizio energetikoa eta enplegu berdeen sorkuntza errazten dituena.

Ekimena 8. Foru aldundiekin elkarlanean eta Zerga-koordinaziorako Organoaren bidez, zerga-pizgarriak sustatzea sektore industrialaren, merkataritzaren eta zerbitzuen energia-eraginkortasuneko inbertsiorako.

Ekimena 1. Sorkuntza energetikoko parkea handitzea iturri berriztagarrien instalazioen bidez, lurreko zein itsasoko parke eolikoen garapena eta ezarpena bultzatuz, hasitako parke fotovoltaikoak amaituz eta proiektu berriak abiaraziz.

Ekimena 2. Biomasako eta geotermiako proiektuak garatzea erkidego-sareetan.

Ekimena 3. Hondakin organikoen biogasa hartzeko eta sortzeko plantak eraikitzea sustatzea.

Ekimena 4. Hidrogenoaren ekonomia berria bultzatzea, erregai berde gisa.

Ekimena 5. Biomasa eta bioekonomia bultzatzea, erregai fosilen murrizketa errazteko eta gure nekazaritza- eta basogintza-sektorearen balio erantsia handitzeko.

Ekimena 6. Administrazio publikoen berariazko eremutik, energia berriztagarriaren % 100 erostea eta bestelako energia-iturrien instalazioa bultzatzea eraikin publikoetan. Gainera, administrazio publikoetan karbono-aztarna neutroa bultzatuko da, sektore pribatuarentzako paper eredugarri eta
dinamizatzaile gisa.

Ekimena 7. Garraio eta mugikortasun jasangarriak sustatzea, Lurralde Plangintza, Etxebizitza eta Garraioetako Sailarekin elkarlanean, garraio publikoa bultzatuz eta ibilgailu pribatuen flota berrituz, eraginkorragoak diren eta beste erregai batzuk erabiltzen dituzten ibilgailuekin ordeztuz.

Ekimena 8. Garraioaren eta mugikortasun elektrikoaren (ibilgailu elektrikoa) sektorean energia elektriko berdearen zabalkundea eta erabilera sustatzea, emisio baxuko ibilgailuen alde eginez eta ibilgailu elektrikoentzako kargaguneen ezarpena sustatuz, hori guztia garraioaren sektorea deskarbonizatzeko helburuarekin.

Ekimena 1. Energiaren eremuan, ikerketako, garapen teknologikoko eta enpresa-egiturako arloak sustatzea, betiere espezializazio adimenduneko RIS3 Euskadi euskal estrategian zehaztutako lehentasun estrategikoekin bat eginez.

Ekimena 2. Honakoak bezalako eremuetan euskal posizionamendu industriala eta teknologikoa errazten dituzten ekimenak indartzea: olatuen energia, biltegiratzea, off-shore eoliko flotatzailea, sare adimendunak eta hidrogeno berdearen produkzioa.

Ekimena 3. Euskal industrien trantsizio energetikoa bultzatzea, honako laguntza-lerro hauek indartuz: aurrezpen eta eraginkortasun energetikoak; energia berriztagarrien erabilera eta CO2-ko igorpenen murrizketa klima-aldaketaren aurka borrokatzeko.

Ekimena 1. Bidezko trantsizio energetikoko plan estrategiko bat onestea, pertsonarik ahulenen gizarte-babesa sustatzeko eta txirotasun energetikoko egoerak saihesteko.

Ekimena 2. Euskadi zaurgarritasun energetikorik gabeko lurraldea izatea lortzea eta zerbitzu energetiko eskuragarri, fidagarri eta modernoetarako sarbide unibertsala bermatzea.

Ekimena 1. Garraioaren deskarbonizazio progresiboa, trenbide-garraioaren alde eginez.

Ekimena 2. Eskualde eta udalerri mailan mugikortasun jasangarriko planen garapena.

Ekimena 3. Bizikleta herritarrentzako garraiobiderik jasangarriena gure herri eta hirietan.

Ekimena 4. Lurraldearen erresilientzia klima-aldaketaren ondorioak kontuan hartzen dituzten lurralde- eta hirigintza-plangintzako politika publikoekin.

Ekimena 5. Klimaren aldeko ekintzan zeharkako garapen teknologikoa eta berrikuntza.

Ekimena 6. Teknologia garbien euskal zerrenda handitzea, zerga-kenkariekin lotuz.

Ekimena 7. Ekoberrikuntzako eta berriz landatzeko proiektuak, zuhaitz-azalera 10.000 hektarea handituz; horrek urtean CO2ko 25.000 tona xurgatzea ahalbidetuko du.

Ekimena 1. Helburu horrekin, aurreko legegintzaldian onetsitako Administrazio Publikoen Jasangarritasun Energetikoaren Legea erabat hedatuko dugu.

Ekimena 2. “Trantsizio energetikoaren eta klima-aldaketaren legea” onestea, besteak beste, 2050eko horizonterako berotegi-efektuko gasen emisioen neutraltasuna lortzeko (karbono-neutraltasuna). Horrekin batera, klima-aldaketaren eremuko erakunde arteko koordinaziorako organoak eta mekanismoak ezarriko dira.

Ekimena 3. Estrategia Klimatikoaren eta Estrategia Energetikoaren arteko beharrezko koordinazioaren alde egitea, zehazki, adierazitako parametroetan.

Ekimena 4. Udalen eremuarekiko lankidetza ezartzea energia eta klima-ekintzako plan bateratuen garapenerako; horrela, aukera izango dute, Udalsarea 2030 sarearen bidez, toki- zein lurralde-eremuetatik klima-ekintza hedatzen jarraitzeko.

Ekimena 5. Udal-mailako parte-hartze aktiboa bultzatzea Global Covenant of Mayors for Climate and Energy Itunean.

Ekimena 1. Ekonomia Zirkularreko Estrategia hedatzea.

Ekimena 2. Ekonomia zirkularreko berrikuntza-ildoak uztartzea BRTA (Basque-Research Tecnology Alliance) Aliantzan, industria berria eta enplegua garatzeko xedearekin.

Ekimena 3. Ekonomia zirkularraren prestakuntza-programa bat garatzea unibertsitatearekin eta lanbideheziketako zentroekin elkarlanean.

Ekimena 4. Ekonomia zirkularra eta ekoberrikuntza txertatzea Zientzia, Teknologia eta Berrikuntzaren 2030erako plan berriaren funtsezko elementu gisa.

Ekimena 5. Sektore industrialari bereziki zuzendutako berariazko plan bat abiaraztea materialen eraginkortasuna % 30 handitzeko, zehazki, produkzio-eredu berriak hobetuz eta garatuz eta produktu industrialen ekodiseinua indartuz.

Ekimena 6. Produktu zehatz batzuetan, “ingurumen-aztarna” proiektu pilotu gisa ezartzea.

Ekimena 7. Basque Ecodesign Center Europako erreferentziazko zentro gisa sustatzea.

Ekimena 8. “ETE zirkularra” izeneko ETEak babesteko programa bat garatzea.

Ekimena 9. 2030 Bioekonomia Euskadi Estrategia hedatzea.

Ekimena 1. Hondakinen kudeaketa eta balorizazioa eta materialen berrerabilpena lantzea.

Ekimena 2. Zentro teknologikoekin elkarlanean, ikerketa-proiektuak garatzea, hondakin industrialen aprobetxamendua hobetze aldera.

Ekimena 3. Arriskutsuak ez diren hondakin industrialen gaikako bilketarako, karakterizaziorako, biltegiratzerako eta balorizaziorako kudeaketa publikoko zentro bat abian jartzea sustatzea, erreferentziazko puntako zentro europar bat izan dadin.

Ekimena 4. Lege-araudi zehatza barne hartzen duen hondakinen estrategia bat sustatzea, non hiru lurralde historikoen helburu komunak ezartzen diren. Horrez gain, estrategiak lurralde osorako gobernantza komuneko oinarriak ezarriko ditu eta erkidego gisa hondakinik gabeko lurralde bat
izatera eramango gaituzten estrategia zehatz guztiak finkatuko ditu.

Ekimena 5. Ekonomia zirkularrerako estrategia europarrarekin bat eginez, ekotasa bat edo hondakin industrialen isurketa-kanon bat ezartzea ekonomia zirkularra eta balorizatu ezin diren hondakinak murriztea sustatzeko, industria-egituraren lehiakortasunik handieneko elementu gisa.

Ekimena 6. Elikagaiak xahutzearen aurkako legegintzako ekimenak bultzatzea, elikadura-hondakinen sorkuntza % 30 murrizteko xedearekin.

Ekimena 7. Elikagaien soberakinak lehengoratzea erraztea, lehentasuna emanez gizakien erabilerari.

Ekimena 8. Kontsumitzen diren plastikozko ontzien % 75 birziklagarriak izatea lortzea eta birziklatu ezin diren erabili eta botatzeko plastikozko poltsak kentzea.

Ekimena 9. Bere jarduera birziklapenaren sektorean garatzen duten enpresak indartzea.

Ekimena 10. Europar Batasunak sustatutako “Iceberg Proiektuaren” barruan, eraikuntza- eta eraispen-hondakinen birziklagarritasuna handitzea.

Ekimena 11. Erosketa publiko berdea bultzatzea eta, lizitazio publikoetan, hondakin industrialen baloraziotik eratorritako azpiproduktuen erabilera sustatzea.

Ekimena 12. Tratamendurik gabeko lehen mailako hiri-hondakinen isurketarik ez egoterantz aurrera egitea, udalekin elkarlanean.

Ekimena 1. Ur edangarriko sareen kudeaketa eraginkorra optimizatzea, eraginkorrak ez diren sistemaren galerak murriztuz eta egungo hornidura-sareak eraldatuz, ur edangarriaren erabileran kontrol eta segurtasun handiagoak ematen dituzten sare adimendunak bihurtzeko.

Ekimena 2. Teknologia berriak aplikatzea ureztatze-sistemetan, ur-kontsumoa optimizatzeko, bereziki, klima- aldaketaren eraginak gehiago pairatuko dituzten Euskadiko guneetan.

Ekimena 3. Hondakin-uren arazketa- eta saneamendu-zerbitzu eta instalazioak hobetzea. Helburua da, 2030eko horizontean, saneamendu-sistema osoa bukatuta egotea eta tratamendurik gabeko isurketak ia-ia zerora murriztea.

Ekimena 4. Hondar-urek eragindako kutsaduraren kontrola, arauketa eta ikuskapena indartzea.

Ekimena 5. Teknologia ekologiko eta jasangarri berrien garapena bultzatzea hondar-uren tratamenduan, balorizazioan eta berrerabilpenean.

Ekimena 6. Baliabide hidrikoen erabilera eraginkorra sustatzea euri-uraren drainatze-sistema jasangarrien bidez, uraren sektorean ekonomia zirkularra sustatuz eta ura berrerabiltzea bultzatzen duen kontratazio berdea indartuz.

Ekimena 7. Uraren hiri-zikloaren kudeaketa integrala hobetzea, uraren zuzentarau europarrarekin bat datorren tarifa-sistema homogeneo baten bidez, tarifak kostu hauekin lerrokatzea ahalbidetuko duena: ura hartzeko, banatzeko eta ustiatzeko kostuak eta saneamendu- eta arazketa-kostuak.

Ekimena 8. Saneamenduko, hornidurako eta uholdeen aurreko defentsako oinarrizko azpiegiturak egikaritzea, arro hidrografikoen uraren kalitatea hobetzeko.

Ekimena 1. Abian jartzea Ingurumenaren V. Esparru Programa 2030.

Ekimena 2. Ingurumen-administrazioaren Legea onestea, gure industria eta bere emisioen hobekuntzarako eta bere prozesuak ingurumenari dagokionez eredugarria den industria baterantz aurrera egiteko funtsezko tresna gisa, ingurumen-baimeneko prozedura erraztuz eta arinduz.

Ekimena 3. Ondare Naturalaren Kontserbazioari buruzko Legea onestea, Euskadiko ondare naturalaren babesa, kontserbazioa, kudeaketa, erabilera jasangarria, lehengoratzea eta hobekuntza bermatze aldera.

Ekimena 4. Lurzorua babesteko euskal estrategia bultzatzea eta kutsatutako lurzoruen 400 hektarea lehengoratzea sail eta erakunde eskudunekin lankidetzan.

Ekimena 5. Kutsadura atmosferikoa kontrolatzeko plan berri bat garatzea.

Ekimena 6. 2020 Erosketa eta Kontratazio Publiko Berdearen Programa sustatzea.

Ekimena 7. Natura 2000 Guneen eta Naturan Oinarritutako Konponbideen kudeaketa eraginkorra garatzea.

Ekimena 8. Udal zein eskualde mailan kutsadura akustikoa murrizteko ekintza-planak egitea sustatzea eta 2.000 Natura Sarea bultzatzea.

Ekimena 9. Europar Batasunarekin lerrokatutako zerga-politika berdea planteatzea, foru aldundiekin elkarlanean eta Zerga-koordinaziorako Organoaren bidez.

Ekimena 10. Lurralde Plangintza, Etxebizitza eta Garraioetako sailarekin lankidetzan, Lurralde-antolamenduan “ingurumen-aldagaia” txertatzea eta aldizkako segimendu-txostenak egitea lurralde-antolamenduaren eremuan, ingurumen-adierazleen bilakaera aztertzeko.

Ekimena 1. Legegintzaldi osoan zehar, I+G+b bultzatzeko aurrekontuak, batez beste, % 6 igotzea urtean.

