Osasuna

Ekimena 1. Talka-plan bat egitea eta aurrera eramatea, Lehen Mailako Arreta zerbitzuan arreta eta irisgarritasuna hobetzeko, familia-medikuak artatua izateko itxarote-denbora murrizteko, itxarote-zerrenda kirurgikoak murrizteko eta proba diagnostikoetarako, kanpo-kontsultetarako eta espezialistengana bideratzeko atzerapen-denborak murrizteko, hori guztia Osakidetzako profesionalen eskutik

Ekimena 2. Behar eta nahi dugun osasun-sistemari buruzko Euskal Akordioa sustatzea, euskal gizarteak eskatzen duen bultzada berritzailea emanez. Horretarako,lan eta lankidetza iraunkorreko esparru bat ezarriko da gure osasun-sistema osatzen duten eragileekin eta eragile politiko, sozial eta instituzionalekin

Ekimena 1. Euskadiko Osasun Publikoari buruzko 13/2023 Legea garatzea.

Ekimena 2. Baliabide gehiago inbertitzea prebentzioaren eta adin guztietako osasunaren sustapenaren esparruan, haurtzarotik hasita.

Ekimena 3. Haurren eta nerabeen osasunari begiratzea, gaur egun osasungarriak diren ohiturak ikasiz gero heldutan osasun ona izango baitute. Telefono mugikorraren eta plataforma digitalen gehiegizko erabileraren prebentzioari heltzea.

Ekimena 4. Zahartze aktiboa eta bizitza osokoa sustatzea, nagusiak osasuntsu bizi daitezen, aktibo eta beren bizitza sozialarekin.

Ekimena 5. Arrisku-faktoreei lotutako gaixotasun saihesgarrien prebentzioa, hala nola tabakoaren kontsumoa, sedentarismoa, osasungarritasun gutxiko dieta edo alkoholaren eta bestelako substantzia arriskutsuen kontsumoa.

Ekimena 6. Gure gizartean ohitura eta jokabide osasungarriak eraginkortasunez hartzen lagunduko duten estrategiak sustatzea, herritarren bizi-garapenean ere hedatuko direnak, ekitatearen ikuspegitik. Osasun Planean eta Osasun Komunitarioko Estrategia Planean ezarritakoaren ildotik.

Ekimena 1. Lehen Mailako Arretako taldeen egitura errealitate demografikora egokitzea, eta, ahal den guztietan, pertsonal fakultatiboaren plantilla eta erizaintzako plazak handitzea, haien lana desburokratizatuz, etengabeko prestakuntza-planak garatuz eta erizaintzako garapen profesionala bere eskumen gorenetan ezarriz.

Ekimena 2. Enplegu Eskaintza Publikoetan fakultatiboentzako eta Lehen Mailako Atentzioko erizaintzako plaza berriak. EEPra sartzea lortzen ez dutenentzat kontratazio-formula egonkorragoak jorratzeko akordioa sustatzea, Lehen Mailako Arretako plaza guztiak, pediatria barne, betetzea lehenetsiz.

Ekimena 3. Berariazko plan bat aurreikustea betetzen zailak diren lanpostuetarako.

Ekimena 4. Lehen mailako laguntzako profesionalek kokapen geografiko berean jarrai dezaten sustatzea, ordainsariak handituz, lan-malgutasuna areagotuz edo lan-gainkarga murriztuz, bai eta herritarrak zerbitzu horien erabilera egokiaz kontzientziatuz ere.

Ekimena 5. Osasun zerbitzuko langileek zeregin burokratikoetan ematen duten denbora murrizteko formuletan aurrera egitea eta kalitatezko arreta pertsonalizatuari denbora gehiago eskaintzea.

Ekimena 6. Mapa berrikustea eta etengabeko arretako guneen hobekuntza sustatzea. Helburua da hil edo bizikoak ez diren larrialdiak artatzeko zentro horiek pazienteei ematen dieten zerbitzua bermatzea eta hobetzea, bai eta ospitaleetako larrialdien karga arintzea ere.

Ekimena 7. Lehen Mailako Arretako eta Etengabeko Arretako Guneetako asistentzia-eredua lerrokatzea, EAGak osatzen dituzten pertsonen eta Lehen Mailako Arretako taldeen arteko koordinazioa hobetuz, puntu guztietatik arreta integrala eta integratua eskaintzeko helburuarekin

Ekimena 8. Zerbitzu-zorroaren homogeneizazioa eta fisioterapiaren hedapena ezartzen jarraitzea.

Ekimena 9. Landa-eremuetan osasun-arreta bermatzeko berariazko jarduerak ezartzea.

