Hezkuntza : 70 ekimenak

Konpromisoa 22. Ekimena 1. Euskal Eskola Publikoaren eredua eta funtsezko izaera indartzea, besteak beste, Euskal Eskola Publikoaren Kontseilua bultzatuz, ikastetxe publikoen heziketa-lana eta - lorpenak identifikatzeko, beharrak eta interesak defendatzeko eta ikusarazteko, eta ikastetxe horiek ingurunean integratzeko eta ikastetxeen arteko lankidetza-lana bultzatzeko, beren nortasunaz jabetzea eta euskal eskola publiko lehiakor bat garatzea bultzatuz, kalitateari dagokionez.

Konpromisoa 22. Ekimena 2. Lau urteko plan estrategikoak bultzatzea, aldi bakoitzeko helburuak, horiek garatzeko baliabide materialak eta giza baliabideak, azpiegituren hobekuntza eta zuzendaritza- eta irakasle-taldeen segurtasuna eta egonkortasuna ezartzeko.

Konpromisoa 22. Ekimena 3. Eskola Publikoaren azpiegituretan inbertsioa egitea, heziketa-eredu koherente eta adostuen aldeko apustua egiten duten ikastetxe integralak bultzatuz. Eraikinak eta ikastetxeak sustatzea kontrol eta efizientzia energetikoko neurriekin. Programa honek, gutxienez, ondorengo jarduera hauek aurreikusten ditu:
 Ondorengoetan lanak amaitzea:
• Etxebarri BHI
• Muskiz BHI
• Zumaia BHI
• Salburua BHI
• Aldaialde HLHI (Vitoria-Gasteiz)
• OrixeBHI (Tolosa)
• Musakola HLHI(Arrasate)
• Astigarraga HLHI
 Abian dauden proiektuetan aurrera egitea:
• Trueba Institutua (Barakaldo)
• José Miguel Barandiaran BHI (Leioa)
• Egape Ikastola BHI(Urnieta)
• Haizeder HLHI (Ea)
• Elorrieta-Erreka Mari LHII(Bilbao)
• Ispaster HLHI
• San Jorge LHII (Santurtzi)
• UrkitzeHLHI (Bakio)
 Ondorengo hezkuntza-azpiegiturak diseinatzea eta abian jartzea:
• Hezkuntza azpiegitura berria Sopelan
• Murgia IPI (Zuia)
• Aldaialde BHI(Vitoria-Gasteiz)
• Astigarraga BHI
• Urritxe BHI (Amorebieta-Etxano)
• GatikaHLHI
• Manuela Zubizarreta HLHI (Etxebarria)
• Balmasedako LH Zentroa

Konpromisoa 22. Ekimena 4. Eskolaratze inklusiboa sustatzea Euskal Hezkuntza Zerbitzu Publikoa ematen duten ikastetxeetan, eta ikasketetarako laguntzen eredu propio bat bultzatzea, ekitatezko heziketarako plan baten esparruan, heziketa-maila guztietako ikasle kalteberei beharrezko laguntza ekonomikoak eta babesak emango dizkiena, ikasle horien erabateko eskolaratze beharrei erantzuteko eta hezkuntza-arrakasta sustatzeko.

Konpromisoa 22. Ekimena 6. Ikastetxe publikoen autonomian aurrera egitea eta sakontzea, bai alderdi pedagogikoetan, bai antolakuntzakoetan.

Konpromisoa 22. Ekimena 7. Zuzendaritzen lidergo pedagogikoa indartzea, zuzendaritza-eginkizunaren prestakuntzaren eta profesionalizazioaren bidez. Beharrezkoa izanez gero, administrazioko taldeak handitzea, zuzendaritzaren zeregin burokratikoak murrizteko, zuzendaritzak alderdi pedagogikoetan, talde-harremanetan eta irakasleen antolaketan aritu daitezen, eta hobekuntzarako, bikaintasunerako eta eskola-bizikidetzarako eta bullyingaren aurkako borrokarako plan propioak bultzatzeari ekin diezaioten.

Konpromisoa 22. Ekimena 8. Eskola Publikoko eskola-jantokien eginkizun pedagogikoa sustatzea, kalitatezko zerbitzua eskaini ahal izateko, elikadura osasungarria eta jasangarria irakasten laguntzeko. Oporraldian familia kalteberetan eskolatutako adingabeen elikadura egokia bermatzeko aukera aztertzea.

