Guztiontzako kalitatezko hezkuntza inklusiboa nahiz bidezkoa bermatzea eta etengabeko ikaskuntzarako aukerak bultzatzea.

Ekimena 1. Aurrera egitea lan-baldintzen akordioa berritzen, garapen profesionalean, egungo lanpostuen zerrenda berrikusten eta antolaketa-berrikuntza sustatzen, Osakidetzako Mahai Sektoriala den Elkarrizketa Sozialerako Foroaren bidez.

Ekimena 2. Langile-politika berri bat bultzatzea, bikaintasun-zerbitzua bermatzeko, talentua erakarriz eta bertan geratu daitezen lan eginez. Profesionalen talentua atxikitzeko eta erakartzeko estrategia diseinatzea, ez medikuntzakoa bakarrik, baita erizaintzakoa ere, kontratazio egonkorra lehenetsiz.

Ekimena 3. EEPetako hautatze-sistemak hobetzen jarraitzea, hautaketa-prozesu osoan ondorengo irizpide hauek kontuan izanez: gaitasuna, merezimendua, berdintasuna, gardentasuna, zozketa bidez hautatutako epaimahaiak eta trazabilitatea. Betiere, adostutako eta hitzartutako irizpideak aplikatuz.

Ekimena 4. Aldizkako lan-eskaintza publikoak egitea, gure osasun-sistemaren bikaintasunerako ezinbestekoak diren plantillen egonkortasuna eta nahikotasuna bermatzeko. Gaur egun aldi baterako langileek betetzen dituzten plazak finkatu eta egonkortzera bideratutako egitura-plazak handitzen jarraitzea, eta, hala badagokio, plantillan beste 2.000 plaza berri izatera irits daitekeen gehikuntza bati ekitea.

Ekimena 5. Osakidetzako Mahai Sektorialaren barruan, mediku espezialistak eta behin-behineko egoeran dauden erizainak egonkortzeko formulak lantzea, espezialitate defizitarioetan edo estaldura zaileko espezialitateetan zerbitzua ematen ari baitira.

Ekimena 6. Osakidetzako profesionalekin lankidetzan, prestakuntza-plan propioa garatzea, Osakidetzan zerbitzu berriak eta hobeak eskaintzeko espezializatzea erabakitzen duten profesionalak saritzeko, eta nazioartean garatutako bikaintasun-praktika berriak ezagutzeko eta aplikatzeko aukera emateko osasun-sistemari.

Ekimena 7. Gobernantza oneko prozesuak ezartzen jarraitzea Osakidetzako zentro guztietan, gardentasun osoz lan eginez erakundeen kudeaketa-prozesuetan.

Ekimena 1. Euskal Eskola Publikoaren eredua eta funtsezko izaera indartzea, besteak beste, Euskal Eskola Publikoaren Kontseilua bultzatuz, ikastetxe publikoen heziketa-lana eta - lorpenak identifikatzeko, beharrak eta interesak defendatzeko eta ikusarazteko, eta ikastetxe horiek ingurunean integratzeko eta ikastetxeen arteko lankidetza-lana bultzatzeko, beren nortasunaz jabetzea eta euskal eskola publiko lehiakor bat garatzea bultzatuz, kalitateari dagokionez.

Ekimena 2. Lau urteko plan estrategikoak bultzatzea, aldi bakoitzeko helburuak, horiek garatzeko baliabide materialak eta giza baliabideak, azpiegituren hobekuntza eta zuzendaritza- eta irakasle-taldeen segurtasuna eta egonkortasuna ezartzeko.

Ekimena 3. Eskola Publikoaren azpiegituretan inbertsioa egitea, heziketa-eredu koherente eta adostuen aldeko apustua egiten duten ikastetxe integralak bultzatuz. Eraikinak eta ikastetxeak sustatzea kontrol eta efizientzia energetikoko neurriekin. Programa honek, gutxienez, ondorengo jarduera hauek aurreikusten ditu:
 Ondorengoetan lanak amaitzea:
• Etxebarri BHI
• Muskiz BHI
• Zumaia BHI
• Salburua BHI
• Aldaialde HLHI (Vitoria-Gasteiz)
• OrixeBHI (Tolosa)
• Musakola HLHI(Arrasate)
• Astigarraga HLHI
 Abian dauden proiektuetan aurrera egitea:
• Trueba Institutua (Barakaldo)
• José Miguel Barandiaran BHI (Leioa)
• Egape Ikastola BHI(Urnieta)
• Haizeder HLHI (Ea)
• Elorrieta-Erreka Mari LHII(Bilbao)
• Ispaster HLHI
• San Jorge LHII (Santurtzi)
• UrkitzeHLHI (Bakio)
 Ondorengo hezkuntza-azpiegiturak diseinatzea eta abian jartzea:
• Hezkuntza azpiegitura berria Sopelan
• Murgia IPI (Zuia)
• Aldaialde BHI(Vitoria-Gasteiz)
• Astigarraga BHI
• Urritxe BHI (Amorebieta-Etxano)
• GatikaHLHI
• Manuela Zubizarreta HLHI (Etxebarria)
• Balmasedako LH Zentroa

Ekimena 4. Eskolaratze inklusiboa sustatzea Euskal Hezkuntza Zerbitzu Publikoa ematen duten ikastetxeetan, eta ikasketetarako laguntzen eredu propio bat bultzatzea, ekitatezko heziketarako plan baten esparruan, heziketa-maila guztietako ikasle kalteberei beharrezko laguntza ekonomikoak eta babesak emango dizkiena, ikasle horien erabateko eskolaratze beharrei erantzuteko eta hezkuntza-arrakasta sustatzeko.

Ekimena 5. Eskola-mapa berrikustea eta egungo beharretara egokitzea, epe ertainerako biztanleria-proiekzioak kontuan hartuta, eta eskola publikoaren eredua indartzea.

Ekimena 6. Ikastetxe publikoen autonomian aurrera egitea eta sakontzea, bai alderdi pedagogikoetan, bai antolakuntzakoetan.

Ekimena 7. Zuzendaritzen lidergo pedagogikoa indartzea, zuzendaritza-eginkizunaren prestakuntzaren eta profesionalizazioaren bidez. Beharrezkoa izanez gero, administrazioko taldeak handitzea, zuzendaritzaren zeregin burokratikoak murrizteko, zuzendaritzak alderdi pedagogikoetan, talde-harremanetan eta irakasleen antolaketan aritu daitezen, eta hobekuntzarako, bikaintasunerako eta eskola-bizikidetzarako eta bullyingaren aurkako borrokarako plan propioak bultzatzeari ekin diezaioten.

Ekimena 8. Eskola Publikoko eskola-jantokien eginkizun pedagogikoa sustatzea, kalitatezko zerbitzua eskaini ahal izateko, elikadura osasungarria eta jasangarria irakasten laguntzeko. Oporraldian familia kalteberetan eskolatutako adingabeen elikadura egokia bermatzeko aukera aztertzea.

Ekimena 1. Eskola-segregazioaren aurkako Itun Soziala garatzea, zalantzarik gabeko apustu gisa heziketa inklusiboaren, gizarte-kohesioaren eta aniztasunaren kudeaketaren alde, Berdintasun eta Bizikidetza Planen garapena eta aplikazioa indartzea, eta eskola inklusiboaren esparruan aniztasunari arreta emateko Plan Estrategikoan jasotako neurrietan sakontzea.