Ekimena 10. Hezkuntzan eskumena duen sailarekin eta unibertsitate publikoarekin lankidetzan, EHUko Medikuntza Fakultatean dauden plazak zabaltzea, Familia eta Komunitate Medikuntzako eta Pediatriako prestakuntza espezializatua lehenetsiz, biztanleko lehen mailako arretako medikuen ratioa handitzeko helburuarekin.

Ekimena 11. Egungo Lehen Mailako Arretako Estrategia aztertzea eta ebaluatzea, aurreko legegintzaldian garatutako berrikuspen-prozesuan oinarrituta, gure osasun-sistemako profesionalen zeharkako taldeak kontuan hartuta, etorkizuneko erronkei erantzungo dien Lehen Mailako Arretako Estrategia berri bat planteatzeko helburuarekin.

Ekimena 1. Aurrera egitea lan-baldintzen akordioa berritzen, garapen profesionalean, egungo lanpostuen zerrenda berrikusten eta antolaketa-berrikuntza sustatzen, Osakidetzako Mahai Sektoriala den Elkarrizketa Sozialerako Foroaren bidez.

Ekimena 2. Langile-politika berri bat bultzatzea, bikaintasun-zerbitzua bermatzeko, talentua erakarriz eta bertan geratu daitezen lan eginez. Profesionalen talentua atxikitzeko eta erakartzeko estrategia diseinatzea, ez medikuntzakoa bakarrik, baita erizaintzakoa ere, kontratazio egonkorra lehenetsiz.

Ekimena 3. EEPetako hautatze-sistemak hobetzen jarraitzea, hautaketa-prozesu osoan ondorengo irizpide hauek kontuan izanez: gaitasuna, merezimendua, berdintasuna, gardentasuna, zozketa bidez hautatutako epaimahaiak eta trazabilitatea. Betiere, adostutako eta hitzartutako irizpideak aplikatuz.

Ekimena 4. Aldizkako lan-eskaintza publikoak egitea, gure osasun-sistemaren bikaintasunerako ezinbestekoak diren plantillen egonkortasuna eta nahikotasuna bermatzeko. Gaur egun aldi baterako langileek betetzen dituzten plazak finkatu eta egonkortzera bideratutako egitura-plazak handitzen jarraitzea, eta, hala badagokio, plantillan beste 2.000 plaza berri izatera irits daitekeen gehikuntza bati ekitea.

Ekimena 5. Osakidetzako Mahai Sektorialaren barruan, mediku espezialistak eta behin-behineko egoeran dauden erizainak egonkortzeko formulak lantzea, espezialitate defizitarioetan edo estaldura zaileko espezialitateetan zerbitzua ematen ari baitira.

Ekimena 6. Osakidetzako profesionalekin lankidetzan, prestakuntza-plan propioa garatzea, Osakidetzan zerbitzu berriak eta hobeak eskaintzeko espezializatzea erabakitzen duten profesionalak saritzeko, eta nazioartean garatutako bikaintasun-praktika berriak ezagutzeko eta aplikatzeko aukera emateko osasun-sistemari.

Ekimena 7. Gobernantza oneko prozesuak ezartzen jarraitzea Osakidetzako zentro guztietan, gardentasun osoz lan eginez erakundeen kudeaketa-prozesuetan.

Ekimena 1. Pazientea behar bezala koordinatutako diziplina anitzeko taldeen bidez artatzea. Sistema honen helburua da ikuspegi komuna izatea, pazientea ospitaleratzen denetik alta eman arte, tartean dauden osasun-adar guztietako espezialista guztiek ikuspegi komun eta global bera izatea, eta zentzu berean jardutea arreta hobea eta diagnostiko- eta tratamendu-prozesu asistentzial laburragoak lortzeko

Ekimena 2. Sarean lan egingo duen osasun-sistema bultzatzea, arreta espezializatuaren kasuan bereziki. Horrela, pazienteei beren ESIetatik kanpo edo beren ESIko erreferentziazko beste zentro batean hitzorduak eskaintzea, baldin eta horrekin arreta espezializatu azkarragoa lor badezakete.

Ekimena 3. Etxeko ospitaleratze- programa bat sortzea, pazienteei ospitale-ingurunean jasoko lituzketen antzeko zaintza eta tratamendu medikoak jasotzeko aukera emango diena, beren etxean egoteak ematen dien erosotasunarekin. Arreta-formatu horrek etxean bertan eskaintzen ditu tradizioz ospitaleetan eman izan diren zerbitzuak, hala nola sendagaiak ematea, bizi-zeinuak monitorizatzea eta arreta mediko espezializatua ematea, pazientea fisikoki ospitale batean egoteko beharra saihestuz.

