Kultura eta aisia : 43 ekimenak

Konpromisoa 45. Ekimena 4. Euskarazko lanak beste edozein hizkuntzatara eta alderantziz itzultzea sustatzea, euskarazko kulturaren eskariaren arabera eskuragarri dauden kalitatezko lanen kopurua handituz.

Konpromisoa 46. Ekimena 1. Kultura 2028 Plan Estrategikoa hedatzea eta garatzea, Euskadiko gainerako erakundeekin eta sektoreko eragileekin elkarlanean.

Konpromisoa 46. Ekimena 2. Kultura Sistemaren Legea bultzatzea, herritarrei bermatzeko kultura eskuratzeko duten eskubidea, erakundeek kulturaren arloan dituzten eskumenak zehazteko eta etorkizunari begira kultura-sistema sendo eta koordinatu baten oinarriak ezartzeko.

Konpromisoa 47. Ekimena 1. Kultura sortzeko eta ekoizteko laguntza publikoa mantentzea eta eguneratzea, bereziki euskarazko kultura eta emakumeen ahalduntzea bultzatuz.

Konpromisoa 47. Ekimena 2. Artista eta sortzaileentzako prestakuntza-programak eta egoitzak sustatzea, nazioarteko programak azpimarratuz.

Konpromisoa 47. Ekimena 3. Kulturaren profesionalizazioa hobetzea eta sendotzea, artisten errolda eginez, kultura- ekimenak kontratatzeko jardunbide egokien gida eginez, kontratazio-baldintzen jarraipena eginez eta erabaki fiskalak bultzatuz, Foru Aldundiekin lankidetzan.

Konpromisoa 47. Ekimena 4. Ekosistema kulturaleko profesionalen lan-baldintzei buruzko akordioak sortzen laguntzea.

Konpromisoa 47. Ekimena 5. Kultura- eta sormen-sektoreko langile autonomoen eta mikroETEen kudeaketako prestakuntza sustatzea. Kultura-eragileen ekintzailetza babestea, haien jarduera sozial eta ekonomikoaren berezitasuna kontuan hartuta.

Konpromisoa 47. Ekimena 6. Kultura eta hezkuntza arloen, Foru Aldundien, kultura sektorearen eta hezkuntza- komunitatearen arteko lankidetzaren bidez, haurtzaroan, nerabezaroan eta gaztaroan sormen-gaitasunak sustatzea, bai eta arte-diziplinekiko harreman goiztiarra ere, eta hezkuntza-sisteman sorkuntza artistikoa eta kulturala deskubritzeko eta sustatzeko programak bultzatzea

Konpromisoa 47. Ekimena 7. Euskal artisten lanak sustatzea munduan antolatzen diren azoka, jaialdi eta merkatuetan, batez ere Euskadirentzat estrategikoak diren eskualdeetan, Etxepare Institutuarekin lankidetzan.

Konpromisoa 47. Ekimena 8. Euskal kultura- eta ikus-entzunezko ekoizpenak bultzatzen jarraitzea, "Euskadi Basque Country" marka mundu osoan zabaltzeko, EITBrekin lankidetzan.

Konpromisoa 47. Ekimena 9. Foru Aldundiekin elkarlanean, sorkuntza kultural amateurrak ere bere adierazpen- eta sozializazio-bideak izan ditzan behar den ingurunea sortzeko.

Konpromisoa 48. Ekimena 1. Irakurketa sustatzeko ekintza-plan bat sustatzea euskal gazteentzat, eta Euskadiko Irakurketa Mapa bultzatzea, oinarrizko tresna baita irakurketa sustatzeko politikak garatzeko. Horretarako, parte hartzen duten eragile guztiak hartuko dira kontuan, liburuak sortu, editatu edo banatzetik merkaturatzeraino, bai eta liburutegien euskal sareak jokatzen jarraitu behar duen ezinbesteko papera ere.

Konpromisoa 48. Ekimena 2. Gasteizko Udalarekin eta Arabako Foru Aldundiarekin batera, Gasteizko Principal antzokia eraberritzen eta handitzeko proiektuan parte hartzea.

