Azpiegitura erresilienteak eraikitzea, industrializazio inklusiboa eta jasangarria bultzatzea, eta berrikuntza sustatzea.

Ekimena 1. Digitalizazioan inbertsioa egitea, erakundeak hobeto kudeatzen laguntzeko, datuetan oinarrituta: osasun-karpeta, sentsorika eta HCrekiko konexioa, terapia digitalen aplikazioak, Adimen Artifiziala (AA).

Ekimena 2. ESI digital bat sortzeko aukerak aztertzea eta Command Center bat bultzatzea, osasun- sistemaren historia klinikoa eguneroko praktikan baliatzeko.

Ekimena 3. Big Data eta konputazio kuantikoa ezartzea euskal osasungintzan. 4.0 Osasun Plan bat egitea, datu handien erabilera anonimizatuaren bitartez, eta konputazio kuantikoko teknologia ezarriko dugu gure osasun-sisteman, pazienteentzako arretaren kalitatea eta osasun-gastuaren iraunkortasuna hobetzen laguntzeko.

Ekimena 4. Produktu klinikoak ikertzeko eta garatzeko funtsezko tresna gisa Osakidetzak izan dezakeen zeregina hobetzea, Startups Biotech eta sektoreko eragile biosanitarioekin lankidetzan.

Ekimena 5. Lankidetza-sareen barruan integratzen eta lan egiten duten ikertzaile sanitarioentzako sustapen-plan bat egitea, agente ikertzaile eta berritzaileen artean ezagutza- transferentzia hori sustatzeko eta ikerketa-bikaintasunean indize handiagoa izateko

Ekimena 6. Osasun-sistema publikoak unibertsitatearekin, industria farmazeutikoarekin eta arlo biosanitarioarekin duen lankidetza indartzea, eremu hori ere aberastasun-iturri izan dadin Euskadin.

Ekimena 7. I+G+B esparruan parte hartzen duten eragile guztien artean Osasun Ekosistema bat sustatzeko hitzarmenak garatzea, Euskadin talentua erakartzeko guneak sortuz.

Ekimena 8. Genero-ikuspegia ikerketa-proiektuetan sar dadin sustatzea, saiakuntza klinikoetan emakumeen ordezkaritza txikiagoarekin amaitzen lagunduz.

Ekimena 1. Euskal Lanbide Heziketa munduko erreferente gisa jartzea laugarren eta bosgarren industria-iraultzari erantzungo dion prestakuntzaren garapenean. Garapen profesionalaren paradigma berri bat ezartzea, haren nazioarteko proiekzioa bultzatuz eta Euskadiko lehiakortasunaren balio-katea indartuz, horretarako beharrezkoak diren araudiak eta planak ezarriz.

Ekimena 2. Lanbide Heziketako eskaintza malguagoa eta eskuragarriagoa zabaltzea, ikaskuntza erdipresentziala eta urrutikoa ere sustatuz, eta, horretarako, online prestakuntza eta modalitate horretako tituluak eta/edo ziurtagiriak egiaztatzeko aukerak zabaltzea

Ekimena 3. Lanbide Heziketaren eremuan, ikasleen euskarazko prestakuntzan eta eleaniztasunean aurrerapenak sustatzea, bigarren hezkuntzako hizkuntza-integrazioa eta -jarraitutasuna lortzeko.

Ekimena 4. Lanbide-irakaskuntzetan ingelesa erreferentziazko hizkuntza gisa sar dadin bultzatzea, ikasleek lan-aukerak eskura ditzaten, enpresen nazioartekotze-testuinguru batean.

Ekimena 5. Industria, osasuna edo nekazaritza adimendunak bezalako sektore berriei erantzungo dien Lanbide Heziketa bultzatzea, bai eta sektore estrategikoetan eta garapen bidean dauden sektoreetan beste prestakuntza batzuk ematea ere.

Ekimena 6. Talentu berritzailea sustatzea, emakumea industria- eta zientzia-sektoreetan sartzea indartuz, Lanbide Heziketak Unibertsitatearekin dituen ibilbideak, loturak eta lankidetzak zabalduz, eta sortzen ari diren sektoreetan enpresa berriak sortzea bultzatuz.

Ekimena 7. Lanbide Heziketako ikastetxeak erakunde adimendun bihurtzea, LHko sistema osoan eraldaketa digitala erabat garatzen gida daitezen. Zentroek ETEei eta mikroETEei laguntza ematea, teknologia adimendunik aurreratuenekin lan egin dezaten, erronka berriei eraginkortasunez erantzuteko behar den ezagutza praktikoa eskuratuz.

Ekimena 8. Erasmus+ bekak sustatzea Lanbide Heziketako ikasleentzat. Ikastetxeei Europako ikasleak hartzeko zentro izatea sustatzen laguntzea.

Ekimena 9. Lanbide Heziketa Dualeko sistema indartzea. Beren sektorearekin zerikusia duten enpresekin akordioak egitea sustatzea, alternantziako prestakuntza-eredu duala, ikasleen prestakuntza-kontratuen, beken edo praktiketako kontratuen bidez, eta gizartean edo lan-eremuan eskuratutako gaitasunak egiaztatzeko prozesuak bultzatzea, Gaitasuna Aitortzeko eta Ebaluatzeko Dispositiboa sendotuz, bai eta deialdi irekiak ere, herritarrek lehendik dituzten lanbide-gaitasunak egiazta ditzaten

Ekimena 1. Unibertsitateko eragileekin akordio zabal bat garatzea, Euskal Herriko eta Nazioarteko Unibertsitate Prestakuntza eta Ikerketaren aldeko Gutun batean jasoko dena. Gutun horrek nazioarteko ikuspegia duen euskal unibertsitate eta ikerketa politikaren zutabeak jasoko ditu hurrengo hamarkadarako

Ekimena 2. Bikaintasunera eta talentua eta ezagutza aurreratua sortzera bideratutako unibertsitate-sistemaren alde egitea, Euskadiren erronka teknologiko-digitalari eta garapen ekonomiko eta sozialari erantzuteko eragile gisa.

Ekimena 1. Alternantziako prestakuntza duala bultzatzea, unibertsitateen eta enpresen arteko akordioen bidez, lan-kontratuen edo beken bidez praktikak eta alternantziako prestakuntza duala egiteko.

Ekimena 2. Ezagutza zientifikoa gizarteari, pertsonei zein enpresei, transferitzeko bideak sustatzea. Unibertsitateek gizarteari zientzia-zabalkundea ematearen aldeko apustua egitea, bai eta herrialde-proiektuen aldekoa ere, hala nola Basque Quantum konputagailu kuantikoarena, herrialde-azpiegitura zientifiko berri bat emanez.

Ekimena 3. LHko eta Unibertsitateko baterako titulazioen eskaintza zabaltzea.

Ekimena 4. Prestakuntza duala zabaltzen jarraitzea, bai Lanbide Heziketan, bai unibertsitatean, euskal enpresa-sarearekin elkarlanean.

Ekimena 1. Doktoratu aurreko eta ondoko programetan egindako inbertsioak urteko batez beste
% 6 handitzea

Ekimena 2. Doktoratu ondoko ikertzaileen kontratazio-aldia bikoiztea, buelta daitezen, eta 4 urtera iristea.

Ekimena 3. Zientzian, teknologian eta berrikuntzan 2030ean BPGren %3ko inbertsio publiko- pribatua lortzeko bidean aurrera egitea, politika zientifikoan eta bikaintasun-ikerketan egindako inbertsioa urteko batez beste % 6 handituz.

Ekimena 4. Estrategia bat egitea, prestatzen ari diren ikertzaileen eta bitarteko irakasleen lana egonkortzeko.