Ekimena 2. Eskola-plaza baten kostua definitzea, ekitate- eta bikaintasun-printzipioetan oinarritutako zerbitzua ematen duten ikastetxe guztien doakotasun eraginkorrean aurrera egiteko tresna gisa.

Ekimena 3. Konplexutasun handiko ikastetxeetan heziketa-proiektu bereziak eta erreferenteak indartzea eta sustatzea, eta baliabide gehigarriak ematea

Ekimena 4. Beken eta laguntzen sistema finkatzea, arlo honetan desparekotasun-egoerak saihesteko. Sistema hori zerbitzu osagarriei, eskolaz kanpoko jarduerei eta eskola- materialari ere aplikatzen zaie.

Ekimena 5. "Haurreskolak Patzuergoa" proiektua sendotu egingo dugu, doako eta kalitatezko eskolaratze goiztiarrerako hezkuntza-eredu gisa, eta udal-eremuekiko lankidetza- jarduerak jarriko ditugu martxan.

Ekimena 6. Lurraldeetako matrikulazio-bulegoak prestatzea, eskolaratze orekatu eta inklusiboa bermatzeko.

Ekimena 1. Heziketa-jarduna ikasleen laguntza-premia espezifikoetara egokitzeko eta ikasleen garapen integralean laguntzeko programak eta neurriak sustatzea.

Ekimena 2. Orientazioko zerbitzuak indartzea eta hobetzea, ikasle guztien garapen ahalik eta handiena ziurtatuz, bakoitzaren ezaugarriak kontuan hartuz eta ibilbide profesional egokiak aukeratzen lagunduz. Eskola uzte goiztiarra murriztea.

Ekimena 3. Gaitasun handiko ikasleek behar duten erantzuna emateko estrategia indartzea, euren heziketa beharretan dituzten premiei laguntzeko eta erantzuteko programak eta jarduerak bultzatuz eta talentuaren sustapena sustatuz.

Ekimena 4. Ikastetxe guztietan bizikidetza positiboa eta hezkidetzailea bultzatzea, ikastetxeetan berdintasuna eta bizikidetza sustatzen duten ekimenen garapena eta aplikazioa indartuz, irakasleentzako eta orientazio-taldeentzako prestakuntza aurreikusiz.

Ekimena 5. Ikasle sartu berriei arreta integrala emateko "EUSLE" programa bultzatzea eta zabaltzea.

Ekimena 6. Zailtasunak dituzten haurrei arreta goiztiarra emateko programak indartzea, dagoen protokoloa eta haren aplikazioaren kudeaketa hobetuz.

Ekimena 7. Osasun Sailarekin lankidetza indartzea, ohitura osasungarriak bultzatzeko eta osasun mentalari eta beste gaixotasun batzuei egokiro heltzeko.

Ekimena 1. Gure hezkuntza-sistema etengabe hobetzearen alde egitea. Gaitasunen araberako heziketan aurrera egitea, ikaslea irakaskuntza- eta ikaskuntza-prozesuaren erdigunean jarriko duena eta bikaintasunezko hezkuntzaren alde egingo duena, hezkuntza- arrakasta lortzeko eta inor atzean ez geratzeko errefortzu-neurriak bermatuz. Eskolako emaitzak eta adierazleak hobetzeko plan berri bat garatzea.

Ekimena 2. Irakurketa-planetan ekimen estrategiko berriak txertatzea: irakurketa da hezkuntza- curriculumeko arlo guztien zeharkako ardatza.

Ekimena 3. Proposamen metodologiko egiaztatuak bultzatzea, arrazoiketa matematikoa sustatzeko eta hezkuntza-etapa guztietan ikasleen ikaskuntza hobetzeko.

Ekimena 4. STEAM bokazioak sustatzeko ekimen berriak txertatzea.

Ekimena 5. Nazioarteko Batxilergoa hiru lurraldeetan bultzatzea, curriculum-ikuspegi aurreratuak bultzatzeko.

Ekimena 6. Ikastetxeetan estrategia digitala sustatzea, gaitasun digitalak garatzeko, programazioan eta pentsamendu konputazionalean alfabetatze digitala lantzeko eta adimen artifiziala ikaskuntza eta ebaluazioa hobetzeko tresna gisa sartzeko. Horretarako, irakasleekin eta ikastetxeetako zuzendaritzekin gogoeta partekatua irekiko da, haien egokitasunari buruz, bai eta eskola-orduetan gailu elektronikoak kontrolatzeari buruz ere.

Ekimena 7. Heziketa-proiektuen iraunkortasuna sustatzeko ezagutzak eta balioak bultzatzea.

Ekimena 1. Esparru eleanitz eta kulturarteko berria garatzea, euskara eta euskal kultura ardatz hartuta, eta bi hizkuntza ofizialak, euskara eta gaztelania, euskara berezko hizkuntza gisa hartuta, ondo ezagutzea eta gutxienez atzerriko hizkuntza baten ezagutza optimoa lortzea helburu hartuta. Horretarako, ingurune bakoitzaren abiapuntua eta ezaugarri soziolinguistikoak eta sozioekonomikoak hartuko dira kontuan, ikasleek hezkuntza-etapa bakoitzaren amaieran eskatzen diren hizkuntza-maila eta beharrezko gaitasunak eskura ditzaten. Hori guztia ikastetxe bakoitzaren hizkuntza-proiektuan egituratu behar da, esparru komun baten barruan, Hezkuntzari buruzko Legean eta haren zioen azalpenean ezarritakoaren arabera.

Ekimena 2. Euskara eta Hizkuntzak Ikasteko Institutua sortzea. Institutu horrek bere gain hartuko du curriculumeko hizkuntzen esparruko estrategia eta jarduera nagusiak lantzeko eginkizuna. Ingelesaren ezagutza ona sustatzea lege berrian ezarritako helburuak betetzen direla bermatzeko.

Ekimena 3. Ikasleek curriculumeko hizkuntza guztietan duten hizkuntza-gaitasuna indartzea, hizkuntzetan eskatzen diren hizkuntza-mailak lor ditzaten eta curriculuma osatzen duten gainerako irakasgaiak eta gaitasunak behar bezala ikas ditzaten

Ekimena 4. Irakasle guztientzako hizkuntza- eta metodologia-prestakuntzako programak ezartzea.

Ekimena 5. Proiektuak sustatzea tokiko erakundeekin elkarlanean, euskararen erabilera sustatzen duten eskolaz kanpoko jardueretan parte har dezaten bultzatzeko.

Ekimena 1. Irakasleen hasierako eta etengabeko prestakuntza eguneratzea, euskal unibertsitate- sistemako eragileekin lankidetzan.

Ekimena 2. Irakasleen unibertsitate-prestakuntzan alternantziako prestakuntza duala sustatzea, ikastetxeetako kontratu eta beken bidez ikaskuntza praktikoa errazten duelako.

Ekimena 3. Ebaluazioaren kultura eta emaitzen hobekuntza sustatzea. Ebaluazio-sistema integral bat sustatzea, hezkuntza-sistemaren eremu guztiak barne hartuko dituena: irakasleak, zuzendaritza-taldeak, ikasleak eta laguntza-zerbitzuak.

Ekimena 4. Euskal hezkuntza-sistemako ikastetxeetan metodologia aurreratuen eta kontrastatuen garapena sustatzea, heziketa hobetzeko bidean aurrera egiteko aukera emango dietenak. Horretarako, lankidetza-sareak sortuko dituzte, "Ikaskuntzarako Berrikuntza Zentroa" osatuko duten arloen bitartez.

