Ekimena 1. 2030erako inbertsio-plan bat egitea, gainerako erakundeekin hitz egiteko eta lankidetzan aritzeko esparru batean, Lehen Mailako Arretako eta ospitale-sistemako azpiegiturak modernizatu eta handitzeko eta ekipamenduak berritzeko. Besteak beste, Basurtuko, Usansolo-Galdakaoko, Donostiako, Txagorritxuko (II. fasea eta aparkalekua), Zumarragako eta Arrasateko ospitaleak handitzea eta Tolosan ospitalea eraikitzea aurreikusiko da. Gainera, Iurretan zentro logistikoa jarriko da martxan, eta Lehen Mailako Arretako azpiegitura berriak modernizatu eta eraikiko dira, besteak beste, Durangon, Irunen, Laudion, Donostian, Gasteizen eta Bilbon.