Berrikuntza : 47 ekimenak

Konpromisoa 32. Ekimena 1. Unibertsitateko eragileekin akordio zabal bat garatzea, Euskal Herriko eta Nazioarteko Unibertsitate Prestakuntza eta Ikerketaren aldeko Gutun batean jasoko dena. Gutun horrek nazioarteko ikuspegia duen euskal unibertsitate eta ikerketa politikaren zutabeak jasoko ditu hurrengo hamarkadarako

Konpromisoa 32. Ekimena 2. Bikaintasunera eta talentua eta ezagutza aurreratua sortzera bideratutako unibertsitate-sistemaren alde egitea, Euskadiren erronka teknologiko-digitalari eta garapen ekonomiko eta sozialari erantzuteko eragile gisa.

Konpromisoa 35. Ekimena 1. Alternantziako prestakuntza duala bultzatzea, unibertsitateen eta enpresen arteko akordioen bidez, lan-kontratuen edo beken bidez praktikak eta alternantziako prestakuntza duala egiteko.

Konpromisoa 35. Ekimena 2. Ezagutza zientifikoa gizarteari, pertsonei zein enpresei, transferitzeko bideak sustatzea. Unibertsitateek gizarteari zientzia-zabalkundea ematearen aldeko apustua egitea, bai eta herrialde-proiektuen aldekoa ere, hala nola Basque Quantum konputagailu kuantikoarena, herrialde-azpiegitura zientifiko berri bat emanez.

Konpromisoa 35. Ekimena 3. LHko eta Unibertsitateko baterako titulazioen eskaintza zabaltzea.

Konpromisoa 35. Ekimena 4. Prestakuntza duala zabaltzen jarraitzea, bai Lanbide Heziketan, bai unibertsitatean, euskal enpresa-sarearekin elkarlanean.

Konpromisoa 36. Ekimena 1. Doktoratu aurreko eta ondoko programetan egindako inbertsioak urteko batez beste
% 6 handitzea

Konpromisoa 36. Ekimena 2. Doktoratu ondoko ikertzaileen kontratazio-aldia bikoiztea, buelta daitezen, eta 4 urtera iristea.

Konpromisoa 36. Ekimena 4. Estrategia bat egitea, prestatzen ari diren ikertzaileen eta bitarteko irakasleen lana egonkortzeko.

Konpromisoa 36. Ekimena 5. Ikerbasqueren bidez bikaintasuneko ikertzaileak erakartzea sustatzea, bikaintasuneko ikerketa-taldeen arteko lankidetza sustatuz.

Konpromisoa 36. Ekimena 6. "Ikerbasque + Enpresa" programa abian jartzea, zientziak Euskadiko garapen ekonomiko eta sozialean duen eragina areagotzeko. Unibertsitateko eta BERC bikaintasuneko zentroen ikerketa sustatzea, bai eta zientzia, teknologia eta berrikuntzako gainerako euskal sarearekin duten lotura ere.

Konpromisoa 68. Ekimena 1. Ezagutza- eta berrikuntza-inguruneak sortzea, dinamika publiko eta pribatu, ikertzaile, hezkuntza- eta prestakuntza-dinamika eta produkzio-dinamika jasangarri, kalitatezko enplegua eta enplegu inklusiboa sortzen dutenak eta ekintzailetza-aukerak sortzen dituztenak, talentuari eusten eta talentua erakartzen laguntzeko. Alderdi horiek, gainera, pertsona guztien erabateko integrazioa ahalbidetuko duten tresna publikoen erabilera eskatzen dute.

Konpromisoa 68. Ekimena 3. Hezkuntza indartzea, curriculumak egokituz gero eta aldakorragoa den lan- merkatuaren eskaerak asetzeko. Trebetasun digitalak, pentsamendu kritikoa eta sormena sustatzeari lehentasuna ematea. Gainera, etengabeko prestakuntza eta lanbide-prestakuntza berritzea sustatzea, gure tokiko talentua etorkizuneko erronketarako eta aukeretarako hornituta egongo dela bermatuz.

Konpromisoa 68. Ekimena 4. Gainerako erakunde, sindikatu, enpresa-elkarte eta klusterrekin lankidetzan, enpresek eskatzen dituzten profilak, gaitasunak eta trebetasunak identifikatzea. Ekosisteman eskatzen diren profil profesional berrien eskaintza eta eskaria enpresek, startupek, ZTB eragileek eta eragile publikoek lotzea, profesionalak erakartzea barne, bereziki RIS3 eremuetan.