Ekimena 1. Ekonomia Ituna eguneratzea Euskal Autonomia Erkidegoaren eta Estatuaren artean, euskal erakundeen zerga-arloko autogobernua finkatze aldera, itundutako zergetan arautzeko gaitasun- kota handiagoak lortuz eta itundutako zergen bestelako zerga berriak ezartzeko aukera
emanez.

Ekimena 2. Beharrezko akordioak sustatzea, bosturtekorako kupoa zehazteko metodologiaren lege berri bat onesteko 2022-2026 aldirako.

Ekimena 3. Ekonomia Itunaren Batzorde Mistoa sustatzea, Estatuaren eta Euskadiren arteko harreman ekonomiko-finantzarioak arautzeko eta gidatzeko erakunde gisa.

Ekimena 4. Finantza Publikoen Euskal Kontseiluaren barruan, beharrezko akordioak sustatzea Ekarpenen Lege berri baterako testua onesteko, erakundeen arteko adostasunean eta euskal administrazio publikoen finantza-nahikotasuna bermatzen jarraitzen duen baliabideen banaketa-eredu baten finkapenean oinarrituko dena.

Ekimena 5. Euskadiko antolamendu juridikoa etengabe eguneratzen jarraitzea arlo ekonomiko-finantzarioari dagokionez (aurrekontu-araubidea, laguntza eta diru-laguntza publikoak, finantza-politika eta tresnak, etab.), Euskal Autonomia Erkidegoko Ogasunaren berezko gaien arauketa eraginkorra,
modernoa, egonkorra eta gardena mantentze aldera.

Ekimena 1. Lehendakaritzarekin elkarlanean, plangintza ekonomiko eta estrategikoa garatzea herrialdeerronka handiei eta hiru trantsizio globalei aurre egiteko: energia-ingurumen trantsizioa; trantsizio teknologiko-digitala eta trantsizio sanitario-soziala.

Ekimena 2. Ekonomia eta aurrekontuaren plangintzarako esparru bat ezartzea, inbertsio eta sustapeneko plan operatiboak, aurrekontu-programak eta politika publikoen plangintza integratzea eta elkarrekin lotzea ahalbidetzen duena, bere ebaluazioa bultzatuz, politika publiko guztiekin eta
horiek garatzen dituzten tresnekin lotuz. Gainera, gardentasuna eta kontu-ematea errazten dituzten politika publikoen etengabeko segimendu gardena bultzatuko da.

Ekimena 3. Susperraldirako eta erresilientziako proiektuen ikuskapena eta plangintza egitea Next Generation EU Programaren funts europarrak gauzatzearen eta kudeatzearen esparruan, baita Susperraldi eta Erresilientziako Plan Nazionalean ere.

Ekimena 4. Baliabide publikoen erabilera zorrotzean eta finantza publikoen jasangarritasunean oinarritutako aurrekontu-politika sustatzea, defizit- eta zor-mugak betetzen saiatuz, Ekonomia Itunaren Batzorde Mistoan adostutako egoerara eta ziklo ekonomikora egokitzeko esparru malgu batean
barruan, hain zuzen ere, gizarte-politikak bermatzeko eta COVID-19aren pandemiak eragindako krisi ekonomikoari eta enplegu-krisiari erantzutea sustatzeko.

Ekimena 5. Finantza- eta zerga-politika erabiltzea enpleguaren, susperraldi ekonomikoaren, enpresa-errotzearen eta gizarte-kohesioaren eta berrikuntzaren alde, Finkatuz funts publikoaren ezarpenaren bidez eta, hala badagokio, hori handituz, euskal enpresa handien errotzea eta egitura ekonomikoarekiko trakzio-efektua bermatzeko. Era berean, aurreko helburu horretarako, ETEak finantzatuko dira arrisku-kapitaleko funtsen bidez; Finantzen Euskal Institutua finkatuko da finantzaketa publikoko tresnen kudeatzaile gisa eta funts jasangarriak igorriko dira, gizartekohesioa eta ingurumen-jasangarritasuna bultzatzeko.

Ekimena 6. Zerga-koordinaziorako Organoaren barruan, Euskal Autonomia Erkidegoko zerga-sistemaren berrikuspena sustatzea, fiskalitate progresiboago baterantz aurrera eginez; horretarako, hauxe hartu beharko da kontuan: COVID-19aren pandemiak eragindako osasun-krisiaren eta krisi ekonomikoaren osteko errealitate ekonomiko berria; gure enpresen enpleguaren, gaitasunaren eta lehiakortasunaren balizko bilakaera eta Espainiako Gobernuak eta Europar Batasunak hornitutako funtsetatik lor litekeen ez-ohiko finantziazioa. Agertoki berri honetan, gobernuak eta
hori eusten duten alderdiok konpromisoa hartzen dugu, erakunde eskudunekin batera, fiskalitate berri baten inguruko hausnarketa sakona egiteko. Fiskalitate berri horrek finantza-nahikotasuna bermatuko du; enplegua sortzen duen ekonomia babestuko du; zerbitzu publikoak indartuko ditu eta Europako fiskalitatearekiko konbergentzia eta progresibitaterantz joko du.

Ekimena 7. Foru aldundiekiko lankidetza eta koordinazioa sustatzea zerga-iruzurraren aurka eraginkortasunez borrokatzeko. Horretarako, urtero, Zerga-koordinaziorako Organoaren barruan, zergairuzurraren aurka borrokatzeko baterako plan integral bat egingo da eta, gainera, administrazioen
artean informazioa trukatzeko sistemak hobetuko dira eta horietan sakonduko da.

Ekimena 8. Gizarte-erantzukizunaren eta kalitatezko enpleguaren zerbitzura dagoen kontratazio publikoa sustatzea, kalitatezko enpleguaren eta gizarteratzearen zein laneratzearen aldeko gizarteklausulak, ingurumen-klausulak eta ordainsari-berdintasunaren aldeko eta soldata-arrailaren
aurkako klausulak txertatuz.

Ekimena 9. Euskal sektore publikoa osatzen duten erakundeen, nagusiki, enpresen eta fundazio publikoen kontrol-sistemak indartzea, baita administrazio publikoen itunpeko zerbitzuak ematen dituzten eta finantziazio gehiena bide horretatik jasotzen duten entitateen kontrol-sistemak ere.

Ekimena 10. Gardentasun eta kontu-emateko politikaren esparruan, Euskal Autonomia Erkidegoko sektore publikoa osatzen duten erakunde guztien aurrekontuari eta egoera ekonomiko-finantzarioari buruz eskuragarri dagoen informazioa areagotzea.

Ekimena 11. Aurrera egitea Gobernu Arduratsuaren Ereduaren garapenean, baita, ekonomiaren eremuan, Arriskuak Kudeatzeko Esparru Bateratuaren garapenean ere, Euskal Autonomia Erkidegoko sektore publikoaren kudeaketa hobetzeko eta horren helburuak lortzea errazteko.

Ekimena 1. Hezkuntzaren Lege bat onestea, gure hezkuntza-sistemaren etorkizuneko erronkei erantzuteko, eskola publikoaren funtsezko papera eta izaera
laikoa aitortu eta sustatzeko eta aukera berdintasuna bultzatzeko irakaskuntza-maila guztietan ikasteko, pertsonen bizitokia, egoera
pertsonala, soziokulturala eta ekonomikoa edo eskolatuta dauden zentroa gorabehera, hezkuntza-zentro guztien bikaintasuna bilatuz. Lege
honek aurreko legegintzaldian lortutako oinarrizko akordioa hartuko du kontuan eta abiapuntua euskal eskola publikoaren funtsezko izaera
aitortzea izango da. Horrez gain, hauek izango dira bere ezaugarririk garrantzitsuenak: euskal hezkuntza-sistema modernizatzea eta horren
egonkortasuna hobetzea; eleaniztasunean aurrera egitea; aukera-berdintasuna bermatzea, irakaskuntza guztietan ikaskuntza bultzatzeko;
hezkuntza-sistemaren finantziazioa berrikustea, hezkuntza-zentroek benetan egiten duten gizarte-eginkizunarekin eta eginkizun hezitzailearekin lotuz eta zentroen autonomia areagotzea, arreta berezia jarriz zuzentasunean eta bikaintasunean, bizikidetza positiboko esparru batean.

Ekimena 2. 2 eta 16 urte bitarteko hezkuntza-ibilbidea duten zentro publiko integratuen finkapenean lan egitea eta horien ezarpenean aurrera egitea.

Ekimena 3. Hezkuntza-azpiegiturak hobetzea eta modernizatzea, onetsitako azpiegituren planarekin bat etorriz; hain zuzen ere, planak 200 jarduketa baino
gehiago aurreikusten ditu, besteak beste, hauek: Tolosako Orixe, Gasteizko Salburua eta Leioako Barandiaran institutu berriak; Muskizko
bigarren hezkuntzako institutua handitzea eta Dantzertiren egoitza berria.

Ekimena 1. Euskararen eta gaztelaniaren erabilera eta ezagutza finkatzea, hezkuntza-sistema eleaniztun baterantz aurrera eginez. Sistema horrek euskara
edukiko ardatz nagusi gisa eta hobekuntza eta aurrerapen nabarmenak txertatuko ditu ingelesaren prestakuntzan Lehen Hezkuntzatik;
horrekin batera, ikasleen ingelesaren ezagutza hobetzeko jarduerak indartuko dira. Beraz, ho rretarako, zentro guztietan hedatuko dira
hizkuntza-proiektu eleaniztunak, horien errealitate soziolinguistikora egokituz eta euskara hartuz ardatz nagusitzat.

Ekimena 2. Irakasleen atzerriko hizkuntzen prestakuntzarako eta prestakuntza metodologikorako berariazko plan bat garatzea, hizkuntzen didaktikan
dituzten eskumenak eta hizkuntzen tratamendu integratua hobetzea ahalbidetzen duena. Zehazki, ingelesaren irakaskuntza hedatzeko plana
eguneratu eta indartuko da, lehen hezkuntzako 4. mailatik aurrera, gutxienez irakasgai bat ingelesez emateko helburuarekin. Halaber, ikasleen
ingelesaren ezagutza-maila hobetzeko jarduerak indartu egingo dira.

Ekimena 1. Aurrera egitea 0 eta 2 urte bitarteko haurren eskolatze goiztiarrean, arreta berezia jarriz gizarte-ingurune baztertuetako familien seme-alaben
eskolatzean.

Ekimena 2. Gizarte-kohesioa sustatzea dibertsitatearen eta kulturartekotasunaren aurrean, atzerriko ikasleen ehuneko altua duten ingurune baztertuetako
zentroak lehenetsiz.

Ekimena 3. Ikaskuntzarako aukera-berdintasuna bultzatzea irakaskuntza guztietan eta hezkuntzarako sarbidean dagoen edozein oreka edo desberdintasun
deuseztatzea.

Ekimena 4. Haurren zailtasunei arreta goiztiarra emateko programak indartzea, oraingo protokoloa eta horren aplikazioaren kudeaketa hobetuz. Horrez
gain, zaurgarritasun-egoeran dauden ikasleentzako eskolaz kanpoko babes-programak indartu beharko dira.

Ekimena 5. Eskola-mapa eguneratzea, hezkuntza-sistemarako sarbidea bermatzeko orekaz, zuzentasunez eta gardentasunez.

Ekimena 6. Plan bat sustatzea euskal hezkuntza-adierazleen sisteman oinarritutako emaitzak hobetzeko, antzemandako hobekuntza-arloekin lotutako
prestakuntza-ekimenak txertatuz.

Ekimena 7. Balio-hezkuntza indartzea, hezkidetza eta prebentzioa eta eskola-jazarpenaren erradikazioa errazten dituen bizikidetza positibo baterako.

Ekimena 8. Gaitasun handiko ikasleentzako hezkuntza-arretako plana garatzea.

Ekimena 9. Hezkuntza-sistema eraldaketa teknologiko eta digitalera egokitzea bultzatzea, eskola berritzailea, modernoa eta sortzailea eraikitzeko
helburuarekin. Hezkuntza-zentro guztiek edukiko dute digitalizazio-plan bat, ikaskuntza birtualeko berezko plataforma bat garatzeko, hain zuzen
ere, alderdi teknopedagogikoekin lotutako trebakuntza integraleko plan batekin batera.

Ekimena 10. Beharrezko ekintzak abiaraztea baliabide gutxiago dituzten ikasleei teknologia digital horietarako benetako sarbidea errazteko.

Ekimena 11. STEAM bokazio zientifiko-teknologikoak sustatzea hezkuntza-etapa guztietan, batez ere, nesken eta emakumeen artean, eten teknologikoa eta
soldata-arraila murrizteko.

Ekimena 1. Zentro publikoen autonomian sakontzea, ikasleen, horien familien eta ingurunearen ezaugarrietara egokitutako berezko proiektuak ahalbidetzeko
helburuarekin.

Ekimena 2. Zentro publikoetako zuzendaritzan lidergo pedagogikoa indartzea, zuzendaritza-eginkizunaren prestakuntzaren eta profesionalizazioaren bidez,
zuzendaritzaren lan burokratikoetatik eta administrazio-lanetatik deskargatuz.

Ekimena 3. Zentroen sareak sustatzea, lidergo-esperientzia positiboak partekatzeko eta hezkuntza-proiektuan oinarritutako hezkuntza-zentroaren eta
administrazioaren arteko erantzunkidetasun akordioak ezartzeko.

Ekimena 4. Irakasleen papera eta protagonismoa indartzea, horiek direlako hezkuntza-sistema osoaren eraldaketarako eragile nagusiak.

Ekimena 5. Irakasleen hasierako prestakuntza zein etengabeko prestakuntza sustatzea, apurka-apurka txertatuz txandakako prestakuntza duala unibertsitate
hezkuntzan.