Ekimena 5. Heziketa-lanetan arrakastatsu gertatu diren esperientziak eta ikastetxeen eta irakasleen arteko lankidetza-sareak identifikatzea eta sustatzea, ikaskuntzako arrakasta-eredu horiek transferitzeko.

Ekimena 6. Euskal unibertsitate-sistemako unibertsitateen eta Euskal Hezkuntza-sistemako ikastetxeen arteko elkarlaneko ikerketa sustatzea, egiaztatutako ikaskuntza-ereduak baliozkotzeko.

Ekimena 1. Euskal Lanbide Heziketa munduko erreferente gisa jartzea laugarren eta bosgarren industria-iraultzari erantzungo dion prestakuntzaren garapenean. Garapen profesionalaren paradigma berri bat ezartzea, haren nazioarteko proiekzioa bultzatuz eta Euskadiko lehiakortasunaren balio-katea indartuz, horretarako beharrezkoak diren araudiak eta planak ezarriz.

Ekimena 2. Lanbide Heziketako eskaintza malguagoa eta eskuragarriagoa zabaltzea, ikaskuntza erdipresentziala eta urrutikoa ere sustatuz, eta, horretarako, online prestakuntza eta modalitate horretako tituluak eta/edo ziurtagiriak egiaztatzeko aukerak zabaltzea

Ekimena 3. Lanbide Heziketaren eremuan, ikasleen euskarazko prestakuntzan eta eleaniztasunean aurrerapenak sustatzea, bigarren hezkuntzako hizkuntza-integrazioa eta -jarraitutasuna lortzeko.

Ekimena 4. Lanbide-irakaskuntzetan ingelesa erreferentziazko hizkuntza gisa sar dadin bultzatzea, ikasleek lan-aukerak eskura ditzaten, enpresen nazioartekotze-testuinguru batean.

Ekimena 5. Industria, osasuna edo nekazaritza adimendunak bezalako sektore berriei erantzungo dien Lanbide Heziketa bultzatzea, bai eta sektore estrategikoetan eta garapen bidean dauden sektoreetan beste prestakuntza batzuk ematea ere.

Ekimena 6. Talentu berritzailea sustatzea, emakumea industria- eta zientzia-sektoreetan sartzea indartuz, Lanbide Heziketak Unibertsitatearekin dituen ibilbideak, loturak eta lankidetzak zabalduz, eta sortzen ari diren sektoreetan enpresa berriak sortzea bultzatuz.

Ekimena 7. Lanbide Heziketako ikastetxeak erakunde adimendun bihurtzea, LHko sistema osoan eraldaketa digitala erabat garatzen gida daitezen. Zentroek ETEei eta mikroETEei laguntza ematea, teknologia adimendunik aurreratuenekin lan egin dezaten, erronka berriei eraginkortasunez erantzuteko behar den ezagutza praktikoa eskuratuz.

Ekimena 8. Erasmus+ bekak sustatzea Lanbide Heziketako ikasleentzat. Ikastetxeei Europako ikasleak hartzeko zentro izatea sustatzen laguntzea.

Ekimena 9. Lanbide Heziketa Dualeko sistema indartzea. Beren sektorearekin zerikusia duten enpresekin akordioak egitea sustatzea, alternantziako prestakuntza-eredu duala, ikasleen prestakuntza-kontratuen, beken edo praktiketako kontratuen bidez, eta gizartean edo lan-eremuan eskuratutako gaitasunak egiaztatzeko prozesuak bultzatzea, Gaitasuna Aitortzeko eta Ebaluatzeko Dispositiboa sendotuz, bai eta deialdi irekiak ere, herritarrek lehendik dituzten lanbide-gaitasunak egiazta ditzaten

Ekimena 1. Etengabeko ikaskuntza sustatzea Euskal Lanbide Heziketaren bidez, prestakuntza- eskaintza malgua, doitua eta irisgarria eginez pertsona guztientzat, bai ikasleentzat, bai lanean ari direnentzat, bai langabezian daudenentzat. Horrela, prestakuntza horrek indartu egingo ditu lan-esparruan, eta online bidea bultzatu eta zabalduko du, prestakuntza erdipresentzialaren bidez edo urrutitik.

Ekimena 2. Lanbide Heziketako ikasleen artean ekintzailetza-kultura bultzatzea, enpresak sortzean haien proaktibitatea bultzatzeko.

Ekimena 3. Erdi-mailako kualifikazioak dituzten pertsonen kopurua handitzea, goi-mailako LHren aurrerapena geldiarazi gabe. Titulazio bikoitzen eredua hiru urtera zabaltzea eta bultzatzea.

Ekimena 1. Lanbide-heziketa inklusiboa bultzatzea eta sendotzea, egoera ahulean dauden edo premia bereziak dituzten pertsonei laguntzeko.

Ekimena 2. Garapen iraunkorreko helburuekin bat datorren lanbide-heziketa sustatzea eta garatzea.

Ekimena 3. Emakumeak Lanbide Heziketa industrialean sartzeko programa espezifiko berri bat garatzea, emakumeen enpleguaren kalitatea hobetzeko eta soldata-arraila murrizteko tresna gisa.

Ekimena 1. 2026-2030 epealdirako Euskal Unibertsitate Sistemaren Plan berri bat onartzea, inbertsio publiko-pribatua sustatzera begira.

Ekimena 2. UPV/EHUren funtsezko izaera bermatzea euskal unibertsitate-sistemaren barruan, bere helburuak betetzeko eta kalitatea hobetzeko finantzaketa-eredu nahikoa ziurtatuz. Unibertsitate-azpiegitura publiko berriak hobetzeko eta eraikitzeko inbertsioak bermatzea.

Ekimena 1. Ikasteko beken eta laguntzen sistema bizkortzea, zenbatekoa eta prozedura hobetuz eta kopurua urtero % 6 handituz.

Ekimena 2. Unibertsitateko prestakuntzan eta ikerketa zientifikoan gizonen eta emakumeen arteko benetako berdintasuna bermatzeko estrategiak bultzatzea, unibertsitateen alorretik eta elkarlanaren bidez STEAM Euskadi estrategia garatuz.

Ekimena 3. Euskarazko prestakuntza eta ikerketa sustatzea.

Ekimena 4. Euskarazko online prestakuntza-eskaintza sustatzen duten programak indartzea.

Ekimena 5. Tresna bat sortzea, ikasleek Euskaditik kanpoko beste ikastetxe batzuetan unibertsitate-ikasketak, ikasketa teknikoak edo lanbide-ikasketak egiteko finantzaketa jaso ahal izan dezaten.

Ekimena 1. Alternantziako prestakuntza duala bultzatzea, unibertsitateen eta enpresen arteko akordioen bidez, lan-kontratuen edo beken bidez praktikak eta alternantziako prestakuntza duala egiteko.

Ekimena 2. Ezagutza zientifikoa gizarteari, pertsonei zein enpresei, transferitzeko bideak sustatzea. Unibertsitateek gizarteari zientzia-zabalkundea ematearen aldeko apustua egitea, bai eta herrialde-proiektuen aldekoa ere, hala nola Basque Quantum konputagailu kuantikoarena, herrialde-azpiegitura zientifiko berri bat emanez.

Ekimena 3. LHko eta Unibertsitateko baterako titulazioen eskaintza zabaltzea.

Ekimena 4. Prestakuntza duala zabaltzen jarraitzea, bai Lanbide Heziketan, bai unibertsitatean, euskal enpresa-sarearekin elkarlanean.