Ekimena 5. Ikerbasqueren bidez bikaintasuneko ikertzaileak erakartzea sustatzea, bikaintasuneko ikerketa-taldeen arteko lankidetza sustatuz.

Ekimena 6. "Ikerbasque + Enpresa" programa abian jartzea, zientziak Euskadiko garapen ekonomiko eta sozialean duen eragina areagotzeko. Unibertsitateko eta BERC bikaintasuneko zentroen ikerketa sustatzea, bai eta zientzia, teknologia eta berrikuntzako gainerako euskal sarearekin duten lotura ere.

Ekimena 1. Ikertzaileak sortzea eta fidelizatzea sustatzea, bai eta Euskadira ikertzaile-profilak eta beharrezko funtsak erakartzea ere, profesionalak abangoardiako ikerketa batean sartzeko aukera areagotzeko. Talentu ikertzaile eta zientifikoaren prestakuntza, gaikuntza eta garapena indartzea, gaitasun digital eta teknologikoen hobekuntza eta eguneratzea sustatzea, baita STEAM hezkuntza ere.

Ekimena 2. Ikertzaileen prestakuntza eta nazioarteko mugikortasuna sustatzea, bai eta karrera profesional ikertzailea hobetzea ere.

Ekimena 3. Zientzia, teknologia eta berrikuntzaren arloan genero-berdintasuna sustatzea, eta genero-ikuspegia ezartzea erronka globalei lotutako arloetan, bai ikerketan, bai konponbide berritzaileen diseinuan. Aukera-berdintasuna, eskubideak eta erantzukizunak sustatzea.

Ekimena 1. 2028rako Industria Garatzeko Plan espezifiko bat abian jartzea, 4.0 eta 5.0 industriak ETEetan txertatzen laguntzeko. Plan horrek teknologiaren, berrikuntzaren, azpiegituren, iraunkortasunaren, ekintzailetzaren, nazioartekotzearen, finantzaketaren eta industriaren ikuspegi sozial berria duten pertsonen kudeaketaren bektoreak jasoko ditu.

Ekimena 2. Pertsonekin konprometitutako enpresa-kultura bultzatzea. Konfiantzan oinarritutako kultura, helburu inspiratzailea duena, baloreena, eta erakunde bateko pertsona guztiak fidelizatzen dituena, batez ere talentu gaztea, adina eta posizioa edozein direla ere, dibertsitate funtzionala duten pertsonen inklusioa sustatuz.

Ekimena 3. Izapide burokratikoak sinplifikatzea eta gure enpresen erregulazio-prozesuak arintzea, enpresetan karga burokratikoa arrazionalizatzeko plan baten bidez.

Ekimena 4. Elkarlan eta laguntzako ekosistemaren (klusterrak, ganberak, elkarteak...) eraginkortasuna indartzea, industria-sare eta sare ekonomiko osoa, batez ere ETEak, deskarbonizazioaren, digitalizazioaren eta trantsizio sozialaren ondoriozko erronka handien eta egiturazko aldaketen aurrean elkarren artean lotzeko, inolako arrakala sortzea saihestuz eta lehiakortasunaren hobekuntzan sakonduz.

Ekimena 5. Basque Automotive Manufacturing Center (BAM) Jundizen Automobilgintzan Fabrikazio Aurreratuko Teknologiak Garatzeko Euskal Zentroaren proiektua abian jartzea. Zentro horrek produkzio-egitura eraldatzen lagunduko du, automobilgintza- sektorearen balio-katearen lehiakortasuna eta iraunkortasuna bultzatuz, Mercedes- Benz, Gestamp eta MB Sistemas de Corporación Mondragón enpresekin batera.

Ekimena 6. Enpresei laguntzea balio-kateen kanpo-mendekotasuna murrizten eta Euskadin hornitzaile-kateak garatzen.

Ekimena 7. Aberastasuna sortzeko eta ekitatez banatzera begira aldi berean garatuko duten politikak diseinatzea. Industria berriak iraunkorra izan behar du, ez bakarrik ingurumenari dagokionez, baita gizarteari dagokionez ere.

Ekimena 8. Ekosistema lehiakor bat garatzea lehiakortasuna eta ongizatea sortzen duten enpresa- proiektuak erakartzeko eta tokiko hornidura-kateen iraupena bermatzeko, ezagutza duten hornitzaile txikien segida babestuz.

Ekimena 1. Industria Azpiegiturak Garatzeko Inbertsio Funts bat sortzea, SPRIri atxikia, partaidetza publikotik abiatuta kapital pribatua erakarriko duena industria-azpiegitura berriak garatzeko.

Ekimena 2. Interes industrial eta ekonomikoa izanik erabiltzen ez diren aktiboak (lurzorua eta azpiegitura industriala) berreskuratzeko eta horiei balioa emateko estrategia indartzea, kokaleku berrietarako lurzoruaren artifizializazioa minimizatuz.

Ekimena 3. Erabiltzen ez diren aktiboak leheneratzeko eta berreskuratzeko jarduketetatik datozen lurzati industrialen eta eraikinen 1.250.000 m2 industria berriaren eskura jartzea.

Ekimena 4. Hirigintza-garapen berrietatik datozen industria-lurzatien eta eraikinen 1.600.000 m2 gaitu eta merkatuaren eskura jartzea.

Ekimena 5. Indarrean dagoen arau-esparruak eskaintzen dituen aukeren barruan, hirigintza- tramitazioa arintzea, gizarte osoan duten eragin positiboagatik interes orokorrekotzat jotako proiektuak garatu eta ezartzeko, betiere kontsulta publikorako bermeak eta, hala badagokio, epeak mantenduz eta garapen-epeak nabarmen murriztuz.

Ekimena 6. Industria-sarearen eraldaketa, espezializazioa eta hazkundea indartzea, eta industrian deskarbonizazio-prozesua modu eraginkor eta ordenatuan bultzatzea.

Ekimena 1. Finkatuz funtsari bultzada bat ematea, inbertsio estrategikoak egiteko, herri honetan giltzarritzat jotzen diren enpresen aurrerapena, hazkundea, sustraitzea eta enpresen sare ekonomiko eta industrialean eragitea bermatzeko. Bultzada hori Funtsaren kapitala pixkanaka handitzean gauzatuko da. Halaber, araudia sinplifikatuko da, inbertsio- eta desinbertsio-erabakien arintasuna hobetzeko. 

Ekimena 2. SPRI taldeko Euskadiko Arrisku Kapitaleko Sozietatearen eta hark kudeatutako funtsen jarduera indartzea eta zabaltzea, Finkatuz Funtsaren jarduera eta Euskadiko ekonomia- eta industria-sareari laguntzea osatuz.

Ekimena 3. "BasqueFik" Finantza eta Inbertsio Klusterraren jarduera babestea eta indartzea, ekonomia- eta industria-ehunaren errotzea eta hazkundea bultzatzeko ikuspegi integraleko finantza-tresnak eta inbertitzaileak garatzeko, hiru trantsizio handien ondoriozko erronken aurrean lagunduz.

Ekimena 4. Euskadiren finantza-gaitasunak lerrokatzea eta ardaztea, euskal funts handi bat osatzen duten hainbat tresna publiko-pribaturen bidez, bai eta finantza-inbertsioko euskal ekosistema osoaren mobilizazioa ere, enpresak hazteko eta errotzeko eragiketa industrialei eta teknologikoei ekiteko. Inbertsio-ahalegin horrek tamaina ertaineko euskal multinazionalen errotzea ziurtatzera bideratutako ildo bat izango du.