Ekimena 6. Irakasle-eginkizunaren ebaluazioan aurrera egitea, irakasle-profilaren eskumenak hartuz erreferentziatzat.

Ekimena 7. Hezkuntza-babeseko zerbitzuak ebaluatzea.

Ekimena 8. Irakasleen eginkizunaren ospea indartzea.

Ekimena 9. Irakasleen eta hezkuntza-langileen egonkortasuna finkatzea, egiturazko bitartekotasuna 10 puntu murrizteko helburuan aurrera.

Ekimena 10. Zentro publikoetako irakasleen jarraitutasun-tasa hobetzea, zehazki, % 80tik gora.

Ekimena 1. Errendimendu altuko lanbide-heziketa bateratu batean sakontzea, laneratzerako eta kalitatezko enplegu baterako palanka gisa. Helburu horrekin, errendimendu altuko prestakuntza-zikloen ereduaren ezarpena hedatuko da, pertsonen eskumen-garapena hobea izan dadin.

Ekimena 2. Aplikatutako berrikuntza teknologikoa eta 4.0 industria adimentsurako trantsizioa sustatzea.

Ekimena 3. Lanbide-heziketaren eta euskal enpresa-egituraren arteko loturak indartzea, LH duala prestakuntza-ziklo guztietara hedatzeko, genero-ikuspegia kontuan hartuz.

Ekimena 4. 5.000 euskal enpresa sistema dualera atxikitzea lortzea.

Ekimena 5. Enpresetan, berrikuntza aplikatuko proiektuak indartzea Tkguneren bidez eta lortutako ezagutzak elkarri transferitzea sustatzea.

Ekimena 6. TKNIKA indartzea, Euskadiko LHren Ikerketa eta Berrikuntza aplikatuko zentro gisa.

Ekimena 1. Irakaskuntza erdipresentziala eta online irakaskuntza indartzea, baita tituluen deialdia ere modalitate horretan.

Ekimena 2. Eskaintza laugarren iraultza industrialaren premiei erantzuten dizkieten eskumen eta titulazio berriekin eguneratzea.

Ekimena 3. Aktibo dauden helduen etengabeko ikaskuntza indartzea, horien birziklapen profesionala errazteko.

Ekimena 4. Lanbide-heziketa osoa (hezkuntzakoa eta enplegurako heziketa) barne hartzen duten LHko zentro integratuak sustatzea, inguruko produkzio
sektore desberdinen antzeko espezialitateak garatuz.

Ekimena 5. Gizarte- edo lan-eremuan eskuratutako eskumenak egiaztatzeko prozesuak bultzatzea.

Ekimena 6. Hezkuntza- eta lan-eremuen artean koordinatutako lanbide-heziketa integratu batean aurrera egitea, LHko politika publiko guztientzat komuna den
zuzendaritza-organo batekin, hain zuzen ere, ekainaren 28ko 4/2018 Legearekin bat etorriz.

Ekimena 1. Lanbide-heziketa Euskadiko espezializazio adimenduneko estrategiarekin lerrokatzea, sortzen ari diren erronka sozial eta osasun-erronka
berriei erantzun ahal izateko: bioekonomia, elikadura, jasangarria, ingurune naturala eta itsasoa, biozientziak eta osasuna, ekonomia zirkularra
eta eraikuntza adimenduna zein eraikuntza jasangarria.

Ekimena 2. Lanbide-heziketan inklusibitatea areagotzea, migratzaileen eta ezgaitasunen bat duten pertsonen presentzia sustatuz, horien laneratzea
errazteko.

Ekimena 1. “Eskumen-kontzeptutik” “talentu-kontzepturako” trantsizioa sustatzea, pentsamendu sortzailea garatuz eta Euskadin lanbide-heziketaren talentuaren mapa bat eginez.

Ekimena 2. Erasmus bekak indartzea lanbide-heziketan, ikasleen trebakuntza eta esperientzia hobetze aldera.

Ekimena 3. Enpresen sorkuntza sustatzea lanbide-heziketaren eremuan, “Urratsbat” programa garatuz eskualde-garapenerako agentziekin elkarlanean.

Ekimena 4. Emakumeak lanbide-heziketa industrialean sartzeko berariazko programa bat garatzea, emakumezkoen enpleguaren kalitatea hobetzeko eta
soldata-arraila murrizteko tresna gisa.

Ekimena 1. Enpresa-egiturarekin batera, etorkizuneko ikaskuntzen behatoki bat abian jartzea.

Ekimena 2. Lanbide-heziketako zentroak apurka-apurka berrikuntza eta aldaketa kudeatzeko gai izango diren antolakuntza adimendunak bihurtzea sustatzea.

Ekimena 3. Lanbide-heziketaren eremuan, aurrerapenak sustatzea ikasleen euskarazko eta eleaniztasunezko prestakuntzan, bigarren hezkuntzaren
hizkuntza-jarraitutasuna eta integrazioa lortzen saiatzeko.

Ekimena 4. Lanbide-heziketako irakaskuntzetan, apurka-apurka txertatzea ingelesa erreferentziazko hizkuntza gisa, ikasleen lan-aukeretarako sarbidea eta
enpresen nazioartekotzea errazteko.

Ekimena 1. Europako erakundeekin elkarlanean, LHrekin lotutako nazioarteko ikerketa-proiektuak egitea sustatzea.

Ekimena 2. Euskal LH sistemaren prestakuntza-jardueren eskaintza sustatzea beste herrialde batzuetan.

Ekimena 3. Titulazio bikoitzak eta norabide bikoitzeko transmisioa sustatzea lanbide-heziketaren eta unibertsitatearen artean, apurka-apurka ezarriz baterako azterlan desberdinak ibilbide integratuen testuinguru batean.

Ekimena 1. Giza garapen jasangarria sustatzea, pertsonen prestakuntza indartuz teknologiaren eta ingurumenaren eremuko gaitasunetan eta giza
gaitasunetan.

Ekimena 2. Euskal produkzio-egitura babestea, bereziki, ETEak eta mikroETEak, berrikuntza aplikatuaren eta sistema adimentsuen eremuko garapenean
eta aurrerapenean, Zientzia, Teknologia eta Berrikuntza Plan Estrategikoak ezarritako jarraibideen arabera.

Ekimena 3. Adimenaren, jasangarritasunaren eta konplexutasunaren eremuekin lotutako ekintza desberdinak garatzea.

Ekimena 1. Zientziaren eta unibertsitatearen aldeko itun bat lortzea, erreferentziatzat hartuko dituena ere du europarrik aurreratuenak eta euskal
unibertsitate-ekosistema indartzen lagunduko duena.

Ekimena 2. Bikaintasunerantz orientatzen den eta talentua eta ezagutza aurreratua sortzen laguntzen duen unibertsitate-sistema baten alde egitea, horiek baitira erronka teknologiko-digitalari eta Euskadiren garapen ekonomiko eta sozialari erantzuteko palankak.

Ekimena 1. Unibertsitate-sistemaren plan berria onestea, baliabide publikoak areagotuz. Horrek, baliabide lehiakor eta baliabide pribatuen erakarpena areagotzearekin batera, aukera emango du ikasle bakoitzeko unibertsitate-gastua Europako herrialderik aurreratuenen artean kokatzeko, prestakuntzarako, ikerketarako eta ezagutzaren transferentziarako baliabideak hobetuz.

Ekimena 1. Beken berezko sistema indartzea, ikaslerik ahulenen egoera sozioekonomikoan eta aukera berdintasuneko politikan oinarritutako lehentasun
irizpideak ezarriz.

Ekimena 2. Indartzea unibertsitate-prestakuntzan eta ikerketa zientifikoan gizonezkoen eta emakumezkoen arteko berdintasun erreala bermatzeko
estrategiak, unibertsitatearen eremutik, STEAM Euskadi estrategiaren garapenean lagunduz.

Ekimena 3. Euskarazko prestakuntza eta ikerketa sustatzea.

Ekimena 4. Online prestakuntza-eskaintza bultzatzen duten programak indartzea, euskaraz, gaztelaniaz eta ingelesez.

Ekimena 5. Graduetan eta graduondokoetan titulazio eleaniztunen ezarpena sustatzea.

Ekimena 1. Txandakako prestakuntza dualaren eskaintza handitzea, zehazki, 50 titulazioetaraino.

Ekimena 2. 4Gune klusterraren lana indartzea.

Ekimena 3. Unibertsitate-kluster berri bat abiaraztea Kultura eta Sormen Industrien eremuan.

Ekimena 4. LH+Unibertsitatearen baterako titulazioen eskaintza handitzea.

Ekimena 5. Irakasleen hasierako prestakuntza eta etengabeko prestakuntza sustatzea, prestakuntza dualeko eta lankidetza-ikerketako programen bidez.

Ekimena 1. Unibertsitateko zientziaren eremuan egiten diren I+G inbertsioen urteko batez bestekoa %6 igotzea.

Ekimena 2. Euskal unibertsitate-sistemaren parte-hartzea bultzatzea Zientzia, Teknologia eta Berrikuntzako Plan Estrategiko berrian, zehazki, Zientzia, Teknologia eta Berrikuntzarako Euskal Kontseiluaren bidez. Halaber, ikerketako proiektu europarrak sustatuko dira, bikaintasunezko ikerketa taldeen jarduera , bultzatuz.

Ekimena 3. Doktoregoaren aurreko eta osteko ikertzaileen prestakuntza-programak indartzea, horiek euskal politika zientifikoaren estrategiara egokituz.
Ikerbasquen bidez bikaintasunezko ikertzaileak erakartzea sustatzea, bikaintasunezko ikerketa-taldeen eta Basque Excelence Research
Centers (BERCS) zentroen arteko lankidetza bultzatuz.

Ekimena 1. Bikaintasunezko 100 ikertzaile berri gehitzea Ikerbasquen Research fellows programaren bidez.

Ekimena 2. Bokazio zientifikoak eta emakumearen parte-hartzea eta lidergoa sustatzea Euskadiko espezializazio adimentsuko estrategiaren ardatzetan
zientziarekin lotutako ikerketa-proiektuetan eta ekimenetan.

Ekimena 1. Euskal unibertsitate sistemaren eta bikaintasunezko unibertsitate-sistemen arteko lankidetza sustatzea, arreta berezia jarriz Euskadi-Nafarroa Akitania Berria lankidetzan eta, orokorrean, Europako lankidetzan.

Ekimena 2. Ikasleen nazioarteko mugikortasuna sustatzea egungo beken sistema indartuz.

Ekimena 3. Nazioarteko aipamena duten doktorego-tesiak egitea sustatzea.

Ekimena 4. Nazioarteko ikasleak erakartzeko gaitasuna duten masterren eskaintza handitzea.

Ekimena 5. Euskal unibertsitate-sisteman nazioarteko eskaintza bat izatea, legegintzaldiaren amaierarako, gutxienez ere, nazioarteko aipamena duten 40
titulazio lortuz. Horrekin lotutako beste erronka da irakasleen heren bat nazioarteko titulazioetan irakasteko gai izatea.

Ekimena 1. Mugikortasun Jasangarriari buruzko Lege bat onestea, Lurraldeko Mugikortasun Agintaritza desberdinen eginkizunak finkatzen eta garatze
dituena, Euskadiko Garraioaren Agintaritzarekin koordinazioan. Horren helburua izango da garraio-sistema integratua lortzea, klima-aldaketaren aurkako borrokan eta horren gizarte- eta ingurumen-efektu kaltegarriei aurre egiten laguntzen duena.

Ekimena 2. 2021-2025 Mugikortasun Jasangarriko Plan bat onestea, Euskadiko Garraio Jasangarriaren2030 Plan Zuzentzailean integratuta egongo dena. Horrek mugikortasun jasangarriko eredu berri baten eta berotegi-efektuko gasen emisioetan baxua den garraio baten aldeko apustua
indartuko du, ibilgailu elektrikoa sustatuz ibilgailu elektrikoentzako kargaguneak eta zerga-pizgarriak abiaraziz.

Ekimena 3. Integratutako garraio publiko kolektiboa eta horren intermodalitatea sustatzea tarifa-integrazioarekin eta txartel bakarrarekin, Hiri-mugikortasun Jasangarriko Planen garapena sustatuz tokiko eskalan eta garraio publikoaren erabilera intentsiborako hobariak emanez.

Ekimena 4. Flotak berritzea sustatzea eta birkarga elektrikorako hobariak ematea, ibilgailu elektriko arinen (bizikleta barne) bidezko hiri-mugikortasuna
bultzatzeaz gain.

Ekimena 5. Birkarga elektrikoko azpiegiturak sustatzea eta potentzia altuko birkarga-sarea hirukoiztea, Euskadin birkarga azkarrerako 100 gune lortu arte;
horiek “birkarga azkarreko azpiegituren korridore iberiarrean” zein sare europarrean integratuta egongo dira.

Ekimena 6. Garraio publikoaren elektrifikazioa sustatzea, flotak berritzea azkartuz, zehazki, foru aldundiekin eta udal erakundeekin elkarlanean.

Ekimena 7. Edukiera handiko autobus elektriko adimenduneko proiektuak hedatzea biztanleria-dentsitate altuko hiri-guneetara eta metropoli-guneetara.

Ekimena 8. Gizarte-sentsibilizazioko jarduketak garatzea eta mugikortasun jasangarriaren aldeko gizarte itun bat proposatzea.

Ekimena 1. Euskadin, “European transport networks, TEN-t” salgaien korridore atlantikoaren garapena bultzatzea. Helburu horrekin, Bilboko hegoaldeko trenbide-saihesbidearen eraikuntza eta Bilboko Portuarekiko trenbide-konexioa dinamizatuko dira.