Ekimena 1. Doktoratu aurreko eta ondoko programetan egindako inbertsioak urteko batez beste
% 6 handitzea

Ekimena 2. Doktoratu ondoko ikertzaileen kontratazio-aldia bikoiztea, buelta daitezen, eta 4 urtera iristea.

Ekimena 3. Zientzian, teknologian eta berrikuntzan 2030ean BPGren %3ko inbertsio publiko- pribatua lortzeko bidean aurrera egitea, politika zientifikoan eta bikaintasun-ikerketan egindako inbertsioa urteko batez beste % 6 handituz.

Ekimena 4. Estrategia bat egitea, prestatzen ari diren ikertzaileen eta bitarteko irakasleen lana egonkortzeko.

Ekimena 5. Ikerbasqueren bidez bikaintasuneko ikertzaileak erakartzea sustatzea, bikaintasuneko ikerketa-taldeen arteko lankidetza sustatuz.

Ekimena 6. "Ikerbasque + Enpresa" programa abian jartzea, zientziak Euskadiko garapen ekonomiko eta sozialean duen eragina areagotzeko. Unibertsitateko eta BERC bikaintasuneko zentroen ikerketa sustatzea, bai eta zientzia, teknologia eta berrikuntzako gainerako euskal sarearekin duten lotura ere.

Ekimena 1. Euskal unibertsitate-sistemak beste unibertsitate-sistema bikain batzuekin duen harremana bultzatzea, bereziki Euskadi-Nafarroa-Akitania Berria lankidetzan sakonduz.

Ekimena 2. Euskal unibertsitate-sistemako ikasleen nazioarteko mugikortasuna modu ekitatiboan bermatzea, egungo beka-sistema indartuz.

Ekimena 3. Nazioarteko aipamena duten doktorego-tesiak egin daitezen bultzatzea.

Ekimena 4. UPV/EHUn nazioarteko ikasleei zuzendutako masterrak gehitzea.

Ekimena 5. Ingelesezko prestakuntza-eskaintza zabaltzea eta ikerketa-jardueraren nazioarteko aintzatespena bultzatzea, ikertzaile bikainenak erakartzea, prestatzea eta atxikitzea eta ikerketa-taldeei laguntzea ere erraztuz.

Ekimena 1. Kirola eta bizitza aktiboa sustatzea. BAPPA Plana (Basque Plan of Physical Activity) sortzea mugarri bat izango da bizitza aktiboaren sustapenean, gure kirolariak bizitza aktibo eta osasungarri baten erreferente gisa jarriz.

Ekimena 2. Ikerketa-estrategia bat garatzea, erakunde akademikoekin lankidetzan, jarduera fisikoa eta kirola babesten dituen oinarri zientifikoa sendotuz eta emaitzak euskal gizartean ezagutzera emanez.

Ekimena 3. Kirolarientzako Egoitza eta Fadurako Hobekuntza Zentroa erreferentziazko gune bihurtzea Europan. Goi-mailako euskal kirol-garapenaren epizentro gisa proiektatuko da.

Ekimena 4. Kirol-errendimendu handia eta euskal kirolariek nazioarteko lehiaketetan, besteak beste, Joko Olinpikoetan eta Paraolinpikoetan, garatzeko eta proiektatzeko aukerak sustatzeko bekak indartzea.

Ekimena 5. Anoetako eta Donostiako Ilunbeko kirol-hiriaren eraldaketa integrala abian jartzea, Donostiako Udalarekin eta Gipuzkoako Foru Aldundiarekin batera. 

Ekimena 6. Usurbilen "Maialen Chorraut-Orbeldi ur bizien kanala" eraikitzea bultzatzea.

Ekimena 7. Irungo Plaiaundiko naturgunea berroneratzeko proiektua babesteko formulak aztertzea eta bertako kirol-azpiegiturak Txenpereneara eramatea, Gipuzkoako Foru Aldundiarekin eta Irungo Udalarekin lankidetzan.

Ekimena 8. Bizitza osasuntsu baterako jarduera fisikoa sustatzeko estrategia babestea eta Mugiment Kirol Txartela euskal udalerri guztietara hedatzea bultzatzea.

Ekimena 9. "Basque Team" bultzatzea, goi-mailako euskal kirolaren erreferente gisa. Helburua da nazioarteko lehiaketetan eta Joko Olinpiko eta Paralinpikoetan gure kirolarien presentzia areagotzea.

Ekimena 10. Programa bat garatzea, kirol-ibilbidea amaitzen duten kirolari profesionalek ibilbide profesionalerako laguntza-prozesu bat izan dezaten, beren kirol-ibilbidean eskuratutako gaitasunak aprobetxatzeko: mentorizazioa, ikasketetarako bekak eta/edo ekintzailetza-proiektuetarako dirulaguntzak.

Ekimena 1. Enplegua politika publikoen erdigunean kokatzea, garapen ekonomiko eta sozialeko politiken funtsezko ardatz gisa, eta politika horiek guztiek enpleguan duten eraginaren azterketa sustatzea.

Ekimena 2. Enpleguaren tokiko dimentsioa indartzea, udalek Eusko Jaurlaritzaren plangintza estrategikoan duten zeregina indartuz, bai eta tokiko enplegu-planei laguntzea ere.

Ekimena 3. Unibertsitatearekin eta Lanbide Heziketarekin lankidetza-espazioak sortzea, prestakuntza-ibilbide integratuak, malguak eta produkzio-sarearen premietatik hurbil daudenak sustatzeko, lan-merkatuaren eta prestakuntzaren arteko elkarrizketa hobetuz.

Ekimena 4. Enpresekin lankidetzan aritzea, haien beharrak etengabe ezagutzeko eta talentua txertatzen laguntzeko, pertsonak zentroan jarriko dituen kudeaketa aurreratua garatu ahal izan dezaten.

Ekimena 5. Eragile sozial, sektorial eta akademikoen eta enplegu-zerbitzuen parte-hartzea eta lankidetza sustatzea Enpleguaren Euskal Foroan, Enplegu Politika Publikoen Euskal Kontseiluaren ekintza aberasteko eta kualifikatzeko.

Ekimena 1. Lanbideren "Lanbide Hobetzen" eraldaketa amaitzea, herritarrentzako eta enpresentzako arreta eta esku-hartze eredu eraginkor bat lortzeko, langabezia murrizteko eta gaitasun profesionalak handitzeko gai izango dena, pertsonen garapen profesionalaren eta enpresa-lehiakortasunaren mesedetan, enplegu gehiago eta hobea lortzeko.

Ekimena 2. Lanbidetik langileen eta kualifikazioen gaur egungo eta etorkizuneko eskaerei buruzko informazioaren transmisioa hobetzea, baita produkzio-sektoreen premien bilakaerari buruzkoa ere.

Ekimena 3. Orientazio eta laguntza pertsonalizatuarekin jarraitzea, Lanbiden zerbitzua emateko modu natural gisa, langabezia-egoerak ahalik eta laburrenak izan daitezen. Enplegu- sistema horrek zentroan jartzen du langabea, eta beharrezko zerbitzu guztiak (prestakuntza, orientazioa, laguntza eta enplegurako eta ekintzailetzarako laguntza) eskainiko dizkio, ahalik eta lasterren.

Ekimena 4. Lanbidetik babes eta laguntza espezifikoa eskaintzea enplegua lortzeko zailtasun handienak dituzten kolektiboei, batez ere 55 urtetik gorakoei, batzuetan edadismo- egoeren ondorioz diskriminatuak baitira.

