Industria : 47 ekimenak

Konpromisoa 72. Ekimena 1. 2028rako Industria Garatzeko Plan espezifiko bat abian jartzea, 4.0 eta 5.0 industriak ETEetan txertatzen laguntzeko. Plan horrek teknologiaren, berrikuntzaren, azpiegituren, iraunkortasunaren, ekintzailetzaren, nazioartekotzearen, finantzaketaren eta industriaren ikuspegi sozial berria duten pertsonen kudeaketaren bektoreak jasoko ditu.

Konpromisoa 72. Ekimena 2. Pertsonekin konprometitutako enpresa-kultura bultzatzea. Konfiantzan oinarritutako kultura, helburu inspiratzailea duena, baloreena, eta erakunde bateko pertsona guztiak fidelizatzen dituena, batez ere talentu gaztea, adina eta posizioa edozein direla ere, dibertsitate funtzionala duten pertsonen inklusioa sustatuz.

Konpromisoa 72. Ekimena 3. Izapide burokratikoak sinplifikatzea eta gure enpresen erregulazio-prozesuak arintzea, enpresetan karga burokratikoa arrazionalizatzeko plan baten bidez.

Konpromisoa 72. Ekimena 4. Elkarlan eta laguntzako ekosistemaren (klusterrak, ganberak, elkarteak...) eraginkortasuna indartzea, industria-sare eta sare ekonomiko osoa, batez ere ETEak, deskarbonizazioaren, digitalizazioaren eta trantsizio sozialaren ondoriozko erronka handien eta egiturazko aldaketen aurrean elkarren artean lotzeko, inolako arrakala sortzea saihestuz eta lehiakortasunaren hobekuntzan sakonduz.

Konpromisoa 72. Ekimena 5. Basque Automotive Manufacturing Center (BAM) Jundizen Automobilgintzan Fabrikazio Aurreratuko Teknologiak Garatzeko Euskal Zentroaren proiektua abian jartzea. Zentro horrek produkzio-egitura eraldatzen lagunduko du, automobilgintza- sektorearen balio-katearen lehiakortasuna eta iraunkortasuna bultzatuz, Mercedes- Benz, Gestamp eta MB Sistemas de Corporación Mondragón enpresekin batera.

Konpromisoa 72. Ekimena 6. Enpresei laguntzea balio-kateen kanpo-mendekotasuna murrizten eta Euskadin hornitzaile-kateak garatzen.

Konpromisoa 72. Ekimena 7. Aberastasuna sortzeko eta ekitatez banatzera begira aldi berean garatuko duten politikak diseinatzea. Industria berriak iraunkorra izan behar du, ez bakarrik ingurumenari dagokionez, baita gizarteari dagokionez ere.

Konpromisoa 72. Ekimena 8. Ekosistema lehiakor bat garatzea lehiakortasuna eta ongizatea sortzen duten enpresa- proiektuak erakartzeko eta tokiko hornidura-kateen iraupena bermatzeko, ezagutza duten hornitzaile txikien segida babestuz.

Konpromisoa 73. Ekimena 1. Industria Azpiegiturak Garatzeko Inbertsio Funts bat sortzea, SPRIri atxikia, partaidetza publikotik abiatuta kapital pribatua erakarriko duena industria-azpiegitura berriak garatzeko.

Konpromisoa 73. Ekimena 2. Interes industrial eta ekonomikoa izanik erabiltzen ez diren aktiboak (lurzorua eta azpiegitura industriala) berreskuratzeko eta horiei balioa emateko estrategia indartzea, kokaleku berrietarako lurzoruaren artifizializazioa minimizatuz.

Konpromisoa 73. Ekimena 3. Erabiltzen ez diren aktiboak leheneratzeko eta berreskuratzeko jarduketetatik datozen lurzati industrialen eta eraikinen 1.250.000 m2 industria berriaren eskura jartzea.

Konpromisoa 73. Ekimena 4. Hirigintza-garapen berrietatik datozen industria-lurzatien eta eraikinen 1.600.000 m2 gaitu eta merkatuaren eskura jartzea.

Konpromisoa 73. Ekimena 5. Indarrean dagoen arau-esparruak eskaintzen dituen aukeren barruan, hirigintza- tramitazioa arintzea, gizarte osoan duten eragin positiboagatik interes orokorrekotzat jotako proiektuak garatu eta ezartzeko, betiere kontsulta publikorako bermeak eta, hala badagokio, epeak mantenduz eta garapen-epeak nabarmen murriztuz.

Konpromisoa 73. Ekimena 6. Industria-sarearen eraldaketa, espezializazioa eta hazkundea indartzea, eta industrian deskarbonizazio-prozesua modu eraginkor eta ordenatuan bultzatzea.