Ekimena 2. Lille-Vitoria-Gasteiz tren-autobidearen garapena sustatzea, Jundizko plataforma multimodala amaituz.

Ekimena 3. Lezoko plataforma logistikoa eta horren trenbide-sarearekiko konexioa garatzea, Pasaiako Portuaren eraginkortasuna hobetzea ahalbidetuz.

Ekimena 4. Zerbitzu industrialeko bokazioa duten azpiegitura logistikoak indartzea, horiek berritzeko eta modernizatzeko plan batekin, trenbide-portuko konexioen hobekuntza barne hartzen duena.

Ekimena 5. Forondako Aireportuaren VIAP plataforma garatzea eta digitalizazioa sustatzea azpiegitura logistikoen kudeaketan.

Ekimena 6. Via Irun Proiektua babestea, hirigintza garatzeko eta gune hori jaregiteko.

Ekimena 1. “Euskal Y” amaitzea, Irun, Donostia, Ezkio, Bilbo eta Gasteizko geltokien eraikuntzarekin.

Ekimena 2. Donostiako lurperatutako trenbide-saihesbidearen obra amaitzea.

Ekimena 3. Loiolako Erriberetako aldageltokia eraikitzea.

Ekimena 4. Topoaren trenbide-azpiegituren hobekuntzak amaitzea Pasaian eta Irunen.

Ekimena 5. Eibar eta Donostia arteko linearen trenbide-azpiegiturak hobetzen amaitzea.

Ekimena 6. Trenbide-trazadura hobetzeko obrak egitea Aginagan, Eibar eta Donostialdea arteko zerbitzuak hobetze aldera.

Ekimena 7. Hiri-nukleotan trenbide-bilbearen baterako existentziarako eta integraziorako ekintzetan aurrera egitea, udalekin horretarako hitzarmenak garatuz.

Ekimena 8. Gasteizen, Salburua eta Zabalganarako hedapenak garatzea.

Ekimena 9. Bilbon, trenbidea Boluetara hedatzea, Abusu auzorako sarbideekin.

Ekimena 10. Metropoli-trenbidearen 4. eta 5. lineen garapenarekin hastea Euskal Trenbide Sarea (ETS) Bilboko Metropoli-trenbidearen Hegoaldeko
Gunearen eta 4. Linearen inguruko Informazio-azterlanaren zein 5. Linearen eta hori Durango-Bilbao-Txorierri trenbide-linean integratzearen
inguruko informazio-azterlanaren gainean egiten ari den informazio-azterlanen ondorioak ezagutzen ditugunean, zehazki, gobernuaren barruan
partekatutako konponbide bat aurkitzeko konpromisotik.

Ekimena 11. Bilbo-Loiu Aireporturako trenbide-konexioan aurrera egitea.

Ekimena 1. Gobernantza Publiko eta Autogobernuko Sailarekin batera, dagokion akordioa lantzea trenbideekin eta aireportuekin lotutako gai eta
zerbitzuen transferentzia egiteko, Gernikako Estatutua osorik betez eta garatuz, Gobernu Kontseiluak 2017ko irailean babestutako eta Eusko Jaurlaritzaren Autogobernuaren Ponentziara bidalitako Euskal Autonomia Erkidegoari egin beharreko Transferentzien Eguneraketari buruzko
2017ko Txostenak jasotako terminoen barruan eta Espainiako Gobernuak formalki 2020ko otsailaren 20an bidalitako Eusko Jaurlaritzak
eskatutako transferentziei buruzko balizko negoziazioetarako kronograma-proposamen orientagarriarekin bat eginez.

Ekimena 1. Euskadiko Bultzatu 2050 Hiri Agenda Berria hedatzea eta ezartzea, maila anitzeko gobernantza-sistema bat garatuz Bultzatu 2050 Foroa
abiaraztearen inguruan.

Ekimena 2. Genero-ikuspegia integratzea hiri-garapenaren eremuan.

Ekimena 3. Hiri-izaera edo dimentsioa duten politika publikoen osagarritasuna eta osotasuna aztertzea eta indartzea.

Ekimena 4. Ebaluazio- eta segimendu-sistema bat ezartzea, Euskadiko egoeraren aldizkako txostenak igorriko dituena eta aurreikusitako helburuen betetze
mailaren irismena ebaluatuko duena.

Ekimena 5. I+G+b prozesuak bultzatzea hiri jasangarrien eremuan.

Ekimena 6. Jarduketa-eremuaren ordenamendu juridiko arautzailea eguneratzea, jasangarritasun-paradigma berrietara egokituz.

Ekimena 1. 2021-2023 Etxebizitza Plan Zuzendari berri bat onestea.

Ekimena 2. Alokairura bideratzea etxebizitza publikoko promozioaren % 100a.

Ekimena 3. Etxebizitzarako eskubide subjektiboaren araudi-garapena burutzea, Diru-sarrerak Bermatzeko Errentaren egungo Etxebizitzarako Prestazio
Osagarritik Etxebizitzaren Legean aurreikusitako etxebizitzarako prestazio ekonomikorako trantsizio eta kudeaketa antolatuak bermatuz. Hori guztia, horretarako egokiak diren akordioen eta zuzkiduren bidez.

Ekimena 4. Araudi-esparrua garatzea bizigarritasun-dekretuari dagokionez; non honekin lotutako oinarrizko irizpideak ezarriko diren: telelanerako
espazioak, osasun-ikuspegia (aireztapena), balkoiak eta familia-kontziliazioa (haurrak eta adinekoak). Horrekin batera, aldi baterako
etxebizitzaren (Ada) araudi- eta kontzeptu-berrikuspena egin beharko da.

Ekimena 5. Etxebizitza publiko berriaren eta zuzkidura-bizitokien promozioa sustatzea.

Ekimena 6. Hutsik dauden etxebizitzen araudi-esparrua garatzea. Merkatuan hutsik dauden etxebizitzak gizarte-alokairurako hartzea sustatzea, Bizigune
Programa eta arrazoizko prezioan alokatzeko ASAP Programa indartuz.

Ekimena 7. Planak eta programak garatzea hutsik dauden lokalak eta lonjak etxebizitza bihurtzeko, hori guztia udalekiko elkarlan estuan.

Ekimena 8. Etxebizitza ordaintzeko laguntzen sistema indartzea eta gizarte-alokairuko parkea handitzea. Babestutako alokairua sustatzeko ekintzak
garatzea, horien promozioa eta etxebizitza pribatuak helburu horretarako mugiaraztea bultzatuz.

Ekimena 9. Aldundiekin eta udalekin elkarlanean, zerga-neurriak artikulatzea, hutsik dagoen parkea murrizteko eta hutsik dauden etxebizitzak alokairu
eskaintzan txertatzea sustatzeko.

Ekimena 10. Hobetzea etxebizitzak esleitzeko prozedurak eta horietarako sarbide-eskakizunak, gizarte-profil desberdineko kolektiboen etxebizitzarako
sarbidea errazte aldera, bereziki, hauena: gazteak, adinekoak, seme-alabak dituzten guraso bakarreko familiak eta genero-indarkeriaren
biktimak, edonola ere, ghettoak sortzea saihestuz.

Ekimena 11. Etxebizitza parke publikoaren kudeaketa aurreratua eta integrala sustatzea, energia-eraginkortasuneko eta digitalizazioko irizpideekin, txirotasun
energetikoari aurre egiteko estrategia barne. Hori guztia etxebizitza parke publikorako berezko kudeatzaile energetiko bat sortuz.

Ekimena 12. Pertsona ahulak babestea utzarazpen-prozeduretan.

Ekimena 13. Eraginkortasuna hobetzea babestutako etxebizitzen parkearen kudeaketan, Alokabideren erkidegoko esku-hartze programa zabalduz eta
hirugarren gizarte-sektorearekiko lankidetza indartuz.

Ekimena 14. Etxebizitzarako sarbiderako aukera berritzaileak abian jartzea, cohousinga, erabilera-lagapeneko kooperatibak eta erosketa eta alokairuaren
arteko bitarteko aukerak garatuz. Horrez gain, ekimen pribatuarekiko eta udalekiko lankidetza indartuko da, eraikinetan eta auzoetan bertan
belaunaldi arteko bizikidetza-formulak sustatzeko.

Ekimena 1. Gazte-etxebizitzako programa berezi bat garatzea, familia-etxebizitzatik emantzipatzea errazteko eta bizitza-proiektu independenteak erabat garatu
ahal izateko.

Ekimena 2. Alokairu-araubideko babeseko etxebizitzaren lehentasunezko erreserba bat ezartzea gazteen kolektiboarentzat.

Ekimena 3. Gaztelagun Programa indartzea, horretan sartzeko betekizunak malgutuz.

Ekimena 4. Gazteek etxebizitza bat lortu ahal izateko aukera berritzaileak abiaraztea, besteak beste, hauek:cohousing, erosteko aukera ematen duten
alokairuak eta partekatutako pisuen programak.

Ekimena 5. Zuzkidura-bizitokiak gazteen kolektibora bideratzea eta proiektu pilotuak garatzea erabilera lagapeneko kooperatibak bezalako gazte
etxebizitzak errazteko, herrialde nordikoen esperientziak kontuan hartuz.

Ekimena 1. Eraikuntza-birgaitzeko estrategia integral baten barruan, birgaitzerako laguntza-programak hobetzea eta handitzea, etxebizitzak eta eraikinak
birgaitzeko Renove Plan berri bat onetsiz, zehazki, irisgarritasuna (igogailuak eta arkitektura-hesiak kentzea) energia-eraginkortasuna
eta kanpo-bizigarritasuna lehenetsiz.

Ekimena 2. Eraikinen Ikuskapen Teknikoak (EIT) egiteko emandako bultzada berritzea.

Ekimena 3. Hutsik dauden etxebizitzak birgaitzeko programak sustatzea, arreta berezia jarriz gazteentzako, 55 urtetik gorakoentzako eta iraupen luzeko
langabeentzako enpleguaren sorkuntzan.

Ekimena 4. Hiri-zaurgarritasunaren Inbentarioa eguneratzea.

Ekimena 5. Etxebizitza, eraikuntza-birgaitze eta hiri-berroneratzeari buruzko 3/2015 Legearen VII. Kapitulua garatzen duen dekretu bat onestea,
birgaitzearen kudeaketa bateratua errazteko, narriatutako eta lehentasunez esku hartzeko guneen adierazpena sinplifikatuz.

Ekimena 6. Arkitektura-berrikuntza eta ikerketa-proiektuak sustatzea eraikuntza jasangarriaren, ekoberrikuntzaren eta energia-eraginkortasunaren
eremuetan, hain zuzen ere, Espezializazio Adimenduneko RIS3 Euskadi Estrategiarekin bat etorriz, zehazki, Hiri-agenda – Bultzatu 2050en
ezarpenaren eta hiri-berroneratze integraleko proiektuen esparruan.

Ekimena 7. Lanbide-heziketa dualaren bidez, prestakuntzako lankidetza-planak abiaraztea, hutsik daudenetxebizitzak birgaitzeko eta gazteentzako enplegua
sortzeko.

Ekimena 8. Euskadiko Epe Luzerako Hiri Berroneratzeko Estrategia lantzea, arreta berezia jarriz honekin lotutako alderdietan: energia-eraginkortasuna,
osasuna bermatzeko baldintzak, erosotasuna edo txirotasun energetikoaren arriskuaren deuseztapena.

Ekimena 9. Etxebizitza berriak ia-ia energia-kontsumorik gabe eraikitzeko 2010/31-Ec Europako Zuzentarauaren (“NZEB-Nearly Zero Energy building”)
parametroen pean eraikitzearen aldeko apustu irmoa egitea.

Ekimena 10. Kudeaketa-entitate baten sorkuntza sustatzea eta horretan parte hartzea (Europako HIROSS4all Proiektuaren garapen gisa); horren misioa
izango da Hiri-berroneratzeko eta Birgaitzeko politika ezartzen eta garatzen laguntzea, bere ekintza Euskadiko lurralde osora hedatuz. Hiri
berroneratze integraleko jarduketak bultzatzea, ingurumen, gizarte, ekonomia, hiri eta gobernantzako alderdiak jorratuz, zehazki, auzo
zaurgarrietan epe luzera esku hartzeko programa baten esparruan.

Ekimena 1. Osasun publikoko gailuen eta osasun-arretako zerbitzuen arteko integrazioa hobetzea.

Ekimena 2. 2021-2028 Osasun Plan berria onestea.

Ekimena 3. Osasun publikoko lege bat onestea, alertako eta erantzun azkarreko sistemak indartzeko, erkidegoaren osasunerako arriskuak prebenitzeko, babesteko eta detektatzeko. Lege berriak osasunarentzako mehatxu berrien araberako Osasun Publikoko zerbitzuak zehaztuko ditu, erkidego-
osasunaren ideia garatuz eta teknologiaren eta ikerketaren aldeko apustua eginez, prebentziozko elementuak eta elementu zuzentzaileak diren aldetik.

Ekimena 4. Fakultatiboen kopurua eta barneko erizaintza egoiliarreko plazak handitzea eta medikuen zein erizainen lana desburokratizatzea.

Ekimena 5. COVID-19aren kutsapenak detektatzeko eta horien segimendua egiteko teknologia berriak ezartzea, Osasunaren Mundu Erakundearen gomendioei
jarraiki eta segimendu-testak egitea bultzatuz lehen mailako arretako zerbitzuetatik.

Ekimena 6. Azpiegitura berriak irekitzea eta behar duten lehen mailako zentroak birmoldatu eta eraberritzea, antzemandako beharren eta horretarako ezarritako
plangintzaren arabera.

