Ekimena 1. 2024-2029 aldirako Ekintzailetzaren Erakunde arteko Plana abiaraztea, ekintzailetza herrialdearen lehentasuntzat hartuta. Laugarren plan honek sakonduko du ekintzailetza-prozesuaren sinplifikazio administratibo batean. Herri erakargarri gisa kokatzeko garatu behar diren hiru trantsizio handiak aztertuko ditu aukera gisa, eta erakunde arteko eta sail arteko ezarpenari eutsiko dio, eragile publiko eta pribatuen lankidetzara irekita, heltze-etapa guztietan proiektu ekintzaileei laguntzeko,denen artean Euskadiren eraldaketa ekonomiko eta sozialerako ahalegina eginez.

Ekimena 2. "Up!" marka indartzea Euskadi ekintzailetza-ekosistema nazioartekotzen jarraitzeko tresna gisa, bai eta enpresei eta ekintzaileei ematen zaien laguntzan sakontzeko ere.

Ekimena 3. Titulartasun publikoko BICak (Business Innovation Centers) leihatila bakar gisa eta ekintzailetzaren euskal ekosistemara eta haren laguntza-zerbitzuetara sartzeko ate gisa posizionatuz indartzea.

Ekimena 4. Sortzeko, aurrera egiteko, hazteko eta finkatzeko ahalmena duten proiektuei finantzaketa eta inbertsioa eskuratzeko aukera handiagoak eskaintzea. Tresna propioen arteko koordinazioa hobetzea, baita finantzaketa pribatuarekin ere.

Ekimena 5. Basque Tek Ventures sustatzea oinarri teknologikoko enpresa berriak sortzen laguntzeko eta hauspotzeko tresna gisa, Euskadi ekintzailetza teknologiko- industrialeko gune gisa kokatzeko eta industria adimendunean espezializazioa sustatzeko.

Ekimena 6. Intraekintzailetzaren esparruan ekimen berri bat abiaraztea, ekimen eta proiektu berriak azaleratzeko, babesteko eta laguntzeko.

Ekimena 7. Belaunaldien arteko erreleboa kudeatzen eta ezagutza eskualdatzen laguntzea enpresen eremuan.

Ekimena 8. Startupak eskalatzeko BIND berrikuntza irekiko ekimenaren esparruan eskainitako zerbitzuak zabaltzea.