Ekimena 1. Nekazaritza-lurra lehen sektorerako erreserba estrategikotzat hartzea eta, ahal den neurrian, bide-azpiegituretako edo energia-azpiegituretako proiektuen ondoriozko galera minimizatzea.

Ekimena 2. Intsektu polinizatzaileen lana babestea, biodibertsitatearen berme gisa, nekazaritza- eta industria-inguruneetan azpiegitura berdeak kontserbatuz eta lehengoratuz.

Ekimena 3. Eusko Jaurlaritzaren mendeko nekazaritzako ikerketa- eta esperimentazio-zentro teknologikoen arteko koordinazioa bultzatzea, laborantza-teknika berriak aztertzeko eta klima-aldaketari, nekazaritza-lurren babesari edo sektorean teknologia berriak sartzeari aurre egiteko.

Ekimena 4. Ehiza-jarduera iraunkorrak naturguneen kudeaketa egokian duen garrantzia balioestea eta arautzea, lehen sektoreari babesa emateko jarduera den aldetik.

Ekimena 5. Nekazaritza-lurzoruaren kontserbazioa sustatzea, haren erabilera eraginkorra eta iraunkorra ziurtatuz, epe luzerako nekazaritza-produktibitatea bermatzeko. Nekazaritza-lurren funtsa sustatzea, ustiategi berrietara eta daudenak bideragarritzera bideratuta. Neurri horrek eragin berezia izango du abeltzaintza- sektorean eta Arabako Errioxan.

Ekimena 6. Baliabide natural mugatuak errespetuz erabiltzeko kontzientzia piztea. Horien erabilerari, hondakinen kudeaketari, gasen isurketari, ongarrien erabilerari eta plagizidei buruz kontzientziatzea.

Ekimena 7. 2030era begira Euskal Autonomia Erkidegoko nekazaritza-lurren %25 gutxienez nekazaritza ekologikoarekin erabiltzeko beharrezkoak diren sustapen-neurriak hartzea. Abeltzaintza ekologikoa, arrantza jasangarria eta hurbileko merkatuak sustatzea.