Konpromisoa 23. Ekimena 1. Eskola-segregazioaren aurkako Itun Soziala garatzea, zalantzarik gabeko apustu gisa heziketa inklusiboaren, gizarte-kohesioaren eta aniztasunaren kudeaketaren alde, Berdintasun eta Bizikidetza Planen garapena eta aplikazioa indartzea, eta eskola inklusiboaren esparruan aniztasunari arreta emateko Plan Estrategikoan jasotako neurrietan sakontzea.

Konpromisoa 23. Ekimena 2. Eskola-plaza baten kostua definitzea, ekitate- eta bikaintasun-printzipioetan oinarritutako zerbitzua ematen duten ikastetxe guztien doakotasun eraginkorrean aurrera egiteko tresna gisa.

Konpromisoa 23. Ekimena 3. Konplexutasun handiko ikastetxeetan heziketa-proiektu bereziak eta erreferenteak indartzea eta sustatzea, eta baliabide gehigarriak ematea

Konpromisoa 23. Ekimena 4. Beken eta laguntzen sistema finkatzea, arlo honetan desparekotasun-egoerak saihesteko. Sistema hori zerbitzu osagarriei, eskolaz kanpoko jarduerei eta eskola- materialari ere aplikatzen zaie.

Konpromisoa 23. Ekimena 5. "Haurreskolak Patzuergoa" proiektua sendotu egingo dugu, doako eta kalitatezko eskolaratze goiztiarrerako hezkuntza-eredu gisa, eta udal-eremuekiko lankidetza- jarduerak jarriko ditugu martxan.

Konpromisoa 23. Ekimena 6. Lurraldeetako matrikulazio-bulegoak prestatzea, eskolaratze orekatu eta inklusiboa bermatzeko.

Konpromisoa 24. Ekimena 1. Heziketa-jarduna ikasleen laguntza-premia espezifikoetara egokitzeko eta ikasleen garapen integralean laguntzeko programak eta neurriak sustatzea.

Konpromisoa 24. Ekimena 2. Orientazioko zerbitzuak indartzea eta hobetzea, ikasle guztien garapen ahalik eta handiena ziurtatuz, bakoitzaren ezaugarriak kontuan hartuz eta ibilbide profesional egokiak aukeratzen lagunduz. Eskola uzte goiztiarra murriztea.

Konpromisoa 24. Ekimena 3. Gaitasun handiko ikasleek behar duten erantzuna emateko estrategia indartzea, euren heziketa beharretan dituzten premiei laguntzeko eta erantzuteko programak eta jarduerak bultzatuz eta talentuaren sustapena sustatuz.

Konpromisoa 24. Ekimena 4. Ikastetxe guztietan bizikidetza positiboa eta hezkidetzailea bultzatzea, ikastetxeetan berdintasuna eta bizikidetza sustatzen duten ekimenen garapena eta aplikazioa indartuz, irakasleentzako eta orientazio-taldeentzako prestakuntza aurreikusiz.

Konpromisoa 24. Ekimena 5. Ikasle sartu berriei arreta integrala emateko "EUSLE" programa bultzatzea eta zabaltzea.

Konpromisoa 24. Ekimena 6. Zailtasunak dituzten haurrei arreta goiztiarra emateko programak indartzea, dagoen protokoloa eta haren aplikazioaren kudeaketa hobetuz.

Konpromisoa 24. Ekimena 7. Osasun Sailarekin lankidetza indartzea, ohitura osasungarriak bultzatzeko eta osasun mentalari eta beste gaixotasun batzuei egokiro heltzeko.

Konpromisoa 25. Ekimena 1. Gure hezkuntza-sistema etengabe hobetzearen alde egitea. Gaitasunen araberako heziketan aurrera egitea, ikaslea irakaskuntza- eta ikaskuntza-prozesuaren erdigunean jarriko duena eta bikaintasunezko hezkuntzaren alde egingo duena, hezkuntza- arrakasta lortzeko eta inor atzean ez geratzeko errefortzu-neurriak bermatuz. Eskolako emaitzak eta adierazleak hobetzeko plan berri bat garatzea.

Konpromisoa 25. Ekimena 2. Irakurketa-planetan ekimen estrategiko berriak txertatzea: irakurketa da hezkuntza- curriculumeko arlo guztien zeharkako ardatza.

Konpromisoa 25. Ekimena 3. Proposamen metodologiko egiaztatuak bultzatzea, arrazoiketa matematikoa sustatzeko eta hezkuntza-etapa guztietan ikasleen ikaskuntza hobetzeko.

Konpromisoa 25. Ekimena 4. STEAM bokazioak sustatzeko ekimen berriak txertatzea.

Konpromisoa 25. Ekimena 5. Nazioarteko Batxilergoa hiru lurraldeetan bultzatzea, curriculum-ikuspegi aurreratuak bultzatzeko.