Ekimena 5. Euskal BGAEen erregulazioa aldatzea, kapitalaren ehuneko bat euskal industria-, enpresa- eta teknologia-ehuna errotzea eta haztea ahalbidetzen duten proiektuetan inbertitua izan dadin, eta euskal finantza-eragileen artean, hala nola finantza- erakundeen eta banku-fundazioen artean, sozialki arduratsua den inbertsio-politikak sustatzea.

Ekimena 6. Hazkunde handiko proiektuen eta enpresa bultzatzaileen finantzaketa erraztea, lurraldean ekimenak errotzea sustatzeko, haien hazkundea eta dibertsifikazioa ahalbidetzeko, eta hornitzaileak lurraldean garatzea eta gaitzea ahalbidetzeko.

Ekimena 7. Trantsizio global handi batekin edo batzuekin konpromisoa hartzen duten enpresak bultzatzea, Foru Aldundiekin batera lan-baldintza zuzen eta erakargarriak sustatzen dituzten zerga-politikak sustatuz.

Ekimena 8. Lehentasunezko jarduera-eremuetarako eskualde-plan estrategikoak garatzen jarraitzea, Ezkerraldea-Meatzaldea, Enkarterri, Oarsoaldea, Aiaraldea, Debabarrena eta Busturialdea-Urdaibai eskualdeetako ekonomia eta gizartea suspertzen jarraitzeko.

Ekimena 9. Proiektu bideragarriei bizirauteko eta sendotzeko aukera emango dien finantzaketa lortzen laguntzea, zailtasunak dituzten enpresak berregituratzeko eta bultzatzeko laguntzak indartuz (Bideratu Berria programa), bai eta kaltetutako langileak birkokatzeko eta birziklatzeko ekintzak ezartzen jarraitzea ere (Aukeraberri programa).

Ekimena 10. Finantzen Euskal Institutuaren jarduerak indartzea, euskal enpresa bultzatzaileak errotzen laguntzeko tresna gisa, eta Dirulaguntzak arautzen dituen Lege berriaren aurreikuspenak garatzea, enpresen deslokalizazioak saihesteko.

Ekimena 1. Sare elektrikoaren indartzea bultzatzea, elektrifikazioan, sorkuntza berriztagarriaren garapenean, industria-proiektu berrien ezarpenean eta gure ekonomiaren deskarbonizazioan aurrera egiteko gaitasun nahikoa emanez.

Ekimena 2. Gure industria-ehunaren autohornikuntza energetikoa bultzatzea, energia berriztagarrien bidez. Industrialdeetan energia-komunitateetako edo autokontsumoko proiektuak babestea, proiektu horiei lotutako izapideak sinplifikatuz eta finantzaketa-lerroak ere haien eskura jarriz.

Ekimena 3. Energia-azpiegitura berrien (hidrogeno berdea, esaterako) ahalmena indartzea.

Ekimena 4. Net-Zero Basque Industrial Super Cluster garatzea, bai eta haren jarraipen-plataforma ere, euskal industriako energia-kontsumoaren deskarbonizazioa bizkortzeko eta indartzeko. Horrela, emisio garbiak murriztuko dituzten eta garapen teknologikoetarako aukerak sortuko dituzten irtenbideak bultzatuko dira, eta, horrekin batera, kalitatezko enplegua sortuko duen industria berria.

Ekimena 5. Erregai sintetiko deskarbonizatuen proiektuen garapena bultzatzea, hala nola abiazioan erabiltzeko Syntetic Aviation Fuel, hidrogeno berdetik eta CO2tik abiatuta, elektrifikazio zaileko sektoreen deskarbonizaziora bideratutako proiektuak lehenetsiz.

Ekimena 6. Enpresen produktibitatea eta lehiakortasuna handitzeko beharrezkoak diren ekoizpen-instalazioak berritzeko eta modernizatzeko inbertsioari laguntzea, fokua sortutako prozesuetan, produktuetan edo zerbitzuetan jarriz.

Ekimena 7. Foru Aldundiekin lankidetzan, pizgarri ekonomikoen sistema bat garatzea industria- sektoreak, merkataritzak eta zerbitzuek energia-eraginkortasunean inbertsioa egin dezaten. Sistema horrek zuzeneko laguntzak, Teknologia Garbien Euskal Zerrenda zabaldu eta hobetuko duten pizgarri fiskalak eta euskal enpresek Europako taxonomia berderako duten sarbidea bultzatuko du, digitalizazioan, eraginkortasunean, deskarbonizazioan eta langileekiko elkarreraginean sakonduz.

Ekimena 8. Dibertsifikazio produktiboa dinamizatzea, trantsizio teknologiko-digitaletik, energetiko-klimatikotik eta soziodemografikotik sortutako aukera berriak sortuz, silver economy delakoa barne, bai eta produktu eta prozesuen garapen teknologikoa eta berrikuntza eta bioteknologiaren, mikroaren eta nanoteknologiaren inguruko ezagutza aurreratuko industria intentsibo berrien agerpena ere.

Ekimena 9. Euskadin jarduten duten finantza-erakundeek, batez ere euskal kapitala dutenek, praktikak egokitu ditzaten sustatzea, ekonomiaren deskarbonizazioa bultzatzeko.

Ekimena 1. Gasteizko egungo Campusa handitzea eta, hirian bertan, Vitoria-Gasteizen, Parkerako sarbide berri bat irekitzea.

Ekimena 2. Bilboko Campusa eraikitzea, Zorrotzaurreko hegoaldeko zein iparraldeko puntan, enpresak, teknologia- eta ikerketa-zentroak eta prestakuntza-zentroak bertan ezartzeko.

Ekimena 3. Abantoko Campusa garatzea, Hidrogenoaren Living Lab-a eta Hidrogenoaren Mugikortasun lursaila ekonomiaren deskarbonizaziorako aitzindaritzat hartuta.

Ekimena 4. Ortuellako Campusa hedatzea.

Ekimena 5. Donostiako Campusean, Illunben, lehenengo eraikina eraikitzea.

Ekimena 6. Hernaniko Campusean eraikin berria amaitzea.

Ekimena 7. Hondarribiko Campusa sortzeko lehen urratsak.

Ekimena 8. Irungo Bidea (hiri-barrutia) proiektuaren industria-garapenari laguntzea.

Ekimena 9. Eibarko Erisono poligonoan eraikitzen ari diren erabilera tertziarioko eraikin berria garatu eta merkaturatzea.

Ekimena 10. Zumarragako 1. eta 2. Altzairutegi- eremuko industria-berroneratzea.

Ekimena 1. Enpresaren nazioartekotzea sustatzen jarraituko dugu, iraunkortasunez eta modu inklusiboan, SPRIren kanpo-sarea indartuz, nazioartekotzen saiatzen diren enpresei laguntzeko, esportazioak, kanpoko ezarpenak eta tokiko banatzaileekiko lankidetza- estrategiak bultzatuz.

Ekimena 1. Eusko Jaurlaritzaren I+G+bko politiketarako aurrekontu-inbertsioa gutxienez %6 handitzea legegintzaldian zehar.

Ekimena 1. I+G eta berrikuntzako inbertsio-bolumena sustatzea eta berrikuntzan enpresa berriak sartzea, ETEetan ahalegin berezia eginez.

Ekimena 2. Enpresei berrikuntzako lehen urratsetan laguntzea, kudeaketa eta antolaketa eraldatzeko eta hobetzeko proiektuekin, laguntza-ereduak eta -sistemak emanez.

Ekimena 3. Euskal enpresa-ehunari laguntzea merkatuan bereizketa eta lehia-abantailak lor ditzan, eragile gisa funtzionatuko duten berrikuntzaren eta teknologiaren bidez.

