Turismoa : 29 ekimenak

Konpromisoa 104. Ekimena 1. Turismo jasangarri eta arduratsuaren euskal ereduaren aldeko apustua sendotzea, Euskadi – Basque Country marka indartuzeta urtaroen araberakoa izan ez dadin.

Konpromisoa 104. Ekimena 2. Basquetourren urteko ekintza-plan baten bidez gauzatzen diren B2C eta B2B kanpainak eta ekintzak egitea.

Konpromisoa 104. Ekimena 3. Euskadiren presentzia areagotzea nazioarteko turismoko azoka erreferenteetan. Euskadin lehentasuna duten merkatu eta segmentuetako preskriptore eta komunikabide garrantzitsuenekin harremanetan jartzeko estrategia ezartzea. Sustapen-jarduera horretan, Euskadik helmuga gisa dituen elementu bereizgarriak nabarmenduko dira bereziki.

Konpromisoa 105. Ekimena 1. Euskadi berdintasuneko, inklusioko eta aniztasuna errespetatzen duen helmuga gisa finkatzea (Euskadi LGTBI+...). Turismo-jardueretan gizonen eta emakumeen arteko berdintasuna errespeta dadin sustatzea, women friendly (emakumeentzat lagunkoia) helmuga gisa hartzea indartuko duten neurriak bultzatuz.

Konpromisoa 105. Ekimena 2. Giza eskubideak sustatzea, eta, bereziki, biztanleria-talde kalteberenen eskubide espezifikoak, hauen artean adingabeenak, adinekoenak eta premia bereziak dituzten pertsonenak, gutxiengo etnikoenak eta tokian tokiko herrienak.

Konpromisoa 105. Ekimena 3. Turismoari lotutako ekintzailetza eta enpresa-espiritua sustatzea eta turismo- ekintzailetza sustatzeko laguntzak ematea, gazteei eta turismo-enpresen lehiakortasuna hobetzeari zuzendutako jarduera espezifikoen bidez. Talentua erakartzea eta bertan gera dadila bultzatzea, lan-baldintzei mesede eginez.

Konpromisoa 105. Ekimena 4. Belaunaldien arteko erreleboa bermatzeko lan egitea, gazteak turismoaren sektorean sar daitezen bultzatuz.

Konpromisoa 105. Ekimena 5. Sektorearen profesionalizazioa bultzatzea, profesionalen etengabeko prestakuntzarekin, haien trebetasunak eta gaitasunak hobetuz, eta transferentzia- programei laguntzea, ezagutzaren sozializazioa sustatzeko eta negozioen ondare- transmisioari laguntzeko.

Konpromisoa 105. Ekimena 6. Enpleguaren egonkortasuna sustatzea, bai eta berdintasun-planak ere, beren ibilbide profesional osoan kalitatezko enplegu egonkorrak eta ingurune erakargarriak sor ditzaten.

Konpromisoa 105. Ekimena 7. Basquetourrek Euskadi-Basque Country marka bikaintasuneko helmuga turistiko gisa kokatzeko egiten duen lana indartzea, ekoturismoa eta enogastronomia bezalako funtsezko sektoreetan, ekosistema turistikoaren funtsezko eragileekiko lankidetza indartuz eta tokiko sortzaileekin lankidetzan arituz.

Konpromisoa 105. Ekimena 8. Turismoaren Euskal Lege berri bat bultzatzea, bertoko eta nazioarteko araudi berrietara egokituko dena, erakunde-mailen arteko koordinazioa hobetuko duena eta hainbat gaitan eskumenez eragiten duten erregulazioak argituko dituena.

Konpromisoa 106. Ekimena 1. Sektorea digitalizatzeko, euskal turismoa IKTetara egokitzeko eta turismo-produktuak eta -zerbitzuak merkatu berrietara egokitzeko laguntzak eskaintzea.

Konpromisoa 106. Ekimena 2. Eskualdeaz gaindiko turismo-produktuak eta -zerbitzuak garatzeko laguntzak indartzea. Lurraldeen arteko oreka eta kohesioa indartzea, fluxuen banaketa eta eskaintzaren antolamendua bultzatuko duten ekintzen bidez, lurraldearen konektibitateak eta garraio jasangarriak eskaintzen dituzten aukerak indartuz.