Ekimena 7. Osasun Sailak eta Berdintasun, Justizia eta Gizarte Politiketako Sailak eskatuta eta foru aldundiekin eta udalekin elkarlanean, gobernantza
soziosanitarioa arautzeko tresnak garatzea.

Ekimena 1. Osasun-instalazioak eta ekipoak hobetzeko eta modernizatzeko berariazko plan bat onestea legegintzaldi osorako, zehazki, jarduera hauek
aurreikusten dituena: osasun-azpiegituren berritzea; X izpien ekipamenduen eta anestesia-ekipoen berritze mailakatua; bloke kirurgikoak,
endoskopia-gelak, hemodinamikoa, erradioterapia eta ospitaleetako gainerako ekipamendu medikoak eta instalazioak modernizatzea eta
handitzea eta bereizmen handiko zentro bat eraikitzea Tolosan.

Ekimena 1. Osasun-ikerketako plan estrategiko berri bat onestea Zientzia, Teknologia eta Berrikuntzako Plan Estrategikoaren eta Euskadiko RIS3
Espezializazio Adimendunaren Estrategiaren esparruan.

Ekimena 2. Osasun-ikertzaileen estatutu berri bat sustatzea, horien eta sistema zientifiko-teknologikoaren eta enpresa-sistemaren arteko harremana eta
lankidetza errazteko.

Ekimena 3. Osasunaren eremuko I+g erakundeen sareko funtzionamendu koordinatua indartzea, bere egiturasinplifikatuz eta estatu mailako zein nazioarteko
mailako aliantza estrategikoak indartuz.

Ekimena 4. Berariazko laguntza-programa bat abiaraztea, produkzio zientifikoa eta emakumeek osasunikerketan parte hartzea bultzatze aldera.

Ekimena 5. Osasun-ikerketako sistemarekin elkarlanean, kluster biosanitarioa sustatzea.

Ekimena 6. Osasun-ekipamenduekin eta zerbitzuekin lotutako euskal enpresa-egituraren garapena bultzatzea, osasun-sistemaren premiei erantzun hobea
emateko eta osasun-material estrategikoaren produkzioa bermatzeko, baita osasun-materialaren erreserba estrategikoko stocka zehazteko
ere.

Ekimena 1. Osakidetzako langileak berritzea eta horien kopurua zein egonkortasuna handitzea, 2020-2024 aldian 4.000 plaza deituz enplegu-eskaintza
publikoetan; horiei hautaketa eta/edo promozioko prozesuen eredu berriak aplikatuko zaizkie, Eusko Legebiltzarrak onetsitako eta proposatutako
neurriak gehituz, gardentasuna, justizia eta zuzentasuna bermatze aldera.

Ekimena 2. Osakidetzaren egungo lanpostuen zerrenda berrikustea, profesionalen kategoria berriak txertatzeko eta beharrezkoa baino zuzkidura txikiagoa
duten kategorien zuzkidurak areagotzeko,betiere gure inguruko konparazio-parametroekin bat eginez.

Ekimena 3. Fakultatiboen eta erizainen artean, berariazko prestakuntza-programak bultzatzea, bereziki, gaixotasun infekziosoen detekzio, segimendu eta
tratamenduaren ingurukoak.

Ekimena 4. Gai Epidemiologikoetarako Batzorde Iraunkor bat sortzea, Espainiako Gobernuarekin eta Europar Batasunean horretarako eratzen den koordinazio
organismoarekin koordinatuta.

Ekimena 5. Osasun publikoko gailuen eta lehen mailako arretako zerbitzu guztien arteko integrazio eta koordinazio handiagoak bultzatzea.

Ekimena 6. Mugikortasun-sistema ireki bat eta osasun-langileen kontziliazio erantzunkideko programak sustatzea, zehazki, ordutegi-malgutasuneko eta
telelaneko neurriekin.

Ekimena 1. Pazientearen autonomia sustatzea, osasun-profesionalek dagokien informazio, segimendu eta kontroleko protokoloa burutu ostean.

Ekimena 2. Itxarote-zerrendak hobetzeko plana garatzea.

Ekimena 3. Osasunaren Behatoki bat abian jartzea, herritarren osasunari buruzko informazio guztia jardunbide klinikora gehitzea ahalbidetzen duena,
genero-ikuspegia kontuan hartuz. Behatoki honek dagoeneko existitzen diren antolakuntza-egiturak eta giza baliabideen egiturak baliatuko
ditu eta berariazko sail bat izango du, Euskadin suizidioari buruz dauden errealitateen eta datuen segimendua, analisia eta azterlana egiteko,
suizidioa delako hilkortasun-kausarik garrantzitsuenetariko bat. Horrekin batera, estrategia suizidioa prebenitzera zuzenduko da.

Ekimena 4. Osasun mentaleko estrategia berri bat diseinatzea eta garatzea.

Ekimena 5. Bizitzaren amaierako arretari buruzko 11/2016 Legea garatzea eta horren betetze-maila ebaluatzea.

Ekimena 6. Plan bat garatzea COVID-19ari erantzutea lehenesteagatik eta konfinamenduagatik proben eta baheketen garapenean atzerapenak jasan dituzten
gaixoak berreskuratzeko.

Ekimena 7. Mendekotasun berriak prebenitzea eta horien tratamendua sustatzea.

Ekimena 8. Pazientearekiko hurbiltasuna hobetzea, telelaguntzako eta e-osasuneko programekin eta telemedikuntzako eta adimen artifizialeko aplikazio berriak
garatuz, osasun gero eta pertsonalizatuago batean aurrera egiteko.

Ekimena 1. Estrategia integral bat abiaraztea, babes egonkorrak behar dituzten eta bazterkeria-arriskuan dauden pertsonentzako arreta bermatzeko, zehazki,
gizarteratzearen eta esku-hartzearen eremutik.

Ekimena 2. Aurrera egitea lurralde bakoitzean gizarte-zerbitzuen sarea hedatzeko, gizarteratzeko ibilbide desberdinekiko modu koherentean eta integratuan.

Ekimena 1. Etxerik gabeko pertsonekin, energia-txirotasunarekin eta bereziki ahulak diren pertsonei eragiten dizkieten bestelako egoera batzuekin (adinekoak, gazteak, haurrak, ezgaituak...) lotutako prebentzio- eta kudeaketa-jarduketak indartzea, arreta berezia emanez diskriminazio
anitzeko egoerak jasaten dituztenei eta/edo gizarte-babeseko sarerik ez duten pertsonei (nahi gabeko bakardadea...).

Ekimena 2. Europar Batasunaren gomendioei jarraiki, haur-bermeko programa sustatzea, haurren txirotasunaren aurkako estrategia globalaren funtsezko
elementu gisa, ardurapeko seme-alabak dituzten familientzako diru-sarrerak bermatzeko errenta hobetuz.

Ekimena 3. Diskriminazioaren Behatoki bat abiaraztea.

Ekimena 1. Gizarte-zerbitzuen II. Plan Estrategikoa egitea eta gizarte-zerbitzuen erakunde arteko funtsa finkatzea, Gizarte-zerbitzuen eta Prestazioen
Zorroan aurreikusitako prestazioak eta zerbitzuak bermatze aldera.

Ekimena 2. 2015eko Zorroaren Dekretua ebaluatzea eta gizarte-zerbitzuen euskal sistemaren katalogoaren plangintzan, koordinazioan eta araudi
garapenean aurrera egitea, erakunde arduradunek bere eskumenen eta baliabideen arabera adostutako eta hornitutako finantzaketa-eredu
jasangarri bat ezarriz. Halaber, saiatuko da, gizarte-zerbitzuen euskal sistemaren berrikuntzarako, kohesiorako eta kalitaterako erakunde arteko
egungo funtsa, behin baliabideak banatzeko barne-ereduan txertatuta, zaintzen eremuko ikerketarekin, teknologiarekin eta lanpostuen sorre
rarekin eta Europar Batasunak sustatutako proiektuekin lotuta egotea.

Ekimena 3. Gizarte Zerbitzuen euskal sistemaren prestazioen eta zerbitzuen zorroa amaitzea, batez ere, adinekoentzako arretari dagokionez, zaintzaren,
laguntzaren, ostatuaren eta arretaren eremuetan.

Ekimena 4. Adinekoen egoitzak arautzen dituen dekretua egokitzea, zerbitzuak ituntzeko araubidea arautzen duen araudi bat sustatuz, horien
garapenerako baldintza egokiak bermatzeko eta gizarte zerbitzuak egonkortasun, sarbide-eskakizun, hornidura, prezio eta konkurrentziari
dagokienez homogeneoa den esparru egoki batean emateko.

Ekimena 1. Hurbiltasun handieneko prestazioak eta zerbitzuak indartzea, arretako erkidego-ereduan eta kalitatezko boluntariotzaren esparru europarrean
sakonduz, hain zuzen ere, erabiltzaileen parte-hartzearekin eta horien eskubideen errespetutik zein sektoreko profesionalen lanaren
kalitatearen bermetik abiatuta.

Ekimena 2. Programa integral bat abiaraztea gizarteratzerako babesak antolatzeko, hobetzeko eta bermatzeko, zehazki, gizarteratze-hitzarmenen bidez eta
erreferentziazko profesionalak esleituz, betiere diru-sarrerak bermatzeko politikaren eta bestelako politiken (gizarte-zerbitzuak, gizarte-lanekoak,
soziosanitarioak...) arteko osagarritasuneko berariazko premien arabera.

Ekimena 3. Arreta-piramidearen inbertsioaren segimendua egitea eta estrategia integral bat planifikatzea, bere ohiko etxebizitzan bizi diren pertsonentzako
zerbitzuak indartuz, bizitzeko erabateko autonomia bermatzeko.

Ekimena 1. Gizarte-berrikuntzako sistema bat eta I+G+b sistema bat abiaraztea gizarte-zerbitzuen eremuan.

Ekimena 2. Erantzukizun publikoko gizarte-zerbitzuen ebaluazioa indartzea, arreta berezia jarriz pertsona hartzaileengan eta horien familiengan. Aurrekoaz
gain, ezagutzaren sistematizazioa eta transferentzia indartuko dira.

Ekimena 3. Eten digitala murrizten saiatzea.

Ekimena 4. Sustatzea eten digitala murrizten eta etxeko arretarekin eta erabiltzaileen zein horien zaintzaileen eta senideen zaintzarekin lotutako teknologia eta
aplikazio digital berritzaileen sarbidea, garapena eta ezarpena errazten dituzten proiektuak.

Ekimena 1. Euskadi osora hedatzea adinekoekin lagunkoiak diren herrien eta hirien sarea: “Euskadi Lagunkoia Sustraietatik”.

Ekimena 2. “Euskadi Langunkoia Sustraietatik” Sarean integratzea zahartze aktibo eta osasuntsuko estrategia eta baita ere adinekoen talentuaren
garapena, genero-ikuspegia txertatuz, bizitza osoa (bere premiak asetzea) eta berezko gizarte-premiei edo hirugarrenen premiei erantzuteko
prozesuan aktiboki parte hartzea bultzatuz.

Ekimena 3. Proiektu pilotuak garatzea, egokitzapen digitala edo gazteekiko belaunaldi arteko ekintzak bezalako eremuetan zahartze aktiboa sustatzeko.

Ekimena 4. Adineko herritarrak aholkatzea eta ahalduntzea interesatzen zaizkien gaietan eta eremuetan: oinarrizko finantza-prestakuntza, jaraunspenak eta
bizi-testamentua.

Ekimena 5. Zahartze aktiboko indize europarrarekin lerrokatutako zahartze aktiborako euskal estrategia bat onestea.

Ekimena 6. Hirugarren adinerako trantsizioa prestatzeko programa berri bat sustatzea.

Ekimena 7. Gizarteratzeko gutxieneko diru-sarrerak bermatzea egoerarik ahulenean dauden pentsiodunei.

Ekimena 8. Adinekoen talentua baliatzea eta sustatzea, politika publiko guztietan parte har dezaten babestuz.

Ekimena 9. Adinekoen eta gazteen belaunaldi arteko harremana eta solidaritatea indartzen laguntzen duten programak eta jarduerak sustatzea

Ekimena 10. Adineko pertsonen etxebizitzen irisgarritasuna eta energia-eraginkortasuna hobetzea. Ondorio horietarako, irisgarritasun-jarduketak burutzeko
laguntza-programa zehatzak bultzatuko ditugu (igogailuak eta arkitektura-oztopoak kentzea). Baita ere obrak egingo dira horien etxebizitzen
energia-eraginkortasuna hobetzeko eta, beharrezkoa den kasuetan, adinekoek bizitza duin eta egoki batez goza dezaten errazteko.

Ekimena 1. Nahi gabeko bakardadearen aurka borrokatzeko erakunde arteko plan bat abiaraztea aldundiekin, udalekin eta hirugarren gizarte-sektoreko
antolakuntzekin elkarlanean, hain zuzen ere, gizarte-sektore ugariei eragiten dizkieten egoera hauen begirada zabal eta global batetik abiatuta.
Gainera, plan honek etxez etxeko bisitak indartzea jasoko du adinekoen kasurako.

Ekimena 2. Telelaguntzako zerbitzua hedatzea 80 urtetik gorako pertsona guztietara eta, apurka-apurka, 65 urtetik gorakoetara eta, zerbitzu horretatik,
bakarrik dauden pertsonei arreta profesionala emateko berariazko lerro bat abiaraztea.

Ekimena 3. Gizarte-zerbitzuetako profesionalekin koordinazioan, lehen mailako solidaritateko eta gizarte boluntariotzako berariazko programa bat garatzea,
adinekoen gizarte-isolamendua txirotasun, menpekotasun eta/edo gaixotasuneko egoerekin elkartzen den egoerak goiz detektatzeko.

