Ekimena 3. Eusko Jaurlaritzaren mendeko nekazaritzako ikerketa- eta esperimentazio-zentro teknologikoen arteko koordinazioa bultzatzea, laborantza-teknika berriak aztertzeko eta klima-aldaketari, nekazaritza-lurren babesari edo sektorean teknologia berriak sartzeari aurre egiteko.
Garapen Jasangarrirako Helburuak (GJH)
Jarduerak ordena kronologikoaren arabera (10)
| Data | Jarduera |
|---|---|
| 2026/04/22 |
Ad hoc dietak klima-aldaketa arintzeko eta abeltzaintzaren errentagarritasuna ziurtatzeko. NEIKER zentro teknologikoa Europako LIFE EFACC proiektuan ari da parte hartzen. Proiektu horrek xedea da behi, ardi eta ahuntzen sektoreetarako egokitze- eta arintze-soluzioak.
Informazio gehiago: https://www.irekia.euskadi.eus/eu/news/109680 |
| 2025/12/26 |
Neikerrek, OpenGeoHub fundazioarekin elkarlanean, 400 kontrol-puntuko sare bat diseinatzea sustatu du. Sareak DNA aztertzeko teknikak baliatzen ditu biodibertsitatea ebaluatzeko.
Informazio gehiago: https://www.irekia.euskadi.eus/eu/news/107063 |
| 2025/05/27 |
Jardunbide berritzaileak ardi-ekoizpen jasangarrirantz aurrera egiteko. NEIKER teknologia-zentroak gaur goizean aurkeztu ditu Arkautin ardi-aziendan jasangarritasuna hobetzeko eta karbono-aztarna gutxitzeko planaren emaitzak, Europako LIFE GREEN SHEEP proiektuaren barruan Askotariko kudeaketa-jarraibideak uztartuta, % 17 murriztu daiteke ardi-aziendaren karbono-aztarna LIFE GREEN SHEEPek helburutzat du artaldeen jasangarritasuna bultzatzea zenbait jardunbide ezarriz. Jardunbideok efizientzia nahiz produktibitatea hobetzeaz gain, ingurumena gehiago errespetatzen dute.
|
| 2025/05/22 |
Neikerrek mahastizaintza jasangarrian duen lidergoa indartu du Europan, ura, biodibertsitatea eta praktika agroekologikoak lantzeko hiru proiekturekin. Upategien lehiakortasunerako, jasangarritasunerako eta Arabako Errioxaren nazioarteko posizionamendurako Europako ekimenetan parte hartzen du. e-Rigation eta POLITA proiektuak, INTERREG SUDOE deialdikoak, eta ERA-NET Agroecologyren VinAE ekimenekoak, AEI Nekazaritzako Elikagaien Eredu berritzaile, iraunkor eta erronka klimatiko berrietara egokitutakoak.
|
| 2025/04/24 |
Instalazio berritzaile batek nekazaritzako ekoizpenaren eta eguzki-energiaren arteko bateragarritasuna aztertzen du Arkauteko ereduko etxaldean. Estatuko belarki-laboreen azpiegitura agrovoltaiko handiena da, 8.000 m²-tan banatutako 212 modulu fotovoltaikoz osatua. Instalazio agrovoltaikoa lur-azalera bera nekazaritza-jardueretarako erabiltzean eta eguzki-energiaren bidez elektrizitatea sortzean datza. Letxuga eta patataren belarki-labore arabiarrak probatuko dira.
|
| 2025/02/25 |
Landare-proteina jasangarri berriak, elikadura osasungarria eta ingurumena errespetatzen duena izateko. AZTIk eta NEIKERek produktu berritzaileak garatzen dituzte kimikorik gabe landatutako lekale soberakinetatik abiatuta, adinekoen nutrizio-beharretara egokituta.
Informazio gehiago: |
| 2025/01/09 |
Bioekonomiako berrikuntza-proiektuetarako laguntza-programa, Ekonomiaren Garapen, Jasangarritasun eta Ingurumeneko sailburuaren 2024ko ekainaren 11ko Aginduaren babesean deitua.
|
| 2024/12/10 |
Azti Fundazioari zuzeneko dirulaguntza ematekoa, 2024ko ekitaldian 3SLEKA Proiektua garatzeko: osagai seguru, osasungarri eta jasangarri berriak, lekadunen laborantzatik sortuak. (265.000.- €)
|
| 2024/09/10 |
Berriker programa, Euskadiko nekazaritza, basogintza eta arrantzako eta akuikulturako produktuen sektoreetan ikerketa, garapena eta berrikuntza bultzatzeko. Agindu honetan araututako ikerketa-, garapen- eta berrikuntza-laguntzen helburua da eraginkortasuna handitzea eta lehiakortasuna hobetzea, hazkunde jasangarrian laguntzea, eta Euskadiko nekazaritza-, basogintza- eta arrantza- eta akuikultura-sektoreetan lankidetza sustatzea.
|
| 2024/09/10 |
HAZI Fundazioarekin sinatutako lankidetza-hitzarmena, Euskal Autonomia Erkidegoko nekazaritza, basogintza eta arrantzako eta akuikulturako produktuen sektoreetan ikerketa-, berrikuntza-proiektuetarako garapen- eta laguntza programan laguntzekoa dena.
|