Ekimena 1. Espainiako Gobernuarekin batera lan egitea, transferitu gabe dauden eskumenen, gaien eta zerbitzuen inguruko negoziazioak gauzatzeko. Gernikako Estatutua osorik betetzeko konpromisoarekin bat etorriz, Espainiako Gobernuaren Kontseiluak 2020ko urtarrilean onartu eta urte bereko urrian berretsi zuen bezala, transferitzeke dauden gaiei dagozkien eskualdaketak negoziatu eta egitea. Alde horretatik, Bitariko Batzordearen barruan landuko da aipatutako materia-zerbitzuak transferitzeko dagokion akordioa, Euskal Autonomia Erkidegoari egin beharreko transferentziak eguneratzeari buruzko txostenean jasotako baldintzen barruan eta eskatutako eskualdatzeei buruz adostutako negoziazio-zerrendan oinarrituta, bi alderdiek 2023ko azaroaren 10ean ezarritako epeetan.

Garapen Jasangarrirako Helburuak (GJH)

Jarduerak ordena kronologikoaren arabera (20)

Data	Jarduera
2026/04/29	60/2026 Dekretua, apirilaren 29koa, zeinaren bidez formalizatzen baita Transferentzien Batzorde Mistoaren erabakia, espetxe-arloko estatu-legeak betearazteko esparruan ekainaren 29ko 474/2021 Errege Dekretuaren bitartez Euskal Autonomia Erkidegoari eskualdatu zitzaizkion Estatuko Administrazioaren eginkizun eta zerbitzuei atxikitako ondare-baliabideak aldatzen dituena.
2026/04/22	Aireportuen Aldebiko Organoa ofizialki eratu da. Informazio gehiago: https://www.irekia.euskadi.eus/eu/news/109678
2026/03/03	22/2026 Dekretua, martxoaren 3koa, zeinaren bidez formalizatzen baita Transferentzien Batzorde Mistoaren Erabakia, eskola-aseguruko osasun-prestazioen kudeaketari atxikitako eta uztailaren 14ko 667/2020 Errege Dekretuaren bidez Euskal Autonomia Erkidegoari eskualdatutako bitartekoak aldatzen dituena.
2026/03/03	25/2026 Dekretua, martxoaren 3koa, zeinaren bidez formalizatzen den Transferentzien Batzorde Mistoaren Erabakia, Euskal Autonomia Erkidegoari eskualdatzeko familia-prestazio ez-kontributiboen eta jaiotzagatiko eta adingabeen zaintzagatiko subsidio ez-kontributiboaren kudeaketari atxikitako giza baliabideak.
2026/03/03	26/2026 Dekretua, martxoaren 3koa, zeinaren bidez formalizatzen baita Transferentzien Batzorde Mistoaren Erabakia, laneko segurtasun eta higienearen arloan abenduaren 18ko 2557/1985 Errege Dekretuaren bitartez Euskal Autonomia Erkidegoari eskualdatu zitzaizkion Estatuko Administrazioaren zerbitzuei atxikitako ondare-baliabideak gehitzen dituena.
2026/03/03	24/2026 Dekretua, martxoaren 3koa, zeinaren bidez formalizatzen den Estatuaren eta Euskal Autonomia Erkidegoaren arteko Transferentzien Batzorde Mistoaren erabakia, langabezia-babesaren kudeaketari atxikitako ondare-baliabideak eta giza baliabideak eskualdatzeko.
2026/03/03	Estatuko Administrazioaren eta Euskal Autonomia Erkidegoaren arteko Transferentzien Batzorde Mistoan hartutako erabakia, Euskal Autonomia Erkidegoak eskola-aseguruaren kudeaketa bere gain hartzeko hitzarmena.
2026/03/03	Estatuko Administrazioaren eta Euskal Autonomia Erkidegoaren arteko Transferentzien Batzorde Mistoak hartutako erabakia, Euskal Autonomia Erkidegoak langabezia-babesaren kudeaketa bere gain hartzeko hitzarmena
2026/03/03	Estatuko Administrazioaren eta Euskal Autonomia Erkidegoaren arteko Transferentzien Batzorde Mistoan hartutako erabakia, Euskal Autonomia Erkidegoak familia-prestazio ez-kontributiboen eta jaiotzagatiko eta adingabeen zaintzagatiko subsidio ez-kontributiboaren kudeaketa bere gain hartzeko hitzarmena.