Ekimena 4. Enpresetan I+G+b esparruko jarduerak garatzeko gaitasunak txertatzen laguntzea, giza baliabide espezializatuei zein materialei dagokienez

Ekimena 5. Enpresen I+G proiektuak eta horrelako jardueretan enpresen inbertsioa sustatzen duten mekanismoak babestea, teknologiaren transferentzia bizkortuz.

Ekimena 6. Enpresa-berrikuntzako proiektuak, industrializazioa, eskalatze-lanak, prototipoak, metodologiak eta kontzeptu-probak babestea, bereziki ETEei dagokienez, funtsezko hiru alderdietan: produktuak, negozio-prozesuak eta kudeaketa-ereduak.

Ekimena 7. Ikerketatik, garapenetik eta berrikuntzatik eratorritako emaitzei balioa ematea, batez ere ETEei dagokienez, patenteen, diseinu industrialen edo marken bidez babestuz.

Ekimena 8. Eusko Jaurlaritzaren Zientzia, Teknologia eta Berrikuntza Planaren esparruan, Unibertsitatearen eta Lanbide Heziketaren lankidetza indartzea I+G+b proiektuen garapenean, ETEen berrikuntzari laguntza ematen dioten eragile gisa.

Ekimena 1. Zientzia, Teknologia eta Berrikuntzaren Euskal Sareak (ZTBES) enpresa-ehunaren euskarri gisa betetzen duen zeregina optimizatzea, ezagutza eta gaitasunak sortuta, Euskal Autonomia Erkidegoko lehentasunezko espezializazio-eremuetara bideratuta, bikaintasuna emaitzetan, inpaktua eta transferentzia eraginkorra euskal enpresa- ehunari, bai eta herri-administrazioei eta euskal gizarte-erakundeei ere, egungo eta etorkizuneko erronkei aurre egiteko.

Ekimena 2. BRTA Aliantza (Basque Research and Technology Alliance) indartzen laguntzea, bai eta Europan eta nazioartean duen posizionamendua ere, herrialdearen erronkei modu espezializatu eta eraginkorrean heltzeko tresna gisa. Hori guztia lankidetzan eta nazioarteko parte-hartzearekin, ezagutza sortzeko eta transferitzeko.

Ekimena 3. Euskadiren gaitasun zientifikoak, teknologikoak eta ikerketa-azpiegiturak indartuko ditugu, trantsizio hirukoitzari lotutako erronkei aurre egiteko eta euskal industria- sareari bere ezagutza-oinarria sendotzen laguntzeko.

Ekimena 4. Zentro teknologikoen eta lankidetzako ikerketa-zentroen bideragarritasuna egituraz babestea. Halaber, azpiegitura eta ekipamendu aurreratuak eskuratzen laguntzea, zentroek beren jarduera ezagutzaren mugan garatu ahal izan dezaten.

Ekimena 5. Oinarrizko Ezagutza Sortzeko fasean ZTBESko eragileen arteko lankidetzan I+G+b proiektuak egiten laguntzea, euskal enpresetara transferitzeko eta emaitzak gerora garatzeko.

Ekimena 1. Euskadi 2030 Eraldaketa Digitalerako Estrategia berria egitea eta ezartzea.

Ekimena 2. Adimen Artifizialeko soluzioen garapena eta enpresek soluzio horiek ezartzea eta erabiltzea erraztea, algoritmo berriak entrenatzea eta/edo informazioa konfiantzazko ingurune batean ustiatzea ahalbidetuko duten azpiegitura seguruak eta datu-biltegiak sortuz eta enpresen eskura jarriz.

Ekimena 3. Datuen kudeaketa adimentsua eta etikoa sustatzea, datuak sendotasunez eta gardentasunez kudeatzeko eta gobernatzeko urratsak emanez, eta bildutako datuak behar bezala egituratuta, eguneratuta, testuinguruan kokatuta eta estandarizatuta daudela ziurtatuz.

Ekimena 4. Arrakala digitala saihestuko duen digitalizazio inklusiboa bultzatzea eta gaitasun digitalak sustatzea, ekonomia globalizatu batean Euskadiren garapen ekonomikorako eta lehiakortasunerako ezinbesteko elementu gisa.

Ekimena 5. e-Administrazioan sakontzen jarraitzea. Administrazio-prozesu berriak digitalizatzea, izapide berri horiek modu erraz eta seguruan egin daitezkeela ziurtatuz, herritarren eta administrazioaren arteko harremana zailtzen duten oztopoak kenduz.

Ekimena 6. Baliabide fisikorik ez duten herritarrek izapide administratiboak modu autonomoan egin ahal izateko puntu digitalak eskaintzea. Horren osagarri gisa, aurrez aurreko eta telefono bidezko arreta nahikoa eta kalitatezkoa ematea.

Ekimena 7. Euskadi nomada digitalen lehentasunezko helmuga gisa sustatzea. 

Ekimena 8. Lankidetza eta iraunkortasuna sustatzea. Erakundeen eta ezagutza-sareen arteko lankidetza sustatzea eta aurrerapen iraunkorraren alde egitea, ezagutza, adimena, datuak eta eraldaketa digitala baliatuz, pertsonen ongizatea eta bizi-kalitatea hobetzeko, iraunkortasunari uko egin gabe.

Ekimena 1. ETEei digitalizazio-prozesuak bizkortzen laguntzea, eskuragarri dauden programa publiko guztiei ahalik eta etekin handiena ateratzen lagunduko dien orientazio espezializatua emanez.

Ekimena 2. Basque Microelectronics Hub eremuan euskal enpresen eraldaketa digitalerako prozesuari laguntzeko aukera emango duten proiektu berezi berriak sortzea eta erakartzea, bai eta konputazio kuantikoaren erabilera bultzatzea ere, Basque Quantumekin koordinatuta.

Ekimena 3. Komunikazio-azpiegiturak garatzen laguntzea, 5G estaldura zabala eta enpresa- erabilerako zerbitzuak lortze aldera, enpresek teknologia horren inguruko irtenbide aurreratuak inplementatu ahal izan ditzaten. 

Ekimena 4. Datuaren ekonomia sustatzea, horren inguruan enpresa eta negozio-eredu berriak garatzen lagunduz, eta administrazio publikoek kudeatutako datu ez-sentikorrak gizartearen eta enpresen esku jarriz.

Ekimena 5. Datuaren gobernu-eredu bat definitzea eta ezartzea, Euskadiko erakunde guztiak bilduko dituena eta arlo horretako ahaleginen koordinazioa hobetuko duena.

Ekimena 6. ROBOTEKIN (Robotika eta Automatizazio Poloa) bultzatzea, sektoreko balio-kate osoarekin lankidetzan.

Ekimena 7. Euskadiko IoT ekimenak babestea, euskal industria-sareari erantzunak eman diezazkioten.

Ekimena 8. Ekintzailetza digitala sustatzea, digitalizaziotik eratorritako irtenbide digital eta negozio-eredu berriak garatuko dituzten startup eta enpresa berritzaileen sorrera babestuz.

Ekimena 9. Euskal enpresetan zibersegurtasuna indartzeko programa espezifikoak ezartzea, ETEen eskura dauden baliabideak eskainiz.

Ekimena 10. Enpresen produktibitatea hobetzeko "Key Enabling Technologies" (Funtsezko Teknologia Bideratzaileak) tresnak ezartzeko eta sustatzeko hainbat urtetarako laguntza-programak sortzea.

Ekimena 1. Euskadiko Adimen Artifizialeko Ekintza Plana egitea, AAren boterea aprobetxatzeko eta euskaldunentzat emaitza positiboak eskaintzeko ekimen zehatzak jasoko dituena.