Ekimena 1. Oinarrizko gizarte-zerbitzuak indartzea, adinekoei etxean ematen zaien arreta hobetzeko.

Ekimena 2. Zaintzaileek atseden hartzeko programak indartzea.

Ekimena 3. Bere etxeetan edo egoitzetan bizi diren adinekoentzako arreta soziosanitarioko eredu integral berri bat sustatzea, osasun-laguntzako lehen
mailako sarearekin koordinatuta egongo dena.

Ekimena 4. Zaintzaileak laguntzeko euskal estrategia abian jartzea.

Ekimena 5. Zaintzaileen estatutua onartzea, gizonezkoen erantzunkidetasuna sustatuz adineko senideen zaintzetan, zehazki, sentsibilizazio-, kontziliazio- eta
trebakuntza-neurrien bitartez.

Ekimena 6. Adinekoei arreta emateko bulegoak irekitzea hiru lurralde historikoetan, erakunde eskudunekin koordinatuta.

Ekimena 1. Hiru foru aldundiekin eta udalekin batera, “silver economy” edo zilarrezko ekonomia bultzatzeko programa bat garatzea.

Ekimena 2. Gizarte-berrikuntzako interesguneak finkatzea eta indartzea adinekoentzako arretaren eremuan: Adinberri Gipuzkoan, Nagusi Intelligence Center
Bizkaian eta zahartze aktiboari buruzko Berrikuntza-zentroa Araban.

Ekimena 3. “Silver economy” delakoaren eremuan enpresa-ekimenak eta gizarte-berrikuntza bultzatzea, lerro hori indartuz egungo deialdietan eta laguntza
programetan.

Ekimena 4. Espezializazio Adimenduneko RIS3 Euskadi Euskal Estrategiaren esparruan, ikerketa aplikatuko proiektuak sustatzea adinekoekin lotutako
produktuetan eta zerbitzuetan.

Ekimena 5. Jardunbide kulturalak sustatzea adinekoen artean, garun-jarduera, oreka emozionala, elkarrekintza eta bakardadea indartzeko, bizitza osoagoa
eskainiz.

Ekimena 1. Euskadi osorako familia-politika integratu eta koherente bat bultzatzea, aldundiekin eta udalekin elkarlanean.

Ekimena 2. Seme-alabengatik ematen diren laguntzak apurka-apurka areagotzea eta horien administrazio sinplifikazioa lortzen saiatzea, Europar
Batasunarekiko konbergentzian aurrera egiteko helburuarekin, Familiei Laguntzeko abenduaren 12ko 13/ 2008 Legean aurreikusitakoaren
arabera.

Ekimena 3. Foru aldundiekin batera, hausnarketa bat abiaraztea, seme-alabengatik ematen diren zergakenkariak handitzeko eta progresibitate handiagoko
elementuak txertatzeko familien zerga tratamenduan.

Ekimena 4. Sektore pribatuan, gutxienez 16 asteko aitatasun- eta amatasun-baimen berberak eta besteren ezinak sustatzea, Lan eta Enplegu Sailarekin
lankidetzan.

Ekimena 5. Kontziliazio erantzunkidea indartzea, lan-bizitzaren eta aitatasun positiboaren kontziliazioa sustatzen duten neurriekin, etxeko lanen eta zaintzen
gizonezkoen eta emakumezkoen arteko banaketa zuzen eta berdinkidean aurrera egiteko, Lan eta Enplegu Sailarekin lankidetzan.

Ekimena 6. Gizartean zaintzen ekonomiari ospe ona ematen dioten sentsibilizazio-kanpainak egitea, jarduera ekonomikoan egiten duten ekarpena ikusaraziz.

Ekimena 1. Haurren eta nerabeen eskubideei buruzko lege bat onestea, haurtzaroaren eta nerabezaroaren babes, prebentzio eta sustapeneko sistema
arautze eta garatze aldera.

Ekimena 2. Erakunde arteko protokolo bat onestea, haurren aurkako indarkeriaren detekzio goiztiarra bermatzeko batez ere sexu-abusu eta -esplotazioari
eta haur-esplotazioari dagokienez detekzio eta esku-hartze eraginkorrak ziurtatzeko, kasu guztietan bermatuz biktimaren babesa eta horren
kaltearen konponketa.

Ekimena 3. Haurrak babesteko sareak hedatzea, hirugarren sektoreko antolakuntzen eta sektore publikoaren arteko lankidetza sustatuz.

Ekimena 4. Irakaskuntzan, adin goiztiarretatik, hezkuntza afektibo sexuala lantzea, baita Internetekin lotu tako prebentzioa eta erabilera segurua ere.

Ekimena 1. Migratzaileak integratzeko eredua sendotzea.

Ekimena 2. Euskal gizartearen eta bertako elkarte-egituraren integratzeko potentziala garatzea, giza legezko integrazio egokia finkatze aldera.

Ekimena 3. “Migraziorako Euskal Itun Soziala” hedatzea eta garatzea.

Ekimena 4. Euskadin, Estatuan eta Europan “Share Proposamena” sustatzea, erantzunkidetasun-printzipioa aplikatzeko mekanismo gisa.

Ekimena 5. Kultura eta Hizkuntza Politika Sailarekin elkarlanean, migratzaileentzako harrera kulturaleko planak garatzea, Euskadiko Liburutegi Publikoen
Sarearen bidez, zehazki, migratzaileen kolektiborik handienei berezko eduki kulturalak eskainiz.

Ekimena 1. Euskadira heltzen diren migratzaileak hartzeko euskal eredua onestea eta ezartzea. Eredu hori “Herritarren, kulturartekotasunaren eta
immigrazioaren eremuko VI. Jarduketa-planaren” bidez garatuko da, inplikatutako erakundeen eta gizarte-eragileen lankidetzatik eta Herritar
immigranteen gizarteratzerako eta parte-hartze sozialerako Foroaren bidez.

Ekimena 2. Migratzaileen jatorrizko herrialdeetan pilotu esperientziak sustatzea, migrazio-fluxuen kudea ketan laguntzeko, erakunde eta enpresen arteko
lankidetzako alde biko proiektuak barne hartuz.

Ekimena 3. Migratzaileek Euskadiko lan-merkatuan eta aberastasunaren sorreran egiten duten ekarpena nabarmentzea.

Ekimena 1. Espainiako Gobernuarekin akordio bat gauzatzea, Euskadik errefuxiatu eta nazioarteko babes eskatzaileen harrera eta integraziorako politikak
kudeatzeko.

Ekimena 2. Berezko eskumenen eremuan eta Espainiako Gobernuarekin elkarlanean, harrera eta integraziorako berezko eredu bat zehaztea. Erkidegoko
babesletzaren formulak espazio garrantzitsua izango du eredu horren barruan.

Ekimena 3. Eremu honetako jarduketa koordinatzen duen erakunde arteko mahai soziala finkatzea.

Ekimena 1. Erakunde arteko lankidetza bultzatzea, bakarrik dauden haur migratzaileei behar duten babesa bermatzeko, horrela gizarteratzeko ibilbideak
egin ahal izateko. Gainera, heldutasunerako trantsizioan babesgabetasuna saihesten saiatuko da.

Ekimena 2. Zaurgarritasun-egoeran dauden adingabe eta gazte migratzaileak gizarteratzea eta laneratzea sustatzea.

Ekimena 3. Proposamen bat aurkeztea Espainiako Gobernuari, lan-baimena errazteko migratzaileak 16 urte betetzean, hau da, gainerako nerabeekiko
aukera-berdintasunean.

Ekimena 4. Urtero eguneratzea iragaitzazko migratzaileei arreta humanitarioa emateko kontingentzia-plana.

Ekimena 5. Laguntza-azpiegitura balioaniztunen plan bat egitea, migrazio-errealitate desberdinek sortzen dituzten harrera-premiei erantzuteko.

Ekimena 1. Indarkeria matxistaren prebentzioa eta horren aurkako borroka eta berdintasunaren bultzada berria berariaz aurreikusten dituen Berdintasun Lege
berria onestea.

Ekimena 2. Herritarren gizarte-itun bat proposatzea, berdintasunaren alde eta indarkeria matxistaren aurka.

Ekimena 3. Erakunde arteko akordioa eguneratzea, indarkeria matxistaren biktima diren emakumeentzako arreta hobetzeko eta lehentasunezko, doako eta
kalitatezko arreta integrala bermatzeko biktimei eta horien seme-alabei.

Ekimena 4. Indarkeria matxistaren biktima diren emakumeak identifikatzea sustatzea, gero emakume horiekin esku hartzeko tresna berriak txertatuz.

Ekimena 5. Espedienteen kudeaketa integratua ahalbidetzen duen leihatila bakarra abiaraztea indarkeria matxistaren biktimei arreta eta babesa emateko,
horrela pertsonalizatutako ekintza-programak ezarri ahal izateko.

Ekimena 6. Biktimentzako eta bere seme-alabentzako diru-laguntzen programa eta gizarteratzeko eta laneratzeko programak indartzea, indarkeriarik gabeko
bizitza askea hastea errazteko.

Ekimena 1. Berdintasun-planak bermatzea 50 langile baino gehiagoko enpresetan eta, 50 langile baino gutxiagoko enpresetan, berdintasun-planen negoziazioa
sustatzea, betiere Gizarte Elkarrizketarako Mahaian lortutako akordioei jarraiki.

Ekimena 2. Euskadiko laneko ikuskatzailetzan, berdintasun-unitateak indartzea.

Ekimena 3. Ordutegi-arrazionalizaziorako itun sozial eta politiko bat bultzatzea.

Ekimena 4. Bizitza pertsonala, lana eta familia bateratzea ahalbidetuko duen enpresa-kultura berri bat abiaraztea sustatzea.

Ekimena 5. STEAM bokazioak (zientzia, teknologia, ingeniaritza eta matematikak) indartzea hezkuntzaren eremuko emakume gazteen artean, horrela enpleguaren kalitatea areagotzeko.

Ekimena 6. Emakumeen laneratzea erraztea etorkizunean eskari handiagoa izango duten lanbideetan.

Ekimena 7. Zaintzak berdintasun-politiken erdigunean jartzea, gero eta erantzunkideagoa den gizarte-antolakuntza batean aurrera egiteko eta “kontziliaziotik
erantzunkidetasunerako” trantsizioa egiteko.

Ekimena 1. Berdintasun eta hezkidetzako programak indartzea adin goiztiarretatik eta, zehazki, Hezkidetzarako II. Planaren eta “Nahiko Programaren”
ezarpena indartzea, lau urtetik beherako haurrei zuzendutako material berriekin.

Ekimena 2. Emakumeen elkarte-mugimenduaren eta mundu feministaren ekimenak sustatzea ahalduntze-proiektuetan eta balio-aldaketako proiektuetan.

Ekimena 3. Aurrera egitea intersekzionalitatean, emakume guztien premia desberdinei hobeto erantzuteko.

Ekimena 4. Gizonduz Programa indartzea, gizonezkoen benetako inplikazioa lortzeko berdintasunaren aldeko borrokan.

Ekimena 5. Emakumeen laneratzea sustatzea, horien autonomia ekonomikoa bermatze aldera, bereziki, gizonezkoek egin izan dituzten lanetan.

Ekimena 1. Dibertsitate-berdintasunari eta sexu-orientazioaren ondoriozko bereizkeriaren aurka borrokatzeari buruzko lege integral bat onestea.

Ekimena 2. Transexualak genero-identitateagatik ez baztertzeari eta haien eskubideak aitortzeari buruzko ekainaren 28ko 14/2012 Legearen aldaketa
sustatzea, transexualen eta transgeneroen elkarteekin eta adingabe transexualen familien elkarteekin adostutako akordioei jarraiki.

Ekimena 3. Hezkuntzaren esparruan, eta Hezkuntza sailarekin lankidetzan, sexu- eta familia-aniztasuna onartzea sustatzea, haurrek beren nortasuna eta
sexu-orientazioa askatasunez eta bereizkeriarik gabe gara dezaten.

Ekimena 4. Diskriminazio-egoerak jasaten dituzten LGTBI pertsonak babesteko “Berdindu Programa” indartzea.

Ekimena 5. Programak garatzea, bere sexu-orientazioagatik, pertsonen osasuna gutxitzen duten kalteak eta bestelako gizarte-faktoreak murrizteko.

Ekimena 1. Justiziaren Plan Estrategiko bat onestea, pertsonengan zentratutako justizia arina, eraginkorra eta digitalizatua eraikitzeko parametroak ezarriko
dituena.

Ekimena 2. Bulego judizial berriaren ezarpena bultzatzea, dagoeneko abian dauden bulegoen ebaluazioa egin ostean.

Ekimena 3. Azpiegitura judizialen programa integral bat egikaritzea, energia-eraginkortasuna, mugikortasun jasangarria eta irisgarritasun unibertsala kontuan
hartzen dituena.

Ekimena 4. Justizia-administrazioko langileen baldintzak hobetzea, lan-baldintzen IV. akordioa garatuz, lanpostuen zerrendaren balorazioa amaitzeko, behin
behinekotasun tasa baxuak mantentzeko eta prestakuntza- eta ordainsari-planak sustatzeko.

Ekimena 5. Auzitegiko Medikuntzako Euskal Institutua Modernizatzea.

Ekimena 6. Sistema judizialaren zabalkundea sustatzea “Justizian heztea” programaren bidez.

Ekimena 1. Justizia Digitaleko Plan berri bat onestea, epaitegi eta auzitegien digitalizazio integrala lortzeko, espediente judizial elektronikoa amaitzeko, izapide
digitalak egoitza judizial elektronikoaren bidez garatzeko eta bideo-konferentzien bidez jarduketak sustatzeko.