Konpromisoa 68. Ekimena 5. Elkarrizketa Sozialeko Mahaiaren esparruan ere, talentuaren erakargarritasuna areagotzeko estrategiak ezartzea, bizi-kalitatean, berrikuntzan, jasangarritasunean eta balioetan ditugun indarguneak nabarmenduz, bai eta enpresei laguntzeko neurriak ere, talentu globala erakartzeko eta fidelizatzeko estrategietan, enpresa-ingurune dinamikoa eta erakargarria sustatuz.

Konpromisoa 68. Ekimena 6. Atzerriko tituluen homologazioa sinplifikatzea, behar dugun talentua erakarri ahal izateko.

Konpromisoa 68. Ekimena 7. Graduondoko eta doktoregoko ikasketetan nazioarteko ikasleak erakartzea bultzatzea. 

Konpromisoa 68. Ekimena 8. Foru Aldundiekin eta Udalekin lankidetzan, nazioarteko talentua gure erkidegoan integratzeko beharrezkoak diren laguntza-zerbitzuak aktibatzea, etxebizitza eta hezkuntza-zerbitzuak eskuratzea barne. Gizarteratze- eta kultura-programak garatzea, nazioarteko talentuaren eta haren familien integrazioa errazteko.

Konpromisoa 69. Ekimena 1. Ikertzaileak sortzea eta fidelizatzea sustatzea, bai eta Euskadira ikertzaile-profilak eta beharrezko funtsak erakartzea ere, profesionalak abangoardiako ikerketa batean sartzeko aukera areagotzeko. Talentu ikertzaile eta zientifikoaren prestakuntza, gaikuntza eta garapena indartzea, gaitasun digital eta teknologikoen hobekuntza eta eguneratzea sustatzea, baita STEAM hezkuntza ere.

Konpromisoa 69. Ekimena 2. Ikertzaileen prestakuntza eta nazioarteko mugikortasuna sustatzea, bai eta karrera profesional ikertzailea hobetzea ere.

Konpromisoa 69. Ekimena 3. Zientzia, teknologia eta berrikuntzaren arloan genero-berdintasuna sustatzea, eta genero-ikuspegia ezartzea erronka globalei lotutako arloetan, bai ikerketan, bai konponbide berritzaileen diseinuan. Aukera-berdintasuna, eskubideak eta erantzukizunak sustatzea.

Konpromisoa 79. Ekimena 1. Eusko Jaurlaritzaren I+G+bko politiketarako aurrekontu-inbertsioa gutxienez %6 handitzea legegintzaldian zehar.

Konpromisoa 80. Ekimena 1. I+G eta berrikuntzako inbertsio-bolumena sustatzea eta berrikuntzan enpresa berriak sartzea, ETEetan ahalegin berezia eginez.

Konpromisoa 80. Ekimena 2. Enpresei berrikuntzako lehen urratsetan laguntzea, kudeaketa eta antolaketa eraldatzeko eta hobetzeko proiektuekin, laguntza-ereduak eta -sistemak emanez.

Konpromisoa 80. Ekimena 3. Euskal enpresa-ehunari laguntzea merkatuan bereizketa eta lehia-abantailak lor ditzan, eragile gisa funtzionatuko duten berrikuntzaren eta teknologiaren bidez.

Konpromisoa 80. Ekimena 4. Enpresetan I+G+b esparruko jarduerak garatzeko gaitasunak txertatzen laguntzea, giza baliabide espezializatuei zein materialei dagokienez

Konpromisoa 80. Ekimena 5. Enpresen I+G proiektuak eta horrelako jardueretan enpresen inbertsioa sustatzen duten mekanismoak babestea, teknologiaren transferentzia bizkortuz.

Konpromisoa 80. Ekimena 6. Enpresa-berrikuntzako proiektuak, industrializazioa, eskalatze-lanak, prototipoak, metodologiak eta kontzeptu-probak babestea, bereziki ETEei dagokienez, funtsezko hiru alderdietan: produktuak, negozio-prozesuak eta kudeaketa-ereduak.

Konpromisoa 80. Ekimena 7. Ikerketatik, garapenetik eta berrikuntzatik eratorritako emaitzei balioa ematea, batez ere ETEei dagokienez, patenteen, diseinu industrialen edo marken bidez babestuz.

Konpromisoa 80. Ekimena 8. Eusko Jaurlaritzaren Zientzia, Teknologia eta Berrikuntza Planaren esparruan, Unibertsitatearen eta Lanbide Heziketaren lankidetza indartzea I+G+b proiektuen garapenean, ETEen berrikuntzari laguntza ematen dioten eragile gisa.