Ekimena 5. Lanbidetik lan-orientazio integral eta pertsonalizatua indartzea, pertsonei karrera-plan koherente, moldagarri eta malgua garatzeko beharrezko tresnak emango dizkiena, bai enplegua aurkitzen eta lanpostuan jarraitzen laguntzeko, bai enpresen beharrak betetzeko.

Ekimena 6. Enplegu Zerbitzu Publikoaren bitartekaritza-zereginean sakontzea, pertsona guztiek lan-aukerak lortzeko aukera berdinak izango dituztela bermatzeko, eta euskal erakundeek abian jartzen dituzten ekonomia- eta lehiakortasun-garapenerako politikekin lankidetzan aurrera egitea.

Ekimena 7. Enplegu bila ari diren edo sektore espezializatuetan dutena hobetu nahi duten pertsonen prestakuntzarako laguntzak bultzatzea, prestakuntza hori Lanbidek zuzenean eskaintzen ez duenean.

Ekimena 8. Orientazio- eta laguntza-zerbitzua zabaltzea, lan egin arren,arlo profesionalean hobetu nahi duten pertsonei, egonkortasunari, lanaldiari edo proiekzio profesionalari dagokionez behar adinako kalitatekoa ez denean.

Ekimena 9. Etengabe ikasten jarraitzeko mentalitatea sustatzen duten birziklapen- eta birkualifikazio-programen garapena sustatzea, euskal profesionalei aukera emanez aurrerapen teknologikoen erronkei eta produkzio-ereduen eraldaketei (digitalizazioa, AA, ekonomia berdea...) arin aurre egiteko.

Ekimena 1. Erakunde publikoetan eta enpresa pribatuetan pertsona kalteberak, iraupen luzeko langabeak, gazteak, emakumeak eta 45 urtetik gorakoak prestatzeko eta kontratatzeko programa mistoak areagotzea.

Ekimena 2. 55 urtetik gorako pertsonak kontratatzeko pizgarriak indartzea eta pertsona horiek enpresekin konektatzeko espazio fisiko eta birtualak ezartzea.

Ekimena 3. Gazteen enplegua babesten jarraitzea, lehen lan-esperientzia lortzen lagunduz. Aldi berean, enpresetan praktikak egiteko programak kontrolatzea, tresna horren abusu- egoerak gerta ez daitezen.

Ekimena 4. Desgaitasunen bat duten pertsonei eta lan-merkatutik urrunen dauden pertsonei zuzendutako enplegu-programak areagotzea, merkatu arruntean laguntza emanez. Era berean, plan bat garatzea enplegu babestutik enplegu arrunterako trantsizioa sustatzeko, desgaitasuna duten pertsonentzat eta bazterketa-arriskuan dauden pertsonentzat.

Ekimena 5. Merkatu arruntera igarotzeko egitura ekonomikoei ematen zaien laguntza handitzea, hala nola laneratzeko enpresei eta enplegu-zentro bereziei ematen zaiena.

Ekimena 6. Esku-hartze sozialeko hirugarren sektorearekin lankidetzan aritzea, lan-merkatutik oso urrun dauden pertsonei zuzendutako programetan.

Ekimena 7. Enpresetan aniztasuna integratzeko estrategia bat egitea, talentu guztiak Lanbideren laguntzarekin txertatu ahal izateko, Enpleguaren Euskal Legearekin ezarriko diren ibilbide pertsonalizatuen esperientziatik abiatuta, euskal langabeen eta dagoeneko Euskadin dauden etorkinen laneratzea lehenesteko helburuarekin.

Ekimena 1. Gizarteratzeko eta Diru Sarrerak Bermatzeko Euskal Sistemaren 14/2022 Legearen hedapena amaitzea.

Ekimena 2. Diru-sarrerak Bermatzeko Euskal Sistemaren prestazioak kudeatzeko prozedura berriak finkatzea, euskarri teknologiko sendoarekin. 

Ekimena 3. Diru-sarrerak Bermatzeko Errenta eta Bizitzeko Gutxieneko Diru-sarrera kudeatzeko prozesuen integrazioan aurrera egitea.

Ekimena 4. Gizartean eta lan esparruan baztertuta dauden pertsonen laneratzea bultzatzea, haien egoera kroniko bihurtzea saihestuz, laguntza-, enplegu- eta prestakuntza-programa integral eta malguen bidez.

Ekimena 5. Enplegurako pizgarrien sistema berri bat bultzatzea, beren soldata Diru-sarrerak Bermatzeko Errentarekin osatzen duten pertsonentzat, egungo gizarte- eta lan- testuingurura egokituko dena, prestazioak jasotzen dituzten pertsonei enplegurako bidea erraztuko diena, bereziki horretarako zailtasun gehien dituztenei, eta enpleguaren hobekuntza sustatuko duena.

Ekimena 1. Ikertzaileak sortzea eta fidelizatzea sustatzea, bai eta Euskadira ikertzaile-profilak eta beharrezko funtsak erakartzea ere, profesionalak abangoardiako ikerketa batean sartzeko aukera areagotzeko. Talentu ikertzaile eta zientifikoaren prestakuntza, gaikuntza eta garapena indartzea, gaitasun digital eta teknologikoen hobekuntza eta eguneratzea sustatzea, baita STEAM hezkuntza ere.

Ekimena 2. Ikertzaileen prestakuntza eta nazioarteko mugikortasuna sustatzea, bai eta karrera profesional ikertzailea hobetzea ere.

Ekimena 3. Zientzia, teknologia eta berrikuntzaren arloan genero-berdintasuna sustatzea, eta genero-ikuspegia ezartzea erronka globalei lotutako arloetan, bai ikerketan, bai konponbide berritzaileen diseinuan. Aukera-berdintasuna, eskubideak eta erantzukizunak sustatzea.

Ekimena 1. Gure lehen sektorearen etorkizunari laguntzea, belaunaldien arteko erreleboa ziurtatuz, Gaztenek programa berrikusiz eta gazteak eta beste sektore batzuetako langileak sartzea erraztuko duten sentsibilizazio-programak, neurri pizgarriak eta arau- aldaketak hobetuz.

Ekimena 2. Familia-nekazaritzaren eredua bultzatzea, sektore- eta lurralde-errealitateetara egokituko den laguntza-sistema bat garatuz, eta nekazaritzaren eta abeltzaintzaren garapen iraunkorrari lagunduko dion finantza-euskarria eta euskarri teknikoa eskainiz.

Ekimena 3. Zerbitzu ekosistemikoak sortzen dituzten nekazaritza-, abeltzaintza- eta baso- jardueretan onura edo kenkari fiskalak sartzeko aukera aztertzea, Foru Aldundiekin elkarlanean.

Ekimena 4. Gobernantza-esparru iraunkor eta dinamiko bat ezartzea, EAEko administrazioen eta nekazaritzako elikagaien eta arrantzaren erakundeen artean nekazaritzako elikagaien sektorea ahaldunduko duena. Horretarako, Nekazaritza eta Elikadura Politikako eta Landa Garapeneko Batzordea erabiliko da foro egituratzaile gisa.

Ekimena 5. Coworking-espazioak garatzea Euskadiko landa-eremuetan, landa-eskualdeen dinamizaziora eta landa-eremuetako ekintzaileek sustatutako proiektuen tutorizaziora eta laguntzara bideratutako zentro balioaniztun gisa.

Ekimena 6. Lehen sektoreko politika publikoen eragina aztertzea eta Landa Garapenerako Euskal Sarea ezartzea, lurralde-garapeneko eragileen koordinatzaile gisa.