Ekimena 2. Hainbat kolektibori zuzendutako AAren arloko gaikuntza bultzatzea, bai ikertzaileei, bai goi-mailako ezagutzak dituzten teknikariei, bikaintasunaren, teknikaren, akademikoaren eta intelektualaren helburua lortzen laguntzeko, bai herritar guztiei laguntzeko. Gizartea eguneroko bizitzan integratzen joango diren irtenbide berriak ulertzeko eta maneiatzeko gai izan dadin laguntzea.

Ekimena 3. Datuen gordailu bat sortzea babestea, Euskadi eta Europako balioetan eta arauetan oinarritutako AA fidagarria gauzatu ahal izateko.

Ekimena 4. AAren inguruko kontzientziazioa areagotzea, herritarrek erabaki logikoenak eta zuzenenak har ditzaten, AA gure bizitzan presentzia handiagoa izango duen testuinguru batean.

Ekimena 5. Eragile publiko eta pribatuekin lan egitea, Euskadi industriako erreferentzia-nodo gisa kokatzeko.

Ekimena 6. Adimen Artifizialeko Euskal Zentroarekin (BAIC) lankidetzan aritzea, AAren ezarpena eta erabilera bizkortzeko, modu etiko eta seguruan, industriaren sektore guztietan.

Ekimena 7. Datu-espazioen proiektu pilotuak bultzatzea, non industria-enpresek datuak modu seguruan partekatu eta ustiatu ahal izango dituzten, AAren bidez beren negozioen produktibitatea eta eraginkortasuna optimizatzeko.

Ekimena 8. Europar Batasuneko Adimen Artifizialaren Legearen sandbox delakoan parte hartzea eta Euskadin berezko sandbox bat sortzea, adimen artifizialeko erabiltzaileen eta hornitzaileen arteko lankidetza ahalbidetuko duena.

Ekimena 1. "European Transport Networks, TEN-T" salgaien korridore atlantikoa bultzatzea, "Lille- Vitoria-Gasteiz trenbide-autobidea" garatuz, Jundizko plataforma multimodala eraikiz eta Lezoko plataforma logistikoa garatuz, Pasaiako portuaren trenbide- eraginkortasuna indartuz.

Ekimena 2. Astigarraga-Oiartzun-Lezo abiadura handiko tartearen garapena abian jartzea, "Y" - euskal trenbidearen eta Europako korridore atlantikoaren funtsezko zati den aldetik, indarrean dagoen gomendioan aurreikusten den plataformaren proiektuaren eta obren ildotik.

Ekimena 1. Lehentasuna ematea Euskadiko Abiadura Handiko Trenbide Sarea amaitzeari, Europako Sarearekin lotzeari, Nafarroarekin lotzeari eta euskal hiriburuetako geltoki berriak eraikitzeari.

Ekimena 2. Bilboko eta Gasteizko sarbideen eta geltokien garapena bultzatzea. Geltoki berriak eraikitzeko behar diren obrak hasiz eta abiadura handiaren hiri-integrazioa garatuz. Bilborako sarbideak eta Basauriko behin-behineko geltokia, eta Gasteizko lurperatzea eta Arkautiko lotunea.

Ekimena 3. Ortuella eta Bilbo artean hegoaldeko trenbide-saihesbidea eraikitzea, Bilboko portuarekin eta Abiadura Handiko Sarearekin lotzea (I. fasea) eta Arrigorriagarainoko proiektua idaztea (II. fasea).

Ekimena 4. Renferen aldiriko zerbitzuak hobetzea gaur egun dauden bost lineetan, batez ere jende gehien dabilen tarteetan, hala nola puntako orduetan edo ekitaldi berezietan, baita asteburuetan ere.

Ekimena 5. Renferen aldirietako material mugikorra hobetzea, trenbideetako transferentziaren akordioa abian jarri ondoren.

Ekimena 6. Araban Araia eta Gasteiz artean, Gasteiz eta Manzanos Erribera Beitia artean eta Bizkaian Bilbo eta Karrantza artean aldiriko zerbitzu berriak martxan jartzeko aukera eta bideragarritasun ekonomikoa aztertzea.

Ekimena 7. Karrantza-Aranguren anezka bat bultzatzea Karrantza ibarreko herritarrentzat.

Ekimena 8. Vitoria-Gasteizko tranbia Zabalganara zabaltzea. Informazio-azterlana amaitu eta eraikuntza-proiektua idatziko dugu, eta tranbia Zabalganara zabaltzeko lanak hasiko ditugu. Betoñun kotxetegi berriak eraikitzea.

Ekimena 9. Tranbia-zerbitzua Buesa Arena pabilioiko kirol-eremuraino eramateko aukerak aztertzea.

Ekimena 10. Bilboko tranbia Zorrotzaurrera zabaltzea. 

Ekimena 11. Atxuri-Bolueta tranbia-zatian geltoki eta igogailu berri bat sartzeko aukerak aztertzea, Santutxuko beheko aldeari zerbitzua emateko.

Ekimena 12. Tren-geltoki berriak: topoa Irungo geltoki intermodal berrian integratzea (Irungo trenbidearen operazioa bultzatzea), Astigarragako aldirietako geltoki berria, Anoetako geltoki berria (Donostia) eta Usurbilgo geltoki berria. Zumaia, Gernika, Bermeo eta Lutxanako geltokien birmoldaketak osatzea.

Ekimena 13. Gernika-Bermeoko Euskotrenen linearen azpiegitura eta maiztasuna hobetzea. Zugastietan, Autzaganeko tunelaren irteeran, trenbidea bikoiztea, trenak gurutzatu ahal izateko eta, horrela, maiztasunak bikoiztu ahal izateko, Amorebieta eta Bermeo artean 30 minututik 15 minutura. Egungo Murueta ontziolaren parean geraleku berri bat eraikitzeko azterlana egitea.

Ekimena 14. Euskal Trenbide Sarearen trenbide-azpiegituretan hobekuntzak egitea: Aginagako mozketa osatzea, Zumaia eta Donostia arteko 15 minutuko maiztasuna ahalbidetzeko; Zumaia eta Eibar arteko 30 minutuen lorpena ezartzea (Altzolako Korta, trenbide bikoitzeko tunela eraikitzea eta trenbide-pasaguneak kentzea); Herreratik Pasaiako porturako sarbidea (zabalera metrikoko salgaiak); Altzolako saihesbidea eta trenbide- pasaguneak kentzea (Amorebieta-Bernabeitia, Euba, Usurbil, Deba...).

Ekimena 15. Metro Bilbaoko 4. linearen alde egitea, erakunde eskudunek adosten duten proiektuarekin bat etorriz.

Ekimena 16. Durangaldea, Bedia, Usansolo, Galdakao, Basauri eta Bilbo lotuko dituen trenbide berriaren (5. linea) eraikuntzan aurrera egitea. Sarratuko erabiltzaileek konexioa hobetzeko dituzten aukerak aztertuko ditugu.

Ekimena 17. Bilbo-Loiu aireporturako trenbide konexioa burutzeko lanak aurrera eramatea.

Ekimena 18. Baiona eta Donostia lotuko dituen trenbide-zerbitzu berri baten sorrera bultzatzea.

Ekimena 19. Eibarren trenbidearen trazadura (Estaziño-Azitain tartea) hirian integratzeko proiektuarekin jarraitzea, trenbideak estaliz eta oinezkoen eta bizikleten joan- etorrietarako pasealeku bat sortuz.

Ekimena 20. Loiolako Erriberetako aldagailua eraikitzea, espazio berean Renfeko eta Euskotreneko erabiltzaileek bi operadoreen arteko transbordoak egin ditzaten eta Donostiako lurpeko pasabidea zerbitzuan jartzeko, eta Easo-Amarako hiri-berrikuntzako operazioa garatzea.