Konpromisoa 74. Ekimena 1. Finkatuz funtsari bultzada bat ematea, inbertsio estrategikoak egiteko, herri honetan giltzarritzat jotzen diren enpresen aurrerapena, hazkundea, sustraitzea eta enpresen sare ekonomiko eta industrialean eragitea bermatzeko. Bultzada hori Funtsaren kapitala pixkanaka handitzean gauzatuko da. Halaber, araudia sinplifikatuko da, inbertsio- eta desinbertsio-erabakien arintasuna hobetzeko. 

Konpromisoa 74. Ekimena 2. SPRI taldeko Euskadiko Arrisku Kapitaleko Sozietatearen eta hark kudeatutako funtsen jarduera indartzea eta zabaltzea, Finkatuz Funtsaren jarduera eta Euskadiko ekonomia- eta industria-sareari laguntzea osatuz.

Konpromisoa 74. Ekimena 3. "BasqueFik" Finantza eta Inbertsio Klusterraren jarduera babestea eta indartzea, ekonomia- eta industria-ehunaren errotzea eta hazkundea bultzatzeko ikuspegi integraleko finantza-tresnak eta inbertitzaileak garatzeko, hiru trantsizio handien ondoriozko erronken aurrean lagunduz.

Konpromisoa 74. Ekimena 4. Euskadiren finantza-gaitasunak lerrokatzea eta ardaztea, euskal funts handi bat osatzen duten hainbat tresna publiko-pribaturen bidez, bai eta finantza-inbertsioko euskal ekosistema osoaren mobilizazioa ere, enpresak hazteko eta errotzeko eragiketa industrialei eta teknologikoei ekiteko. Inbertsio-ahalegin horrek tamaina ertaineko euskal multinazionalen errotzea ziurtatzera bideratutako ildo bat izango du.

Konpromisoa 74. Ekimena 5. Euskal BGAEen erregulazioa aldatzea, kapitalaren ehuneko bat euskal industria-, enpresa- eta teknologia-ehuna errotzea eta haztea ahalbidetzen duten proiektuetan inbertitua izan dadin, eta euskal finantza-eragileen artean, hala nola finantza- erakundeen eta banku-fundazioen artean, sozialki arduratsua den inbertsio-politikak sustatzea.

Konpromisoa 74. Ekimena 6. Hazkunde handiko proiektuen eta enpresa bultzatzaileen finantzaketa erraztea, lurraldean ekimenak errotzea sustatzeko, haien hazkundea eta dibertsifikazioa ahalbidetzeko, eta hornitzaileak lurraldean garatzea eta gaitzea ahalbidetzeko.

Konpromisoa 74. Ekimena 7. Trantsizio global handi batekin edo batzuekin konpromisoa hartzen duten enpresak bultzatzea, Foru Aldundiekin batera lan-baldintza zuzen eta erakargarriak sustatzen dituzten zerga-politikak sustatuz.

Konpromisoa 74. Ekimena 8. Lehentasunezko jarduera-eremuetarako eskualde-plan estrategikoak garatzen jarraitzea, Ezkerraldea-Meatzaldea, Enkarterri, Oarsoaldea, Aiaraldea, Debabarrena eta Busturialdea-Urdaibai eskualdeetako ekonomia eta gizartea suspertzen jarraitzeko.

Konpromisoa 74. Ekimena 9. Proiektu bideragarriei bizirauteko eta sendotzeko aukera emango dien finantzaketa lortzen laguntzea, zailtasunak dituzten enpresak berregituratzeko eta bultzatzeko laguntzak indartuz (Bideratu Berria programa), bai eta kaltetutako langileak birkokatzeko eta birziklatzeko ekintzak ezartzen jarraitzea ere (Aukeraberri programa).

Konpromisoa 74. Ekimena 10. Finantzen Euskal Institutuaren jarduerak indartzea, euskal enpresa bultzatzaileak errotzen laguntzeko tresna gisa, eta Dirulaguntzak arautzen dituen Lege berriaren aurreikuspenak garatzea, enpresen deslokalizazioak saihesteko.

Konpromisoa 76. Ekimena 1. 2024-2029 aldirako Ekintzailetzaren Erakunde arteko Plana abiaraztea, ekintzailetza herrialdearen lehentasuntzat hartuta. Laugarren plan honek sakonduko du ekintzailetza-prozesuaren sinplifikazio administratibo batean. Herri erakargarri gisa kokatzeko garatu behar diren hiru trantsizio handiak aztertuko ditu aukera gisa, eta erakunde arteko eta sail arteko ezarpenari eutsiko dio, eragile publiko eta pribatuen lankidetzara irekita, heltze-etapa guztietan proiektu ekintzaileei laguntzeko,denen artean Euskadiren eraldaketa ekonomiko eta sozialerako ahalegina eginez.