Konpromisoa 81. Ekimena 1. Zientzia, Teknologia eta Berrikuntzaren Euskal Sareak (ZTBES) enpresa-ehunaren euskarri gisa betetzen duen zeregina optimizatzea, ezagutza eta gaitasunak sortuta, Euskal Autonomia Erkidegoko lehentasunezko espezializazio-eremuetara bideratuta, bikaintasuna emaitzetan, inpaktua eta transferentzia eraginkorra euskal enpresa- ehunari, bai eta herri-administrazioei eta euskal gizarte-erakundeei ere, egungo eta etorkizuneko erronkei aurre egiteko.

Konpromisoa 81. Ekimena 2. BRTA Aliantza (Basque Research and Technology Alliance) indartzen laguntzea, bai eta Europan eta nazioartean duen posizionamendua ere, herrialdearen erronkei modu espezializatu eta eraginkorrean heltzeko tresna gisa. Hori guztia lankidetzan eta nazioarteko parte-hartzearekin, ezagutza sortzeko eta transferitzeko.

Konpromisoa 81. Ekimena 3. Euskadiren gaitasun zientifikoak, teknologikoak eta ikerketa-azpiegiturak indartuko ditugu, trantsizio hirukoitzari lotutako erronkei aurre egiteko eta euskal industria- sareari bere ezagutza-oinarria sendotzen laguntzeko.

Konpromisoa 81. Ekimena 4. Zentro teknologikoen eta lankidetzako ikerketa-zentroen bideragarritasuna egituraz babestea. Halaber, azpiegitura eta ekipamendu aurreratuak eskuratzen laguntzea, zentroek beren jarduera ezagutzaren mugan garatu ahal izan dezaten.

Konpromisoa 81. Ekimena 5. Oinarrizko Ezagutza Sortzeko fasean ZTBESko eragileen arteko lankidetzan I+G+b proiektuak egiten laguntzea, euskal enpresetara transferitzeko eta emaitzak gerora garatzeko.

Konpromisoa 82. Ekimena 1. I+G sistemako eragile guztien nazioartekotzea sustatzea: unibertsitateak, CCTTak, CICak, BERCak...

Konpromisoa 82. Ekimena 2. Erosketa Publiko Berritzailea sustatzea, horrek funtsezko zeregina izan dezan tokiko negozioen sustapenean eta garapen teknologikoan, batez ere ingurumenaren eta bioosasunaren sektoreetan.

Konpromisoa 83. Ekimena 1. Foru aldundiekin lankidetzan aritzea, I+G esparruko inbertsioa sustatzen duten zerga- politikak sustatzen jarraitzeko.

Konpromisoa 84. Ekimena 1. Euskadi 2030 Eraldaketa Digitalerako Estrategia berria egitea eta ezartzea.

Konpromisoa 84. Ekimena 2. Adimen Artifizialeko soluzioen garapena eta enpresek soluzio horiek ezartzea eta erabiltzea erraztea, algoritmo berriak entrenatzea eta/edo informazioa konfiantzazko ingurune batean ustiatzea ahalbidetuko duten azpiegitura seguruak eta datu-biltegiak sortuz eta enpresen eskura jarriz.

Konpromisoa 84. Ekimena 4. Arrakala digitala saihestuko duen digitalizazio inklusiboa bultzatzea eta gaitasun digitalak sustatzea, ekonomia globalizatu batean Euskadiren garapen ekonomikorako eta lehiakortasunerako ezinbesteko elementu gisa.

Konpromisoa 85. Ekimena 1. ETEei digitalizazio-prozesuak bizkortzen laguntzea, eskuragarri dauden programa publiko guztiei ahalik eta etekin handiena ateratzen lagunduko dien orientazio espezializatua emanez.

Konpromisoa 85. Ekimena 2. Basque Microelectronics Hub eremuan euskal enpresen eraldaketa digitalerako prozesuari laguntzeko aukera emango duten proiektu berezi berriak sortzea eta erakartzea, bai eta konputazio kuantikoaren erabilera bultzatzea ere, Basque Quantumekin koordinatuta.

Konpromisoa 85. Ekimena 4. Datuaren ekonomia sustatzea, horren inguruan enpresa eta negozio-eredu berriak garatzen lagunduz, eta administrazio publikoek kudeatutako datu ez-sentikorrak gizartearen eta enpresen esku jarriz.

Konpromisoa 85. Ekimena 5. Datuaren gobernu-eredu bat definitzea eta ezartzea, Euskadiko erakunde guztiak bilduko dituena eta arlo horretako ahaleginen koordinazioa hobetuko duena.

Konpromisoa 85. Ekimena 7. Euskadiko IoT ekimenak babestea, euskal industria-sareari erantzunak eman diezazkioten.

Konpromisoa 85. Ekimena 8. Ekintzailetza digitala sustatzea, digitalizaziotik eratorritako irtenbide digital eta negozio-eredu berriak garatuko dituzten startup eta enpresa berritzaileen sorrera babestuz.