Ekimena 7. Nekazaritzako Lanbide Heziketa bultzatzea, nekazaritza eta abeltzaintzako jarduera behar bezala bideratzeko eta lanbidea duintzeko.

Ekimena 8. Landa-ustiategien ekoizpen-, merkaturatze- eta titulartasun-ingurunean emakumeak sartzeko prozesuan aurrera egitea.

Ekimena 1. Euskadi berdintasuneko, inklusioko eta aniztasuna errespetatzen duen helmuga gisa finkatzea (Euskadi LGTBI+...). Turismo-jardueretan gizonen eta emakumeen arteko berdintasuna errespeta dadin sustatzea, women friendly (emakumeentzat lagunkoia) helmuga gisa hartzea indartuko duten neurriak bultzatuz.

Ekimena 2. Giza eskubideak sustatzea, eta, bereziki, biztanleria-talde kalteberenen eskubide espezifikoak, hauen artean adingabeenak, adinekoenak eta premia bereziak dituzten pertsonenak, gutxiengo etnikoenak eta tokian tokiko herrienak.

Ekimena 3. Turismoari lotutako ekintzailetza eta enpresa-espiritua sustatzea eta turismo- ekintzailetza sustatzeko laguntzak ematea, gazteei eta turismo-enpresen lehiakortasuna hobetzeari zuzendutako jarduera espezifikoen bidez. Talentua erakartzea eta bertan gera dadila bultzatzea, lan-baldintzei mesede eginez.

Ekimena 4. Belaunaldien arteko erreleboa bermatzeko lan egitea, gazteak turismoaren sektorean sar daitezen bultzatuz.

Ekimena 5. Sektorearen profesionalizazioa bultzatzea, profesionalen etengabeko prestakuntzarekin, haien trebetasunak eta gaitasunak hobetuz, eta transferentzia- programei laguntzea, ezagutzaren sozializazioa sustatzeko eta negozioen ondare- transmisioari laguntzeko.

Ekimena 6. Enpleguaren egonkortasuna sustatzea, bai eta berdintasun-planak ere, beren ibilbide profesional osoan kalitatezko enplegu egonkorrak eta ingurune erakargarriak sor ditzaten.

Ekimena 7. Basquetourrek Euskadi-Basque Country marka bikaintasuneko helmuga turistiko gisa kokatzeko egiten duen lana indartzea, ekoturismoa eta enogastronomia bezalako funtsezko sektoreetan, ekosistema turistikoaren funtsezko eragileekiko lankidetza indartuz eta tokiko sortzaileekin lankidetzan arituz.

Ekimena 8. Turismoaren Euskal Lege berri bat bultzatzea, bertoko eta nazioarteko araudi berrietara egokituko dena, erakunde-mailen arteko koordinazioa hobetuko duena eta hainbat gaitan eskumenez eragiten duten erregulazioak argituko dituena.

Ekimena 1. DTI (Helmuga Turistiko Adimendunak) eredua sustatzea eta enpresetara eramatea, IZT (Enpresa Turistiko Adimentsuak) gehiago izan ditzagun.

Ekimena 2. Basquetour Learning zerbitzuen bidez sektoreari zuzendutako prestakuntza-eskaintza handitzea eta barneko eta kanpoko jardunbide egokiak zabaltzea.

Ekimena 3. Erabaki estrategikoak hartzeko Turismo Adimenaren Sistemaren erabilera sustatzea, eta lortutako ezagutza sektoreko eragileen artean zabaltzea.

Ekimena 4. Euskadiko Turismo Behatokiari gaitasun handiagoak ematea turismo-jardueraren jarraipena gidatu eta koordinatzeko, helmugako zerbitzuaren kalitatea monitorizatzeko jarduera handiagoa barne, iritzi-kanal online nagusietan turisten iritzien jarraipena eginez.

Ekimena 5. Adimen artifizialaren erabilera sustatzea, datuak aztertzeko eta bidaiarien portaeran ereduak eta joerak identifikatzeko.

Ekimena 6. Turismoaren sektorea ZTBPn (Zientzia, Teknologia eta Berrikuntza Plana, Euskadi 2030) sartzea indartzea. Ezinbestekoa da I+G+b sektorea indartzea, teknologia, ikerkuntzarekin, garapen teknologikoarekin eta turismo-sektoreak behar duen berrikuntzarekin batera bultzatzeko eta txertatzeko.

Ekimena 1. Jardunbide egokien kodeak egitea eta ikusaraztea, kontsumo-erakundeen bitartez.

Ekimena 2. Kontsumo-araudia enpresen artean zabaltzea, enpresa-berrikuntzako zentroen bidez sortu berriak azpimarratuz.

Ekimena 1. Tarifa-integrazioa osatzea, eskaintzen diren garraio-zerbitzu guztien erabilera intentsifikatzea ahalbidetzeko.

Ekimena 2. Ontzi-aldaketen gainkostua aurre egitea, progresiboki murriztea eskainiz, tarifa- sistema bakar eta integratu baten barruan, betiere erakunde bakoitzaren eskumenak errespetatuz.

Ekimena 3. Euskadiko Garraio Agintaritzaren baitan, eta inplikatutakoerakunde guztiekin lankidetzan, garraio publikoaren erabileraren arabera bonifikazio edo deskontu progresiboen sistema komun bat sustatzea, erabiltzaileen ezaugarri sozioekonomikoak kontuan hartuta, eta kolektibo berezientzat –familia ugariak, 26 urte arteko gazteak, adinekoak, desgaitasunak dituzten pertsonak eta gizarte-profilek (langabeak, etab.)– tratamendu berezi bat eskaintzea, horietako batzuei doakotasuna eman arte, azaroaren 9ko Euskadiko mugikortasun jasangarriaren 11/2023 Legean ezarritakoaren arabera.

Ekimena 4. Trenbide-baliabideak lehenestea Euskadiko mugikortasunaren ardatz egituratzaile gisa eta garraio publikoaren metodo ezberdinen arteko osagarritasuna bultzatzea. Merkantzietako mugikortasun trenbidekoa sustatzea, gure portu nagusietarako merkantzien trenbide-konexioa bultzatuz.

Ekimena 5. Automobil-parkea berritzea bultzatzea, erabilera-, errenta- eta emisio-murrizketa- irizpideak ezarriz.

Ekimena 6. Kargatze elektrikorako azpiegiturak sustatzea eta potentzia handiko karga-sarea handitzea, Energiaren Euskal Erakundearekin lankidetzan.

Ekimena 7. Garraio publikoaren elektrifikazioa bultzatzea, floten berritzea bizkortuz, Foru Aldundiekin eta udal erakundeekin lankidetzan.

Ekimena 8. Ahalmen handiko autobus elektriko adimendunen proiektuak populazio-dentsitate handiko hiri- eta metropoli-eremuetara zabaltzea.

Ekimena 9. Garraiobide eta azpiegituretarako irisgarritasuna bultzatzea. Horretarako, irisgarritasun unibertsalaren inguruko neurriak indartu eta ezartzea, desgaitasuna duten pertsonen integrazioa barne, eta bertan ikusmen-desgaitasuna edo mugikortasun murriztua duten erabiltzaileen laguntzaileentzako garraio-txartelaren doakotasuna barne.

Ekimena 10. Jatorritik helmugara bidaia multimodala planifikatzeko aukera ematen duten sistema informatikoak garatzea, garraio publikoaren operadore guztiak integratuz (pribatuak, aparkaleku publikoak, aireportuak, bizikletak, patinete elektrikoak, etab. barne). Sistema hauek ordutegiak eta tokiak zehaztuko dituzte, eta irizpideak aplikatu ahal izango dira, hala nola, ibilbiderik azkarrena, jasangarriena, irisgarriena, etab.