Konpromisoa 25. Ekimena 6. Ikastetxeetan estrategia digitala sustatzea, gaitasun digitalak garatzeko, programazioan eta pentsamendu konputazionalean alfabetatze digitala lantzeko eta adimen artifiziala ikaskuntza eta ebaluazioa hobetzeko tresna gisa sartzeko. Horretarako, irakasleekin eta ikastetxeetako zuzendaritzekin gogoeta partekatua irekiko da, haien egokitasunari buruz, bai eta eskola-orduetan gailu elektronikoak kontrolatzeari buruz ere.

Konpromisoa 25. Ekimena 7. Heziketa-proiektuen iraunkortasuna sustatzeko ezagutzak eta balioak bultzatzea.

Konpromisoa 26. Ekimena 3. Ikasleek curriculumeko hizkuntza guztietan duten hizkuntza-gaitasuna indartzea, hizkuntzetan eskatzen diren hizkuntza-mailak lor ditzaten eta curriculuma osatzen duten gainerako irakasgaiak eta gaitasunak behar bezala ikas ditzaten

Konpromisoa 26. Ekimena 4. Irakasle guztientzako hizkuntza- eta metodologia-prestakuntzako programak ezartzea.

Konpromisoa 27. Ekimena 1. Irakasleen hasierako eta etengabeko prestakuntza eguneratzea, euskal unibertsitate- sistemako eragileekin lankidetzan.

Konpromisoa 27. Ekimena 4. Euskal hezkuntza-sistemako ikastetxeetan metodologia aurreratuen eta kontrastatuen garapena sustatzea, heziketa hobetzeko bidean aurrera egiteko aukera emango dietenak. Horretarako, lankidetza-sareak sortuko dituzte, "Ikaskuntzarako Berrikuntza Zentroa" osatuko duten arloen bitartez.

Konpromisoa 27. Ekimena 5. Heziketa-lanetan arrakastatsu gertatu diren esperientziak eta ikastetxeen eta irakasleen arteko lankidetza-sareak identifikatzea eta sustatzea, ikaskuntzako arrakasta-eredu horiek transferitzeko.

Konpromisoa 27. Ekimena 6. Euskal unibertsitate-sistemako unibertsitateen eta Euskal Hezkuntza-sistemako ikastetxeen arteko elkarlaneko ikerketa sustatzea, egiaztatutako ikaskuntza-ereduak baliozkotzeko.

Konpromisoa 28. Ekimena 1. Hezkuntza-sistemaren nazioartekotzea bultzatzea, ikastetxeen nazioartekotzea eta ikasleen eta irakasleen trukea sustatuz.

Konpromisoa 28. Ekimena 2. Berrikuntza-programa arrakastatsuetan lankidetza-sareak sustatzea, Europako programetan parte hartuz.

Konpromisoa 28. Ekimena 3. "Akitania Berria-Euskadi-Nafarroa Euroeskualdearekin" lankidetza bultzatzea.

Konpromisoa 29. Ekimena 1. Euskal Lanbide Heziketa munduko erreferente gisa jartzea laugarren eta bosgarren industria-iraultzari erantzungo dion prestakuntzaren garapenean. Garapen profesionalaren paradigma berri bat ezartzea, haren nazioarteko proiekzioa bultzatuz eta Euskadiko lehiakortasunaren balio-katea indartuz, horretarako beharrezkoak diren araudiak eta planak ezarriz.

Konpromisoa 29. Ekimena 2. Lanbide Heziketako eskaintza malguagoa eta eskuragarriagoa zabaltzea, ikaskuntza erdipresentziala eta urrutikoa ere sustatuz, eta, horretarako, online prestakuntza eta modalitate horretako tituluak eta/edo ziurtagiriak egiaztatzeko aukerak zabaltzea

Konpromisoa 29. Ekimena 3. Lanbide Heziketaren eremuan, ikasleen euskarazko prestakuntzan eta eleaniztasunean aurrerapenak sustatzea, bigarren hezkuntzako hizkuntza-integrazioa eta -jarraitutasuna lortzeko.

Konpromisoa 29. Ekimena 4. Lanbide-irakaskuntzetan ingelesa erreferentziazko hizkuntza gisa sar dadin bultzatzea, ikasleek lan-aukerak eskura ditzaten, enpresen nazioartekotze-testuinguru batean.

Konpromisoa 29. Ekimena 5. Industria, osasuna edo nekazaritza adimendunak bezalako sektore berriei erantzungo dien Lanbide Heziketa bultzatzea, bai eta sektore estrategikoetan eta garapen bidean dauden sektoreetan beste prestakuntza batzuk ematea ere.