Ekimena 2. Hurbiltasuneko justizia indartzea, bake-epaitegietan baliabide materialak eta giza baliabideak areagotuz.

Ekimena 3. “Familiarteko topaguneen” handipen- eta deskontzentrazio-prozesua indartzea, udalekin dagozkien hitzarmenak sinatuz.

Ekimena 4. Udalekin eta beste operadore juridiko batzuekin, hausnarketa bat garatzea Euskadiko egungo mugaketa- eta barruti-egituraren inguruan.

Ekimena 1. Justizia babesteko zerbitzuen hedapena eta horietarako orientazioa sustatzea, hain zuzen ere, zerbitzu-kartak garatuz.

Ekimena 2. Justizia errestauratiboko zerbitzua indartzea, gatazkak ebazteko bestelako bitartekoak sustatzeko eta finkatzeko plan baten ezarpenarekin.

Ekimena 3. Bitartekaritza judizialaren doakotasuna bermatzea.

Ekimena 4. Justizia errestauratiboa finkatzea zigor- eta familia-ordenetan.

Ekimena 5. Negoziazio- edo bitartekaritza-praktikak sustatzea jurisdikzio-ordena hauetan: administrazioarekiko auziena, soziala eta zibila.

Ekimena 6. Aurrera egitea hizkuntza-normalizaziorako planean, Euskadiko hizkuntza ofiziala den aldetik, herritarrak justiziaren eremuan euskara erabiltzeko
duten eskubidea betearazteko.

Ekimena 7. Gazte Justiziaren V. Plana onestea, gatazken ebazpenean bitartekaritzaren, kontziliazioaren eta konponketaren alde egiten duen gazte justiziako
euskal zerbitzu bat garatuz, gazteen berrerortze-tasa murrizteko eta % 15aren azpitik kokatzeko xedearekin.

Ekimena 8. Plaza nahikoak daudela ziurtatzea, zigor-arloko legea urratu duten adingabeei judizialki ezarritako neurri guztiei erantzuteko.

Ekimena 9. Kanpoko profesionalek aldizka ikuskatzea adingabe arau-hausleak barneratzeko hezkuntzazentroen funtzionamendu-sistemak eta langileen lana.

Ekimena 10. Fiskaltzaren eta polizia judizialaren jarduketa-unitatea indartzea desagertutako pertsonei dagokienez.

Ekimena 11. Jarduera judiziala berraktibatzeko jarduketa-plan bat ezartzea, horrela COVID-19aren ondorioei aurre egiteko.

Ekimena 12. Arreta berezia ematea indarkeria matxistaren biktimei, Emakumearen aurkako Indarkeriaren aurrean jartudeto Plana garatuz.

Ekimena 13. Auzitegiko balorazio integralerako unitateen jarduketa eta talde psikosozialak indartzea, arriskuaren detekzio goiztiarrerako eta adingabeen
egoeraren inguruko balorazio eraginkorra egiteko indarkeria matxistako kasuetan.

Ekimena 14. Justiziaren zerbitzu guztiak egokitzea Istanbuleko Hitzarmenak jasotzen duen emakumearen aurkako indarkeriaren definiziora.

Ekimena 15. Epaitegietan berariazko atal bat abiaraztea indarkeria matxistaren biktimei arreta emateko, langile eta materialaren zuzkidura nahikoarekin, horrela
biktima horiei indarkeria ororen aurkako babes integrala ematea lortzeko.

Ekimena 16. Emakumearen aurkako indarkeriaren aurrean jarduteko plana garatzea, erakunde arteko koordinazioa indartzeko, emakumeen aurkako
indarkeriako epaitegietako langileen prestakuntza hobetzeko eta biktimei informazioa, arreta eta laguntza emateko zerbitzu integralak indartzeko
eta instalazioak egokitzeko (Zurekin Programa).

Ekimena 1. Berrestea gure konpromisoa ETAren, GALen eta bestelako taldeen biktimei zein polizia-abusuen biktimei dagozkien egia, justizia, memoria,
konponketa eta solidaritateko eskubideekin. Hori guztia parekatzerik eta bazterketarik gabe eta edozein terrorismo- edo indarkeria-forma
justifikatzeko edo testuinguruan kokatzeko teoria oro ukatuz.

Ekimena 2. Terrorismoaren Biktimei Aitorpena eta Erreparazioa egiteko 4/2008 Euskal Legea garatzea eta biktimak eta gizartea bizikidetzarako eta
etorkizunerako elkartzeko Batera Proiektua sustatzea.

Ekimena 3. Nagusikeria-abusuak eragindako giza eskubideen urraketen biktimei aitorpena eta konponketa egiteko 12/2016 Legea garatzea.

Ekimena 4. Erabat argitu ez diren kasuen errealitatea nabarmentzea. Horiek argitu arte, aitorpen-esfortzu gehigarria merezi dute.

Ekimena 1. Memoria kritikoarekiko konpromisoa iraganeko edozein terrorismo- edo indarkeria-formaren legitimazio, konpentsazio edo minimizazio ukatuz eta
orain edo etorkizunean gertakari berberak errepikatzea irmoki aurkatuz gauzatzen da. Hala, memoria hori bizikidetza-proiektu sozial bat
partekatzera bideratuko da eta terrorismoak eta motibazio politikoko bestelako indarkeria batzuek eragindako bidegabekeria aitortzean
oinarrituko da.

Ekimena 2. Gogora 2021-24 Jarduketa-plana onestea eta bere dibulgazio-, ikerketa- eta kudeaketa-baliabideak finkatzea.

Ekimena 3. Gogoraren egoitzako eta Gernikako Bonbardaketaren Museoko erakusketa-proiektuak zein Gasteizko martxoaren 3aren inguruko erakusketak
integratzea.

Ekimena 4. Zeharkako irismena eta zentzu etikoa dituen bizikidetzaren inguruko itun sozial bat garatzea, premisa honetan oinarrituko dena: ez zegoen, ez dago
eta ez da egongo terrorismoa edo eskubideen beste edozein urraketa justifikatzeko arrazoi politikorik.

Ekimena 5. Euskadiko Memoria Historiko eta Demokratikoaren Legea onartzea, erreferentziatzat hartuz aurreko legegintzaldian aurkeztutako zirriborroa.

Ekimena 1. Gure konpromisoa garatzea indibidualizazio, humanitate, eragindako kaltearen konponketa eta birgizarteratzeko lege-printzipioen promozio
aktiboan oinarritutako espetxe-politika batekin. Hain zuzen ere, horren ondorioetako bat da presoak bere familia-ingurunearengandik hurbilago
dauden espetxeetara lekuz aldatzea babestea, Konstituzioak eta espetxe-legezkotasunak orientatutako terminoetan.

Konpromiso hau bideratzea espetxe-politikan eskuduna den Espainiako Gobernuarekiko elkarrizketaren eta lankidetzaren bidez. Izan ere horren
funtsezko orientazioa birgizarteratzea izan behar da; lehentasunez kudeatu behar ditu gizakiengan eta osasunarengan eraginik handiena
duten arazoak eta presoak bere familia-ingurunearengandik hurbil dauden espetxeetara hurbiltzea erraztu behar du, Konstituzioak eta espetxe
legezkotasunak orientatutako terminoetan.

Ekimena 2. Espetxeen kudeaketa EAEra transferitzea aurreikustea, Gernikako Estatutua osorik betez eta garatuz, Gobernu Kontseiluak 2017ko irailean
babestutako eta Eusko Jaurlaritzaren Autogobernuaren Ponentziara bidalitako Euskal Autonomia Erkidegoari egin beharreko Transferentzien
Eguneraketari buruzko 2017ko Txostenak jasotako terminoen barruan eta Espainiako Gobernuak formalki 2020ko otsailaren 20an bidalitako
Eusko Jaurlaritzak eskatutako transferentziei buruzko balizko negoziazioetarako kronograma-proposamen orientagarriarekin edo horren
adostutako eguneraketekin bat eginez.

Ekimena 1. Hezkuntza eta Giza Eskubideen Esparru-programaren bidez, hezkuntzaren eremuko Giza Eskubideen aldeko dibulgazio-ekimenen programa
antolatzea.

Ekimena 2. Giza Eskubideen aldeko Pedagogia-baliabideen Aieteko “Eskura” Zentroa finkatzea.

Ekimena 3. Dibertsitate erlijiosoaren kudeaketa positiboa bultzatzea, Gurtzarako zentroei buruzko Legea onetsiz.

Ekimena 4. Erlijio arteko kontseilua sortzea.

Ekimena 5. “ADOS Batzordearen” jarduketa-programa garatzea.

Ekimena 6. Erradikalizazio biolentoaren prebentziorako gizarte-hezkuntzako Uztartu programa hedatzea.

Ekimena 7. Nazioarteko bakera laguntzeko euskal programa bat garatzea.

Ekimena 8. Giza eskubideen defendatzaileen programak babesteko ekimenak mantentzea.

Ekimena 9. Etikasi Programaren esparruan, Euskadiko Gazteriaren Kontseiluarekin elkarlanean aritzea, giza eskubideen gaineko sentsibilizazioan eta
kontzientziazioan.

Ekimena 10. Gazteentzako hezkuntza-bisitak antolatzea gerrak edo indarkeriako bestelako esperientzia traumatikoek markatutako Europako hirietara.

Ekimena 1. Lankidetzarako euskal eragile tradizionalen (GGKE) gaitasunak indartzea eta garapenerako eragile berrien arteko aliantzak bultzatzea, horien papera funtsezkoa delako Euskadiko garapenerako lankidetza hedatzeko eta finkatzeko. Helburua da lankidetza teknikoko eta itunpeko lankidetzako esperientzia berriak garatzea, nazioarteko lankidetzarako babesa eusten duen gizarte- oinarria zabaltzen dutenak. Zentzu horretan, dagoeneko abian dauden ekimen ezagunak (auzolankide) hartuko dira erreferentziatzat.

Ekimena 1. Eusko Jaurlaritzaren politiketan giza eskubideetan, genero-berdintasunean eta garapenerako politiken koherentzian oinarritutako zeharkako ikuspegia garatzea. Konpromisoa Garapenerako Lankidetzaren Euskal Lege berri bat eginez eta onetsiz gauzatuko da. Garapenerako LankidetzarenV. Plan Zuzentzailea onartuko da ikuspegi hauekin: Afrika indartuz; garapenerako politiken koherentzia erreal bateranzko bultzada irmoa; Eusko Jaurlaritzako sail desberdinak bere jarduketa-eremuekin lotutako lankidetza-ekimenetan sartzeko ekintza zehatzen sustapena eta
erakundeen barneko zein erakunde arteko koordinazioa, bereziki sakonduz Euskal Fondoarekiko.
aliantzan

Ekimena 1. “HABIAN 2030” Estrategia finkatzea.

Ekimena 1. Garapenerako Lankidetzarako Euskal Agentziaren paper aktiboa indartzea, Europa mailako lankidetza deszentralizatuaren berezko ereduaren sustatzailea gisa.

Ekimena 1. Kulturaren sorkuntzarako eta produkziorako babes publikoa mantentzea eta eguneratzea, bereziki.sustatuz euskarazko kultura eta emakumeen ahalduntzea sorkuntzaren eta kulturaren eremuan.

Ekimena 2. Kulturaren arloko profesionalen lan-baldintzak hobetzea, zerga-araudia lan kulturalaren berezitasunera egokituz eta zerga-pizgarriak aplikatuz, baita lanbide hori garatzea errazten duten mezenasgoko eta mikro mezenasgoko formulak ere, foru aldundiekin elkarlanean.

Ekimena 3. Kulturaren arloko profesionalen kontratazioan jardunbide egokien kodeak zehaztea, adostea eta ezartzea, kultura-politiketan erantzunkideak diren gainerako euskal erakundeekin elkarlanean.

Ekimena 4. Kulturaren arloko sormen, bitartekaritza edo alderdi teknikoekin lotutako profesionalen ibilbidea
baliozkotzea sustatzea, bere ekarpena egiteko irakaskuntza arautuari eta, batez ere, lanbideirakaskuntzari
(Hezkuntza Sailarekin eta Lan eta Enplegu Sailarekin elkarlanean).

Ekimena 5. Kulturaren eta sormenaren sektoreko langile autonomoen eta mikroETEen kudeaketa-prestakuntza indartzea eta eragile kulturalen ekintzailetza babestea horien laneratzea erraztuz, bere jardueraren berezitasunetatik, zehazki, Lana eta Enpleguaren eta Garapen Ekonomikoa, Jasangarritasuna eta Ingurumenaren arloetan eskudunak diren sailekin elkarlanean.

Ekimena 6. Gaitasun sortzaileak sustatzea haurtzaroan, nerabezaroan eta gazterian eta diziplina artistiko desberdinekiko harreman goiztiarra bultzatzea, hezkuntza-sisteman sormen artistikoa eta kulturala ezagutzeko programak abiaraziz, zehazki, Hezkuntza Sailaren, hezkuntza-erkidegoaren,
gurasoen elkarteen eta bestelako euskal erakunde publiko batzuen arteko adostasunarekin.

Ekimena 7. Emakumeen ahalduntzea erraztea kultur sorkuntzan eta produkzioan eta imajinario kolektiboaren eraikuntzan egiten duten ekarpenaren garrantzia ikusaraztea, Emakunderekin eta Berdintasun, Justizia eta Gizarte Politiketako Sailarekin elkarlanean.