Ekimena 11. Foru Aldundiekin eta Udalekin lankidetzan, Mugikortasun Jasangarriko Planak bultzatzea, baita lantokien mugikortasun-planak ezartzea ere, hala eskatzen dutenean.

Ekimena 12. Udalekin lankidetzan, zero emisio etiketadun autoek zerga bonifikatuekin aparkatzeko aukera izan dezaten sustatzea, Araututako Aparkaleku Zerbitzuak kudeatutako eremu urdinetan eta berdeetan.

Ekimena 13. Udalekin lankidetzan, ibilgailu elektriko eta hibrido entxufagarrientzat erreserbatutako aparkaleku-plazak sortzea sustatzea.

Ekimena 14. Azken miliako banaketarako motozikleta elektrikoak edo zero emisio ibilgailuak sustatzea, baita logistika-puntuak sortzea ere, merkantzien banaketa hiri-eremutik kanpo egiteko, azken miliako banatzaileek hiri-inguruan zero emisio banaketa egin dezaten.

Ekimena 15. Mugikortasun jasangarriago eta aktiboago baten aldeko sentsibilizazio-kanpainak egitea.

Ekimena 1. Euskadiko Ekonomia Zirkular eta Bioekonomiaren 2025-2028 Plana onartu eta ezartzea.

Ekimena 2. "Basque green talent" programa (lan berdea) martxan jartzea, gazteak ekonomia zirkularraren aukeretan trebatzea helburu duena.

Ekimena 3. Produktuei bigarren bizitza bat emateko eta balio handiko birziklatze-estrategiekin lotutako negozio-eredu berriak sustatzea eta konponketarako aukerak bultzatzea.

Ekimena 4. ETEentzat jasangarritasunaren ebaluazio-sistema bat sortzea.

Ekimena 5. Digitalizazioari eta teknologia berriei laguntzeko programa bat garatzea trantsizio ekologikorako. Euskal enpresek blockchain bezalako teknologiak eta produktuaren pasaporte digitala bezalako tresnak erabil ditzaten, jasangarritasun-politiketan jauzi kualitatiboa egiteko.

Ekimena 6. Finantzaketa-lerroak sortzea material elektrikoak eta bolumen handiko materialak balorizatzen dituzten enpresentzat, eta ekonomia zirkularra bultzatzen dutenentzat.

Ekimena 7. Ingurumen-irizpide berriak sartzea Finkatuz Funtsaren, SGCRren eta haien Arrisku Kapital Funtsen bidez Euskadin enpresa estrategikoak sustatzeko parte-hartzeak lehenesteko.

Ekimena 8. Euskal Garbi Teknologien Zerrenda urtero eguneratzea, zerga-arloan kontuan hartu daitezen eta ekonomia zirkularra errazteko.

Ekimena 9. Gizartea prestakuntza eskaintzea ekonomia zirkularraren praktika onen balioa nabarmentzeko.

Ekimena 10. Ingurumen Aztarna Korporatiboa, Produktuaren Ingurumen Adierazpena edo Bizitza Zikloaren Azterketa bezalako ingurumen-ziurtagiriak eta egiaztapenak lortzeko laguntza handitzea.

Ekimena 11. Lanbide heziketako enpresak sortzea sustatzea, ekonomia eredu berrietara eta jasangarriagoetara bideratuak, hala nola ekonomia zirkularra.

Ekimena 12. Prestakuntza eta gizarteratze programak sustatzea kolektibo jakin batzuentzat, lantegi eskolen eta ofizio etxeen programak garatzea, eta ekonomia zirkularraren arloan lana sustatzea.

Ekimena 1. Hondakinen Azpiegituren Lurralde Plan Sektoriala onartzea, Euskadi 2030 Hondakinen Plana betetzean aurrera egiteko.

Ekimena 2. Urtero zabortegietara eramaten den milioi bat tona balorizatzeko hondakinak kudeatzeko proiektuak martxan jartzea bultzatzea.

Ekimena 3. Kontsumo Arduratsuaren programa bat garatzea, "Euskadin kontsumo zirkular eta jasangarri baten aldeko itun sozialaren" esparruan. Itun bat, ingurumen-inpaktu handiena duten kontsumo arloetan zentratzen dena: elikadura, ehungintza eta moda, mugikortasuna, ekipo elektrikoak eta elektronikoak.

Ekimena 4. Produktu nekazaritzako-abereentzako ingurumen-etiketak garatzea bultzatzea

Ekimena 5. Kontsumo jasangarria sustatzea: bigarren eskuko merkatuak sustatzea eta berrerabiltzea eta hurbileko elikadura bultzatzea.

Ekimena 6. Elikagaien xahuketaren aurkako neurriak garatzea, bai gizarte-sentsibilizazioaren arloan bai kontrol eta zigorren arloan.

Ekimena 7. Euskal Bizi-Zikloaren Azterketa Sarea sortzea. Tresna horren bidez, Euskadin fabrikatutako material eta prozesuei lotutako ingurumen-inbentarioaren datu berriak garatu, balioztatu eta argitaratuko dira, eta Europako Batasunak bultzatzen duen produktuaren ingurumen-pasaporteen erregistro publikoa sortu eta koordinatuko da.

Ekimena 8. Plastikoen ekonomia zirkularraren programa bat prestatzea, zabortegira doazen plastikoen hondakinak murrizteko, plastiko eta ontziei buruzko legeria betetzen jarraitzeko eta hondakin horiek behar bezala kudeatzeko aukerak identifikatzeko helburuarekin.

Ekimena 9. Hondakinak kudeatzeko datuen trazabilitate adimenduneko mekanismoak aktibatzea.

Ekimena 10. Euskadi 2030 Hondakinen Prebentzio eta Kudeaketa Plana betetzeko bidean aurrera egitea.

Ekimena 1. Etxebizitzen irisgarritasun-neurriak indartzea eta areagotzea, barneko egokitzapena barne, desgaitasuna duten edo mugikortasun murriztua duten pertsonentzat.

Ekimena 2. Eraikinen Ikuskapen Teknikoak (EIT) egiten jarraitzeko bultzadari segida ematea.

Ekimena 3. Zero Plana, alokairu publikoko parke publikoaren birgaitzea eta deskarbonizazioa, eta Alokabizi proiektua gauzatzen jarraitzea, alokairu publikoko parke publikoaren kudeaketa digital, jasangarri eta sozialki aurreratua herrialdearen azpiegitura gisa ulertuta.

Ekimena 4. Egungo eraikinak eta etxebizitzak birgaitzea sustatzea, jasangarritasun, energia- eraginkortasun eta irisgarritasun irizpideekin.

Ekimena 5. Arkitekturan berrikuntza eta eraikuntza jasangarriaren, ekoberrikuntzaren eta energia-eraginkortasunaren arloan ikerketa-proiektuak sustatzea. Hori guztia, Euskadi Bultzatu 2050 Hiri Agenda ezartzearen Estrategiarekin eta hiri-birsorkuntza integralaren proiektuekin bat etorriz, hiriak eta giza asentamenduak inklusiboak, seguruak, erresilienteak eta jasangarriak izan daitezen lortzeko.

Ekimena 6. Birgaitze eta hiri-birsorkuntza proiektuetan programa eta gailuak sartzea, gizarte- eta lan-integraziorako, Lanbidek finantzatutako eta tokiko bultzadatik gauzatutako prestakuntza eta enplegu proiektuen bidez.

