Ekimena 4. Memoria plurala eraikitzeko ekarpen gisa, auzo-, politika-, gizarte-, langile- eta ikasle- mugimenduen ekarpena aztertzea, ikertzea eta zabaltzea, bai frankismoaren aurkako borrokan eginikoak, bai Euskadin kultura demokratikoa eta kontzientzia zibikoa eratzeko alorrean garatutakoak, bai terrorismoaren eta indarkeriaren aurrean bakea defendatzeko egin zirenak.
Garapen Jasangarrirako Helburuak (GJH)
Jarduerak ordena kronologikoaren arabera (6)
| Data | Jarduera |
|---|---|
| 2026/05/26 |
Gogora Institutuak "Memoria demokratikoak eta mugaz gaindiko identitateak historia komun baterako" Europako proiektuan parte hartzeko aldi baterako programa. Proiektuak mugaz gaindiko eremuko Kultura eta Ondare Memoriaren elementu komunak babesteko, berreskuratzeko eta sustatzeko zailtasunak jorratzen ditu. Proiektuaren helburu orokorra "Historia eta memoria demokratikoei" buruzko mugaz gaindiko sare bat sortzea da, eragile publikoek memoria-prozesuei buruz duten elkar ezagutza hobetzeko, memoria-ondarearen balioa eta transmisioa indartzeko eta POCTEFAren lurraldean hedatzea sustatzeko.
|
| 2026/02/25 |
Gogora Institutuak antolatutako jardunaldia, erregimen frankistaren mitoak desegiteko, ikasleentzat pentsatua (650 pertsona inguruk parte hartu dute). Balio demokratikoak funtsezko tresna dira Giza Eskubideen, bizikidetzaren eta aniztasunaren defentsarekin konprometitutako herritartasun aktiboa eraikitzeko, eta frankismoaren ontasunei buruz sareetan eta komunikabideetan zabaltzen diren leku komun faltsuak desmitifikatzeko. Frankismoaren errepresio-izaeraz jabetu daitezen laguntzea, sistema demokratiko ororen oinarri diren oinarrizko askatasunen garrantzia azpimarratuz. Halaber, bideo bat eman da, 1975. urtera arte legez kontrako polizia-indarkerian hildako biktimen senideen testigantzekin.
|
| 2025/04/10 |
"Sufrimenduaren Sozializazioaren 30 urte. Biktimen eta gazteen arteko elkarrizketa", Memoriaren, Bizikidetzaren eta Giza Eskubideen Institutuak antolatua.
|
| 2025/04/06 |
'GURS esparruko Barnetegien Egunean' parte hartzea. Frantziako agintariek omenaldia egin diete Espainiako errepublikanoei eta nazioarteko brigadistei, kontzentrazio-esparru horretako lehen barneratuei, bai eta ondoren etorri ziren faxismoaren gainerako biktimei ere.
Informazio gehiago: https://www.irekia.euskadi.eus/eu/news/100769 |
| 2025/03/24 |
Ramon Rubial Fundazioak eta Gogora Institutuak diktaduran demokraziaren aldeko borrokan parte hartu zuten lau lagunen biografiak aurkeztu dituzte. Horrela, "errepresio garaian askatasunaren eta justizia sozialaren alde" borrokatu zutenen memoria berreskuratu nahi da.
|
| 2024/09/24 |
Deustuko Unibertsitatearekin sinatu beharreko hitzarmena, memoriari, hezkuntza historikoari eta bakearen eraikuntzari buruzko ikaskuntza-komunitatearen sostengu, garapen eta jarraipenerako eta Adi-Adian programa ezartzeko.
|