Ekimena 21. Arriagas Erandion trenen kotxetegi berriak egitea, 3., 4. eta 5. lineei zerbitzua emateko.

Ekimena 1. Guardiako Ardoaren Etxea egokitzen laguntzea, enologiari buruzko aholkularitza- zentro, mahatsaren kalitate-parametroetan erreferentziazko laborategi eta mahastizaintzari buruzko ikerketa-zentro gisa.

Ekimena 2. Berrikuntza enogastronomikoko proiektu eta programa berriak garatzea, gastronomiaren eta edarien sektoreari laguntzeko zientzia eta gastronomia uztartzen dituzten zentro berrietan Euskadiren nazioarteko estatusa sustatzeko eta bere izen ona finkatzeko: GOe (Gastronomy Open Ecosystem) eta EDA Drinks & Wine, Gasteizko eta Guardiako campusekin.

Ekimena 3. Nazioarteko kideekin lan egitea, ETEentzako eta euskal enpresentzako laguntza- programa bereziak bultzatuz.

Ekimena 1. Merkataritza Ganberen Legea bultzatzea, Euskadiko saltoki eta ETE guztiei aholkularitza eta laguntza emateko zerbitzuen eskaintza hobetzeko.

Ekimena 2. Merkataritza- eta ostalaritza-mahaiak abian jartzea, merkataritza- eta ostalaritza- sektoreko elkarteek, udalekin, aldundiekin eta Eusko Jaurlaritzarekin batera, sektorerako neurri berriak adostu ahal izateko.

Ekimena 1. Digitalizazioaren eta iraunkortasunaren inguruan, merkataritza-enpresak modernizatzeko eta eraldatzeko inbertsioari laguntzeko programa berriak sustatzea.

Ekimena 2. Sektorearen profesionalizazioa, prestakuntza espezializatua eta gremio-lanbideen sustapena eta gaikuntza indartuko ditugu, baita gizarteratzea eta langile berriak merkataritzan sartzea ere, eta hori guztia lan baldintza onekin.

Ekimena 3. Banakako eraldaketa digitala sustatzea, laguntza pertsonalizatuaren bidez, merkatarien gaikuntza digitala babesteko.

Ekimena 4. Merkataritzaren ezagutzaren kudeaketa eta dibulgazio eraginkorra sustatzea, Enfokamer Merkataritza Banaketaren Euskal Behatokiaren bidez eta ikerketa espezializatuko ekimenen bidez.

Ekimena 5. Merkataritzaren ezaugarri berezietara egokitutako merkataritza-ekintzailetzako programa bat garatzea, merkataritza-enpresari lagunduko diona enpresa- ekintzailetzaren fase posible guztietan: ezarpena, errotzea, barne-ekintzailetza eta enpresa-transmisioa.

Ekimena 6. Euskadin ezarritako merkataritza-arreta teknikoko sistema eguneratzea, herrien eta eskualdeen errealitatea zuzenean ezagututa.

Ekimena 7. Euskal elkarte-sarearekiko lankidetza sustatuko dugu, haien presentzia eta ordezkaritza kolektiboa indartzeko, sektoreen erronkei eta eskaerei aurre egiteko.

Ekimena 1. DTI (Helmuga Turistiko Adimendunak) eredua sustatzea eta enpresetara eramatea, IZT (Enpresa Turistiko Adimentsuak) gehiago izan ditzagun.

Ekimena 2. Basquetour Learning zerbitzuen bidez sektoreari zuzendutako prestakuntza-eskaintza handitzea eta barneko eta kanpoko jardunbide egokiak zabaltzea.

Ekimena 3. Erabaki estrategikoak hartzeko Turismo Adimenaren Sistemaren erabilera sustatzea, eta lortutako ezagutza sektoreko eragileen artean zabaltzea.

Ekimena 4. Euskadiko Turismo Behatokiari gaitasun handiagoak ematea turismo-jardueraren jarraipena gidatu eta koordinatzeko, helmugako zerbitzuaren kalitatea monitorizatzeko jarduera handiagoa barne, iritzi-kanal online nagusietan turisten iritzien jarraipena eginez.

Ekimena 5. Adimen artifizialaren erabilera sustatzea, datuak aztertzeko eta bidaiarien portaeran ereduak eta joerak identifikatzeko.

Ekimena 6. Turismoaren sektorea ZTBPn (Zientzia, Teknologia eta Berrikuntza Plana, Euskadi 2030) sartzea indartzea. Ezinbestekoa da I+G+b sektorea indartzea, teknologia, ikerkuntzarekin, garapen teknologikoarekin eta turismo-sektoreak behar duen berrikuntzarekin batera bultzatzeko eta txertatzeko.

Ekimena 1. Botere judizialarekiko lankidetza sustatzea, bereziki Euskadiko Fiskaltza Nagusiarekin, kontsumitzaileen defentsa koordinatzeko.

Ekimena 2. Kontsumo-erakundeetan unibertsitate-praktikak egitea bultzatzea.

Ekimena 3. Kontsumo arduratsuaren arloko prestakuntza-programa berri bat sortzea, hiru lurraldeetako esperientzia-geletako ikasleekin.

Ekimena 4. Kontsumo arduratsuaren arloko prestakuntza sartzea Lanbide Heziketako maila guztietan.

Ekimena 5. Kontsumitzaileen elkarteen jarduera juridikoa babestea, eta, bereziki, elkarte horiek egindako bukarazte-ekintzei dagokienez.

Ekimena 1. Trantsizio Energetiko eta Klima Aldaketaren Epe Luzerako Bide-Orri bat, 2030erako Trantsizio Estrategiak eta Lurralde Historikoen eta tokiko erakundeen Klima eta Energia Planak aurreikusten dituen planifikazio-esparru berri bat bultzatzea.

Ekimena 2. Euskadiko 5.000 biztanle baino gehiagoko udalerriek Klima eta Energia Planak izatea sustatzea. Plan horien helburuak izango dira: Arintzea: emisioen murrizketa, 2050 baino lehen karbonoan neutralak izateko helburuarekin, 2045ean neutraltasuna lortzeko beharrezko ahaleginak eginez. Egokitzea: mehatxu eta eraginak hobeto ezagutzea eta klima-aldaketak eragindako ondorioei aurrea hartzeko planak egitea. Udalerriaren erresilientzia: gobernantza hobetzea muturreko gertaeren aurrean eta naturan oinarritutako konponbideak sartzea egokitzapen eta erresilientzia elementu gisa.

Ekimena 3. Euskadiko Trantsizio Energetikoari eta Klima Aldaketari buruzko otsailaren 8ko 1/2024 Legean aurreikusitako klima-aldaketaren aurkako borrokarekin lotutako ekimenak garatzea, dagokion araudia proposatuz.

Ekimena 4. Energia-eraginkortasunari laguntzen dioten inbertsioak laguntzeko mekanismoak bikoiztea, bai industria-eremuan, bai jarduera publiko eta pribatuen eraikinetan.

Ekimena 5. Energia berriztagarriak bultzatzeko izapideak sinplifikatzea eta azkartzea, ingurumen-, ondare-, gizarte- eta lurralde-integrazioa zainduz.

Ekimena 6. Energia-trantsizioa eta klima-aldaketa bultzatzen duen zerga-sistema berria sustatzea, Foru Aldundiekin lankidetzan. Ekintza energetikoen ahultasuna edo karbono isurketak handitzen dituzten jarduketak zergapetzeko, isurketen arintzea, murrizketa eta xurgapena sustatzen dituzten jarduketak bultzatzeko eta klima-aldaketara egokitzeko proposamen bat.