Konpromisoa 48. Ekimena 3. Donostiako Udalarekin lankidetzan aritzea hiria Europako kultura-erreferente gisa kokatzeko, Victoria Eugenia Antzokiaren espazio teknikoa hobetzea eta berritzea edo egoitza artistiko bat sortzea bezalako proiektuak aztertuz.

Konpromisoa 48. Ekimena 4. Kontuan hartzea Busturialdea-Urdaibai eskualdea suspertzeko planaren esparrua eta Trantsizio Ekologikoko Ministerioarekin egindako akordioan jasotako ingurumen- jarduerak, Guggenheim Urdaibai proiektuan aurrera egiteko Guggenheim Bilbao Museoaren Patronatuaren baitan eta Bizkaiko Foru Aldundiarekin lankidetzan.

Konpromisoa 48. Ekimena 5. Ikuskizunen ekoizpena eta zabalkundea, publiko berrien sorrera eta Euskaditik kanpoko euskal kultur ekimenen presentzia sustatzea, beste erakunde publiko batzuekin, arte eszenikoen prestakuntzan, sorkuntzan, produkzioan eta zabalkundean parte hartzen duten espazio eta eragileekin lankidetzan.

Konpromisoa 49. Ekimena 1. Kultura-jarduera tradizionalak sustatzea, hala nola euskal abesbatzak edo dantzak, belaunaldien berrikuntza eta iraupena ziurtatzeko.

Konpromisoa 49. Ekimena 2. Euskadiko kultura-ondarean inbertsioa bultzatzea, herri-lanak finantzatzeko aurrekontu-partiden % 1 gutxienez eremu horretara bideratzeko konpromisoan aurrera eginez.

Konpromisoa 49. Ekimena 3. Iruditeria kolektiboa eta kultura-ondarea eraikitzekobidean emakumeek egiten duten ekarpenaren garrantzia ikusaraztea, Emakunderen parte-hartzearekin.

Konpromisoa 49. Ekimena 4. Euskal industria-ondarea berreskuratzeko, kontserbatzeko, balioesteko eta eskualdatzeko plan integratua bultzatzea.

Konpromisoa 49. Ekimena 5. Gure liburutegi-sarea indartzea eta profesionalei beharrezko prestakuntza eta trebakuntza ematen laguntzea, kultura herritarrengana hurbiltzeko, Euskadiko Liburutegiei buruzko 11/2007 Legea garatuz.

Konpromisoa 50. Ekimena 1. Adimen artifizialak kulturan duen eragina aztertzeko lantalde bat sortzea.

Konpromisoa 50. Ekimena 2. Kultura-sektorearen trebetasun digitalak eta enpresa-gaitasunak indartzea, eta kultura- eta sormen-industrien aldeko apustua indartzea. Euskadi Europako erreferentziazko lurralde gisa kokatzea da helburua, Basque District of Culture and Creativity izenekoa sendotuz.

Konpromisoa 57. Ekimena 1. Nazioarteko txapelketa ofizialetan parte hartzera begira selekzioen ofizialtasunean aurrera egitea erabakitzen duten euskal kirol-federazioei laguntzea, Espainiako Gobernuarekin lortutako akordioa kontuan hartuta.

Konpromisoa 57. Ekimena 2. Euskal Kirol Federazioen Batasunari laguntzea euskal federazioei behar duten laguntza eta babesa ematen, euskal selekzioek estatuko eta nazioarteko lehiaketetan, ofizialak barne, parte hartzea sustatu eta bultza dezaten.

Konpromisoa 57. Ekimena 3. Euskal federazioei laguntzea selekzioen arteko kirol-ekitaldiak bultzatzen eta egiten.

Konpromisoa 57. Ekimena 4. Euskadiko Jarduera Fisikoari eta Kirolari buruzko 2/2023ko Legearekin bat etorriz, euskal selekzioei eta nazioartean lehiatzen diren goi-mailako kirolari eta taldeei ematen zaien laguntza indartzea, Euskadi Basque Country markaren kanpo- proiekzioko elementu gisa.