2026/03/03	23/2026 Dekretua, martxoaren 3koa, zeinaren bidez formalizatzen baita Transferentzien Batzorde Mistoaren Erabakia, Euskal Autonomia Erkidegoari eskualdatzeko euskal itsasbazterrari dagozkion barne-uretako eta jurisdikziopeko uretako itsas salbamenduari buruzko Estatuko legeria betetzeko eginkizunak eta zerbitzuak.
2026/01/16	Euskadik autogobernua zabaltzen du bost eskumen berrirekin Informazio gehiago: https://www.irekia.euskadi.eus/eu/news/107395
2025/10/08	Gernikako Estatutua osatzeko eta eskualdatzeko dauden eskumenak ixteko 10 proposamen zehatz aurkeztu ditu Jaurlaritzak Informazio gehiago: https://www.irekia.euskadi.eus/eu/news/105014
2025/10/01	Aireportuen Kudeaketa eta Azpiegituren Aldebiko Azpibatzordearen sorreran eta lehen bileran parte hartzea. Informazio gehiago: https://www.irekia.euskadi.eus/eu/news/104834
2025/09/17	Langabeziaren prestazioak Euskadira eskualdatzeko akordioa Informazio gehiago: https://www.irekia.euskadi.eus/eu/news/104446
2025/07/15	Eusko Jaurlaritzak Gizarte Segurantzaren eta Eskola Aseguruaren kotizazio gabeko prestazioak kudeatuko ditu Informazio gehiago: https://www.irekia.euskadi.eus/eu/news/103505
2025/06/17	127/2025 Dekretua, ekainaren 17koa, ontzat ematekoa Estatuaren eta Euskal Autonomia Erkidegoaren arteko Transferentzien Batzorde Mistoaren Erabakia, ekainaren 24ko 895/2011 Errege Dekretuaren bidez Euskal Autonomia Erkidegoari eskualdatu zitzaizkion Estatuko Administrazioaren eginkizunei beste batzuk gehitzekoa, Laneko eta Gizarte Segurantzako Ikuskatzailetzak betetzen dituen ikuskaritzako funtzio publikoaren arloan.
2025/06/17	128/2025 Dekretua, ekainaren 17koa, ontzat ematekoa Estatuaren eta Euskal Autonomia Erkidegoaren arteko Transferentzien Batzorde Mistoaren Erabakia, Euskal Autonomia Erkidegoari eskualdatzeko Euskal Autonomia Erkidegoan lan-harremana duten atzerritarrek norberaren edo besteren kontura lan egiteko hasierako baimenei buruzko Estatuko lan-legeria betearazteko Estatuko Administrazioaren eginkizunak eta zerbitzuak.
2025/04/10	Eusko Jaurlaritzak Gizarte Segurantzaren negoziaketa hiru fasetan jorratuko du: kotizazio gabeko prestazioak, langabezia-subsidioa eta langabezia-prestazioak Informazio gehiago: https://www.irekia.euskadi.eus/eu/news/100906
2024/12/16	Transferentzien Batzorde Mistoak Jarduera Zinematografikoaren eta Ikus-entzunezkoaren eskumena eskualdatzea sinatu du, eta puzzlearen azken pieza da, kulturaren arloan Gernikako Estatutua amaituta dagoela irmotasunez esan ahal izateko. 491/2024 Dekretua, abenduaren 23koa, zeinaren bidez onartzen baita Estatuaren eta Euskal Autonomia Erkidegoaren arteko Transferentzien Batzorde Mistoaren erabakia, irailaren 26ko 3069/1980 Errege Dekretuaren bidez Euskal Autonomia Erkidegoari eskualdatu zitzaizkion Estatuko Administrazioaren eginkizunei beste batzuk gehitzeko, gai hauetan: kultura arloko fundazioak eta elkarteak, liburuak eta liburutegiak, zinematografia, musika eta antzerkia, gazteria eta sustapen soziokulturala, ondare historiko-artistikoa eta kirolak.
2024/12/16	Transferentzien Batzorde Mistoak Itsasertzaren Antolaketa eta Kudeaketa eskualdatzea sinatu du, eta horri esker, batez ere Euskadiko kostaldeari lotutako proiektu eta azpiegitura berriak erabaki ahal izango dira, bai eta proiektuak arindu eta itsasertza gure lurralde-antolamenduko estrategian txertatu ere. 490/2024 Dekretua, abenduaren 23koa, zeinaren bidez onartzen baita Estatuaren eta Euskal Autonomia Erkidegoaren arteko Transferentzien Batzorde Mistoaren erabakia, itsasbazterra antolatzearen eta kudeatzearen arloko Estatuko Administrazioaren eginkizunak eta zerbitzuak Euskal Autonomia Erkidegoari eskualdatzekoa.