Ekimena 4. Sendagaien emate kolaboratiboa garatzeko bidean aurrera egitea (hurbilekoa), pazienteei ospitaleko medikazioa beren erreferentziazko farmazien bidez helarazteko,ospitaleetara behar ezdenean joan beharrik izan ez dezaten.

Ekimena 6. Farmaziak osasun-eragile gisa sustatzea.

Ekimena 7. Pazientearen eta zaintzaileen parte-hartze aktiboa bultzatzea, aldaketa-eragile gisa.

Ekimena 1. Euskadin kronikotasun-estrategia berri bat garatzea, gure ingurunean abian jarritako kronikotasun-estrategia guztien inpaktua eta Osakidetzak garatutako jarduerak aztertzeko, haien baliozkotasuna eta eraginkortasuna egiaztatzen duten eta gure sistema soziosanitarioaren kalitatea hobetzen duten proiektu berritzaileak txertatzeko.

Ekimena 2. Gaixotasun kronikoak dituzten pazienteen tratamenduan eta zaintzan espezializatutako arreta medikoko erakunde bat bultzatzea, horretarako ospitale espezifiko bat abian jartzea baztertu gabe. Ospitale mota honetan, osasun-baldintzek epe luzerako maneiua, diziplina anitzeko tratamendua eta etengabeko jarraipena eskatzen duten pazienteei arreta emango litzaieke. Zentro horrek diziplina anitzeko talde bat izango luke, errehabilitazioan, zainketa aringarrietan eta baldintza eta gaixotasun kronikoen kudeaketan oinarrituko dena.

Ekimena 3. Oheak eskaintzeko sistema bat ezartzea Pediatrian egonaldi luzeetarako ospitaleratutako haur gaixoen zaintzaileentzat. Onkologia pediatrikoko pazienteen eta haien senideen ongizate emozionala hobetzeko jarduera espezifikoak eta osagarriak garatzea, eta haur eta nerabeen minbiziari buruzko ikerketaren jarraitutasuna eta iraunkortasuna bermatzea.

Ekimena 1. Digitalizazioan inbertsioa egitea, erakundeak hobeto kudeatzen laguntzeko, datuetan oinarrituta: osasun-karpeta, sentsorika eta HCrekiko konexioa, terapia digitalen aplikazioak, Adimen Artifiziala (AA).

Ekimena 2. ESI digital bat sortzeko aukerak aztertzea eta Command Center bat bultzatzea, osasun- sistemaren historia klinikoa eguneroko praktikan baliatzeko.

Ekimena 3. Big Data eta konputazio kuantikoa ezartzea euskal osasungintzan. 4.0 Osasun Plan bat egitea, datu handien erabilera anonimizatuaren bitartez, eta konputazio kuantikoko teknologia ezarriko dugu gure osasun-sisteman, pazienteentzako arretaren kalitatea eta osasun-gastuaren iraunkortasuna hobetzen laguntzeko.

Ekimena 4. Produktu klinikoak ikertzeko eta garatzeko funtsezko tresna gisa Osakidetzak izan dezakeen zeregina hobetzea, Startups Biotech eta sektoreko eragile biosanitarioekin lankidetzan.

Ekimena 5. Lankidetza-sareen barruan integratzen eta lan egiten duten ikertzaile sanitarioentzako sustapen-plan bat egitea, agente ikertzaile eta berritzaileen artean ezagutza- transferentzia hori sustatzeko eta ikerketa-bikaintasunean indize handiagoa izateko

Ekimena 6. Osasun-sistema publikoak unibertsitatearekin, industria farmazeutikoarekin eta arlo biosanitarioarekin duen lankidetza indartzea, eremu hori ere aberastasun-iturri izan dadin Euskadin.

Ekimena 7. I+G+B esparruan parte hartzen duten eragile guztien artean Osasun Ekosistema bat sustatzeko hitzarmenak garatzea, Euskadin talentua erakartzeko guneak sortuz.

Ekimena 8. Genero-ikuspegia ikerketa-proiektuetan sar dadin sustatzea, saiakuntza klinikoetan emakumeen ordezkaritza txikiagoarekin amaitzen lagunduz.

Ekimena 1. Osasun mentala eta emozionala lehenestea, batez ere gazteen artean. Euskadiko Osasun Mentaleko 2023-2028 Estrategia garatzea.

Ekimena 2. Suizidioaren alorrean laguntza psikosozialeko unitate bat sortzea, suizidio baten biktimaren inguruneari arreta emateko eta buruko gaixotasun horren doluan berariazko laguntza eskaintzeko. Pertsona horiei arreta espezializatua emateak gaixotasun hori ikusaraztea eta haien ongizate osoa bermatzea ahalbidetuko du.

