Ekimena 1. Ertzaintzaren lan-baldintzak arautzen dituen akordioari buruzko elkarrizketa eta ituna bultzatzea. Esparru horretan, Ertzaintzako langileen produktibitateak, indize zuzentzaileak eta garapen profesionaleko sistema eguneratzen aurrera egitea. Langile gehiago jartzea eta plantillak egokitzea, plazak betetzeko plana eta deialdien egutegia eta Ertzaintza Modernizatzeko Plana landuz.

Ekimena 2. Ertzaintzaren azpiegiturak eta erabiltzen dituzten tresnak berritzea. Nabarmendu beharrekoen artean daude Durangoko ertzain-etxea berritzea, helikopteroen flota berritzea eta ibilgailuen flota berritu eta modernizatzea.

Ekimena 3. Ekipamendu eta Material Batzordeak bultzatzea, Ertzaintzako langileen ordezkarien parte-hartzea indartuz.

Ekimena 4. Polizia eta Larrialdietako Euskal Akademiari eusteaz gain hobetzea eta garatzea, Euskal Polizia prestatzeko erakunde nagusi den aldetik, Ertzaintzaren eta udaltzaingoen egungo eta etorkizuneko erronkei aurre egiteko. Etengabeko prestakuntza indartzea lanbide-etapa osoan, agenteen ezagutzak eguneratuz, etengabe aldatzen den errealitate kriminologiko baten aurrean.

Ekimena 5. Polizia-agenteei banakako kamerak ematea, segurtasun juridikoa emateko, agintaritza judizialari zigor-arloko arau-haustea egin izanaren froga-elementuak emateko eta beren jardueren gardentasuna bermatzeko.

Ekimena 6. Larrialdietarako Unitatea indartzea, larrialdi- edo hondamendi-egoerei erantzuteko gaitasuna hobetzeko.