Ekimena 7. Administrazio publikoek, beren eskumenen eremuan, kalteak eragiten dituzten jarduketak zergapetzea eta energia-eraginkortasunaren inbertsioak, energia berriztagarrien ekoizpena eta kontsumoa, eta ibilgailu emisiorik gabekoak eskuratzea eta erabiltzea sustatzeko mekanismoak eta neurriak ezartzen jarraitzea bultzatuko da, aurrezpen handienak eta sektoreen deskarbonizazioa eta klima-aldaketara egokitzea lortzen diren erabilerak lehenetsiz.

Ekimena 8. Euskal Autonomia Erkidegoko 100 udalerri Klimaren eta Energiaren Itunari atxikitu daitezela sustatzea.

Ekimena 1. Administrazio publikoaren eraikinetan eta etxebizitza publikoetan energia- jasangarritasuna bultzatzea, birgaitze-soluzioen eta energia-kontsumoaren ekipamenduen hobekuntzaren bidez. Instituzioen energia-erosketa zentralizatua bultzatzen jarraitzea.

Ekimena 2. Etxebizitza berriek energia-autokontsumo termiko altua izan dezaten eta EBk ezarritako eraikinen energia-eraginkortasunaren helburuak betetzeko neurri berriak diseinatzea. Guzti hori etxebizitzen erosleen finantza-egonkortasuna arriskuan jarri gabe.

Ekimena 3. Zero emisio edo passivhaus etxebizitza berrien eraikuntza sustatzea, edo BREEAM ziurtagiriarekin. Eredu horiek sustatzeko pizgarriak ezartzea eta eraikuntza industrializatua eta BIM metodologia diseinu eta eraikuntzan bultzatzea.

Ekimena 4. Eraikuntza bioklimatikoaren irizpideak espazio berdeei lotutako azpiegituretan erabiltzea sustatzea.

Ekimena 5. Energia elektriko berdearen erabilera eta autokontsumo termikoaren erabilera sustatzea aerotermia bidez. Baso-biomasa energia-iturri berriztagarri gisa erabilera jasangarria bultzatzea, batez ere mendialdeko baso-eremuetatik hurbil dauden landa- eremuetan.

Ekimena 6. Km 0 energia berriztagarrien proiektuen sustapena intensifikatzea, tokiko eremuetan, herritarrek, ETEek eta merkatariek energia hurbil, berde eta lehiakorrera sarbidea izan dezaten.

Ekimena 7. Energia berriztagarriak sortzeko instalazioak sustatzea industria-proiektuetan. 

Ekimena 8. Energia Komunitateak bultzatzea, energia berriztagarrien sorkuntza handitzeko eta euskal herritarrak gai honetan ahalduntzeko tresna gisa.

Ekimena 9. Energiaren Euskal Erakundearen (EEE) bidez udal eta eskualde ekimenak babestea, inbertsio horiek finantzatzeko tresna espezifikoak aktibatuz eta administrazio- izapideak sinplifikatuz.

Ekimena 10. Euskadin garatutako proiektu energetikoen sozializazioa indartzea, herritarren eta enpresa-sarearen eskura jarriz Energiaren Euskal Erakundeak (EEE) parte hartzen duen proiektuetan sortutako energia elektriko berriztagarriaren %30 gutxienez.

Ekimena 11. 900 MW energia berriztagarrien instalazioa bultzatzea, hurbiltasun-sorkuntza maximizatuz (autokontsumoa, autokontsumo partekatua, energia-komunitateak…), tamaina handiagoko instalazioekin konbinatuta.

Ekimena 12. Energia-kontsumo handiko industria deskarbonizatzeko proiektuak erraztea, energia- bektore berrietara, hala nola hidrogeno berdera edo erregai alternatiboen erabilerara, sarbidea erraztuz.

Ekimena 13. Mugikortasunean erregai fosilen erabilera ordezkatzeko energia alternatibo deskarbonizatuen erabilera sustatzea eta garraioarekin lotutako isurketak murriztea. Gure lurraldeko garraio publikoaren flotetan zero isurketako helburua lortzea.

Ekimena 14. Erregai fosiletan desinbertsio plana egitea, Euskal Autonomia Erkidegoko Administrazio Orokorra eta sektore publikoko erakundeek 2030 baino lehen, ahal den neurrian, zuzenean edo zeharka, erregai fosilak esploratzeko, ustiatzeko, fintzeko edo prozesatzeko orientatutako edozein gizarte, enpresa, ekimen edo proiektutan parte hartzeari uzteko.

Ekimena 15. Energia eta jasangarritasun ikuspegia lurralde-antolamenduan eta hiri-plangintzan txertatzea.

Ekimena 1. Ikerketa, garapen teknologiko eta enpresa-sarea bultzatzea energia-eremuan, RIS 3 Euskadi espezializazio adimenduneko euskal estrategian definitutako lehentasun estrategikoen ildotik.

Ekimena 2. Energia-uhinak, biltegiratzea, Offshore itsasoko eoliko flotatzailea, sare adimendunak eta hidrogeno berdea ekoizteko arloetan euskal industria- eta teknologia- posizionamendua sustatzen duten ekimenak indartzea.

Ekimena 1. Energia-eraginkortasuneko inbertsioak sustatzen dituzten neurriak eta laguntza- programak bultzatzea, kontsumoa murrizten laguntzeko eta, horrela, energia- prezioaren eragina kontsumitzaile domestiko, komertzial eta industrialetan murriztuz.

Ekimena 2. Gainerako erakundeekin koordinatutako ekintzak garatzea, euskal herritarrek energia segurua, jasangarria eta eskuragarria izatea bermatzeko, Energia Trantsizio eta Klima Aldaketaren 2024ko Legean jasotako terminoetan.

Ekimena 3. Eusko Jaurlaritzaren Gizarte Politiken programei eustea, pertsonen eta familien energia-kalteberatasuneko egoerari aurre egiteko. Energia Trantsizio eta Klima Aldaketako Planetan helburu hau sartuko da: pertsona guztiek beren etxeetan bizi- baldintza duinak izateko behar duten energia eskura izatea.

Ekimena 1. Euskadiko Ekonomia Zirkular eta Bioekonomiaren 2025-2028 Plana onartu eta ezartzea.

Ekimena 2. "Basque green talent" programa (lan berdea) martxan jartzea, gazteak ekonomia zirkularraren aukeretan trebatzea helburu duena.

Ekimena 3. Produktuei bigarren bizitza bat emateko eta balio handiko birziklatze-estrategiekin lotutako negozio-eredu berriak sustatzea eta konponketarako aukerak bultzatzea.

Ekimena 4. ETEentzat jasangarritasunaren ebaluazio-sistema bat sortzea.

Ekimena 5. Digitalizazioari eta teknologia berriei laguntzeko programa bat garatzea trantsizio ekologikorako. Euskal enpresek blockchain bezalako teknologiak eta produktuaren pasaporte digitala bezalako tresnak erabil ditzaten, jasangarritasun-politiketan jauzi kualitatiboa egiteko.

Ekimena 6. Finantzaketa-lerroak sortzea material elektrikoak eta bolumen handiko materialak balorizatzen dituzten enpresentzat, eta ekonomia zirkularra bultzatzen dutenentzat.

Ekimena 7. Ingurumen-irizpide berriak sartzea Finkatuz Funtsaren, SGCRren eta haien Arrisku Kapital Funtsen bidez Euskadin enpresa estrategikoak sustatzeko parte-hartzeak lehenesteko.

Ekimena 8. Euskal Garbi Teknologien Zerrenda urtero eguneratzea, zerga-arloan kontuan hartu daitezen eta ekonomia zirkularra errazteko.

Ekimena 9. Gizartea prestakuntza eskaintzea ekonomia zirkularraren praktika onen balioa nabarmentzeko.