Ekimena 3. Euskadin aktiboak diren baheketa-programak ezartzea (bularra, zerbixa eta kolon eta ondestekoa), prebalentzien araberako adin-zabaltzeekin, eta baheketa antolatua hiru minbizi gehiagotara zabaltzea (prostata, birika eta gastrikoa), ebidentzia zientifikoaren kontrastea kontuan hartuta, Euskadiko Plan Onkologiko berri baten bidez, Minbiziaren Aurkako Europako Planaren eta Minbiziaren Baheketarako EBko Planaren esparruan.

Ekimena 4. Euskadiko Osasun Kardiobaskularreko Estrategia bat garatzea, profesionalekin eta paziente-elkarteekin batera, eta esparru bat ezartzea, inplikatutako eragile guztiek euskal herritarren osasun kardiobaskularraren erronketarako lehentasunezko jarduerak identifikatu eta abian jar ditzaten. Besteak beste, tabakoaren aurkako kanpainak, hipertentsioaren kontrola edo Arreta Komunitarioko plan berria. QBihotz programa abian jartzea, Quantum Machine Learning aplikatuz, Antzemate Goiztiarrerako eta patologia kardiobaskularren eta bihotz-biriketako geldialdiaren pronostikorako, patologia horiek dituzten pazienteei mesede egingo diena.

Ekimena 5. Diabetesa izateko arriskuan dauden pertsonak aldez aurretik identifikatzea ahalbidetuko duten proba diagnostikoak egiten jarraitzea, prebentzio handiagoa, diagnostiko goiztiarra eta diziplina anitzeko abordatze goiztiar eraginkorragoa ziurtatzeko.

Ekimena 6. COVIDari arreta emateko protokoloak areagotzea, COVID iraunkorrak eragiten dituen patologia bakoitzeko espezialistek eragindako pertsonei arreta emanez.

Ekimena 7. Aho-hortzetako osasun-zerbitzuak zabaltzen jarraitzea, PADI pixkanaka osatuz eta pixkanaka kolektibo gehiago zerbitzuetan sartzea sustatuz.

Ekimena 8. Datozen urteetan Euskadiko Gaixotasun Neurodegeneratiboen eta Neuromuskularren Estrategia garatzea, osasun-, gizarte- eta ikerketa-esparruen artean sektore anitzeko abordatze koordinatua ezarriz, eta familiari eta zaintzaileei laguntzea, pazienteen autonomia sustatzea eta haien erabakiak errespetatzea oinarri hartuta. Lan hori Gaixotasun Arraroen Estrategia batekin osatzea.

Ekimena 9. Sendagaien Europako Agentziak (EMA) dagoeneko ontzat eman dituen farmako berriak modu arinean sartzea, eta tratamendu horiek benetan eskuratzeko denbora murriztea, pazienteen eskuragarritasuna hobetuz.

Ekimena 10. Euskadiko Zainketa Aringarrien 2023-2027 Planaren helburuak garatzea, hala eskatzen duten pertsona guztiei eskainiz.

Ekimena 11. Medikuntza pertsonalizatuaren ezarpena sustatzea, eratutako batzordeekin, erreferentzia-unitateetako profesionalekin eta gure osasun-erakundeko ikerketa- institutuekin batera, Doitasunezko Medikuntza Pertsonalizatuko Euskal Plan bat ezarriz, Euskadi doitasunezko medikuntzaren inplementazioaren erreferente gisa kokatzeko helburuarekin.

Ekimena 12. Osakidetzaren zerbitzuek lagundutako ugalkortasun- eta ugalketa-programak zabaltzea eta hobetzea, Euskadin amatasunari eta aitatasunari laguntzeko.

Ekimena 13. Elikadura Nahasmenduen Talde Monografikoak adierazitako hobekuntza- proposamenak betetzeko beharrezkoak diren jarduerak garatzea.

Ekimena 14. Autismoaren espektroko nahasmenduen diagnostikoa hobetzen jarraitzea, eremu horretan lan egiten duten hirugarren sektoreko profesionalen eta eragileen eskutik

Ekimena 15. Protokolo bakar bat ezartzea Osakidetza osoan, gaian adituak diren profesionalen eta Euskadin haurdunaldiko, jaiotza-inguruko eta jaioberrien arteko doluaren inguruan lan egiten duten elkarte eta eragileen eskutik, era integralean arreta emateko haurdunaldiko, jaiotza-inguruko eta jaioberrietako doluak jasaten dituzten pertsonei.

Ekimena 16. Berriki onartutako Euskadiko Iktusa duten Pazienteei Arreta emateko Planean jasotako ekintzak garatzea