Konpromisoa 57. Ekimena 5. Erreferentziako nazioarteko kirol-ekitaldiak erakartzeko eta kudeatzeko lan egitea, gure nortasuna garatzeko eta Euskadi kanpoan proiektatzeko aukera gisa, Euskadi Basque Country marka sendotuz.

Konpromisoa 57. Ekimena 6. Bertoko kirolen etengabeko hobekuntza eta kalitatea sustatzea, ikuspegi estrategiko batetik, nazioartean Euskal Pilota, Arrauna edo Herri Kirolak ageriago egon daitezen.

Konpromisoa 58. Ekimena 1. Euskadiko jarduera fisikoko eta kiroleko lanbideetan sartzeari eta jarduteari buruzko Legearen eta Euskadiko Jarduera Fisikoaren eta Kirolaren Legearen garapena burutzea, eta haren potentzial guztia lantzea eta hedatzea.

Konpromisoa 58. Ekimena 2. Berdintasuna eta ekitatea sustatzea kirolean eta kirol egokituan, eta ohiko federazioetan sartzea sustatzea.

Konpromisoa 59. Ekimena 1. Kirola eta bizitza aktiboa sustatzea. BAPPA Plana (Basque Plan of Physical Activity) sortzea mugarri bat izango da bizitza aktiboaren sustapenean, gure kirolariak bizitza aktibo eta osasungarri baten erreferente gisa jarriz.

Konpromisoa 59. Ekimena 2. Ikerketa-estrategia bat garatzea, erakunde akademikoekin lankidetzan, jarduera fisikoa eta kirola babesten dituen oinarri zientifikoa sendotuz eta emaitzak euskal gizartean ezagutzera emanez.

Konpromisoa 59. Ekimena 3. Kirolarientzako Egoitza eta Fadurako Hobekuntza Zentroa erreferentziazko gune bihurtzea Europan. Goi-mailako euskal kirol-garapenaren epizentro gisa proiektatuko da.

Konpromisoa 59. Ekimena 4. Kirol-errendimendu handia eta euskal kirolariek nazioarteko lehiaketetan, besteak beste, Joko Olinpikoetan eta Paraolinpikoetan, garatzeko eta proiektatzeko aukerak sustatzeko bekak indartzea.

Konpromisoa 59. Ekimena 5. Anoetako eta Donostiako Ilunbeko kirol-hiriaren eraldaketa integrala abian jartzea, Donostiako Udalarekin eta Gipuzkoako Foru Aldundiarekin batera. 

Konpromisoa 59. Ekimena 6. Usurbilen "Maialen Chorraut-Orbeldi ur bizien kanala" eraikitzea bultzatzea.

Konpromisoa 59. Ekimena 7. Irungo Plaiaundiko naturgunea berroneratzeko proiektua babesteko formulak aztertzea eta bertako kirol-azpiegiturak Txenpereneara eramatea, Gipuzkoako Foru Aldundiarekin eta Irungo Udalarekin lankidetzan.

Konpromisoa 59. Ekimena 8. Bizitza osasuntsu baterako jarduera fisikoa sustatzeko estrategia babestea eta Mugiment Kirol Txartela euskal udalerri guztietara hedatzea bultzatzea.

Konpromisoa 59. Ekimena 9. "Basque Team" bultzatzea, goi-mailako euskal kirolaren erreferente gisa. Helburua da nazioarteko lehiaketetan eta Joko Olinpiko eta Paralinpikoetan gure kirolarien presentzia areagotzea.

Konpromisoa 59. Ekimena 10. Programa bat garatzea, kirol-ibilbidea amaitzen duten kirolari profesionalek ibilbide profesionalerako laguntza-prozesu bat izan dezaten, beren kirol-ibilbidean eskuratutako gaitasunak aprobetxatzeko: mentorizazioa, ikasketetarako bekak eta/edo ekintzailetza-proiektuetarako dirulaguntzak.

Konpromisoa 150. Ekimena 5. Euskal kultur sortzaileei eta artistei babesa ematea, euskal kultura munduan erakusteko.