Konpromisoa 106. Ekimena 3. Gainerako euskal erakundeekin koordinatuta, tasa bat ezartzea bultzatuko dugu, Euskadiko turismo-establezimenduetan ostatu hartzen duten bidaiarien egonaldiak zergapetzeko eta sektorearen lehiakortasuna eta iraunkortasuna sustatzeko.

Konpromisoa 106. Ekimena 4. Helmugan dagoen turistarekiko interakzio-eredu berri bat definitzea, bikaintasuneko eta kalitateko arreta turistikoaren koordinazioa hobetuz, produktu turistikoak haien arteko konexio-esparru batean indartuz, bisitariarentzako arreta-eredu digitalizatuagoa ezarriz, eta Informazio Turistikoko Bulegoen sarearen konexioa indartuz.

Konpromisoa 106. Ekimena 5. Bisitatzen gaituztenen behar berriei erantzutea, bidaien aurreko eta ondorengo jarduerak azpimarratuz, eta lurralde-kohesioa eta mugimenduak seinaleztapen eta seinaletika turistikoaren bidez sustatuz.

Konpromisoa 107. Ekimena 1. DTI (Helmuga Turistiko Adimendunak) eredua sustatzea eta enpresetara eramatea, IZT (Enpresa Turistiko Adimentsuak) gehiago izan ditzagun.

Konpromisoa 107. Ekimena 2. Basquetour Learning zerbitzuen bidez sektoreari zuzendutako prestakuntza-eskaintza handitzea eta barneko eta kanpoko jardunbide egokiak zabaltzea.

Konpromisoa 107. Ekimena 3. Erabaki estrategikoak hartzeko Turismo Adimenaren Sistemaren erabilera sustatzea, eta lortutako ezagutza sektoreko eragileen artean zabaltzea.

Konpromisoa 107. Ekimena 4. Euskadiko Turismo Behatokiari gaitasun handiagoak ematea turismo-jardueraren jarraipena gidatu eta koordinatzeko, helmugako zerbitzuaren kalitatea monitorizatzeko jarduera handiagoa barne, iritzi-kanal online nagusietan turisten iritzien jarraipena eginez.

Konpromisoa 107. Ekimena 5. Adimen artifizialaren erabilera sustatzea, datuak aztertzeko eta bidaiarien portaeran ereduak eta joerak identifikatzeko.

Konpromisoa 107. Ekimena 6. Turismoaren sektorea ZTBPn (Zientzia, Teknologia eta Berrikuntza Plana, Euskadi 2030) sartzea indartzea. Ezinbestekoa da I+G+b sektorea indartzea, teknologia, ikerkuntzarekin, garapen teknologikoarekin eta turismo-sektoreak behar duen berrikuntzarekin batera bultzatzeko eta txertatzeko.

Konpromisoa 108. Ekimena 1. Jasangarritasunaren eta kalitatearen helburuetan eragingo duen Turismoaren aldeko Ituna sustatzea. Itun horrek aisialdirako eta MICErako (bileretarako, pizgarrietarako, kongresuetarako eta erakusketetarako turismoa) politikak modu koordinatuan definitzeko ere balioko du.

Konpromisoa 108. Ekimena 2. Tokiko eta nazioarteko ikastetxeekiko, mundu osoko turismo-agentziekiko eta helmuga turistiko jasangarrien garapenean erreferentzia izan diren enpresekiko harremana sustatzea.

Konpromisoa 108. Ekimena 3. Turismo Mahaia bultzatzea, sektoreak parte hartzeko eta lankidetzan aritzeko gune gisa.

Konpromisoa 108. Ekimena 4. Euskadiko Turismoaren Kode Etikoa sustatzea, helmuga iraunkor eta arduratsua sortzeko tresna gisa. 

Konpromisoa 108. Ekimena 5. Kultura- eta natura-ondarearen errespetuzko erabilera sustatzen duten turismo- produktu eta -zerbitzu iraunkorrak sortzen, garatzen eta ezartzen laguntzeko ildoak bultzatzea, gure helmugaren balioak eta nortasuna errespetatzen eta transmititzen direla zainduz.

Konpromisoa 108. Ekimena 6. Turismo-garraioaren elektrifikazioa eta turismo-jardueren energia-eraginkortasuna sustatzea.

Konpromisoa 108. Ekimena 7. Klima-aldaketaren aldagaiak turismo-estrategietan dituen ondorioen neurketa indartzea, epe luzerako estrategian funtsezko faktore gisa.