Ekimena 7. Etxebizitza berriaren eraikuntzaren aldeko apustua egiten jarraitzea, 2010/31-Ec Zuzentarau Europarraren parametroen arabera, ia zero energia-kontsumoa duten eraikinak (“NZEB-Nearly Zero Energy building”) eraikitzeko.

Ekimena 1. Indarkeria matxistari buruzko aldizkako inkestak egitea, Euskadin duen prebalentzia aztertuz, bai eta azterlan espezifikoak ere, kuantitatiboak eta kualitatiboak, arazoaren ezagutza eta ulermena areagotzeko eta prebentzio-, arreta- eta erreparazio-politika eraginkorrak proposatzeko.

Ekimena 2. Indarkeria matxistako egoerak antzemateko tresnak indartzea eta hobetzea, eta biktimei gizarte-laguntza ematea.

Ekimena 3. Arreta-zerbitzuak hobetzea, administrazioen arteko koordinazio eraginkor eta efizientearen bidez, eta zerbitzuak eta prestazioak indarkeria matxistaren biktimen eskura egongo direla ziurtatzea.

Ekimena 4. Sexu-esplotaziorako pertsonen salerosketaren biktimak hautemateko eta babesteko protokolo bat egitea, administrazioen, polizia-kidegoen eta gizarte-erakundeen arteko koordinazioa hobetzeko. Protokolo horrek, delitu horren jazarpenaz gain, lehentasuna emango dio delitu hori jasaten dutenei eman beharreko babesari eta ordainari, gizarteratzeko eta laneratzeko neurriak barne.

Ekimena 5. "24 orduko krisi-zentroak" sustatzea, sexu-indarkeriaren biktima diren 16 urtetik gorako emakumeei arreta integrala, profesionala, espezializatua eta hurbilekoa emateko baliabide gisa.

Ekimena 6. Leihatila bakarra martxan jartzea, indarkeria matxistaren biktimei arreta eta babesa emateko espedienteen kudeaketa integratua ahalbidetzeko eta programak abian jartzeko.

Ekimena 7. Gizarteratzeko eta laneratzeko programak indartzea, indarkeriarik gabeko bizitza berri bati ekiteko.

Ekimena 8. Gizonduz programaren irismena zabaltzea, berdintasunari aurre egiten dioten gizon- taldeak barne hartzeko eta berdintasunari buruzko kontzientziazio-kanpainak egiteko, bereziki gizonentzat.

Ekimena 9. Edozein desgaitasun-mota duten neskatoen eta emakumeen premiei helduko dieten programa espezifikoak ezartzea, haien inklusioa eta laguntza-zerbitzu egokietarako sarbidea ziurtatuz.

Ekimena 1. Indarkeria matxistaren eraginpean dauden haurrei arreta emateko estrategia bat garatzea, berariazko zerbitzuak, metodologiak eta arreta-moduak izango dituena. Osasun- eta hezkuntza-arloekin koordinatutako estrategia.

Ekimena 2. Haur eta gazteei zuzendutako prebentzio-programa espezifikoak ezartzea hezkuntza informalaren esparruan, indarkeria txiki-txikitatik prebenitzeko.

Ekimena 3. Gazteentzako prebentzio-programen sorrera eta hedapena indartzea, jaietan eta gaueko aisialdian indarkeriaren prebentzioa lantzeko.

Ekimena 1. Haurren artean, txikitatik, berdintasuneko eta hezkidetzako programak indartzea.

Ekimena 2. Emakumeen elkarte-mugimenduaren eta mundu feministaren ekimenak sustatzea ahalduntzeko eta balioak aldatzeko proiektuetan.

Ekimena 3. Intersekzionalitatean aurrera egitea, emakume guztieiberen beharretan erantzun hobea emateko, ahalduntze pertsonal eta kolektibotik eta edozein adin, gizarte-eremu eta jatorritako emakume guztien aitortzatik abiatuta.

Ekimena 4. Politika publikoen esku-hartze eremuetan genero-zeharkakotasuna txertatzea, eragin politikoko estrategia gisa, egiturari eragiten diona eta gizartea berdintasunean eraldatzen duena.

Ekimena 1. Tratu-berdintasunerako plan eraginkorrak bultzatzea, indarrean dagoen araudiaren arabera, sexua, adina, arraza-jatorria edo jatorri etnikoa, erlijioa eta sexu-orientazioa direla-eta diskriminaziorik egon ez dadin. Plan horiek arrazakeriari eta xenofobiari aurre egiteko neurriak jasoko dituzte.

Ekimena 2. Aniztasuna sustatzea eta babestea, eta pertsonen eta kolektiboen diskriminazioaren eta estigmatizazioaren aurka borrokatzea.

Ekimena 3. Inklusioaren eta berdintasunaren alde lan egiten duten gizarte-erakunde eta - kolektiboekiko laguntza eta lankidetza indartzea, kultura-aniztasunaren, jatorriaren eta sexu-orientazioaren ardatzetatik abiatuta.

Ekimena 4. Tratu-berdintasunari eta diskriminaziorik ezari buruzko politiketan prestatzeko, bullying, homofobia edo mobbing jarrerak prebenitzeko eta desagerrarazteko planak bultzatzea, udalekin koordinatuta.

Ekimena 1. Euskadiko eremuan zigor-betearazpeneko zerbitzuen antolamendu- eta funtzionamendu-erregelamendu bat egitea. Euskal espetxe-administrazioaren eta espetxeen zerbitzu zentralen egitura organikoa eta funtzionala arautuko duen erregelamendua, bai eta espetxe-jardueraren esparruan lan egin behar duten gainerako erakunde-eremuen esku-hartzea ere, eta gizartearen eta herritarren parte- hartzea, espetxe-sistemari eta birgizarteratzeari dagokienez.

Ekimena 2. Azpiegitura berriak bultzatzea, euskal espetxeetako plazen eskaintza jatorriz Euskal Autonomia Erkidegoan bizi diren edo gizarte-lotura duten espetxeen eskarira egokitzeko; horretarako, erregimen irekiko unitate berriak izango dira lehentasunez, espetxe-administrazio integralaren ikuspegitik.

Ekimena 3. Dauden azpiegiturak espetxe-biztanleriaren profil heterogeneora egokitzea, kolektibo kalteberenen, buru-nahasmendu kronikoak dituztenen eta substantzia toxikoen kontsumorako adikzio-arazoak dituztenen behar espezifikoak azpimarratuz. Benetako beharretara egokitutako plantillak sustatuko ditugu, eta genero-ikuspegia espetxe- kudeaketan benetan txertatzea bermatuko duten jarduerak garatuko ditugu.

Ekimena 4. Espetxe-sistemaren birsozializazio-politikak indartzea, berrerortzea saihesteko, presoengan iraganaren berrikuspen kritikoa eta eragindako kaltearen aitorpena sustatuz, eta ingurune irekian tratamendu-, lan- eta prestakuntza-jardueraren esku- hartzea eta katalogoa indartzea.

Ekimena 5. Aukerak-Gizarteratzeko Euskal Agentziaren bitartez, prestakuntzaz eta laneratzeaz baliatuz, askatasunik gabe dauden pertsonei bigarren aukerak errazteko neurriak garatzea. 

Ekimena 6. Espetxeetan lan egiten duten erakundeetako profesionalek (espetxeetako SIP, Justizia Administrazioa, Ertzaintza...) plataforma informatikoetarako zeharkako sarbidea izatea, horietan jasotako informazioari dagozkion murrizketekin.