Ekimena 8. Erakunde publikoen arteko elkarrizketarako bideak berriz zehaztea eta hobetzea, HAKOBA Kultura indartuz. Horrez gain, egitura kulturalarekiko elkarrizketarako bideak zehaztu eta hobetuko dira, Kulturaren Euskal Kontseiluaren, Kultura Auzolanean tresnaren eta Industria Kultural
eta Sortzaileen pilotatze-estrategien bitartez, pandemiaren ondorioak arintzean elkarrekin lan egiteko helburuarekin.

Ekimena 1. Nazioarteko proiekzioa duen artearen euskal sistema eratzea, museoen, arte-zentroen, prestakuntza- espazioen, sormen- eta hausnarketa-espazioen, galerien eta egitura sortzailearen arteko lankidetza eta osagarritasuna indartuz.

Ekimena 2. Euskadiko museoen sarearen eredua berritzea, bere potentziala modu eraginkorragoan eta koordinatuagoan kudeatzeko xedearekin.

Ekimena 3. Irakurketa eta Liburua Sustatzeko Euskal Plana zehaztea eta ezartzea, erakunde arteko lankidetzan
eta hezkuntzaren zein gizartearen arloko eragileekin elkarlanean.

Ekimena 4. Euskal hiriburuekiko elkarlanean, antzerki, dantza, literatura eta musikako jaialdiak eta zirkuitu kulturalak nazioartekotzea bultzatzea, horietan tokiko artisten presentzia sustatuz.

Ekimena 5. Kontsumo kulturala eta horretaz gozatzea bultzatzeko politikak indartzea, tokiko enpresak eta saltokiak babesteko, zinema-aretoetatik eta zuzeneko musikatik liburutegietara, zehazki, Euskadiko gainerako erakunde publikoekiko koordinazioan.

Ekimena 6. Euskadiko Irakurketa Publikoko Sarea handitzen eta euskal liburutegien katalogo kolektiboa aberasten jarraitzea.

Ekimena 1. Euskadiko dokumentu ondarea babestea eta nabarmentzea, horretarako Euskadiko Dokumentu Kudeaketa Integralaren eta Dokumentu Ondarearen Legea onetsiz.

Ekimena 2. Ondare ukiezinaren babesa eta nabarmentzea artikulatzea, Ondare Kulturalaren Legea garatuz, arreta berezia jarriz emakumeen legatua ikusaraztean eta nabarmentzean.

Ekimena 3. Aurrera egitea Euskadiren ondare industrialaren babesean eta sozializazioan, publikoarentzako irekiz La Orconerako (Barakaldo) Euskadiko Ondare Industrialaren Zentroa eta lankidetza-ildoak ezarriz herrialdeko gainerako erakundeekin, ondare hori Euskadin eta Euskaditik kanpo
nabarmentzeko, gure bereizgarrietako bat delako.

Ekimena 1. Trantsizio digitala sustatzea politika kulturaletako lehentasunezko lan-ildo gisa, produkzio kulturala, horren ikusgarritasuna eta programatzaile publikoen, sormen-egituraren eta herritarren ekimenen arteko interkonektibitatea errazteko.

Ekimena 2. Sektore kulturaleko trebetasun digitalak eta enpresa-gaitasunak eta Kultura eta Sormen Industrien aldeko apustua indartzea, Euskadi Europako erreferentziazko lurraldea bihurtzeko helburuarekin, Basque District of Culture and Creativity barrutia eta “Euskadi Sortzailea” marka
finkatuz.

Ekimena 3. Euskadiko erakunde, ekipamendu kultural eta sormen-eragile guztiek partekatutako proiektu batean, Euskal Kulturaren Atari Digitala (Euskariana) –Liburutegi Nazional Digitaleko eredu berritzaile bat – abian jartzea eta garatzea, Europako Liburutegi Digitalarekin (Europeana) lotutako euskal kulturaren alderdi guztietarako sarbide-plataforma bateratu gisa.

Ekimena 4. Maileguko Liburutegi Digitala (eLiburutegia) garatzea, Euskal Kulturaren Atarira lotuz eta ikusentzunezko edukien eta soinu- eta hezkuntza-edukien eskaintza handituz.

Ekimena 1. Etxepare Euskal Institutuaren bidez, euskara eta euskal kultura irakasteko programak indartzea unibertsitateetako katedren eta irakurletzen sarearen eta Euskara Munduan programaren bitartez, euskal artistek nazioarteko programazioetan eta jaialdietan parte hartuz eta atzerrian
jarduera kulturalak produzituz.

Ekimena 2. Etxepare Euskal Institutuaren bidez, alde biko programa kulturalak garatzea Euskadirentzat estrategikoak diren herrialde eta eskualdeekin, kultura-trukea eta euskal sortzaileen atzerriko presentzia indartuz.

Ekimena 3. Euskadira, besteak beste, nazioarteko komisarioak, programatzaileak eta editoreak erakartzeko programak garatzea, euskal sormen-egitura hobeto ezagutzeko.

Ekimena 4. Diplomazia kulturala indartzea, Etxepare Euskal Institutuaren eta bestelako nazioarteko institutuen arteko koordinazioaren bidez eta horiek nazioarteko sareetan eta foroetan parte hartuz.

Ekimena 5. Euskadiko industria kulturalen parte-hartzea indartzea nazioarteko azoka eta merkatuetan, zehazki, Kultura Sustatzeko Zuzendaritzaren bidez eta lan hori Etxepare Euskal Institutuak produzitutako zabalkunde eta promozio kulturaleko ekintzekin indartuz.

Ekimena 1. EiTB euskal gizarte osoarentzako erreferentzia, lidergo eta osperik handieneko komunikaziotalde gisa finkatzea eta indartzea, kalitatezko eskaintza bereizgarrian zentratutako zerbitzu publiko gisa. Horrez gain, EiTBk bere profesionalen gaitasunen alde egin beharko du eta euskal
ikus-entzunezko industriaren motorra zein aniztasunaren bermea izango da.

Ekimena 2. Beharrezko erreformak burutzea, EiTB benetako zerbitzu publikoa izan dadin, ikus-entzunezkoa, modernoa eta herritarren premia eta eskari berrietara egokitutakoa, objektiboa, lehiakorra eta eraginkorra. Hala, horren oinarrizko helburuetako bat izango da errealitate soziolinguistikoa
kontuan hartzea eta euskararen normalizazioa sustatzea, berdintasun-printzipioa eta aniztasun politikoa, erlijiosoa eta kulturala errespetatuz.

Ekimena 3. Erreforma horiek egiteko, XI. Legegintzaldiko Eusko Legebiltzarraren berariazko ponentzian hasitako bidean jarraitzeko konpromisoa hartzea, presidentetzak proposatutako testuari jarraiki.

Ekimena 4. Inguruabar ekonomikoetara egokitutako programa-kontratu berria sinatzea, ebalua daitezkeen irizpideekin zehazten dituena EiTB zerbitzu publikoak bermatu behar dituen helburuak.

Ekimena 1. Indarreko Euskara Sustatzeko Ekintza Planaren (ESEP) ebaluazioa egitea eta, gizarte-eragile nagusiekin, hurrengo aldirako hizkuntza politika zehaztuko duen plangintza egitea eta adostea.

Ekimena 2. Legegintzaldi honetako Euskararen Agenda Estrategikoa onestea eta garatzea.

Ekimena 3. Euskararen ezagutza handitzeko programak eta laguntzak areagotzea, oro har, egiaztatutako B2 mailara arteko doakotasuna ezarriz eta C1 mailara arteko doakotasuna eskainiz 16 eta 30 urte bitartekoentzat.

Ekimena 4. Helduen kontziliazio-premietara hobeto egokitutako eskaintza bat sustatzea, ikaskuntza-modalitate erdipresentzialen bidez eta plataforma birtualen erabileraren bidez, betiere euskaltegiekin elkarlanean.

Ekimena 5. Helduen euskalduntze-sistemaren finantziazioa indartzea eta handitzea, irakasleen lan-baldintzak hobetzeko euskaltegien finantziaziorako ohiko deialdien bidez

Ekimena 6. Migratzaileei zuzendutako euskara ikasteko eta hobetzeko programak areagotzea, bai eremu sozioekonomikoan, bai hezkuntzaren eremuan, horien gizarteratzean eta laneratzean laguntzeko xedearekin.

Ekimena 7. Euskaraldia bezalako euskararen erabilera sustatzeko programak indartzea, bai eremu formalean, bai eremu ez-formalean: aisialdia, gizarte-hedabideak, kirola, familia, hezkuntza-sistema, kultura, etab.

Ekimena 8. Hizkuntzaren Teknologien Plana onestea eta garatzea eta euskararen presentzia, euskarazko edukien sorkuntza eta horien ingurune digitaleko erabilera sustatzea.

Ekimena 9. Garatzea Euskara Eremu Sozioekonomikoan Normalizatzeko Plan Estrategikoa 2020-2023.

Ekimena 10. Adostasunetik abiatuta, herritarrei euskara bizitzaren eremu guzietan erabiltzea ahalbidetzen dieten hitzaldi positiboak eta gizarte-aktibazioa lantzea. Horretarako, euskararen zeharkakotasuna azpimarratuko da eta gobernuaren sail eta arlo guztien, sektore publikoaren eta, orokorrean,
gizartearen inplikazioan sakonduko da (industria, berdintasuna, lanbide-heziketa, unibertsitatea, merkataritza, turismoa, etab.). Erakunde arteko lankidetzatik lan egingo da.

Ekimena 11. Hizkuntza gutxituaren ezagutzari eta erabilerari dagokienez, gizarte-eremu desberdinen analisia bermatzen duten ikerketak sustatzea eta Euskararen Adierazle Sistema elikatzen jarraitzea.

Ekimena 1. Administrazio publikoetan Euskara Normalizatzeko VII. Plana (2023-2027) diseinatzea eta ezartzea, herritarrek administrazioarekin duten harremanean hizkuntza-eskubideak errespetatzeko helburuarekin; edonola ere, pertsonek nahi duten hizkuntza ofiziala erabiltzeko daukaten erabateko askatasuna bermatuko da. Planaren beste xede bat izango da euskararen erabileraren normalizazioan aurrera egitea, hain zuzen ere, sektore publikoaren lanerako hizkuntza gisa.

Ekimena 2. Administrazio publikoetan euskararen erabilera sustatzeko dekretu bat onestea.

Ekimena 3. Sozietate publikoentzako normalizazio-plana abiaraztea.

Ekimena 4. BIKAIN-Euskararen Kalitate Ziurtagiria sustatzea eta beharrezko egokitzapenak egitea horren eraginkortasuna handitzeko.

Ekimena 5. Urratsak ematen jarraitzea Elebide zerbitzuaren bidez herritarren hizkuntza-eskubideak bermatzeko.

Ekimena 6. Neurriak hartzea kontsumitzaileen eta erabiltzaileen hizkuntza-eskubideak bermatzeko eta sektoreko eragileekin adostasunak lortzeko.

Ekimena 1. Erakunde arteko eta EAEko eragile pribatuekiko lankidetza eta koordinazioa indartzea koordinazio- organo desberdinen bidez (Euskararen Aholku Batzordea eta HAKOBA).

Ekimena 2. Euskararen lurraldeen arteko lankidetza eta elkarlana indartzea, 2017an adostutako Hiruko Itunaren bidez.

Ekimena 3. Hizkuntza politikak koordinatzea euskararen erabilera komuna eta nagusia den eremu geografikoetako erakunde publiko eta pribatu desberdinen artean, hizkuntza-errealitate hori finkatzeko
eta indartzeko.

Ekimena 4. Nazioartean hizkuntza desberdinen arteko lankidetza sustatzea, eleaniztasunarekin eta hizkuntzen arteko bizikidetzarekin lotutako nazioarteko programetan eta foroetan parte hartuz.

Ekimena 1. Kirol-txartel bakarraren eredua hedatzea Euskadi osora, herritarrek jarduera fisikoa egitea sustatzeko tresna gisa, zehazki, kirol-instalazio publikoen erabileraren bidez.

Ekimena 2. Kirol-jarduera Mugiment proiektuaren bidez sustatzeko helburua duten programak indartzea, batez ere, txikien eta adinekoen artean.

Ekimena 1. Maila guztietako kirolean eta kirolaren eremuko erabaki- eta ordezkaritza-organoetan emakumeak babesteko eta ikusarazteko programak indartzea, baita emakumezkoen kirol-politiketan Europa mailan erreferentziazkoa den zentro aurreratu bat abiaraztea ere.

Ekimena 2. Neurriak garatzea kirol inklusiboa eta egokitua babesteko, pertsona desgaituei edo dibertsitate funtzionala duten pertsonei jarduera fisikorako-kirolerako sarbidea bermatuz eremu guztietan.

Ekimena 3. Euskararen presentzia eta erabilera indartzea kirol-espazioetan eta jarduera fisikoko espazioetan, aisialdia eta errealizazio pertsonala euskararekin lotzeko ingurune egokia delako. Era berean, euskal kirolarien hizkuntza-eskubideak defendatzeko lan egingo dugu.

Ekimena 1. Foru aldundiekin elkarlanean, euskal federazio-sistema berrantolatzea, horren kudeaketaren eraginkortasuna areagotzeko eta kirolean duen eragina handitzeko.

Ekimena 2. Euskal Autonomia Erkidegoan Kirol arloko Lanbideetan Sartzeari eta Jarduteari buruzko Legea onestea.

Ekimena 3. Jarduera fisikoaren eta kirolaren lege berri bat onestea, sektorearen erronkei eta premiei erantzungo diena.

Ekimena 4. Dopinaren aurkako egungo legea Dopinaren kontrako Mundu Agentziaren kode berrietara egokitzea eta Dopinaren kontrako Euskal Agentziaren erreferentziazko izaera indartzea.