Ekimena 10. Ingurumen Aztarna Korporatiboa, Produktuaren Ingurumen Adierazpena edo Bizitza Zikloaren Azterketa bezalako ingurumen-ziurtagiriak eta egiaztapenak lortzeko laguntza handitzea.

Ekimena 11. Lanbide heziketako enpresak sortzea sustatzea, ekonomia eredu berrietara eta jasangarriagoetara bideratuak, hala nola ekonomia zirkularra.

Ekimena 12. Prestakuntza eta gizarteratze programak sustatzea kolektibo jakin batzuentzat, lantegi eskolen eta ofizio etxeen programak garatzea, eta ekonomia zirkularraren arloan lana sustatzea.

Ekimena 1. Justiziaren digitalizazioa bultzatzea, arrakala digitala saihestuz edo teknologiak justiziak eskaini behar duen hurbiltasuna deshumanizatzea saihestuz. Espediente Judizial Elektronikoa justizia digitaleko plan batekin garatuko dugu.

Ekimena 2. Egoitza Judizial Jasangarrien Plana sustatzea, Euskadin sistema judizialak behar dituen espazio judizial berriak eskuratzeko neurriak jasotzen dituena. Plan horrek, halaber, jasangarritasun- eta irisgarritasun-estandarretara egokitzea eta egungo eremu judizialetako biktimentzako bermeak barne hartuko lituzke.

Ekimena 3. Euskal udalerriak, ikuspegi judizialetik, pertsonei zuzendutako justizia-administrazioko eredu batera igarotzea ahalbidetuko duten taldeetan integratzea.

Ekimena 4. Emakumeen aurkako indarkeriaren biktimekiko jarduera-plan bat bultzatzea. Auzitegiko balorazio integraleko unitateen eta talde psikosozialen jarduna indartzea, arriskua goiz antzemateko eta indarkeria matxistako kasuetan adingabeen egoera modu eraginkorrean balioesteko.

Ekimena 5. Euskal Zuzenbide Zibila Sendotzeko eta Integratzeko Lege berri bat bultzatzea.

Ekimena 6. Euskal Ondare Zuzenbidearen eta Ondarearen eta Familia Enpresaren Defentsaren Arloko Espezialitatearen Legea bultzatzea.

Ekimena 1. Euskadiko eremuan zigor-betearazpeneko zerbitzuen antolamendu- eta funtzionamendu-erregelamendu bat egitea. Euskal espetxe-administrazioaren eta espetxeen zerbitzu zentralen egitura organikoa eta funtzionala arautuko duen erregelamendua, bai eta espetxe-jardueraren esparruan lan egin behar duten gainerako erakunde-eremuen esku-hartzea ere, eta gizartearen eta herritarren parte- hartzea, espetxe-sistemari eta birgizarteratzeari dagokienez.

Ekimena 2. Azpiegitura berriak bultzatzea, euskal espetxeetako plazen eskaintza jatorriz Euskal Autonomia Erkidegoan bizi diren edo gizarte-lotura duten espetxeen eskarira egokitzeko; horretarako, erregimen irekiko unitate berriak izango dira lehentasunez, espetxe-administrazio integralaren ikuspegitik.

Ekimena 3. Dauden azpiegiturak espetxe-biztanleriaren profil heterogeneora egokitzea, kolektibo kalteberenen, buru-nahasmendu kronikoak dituztenen eta substantzia toxikoen kontsumorako adikzio-arazoak dituztenen behar espezifikoak azpimarratuz. Benetako beharretara egokitutako plantillak sustatuko ditugu, eta genero-ikuspegia espetxe- kudeaketan benetan txertatzea bermatuko duten jarduerak garatuko ditugu.

Ekimena 4. Espetxe-sistemaren birsozializazio-politikak indartzea, berrerortzea saihesteko, presoengan iraganaren berrikuspen kritikoa eta eragindako kaltearen aitorpena sustatuz, eta ingurune irekian tratamendu-, lan- eta prestakuntza-jardueraren esku- hartzea eta katalogoa indartzea.

Ekimena 5. Aukerak-Gizarteratzeko Euskal Agentziaren bitartez, prestakuntzaz eta laneratzeaz baliatuz, askatasunik gabe dauden pertsonei bigarren aukerak errazteko neurriak garatzea. 

Ekimena 6. Espetxeetan lan egiten duten erakundeetako profesionalek (espetxeetako SIP, Justizia Administrazioa, Ertzaintza...) plataforma informatikoetarako zeharkako sarbidea izatea, horietan jasotako informazioari dagozkion murrizketekin.

Ekimena 1. Datozen urteetan egingo den belaunaldi-erreleboari modu planifikatuan heltzea. Funtzio publikoaren aldeko apustua egiten jarraitzea, gaitasunean eta profesionalizazioan oinarritutako profesional kualifikatuekin, funtzio publikoan sartzeko prozesuak bultzatuz, zerbitzu publikoan pertsona onenak izateko, karrera profesionala arautuz eta garai berrietara egokitutako etengabeko prestakuntza garatuz, Administrazio Orokorreko Negoziazio Mahai Sektorialean hartutako akordioaren bidez.

Ekimena 2. Enplegu publiko egonkor eta kalitatezkoaren aldeko apustua egiten jarraitzea, indarrean dagoen araudia aplikatuz egiturazko bitartekotasuna murriztuz eta aldian behin Enplegu Publikoaren Eskaintzak deituz. Euskal Administrazioaren barruan belaunaldien arteko erreleboari modu integralean ekitea, ezagutzaren traspasoa ziurtatuz. Negoziazio-eremuak bultzatzea, langileen hornidura eta hautaketa arautzeko, bai eta behin-behinekotasuna arautzeko ere. Gure administrazioa pixkanaka euskalduntzen jarraitzea, bi hizkuntza ofizialetan lan egiteko eta zerbitzua emateko behar diren baldintzak bermatzeko.

Ekimena 3. Itunaren Batzorde Mistoaren barruan, Konstituzioaren Lehen Xedapen Gehigarria betez eta foru-lurraldeetako erakundeek darabilten finantza-autonomia errespetatuz, honako hauek adostea: sartu berri diren enplegu publikoaren eskaintzaren birjarpen- tasak erabat lehentasunezkotzat jotzen diren sektore, funtzio eta lanbide- kategorietan, eta enplegatu publikoen ordainsari-masaren gehikuntzaren gehieneko orokorrak, betiere aurrekontu-ekitaldi bakoitzean dagokion oreka eta aurrekontu- egonkortasunaren bidea bermatuz. 

Ekimena 4. Eusko Jaurlaritzako langileei zuzendutako prestakuntza-eskaintza indartzea, funtsezko tresna baita antolaketa berritzaileago, malguago eta dinamikoago baterantz aurrera egiteko, eta egungo eta etorkizuneko erronketara egokitzen laguntzeko, betiere arreta eskaintzen ditugun zerbitzuen kalitatean jarriz, langile publikoen parte-hartze aktiboa bultzatuz.

Ekimena 5. Eraldaketa digitalaren esparruan lan egitea, eta, aldi berean, eten digitala gainditzeko behar diren ekintza guztiak egitea, lurralde osoko konektibitatea eta ingurune digitalean zailtasun gehien dituzten pertsonen prestakuntza bultzatuz.

Ekimena 6. Gainerako euskal erakunde publikoekiko konbergentzia teknologikoa eta elkarreragingarritasuna bultzatzea.

Ekimena 7. Prototipoak eta etengabe aldaketak egin ditzaketen berrikuntza-taldeak bultzatzea, gardentasunak eta gobernu adimendunak aurrera egin dezaten.