Konpromisoa 76. Ekimena 2. "Up!" marka indartzea Euskadi ekintzailetza-ekosistema nazioartekotzen jarraitzeko tresna gisa, bai eta enpresei eta ekintzaileei ematen zaien laguntzan sakontzeko ere.

Konpromisoa 76. Ekimena 3. Titulartasun publikoko BICak (Business Innovation Centers) leihatila bakar gisa eta ekintzailetzaren euskal ekosistemara eta haren laguntza-zerbitzuetara sartzeko ate gisa posizionatuz indartzea.

Konpromisoa 76. Ekimena 4. Sortzeko, aurrera egiteko, hazteko eta finkatzeko ahalmena duten proiektuei finantzaketa eta inbertsioa eskuratzeko aukera handiagoak eskaintzea. Tresna propioen arteko koordinazioa hobetzea, baita finantzaketa pribatuarekin ere.

Konpromisoa 76. Ekimena 5. Basque Tek Ventures sustatzea oinarri teknologikoko enpresa berriak sortzen laguntzeko eta hauspotzeko tresna gisa, Euskadi ekintzailetza teknologiko- industrialeko gune gisa kokatzeko eta industria adimendunean espezializazioa sustatzeko.

Konpromisoa 76. Ekimena 6. Intraekintzailetzaren esparruan ekimen berri bat abiaraztea, ekimen eta proiektu berriak azaleratzeko, babesteko eta laguntzeko.

Konpromisoa 76. Ekimena 7. Belaunaldien arteko erreleboa kudeatzen eta ezagutza eskualdatzen laguntzea enpresen eremuan.

Konpromisoa 76. Ekimena 8. Startupak eskalatzeko BIND berrikuntza irekiko ekimenaren esparruan eskainitako zerbitzuak zabaltzea.

Konpromisoa 77. Ekimena 1. Gasteizko egungo Campusa handitzea eta, hirian bertan, Vitoria-Gasteizen, Parkerako sarbide berri bat irekitzea.

Konpromisoa 77. Ekimena 2. Bilboko Campusa eraikitzea, Zorrotzaurreko hegoaldeko zein iparraldeko puntan, enpresak, teknologia- eta ikerketa-zentroak eta prestakuntza-zentroak bertan ezartzeko.

Konpromisoa 77. Ekimena 3. Abantoko Campusa garatzea, Hidrogenoaren Living Lab-a eta Hidrogenoaren Mugikortasun lursaila ekonomiaren deskarbonizaziorako aitzindaritzat hartuta.

Konpromisoa 77. Ekimena 4. Ortuellako Campusa hedatzea.

Konpromisoa 77. Ekimena 5. Donostiako Campusean, Illunben, lehenengo eraikina eraikitzea.

Konpromisoa 77. Ekimena 6. Hernaniko Campusean eraikin berria amaitzea.

Konpromisoa 77. Ekimena 7. Hondarribiko Campusa sortzeko lehen urratsak.

Konpromisoa 77. Ekimena 8. Irungo Bidea (hiri-barrutia) proiektuaren industria-garapenari laguntzea.

Konpromisoa 77. Ekimena 9. Eibarko Erisono poligonoan eraikitzen ari diren erabilera tertziarioko eraikin berria garatu eta merkaturatzea.

Konpromisoa 77. Ekimena 10. Zumarragako 1. eta 2. Altzairutegi- eremuko industria-berroneratzea.

Konpromisoa 79. Ekimena 1. Eusko Jaurlaritzaren I+G+bko politiketarako aurrekontu-inbertsioa gutxienez %6 handitzea legegintzaldian zehar.

Konpromisoa 119. Ekimena 5. Digitalizazioari eta teknologia berriei laguntzeko programa bat garatzea trantsizio ekologikorako. Euskal enpresek blockchain bezalako teknologiak eta produktuaren pasaporte digitala bezalako tresnak erabil ditzaten, jasangarritasun-politiketan jauzi kualitatiboa egiteko.

Konpromisoa 150. Ekimena 1. Euskadiren kanpoko ordezkaritza, bulego komertzial edo ekonomikoen erakunde- sarea berrikustea eta indartzea, fokua Afrikako eta Asiako hego-ekialdeko interes- eremuetan jarriz.

Konpromisoa 150. Ekimena 3. Lehentasunezko herrialdeetako erakundeekin, ordezkaritza diplomatikoekin eta erreferentziazko Think Tank-ekin harremanak areagotzea. Nazioarteko erakundeekiko eta sare garrantzitsuekiko harremanak sustatzea. Euskadiko eragile ekonomiko, sozial edo akademikoei nazioartekotze-proiektuak hedatzen laguntzea.

Konpromisoa 150. Ekimena 4. Diplomazia ekonomikoko eredu bat sustatzea, gure enpresak nazioartean sustatzeko eta laguntzeko, bai eta Euskadira inbertsioak erakartzeko ere.