Konpromisoa 29. Ekimena 6. Talentu berritzailea sustatzea, emakumea industria- eta zientzia-sektoreetan sartzea indartuz, Lanbide Heziketak Unibertsitatearekin dituen ibilbideak, loturak eta lankidetzak zabalduz, eta sortzen ari diren sektoreetan enpresa berriak sortzea bultzatuz.

Konpromisoa 29. Ekimena 7. Lanbide Heziketako ikastetxeak erakunde adimendun bihurtzea, LHko sistema osoan eraldaketa digitala erabat garatzen gida daitezen. Zentroek ETEei eta mikroETEei laguntza ematea, teknologia adimendunik aurreratuenekin lan egin dezaten, erronka berriei eraginkortasunez erantzuteko behar den ezagutza praktikoa eskuratuz.

Konpromisoa 29. Ekimena 8. Erasmus+ bekak sustatzea Lanbide Heziketako ikasleentzat. Ikastetxeei Europako ikasleak hartzeko zentro izatea sustatzen laguntzea.

Konpromisoa 29. Ekimena 9. Lanbide Heziketa Dualeko sistema indartzea. Beren sektorearekin zerikusia duten enpresekin akordioak egitea sustatzea, alternantziako prestakuntza-eredu duala, ikasleen prestakuntza-kontratuen, beken edo praktiketako kontratuen bidez, eta gizartean edo lan-eremuan eskuratutako gaitasunak egiaztatzeko prozesuak bultzatzea, Gaitasuna Aitortzeko eta Ebaluatzeko Dispositiboa sendotuz, bai eta deialdi irekiak ere, herritarrek lehendik dituzten lanbide-gaitasunak egiazta ditzaten

Konpromisoa 30. Ekimena 1. Etengabeko ikaskuntza sustatzea Euskal Lanbide Heziketaren bidez, prestakuntza- eskaintza malgua, doitua eta irisgarria eginez pertsona guztientzat, bai ikasleentzat, bai lanean ari direnentzat, bai langabezian daudenentzat. Horrela, prestakuntza horrek indartu egingo ditu lan-esparruan, eta online bidea bultzatu eta zabalduko du, prestakuntza erdipresentzialaren bidez edo urrutitik.

Konpromisoa 30. Ekimena 2. Lanbide Heziketako ikasleen artean ekintzailetza-kultura bultzatzea, enpresak sortzean haien proaktibitatea bultzatzeko.

Konpromisoa 30. Ekimena 3. Erdi-mailako kualifikazioak dituzten pertsonen kopurua handitzea, goi-mailako LHren aurrerapena geldiarazi gabe. Titulazio bikoitzen eredua hiru urtera zabaltzea eta bultzatzea.

Konpromisoa 31. Ekimena 1. Lanbide-heziketa inklusiboa bultzatzea eta sendotzea, egoera ahulean dauden edo premia bereziak dituzten pertsonei laguntzeko.

Konpromisoa 31. Ekimena 2. Garapen iraunkorreko helburuekin bat datorren lanbide-heziketa sustatzea eta garatzea.

Konpromisoa 31. Ekimena 3. Emakumeak Lanbide Heziketa industrialean sartzeko programa espezifiko berri bat garatzea, emakumeen enpleguaren kalitatea hobetzeko eta soldata-arraila murrizteko tresna gisa.

Konpromisoa 33. Ekimena 1. 2026-2030 epealdirako Euskal Unibertsitate Sistemaren Plan berri bat onartzea, inbertsio publiko-pribatua sustatzera begira.

Konpromisoa 33. Ekimena 2. UPV/EHUren funtsezko izaera bermatzea euskal unibertsitate-sistemaren barruan, bere helburuak betetzeko eta kalitatea hobetzeko finantzaketa-eredu nahikoa ziurtatuz. Unibertsitate-azpiegitura publiko berriak hobetzeko eta eraikitzeko inbertsioak bermatzea.

Konpromisoa 34. Ekimena 1. Ikasteko beken eta laguntzen sistema bizkortzea, zenbatekoa eta prozedura hobetuz eta kopurua urtero % 6 handituz.

Konpromisoa 34. Ekimena 2. Unibertsitateko prestakuntzan eta ikerketa zientifikoan gizonen eta emakumeen arteko benetako berdintasuna bermatzeko estrategiak bultzatzea, unibertsitateen alorretik eta elkarlanaren bidez STEAM Euskadi estrategia garatuz.

Konpromisoa 34. Ekimena 3. Euskarazko prestakuntza eta ikerketa sustatzea.

Konpromisoa 34. Ekimena 4. Euskarazko online prestakuntza-eskaintza sustatzen duten programak indartzea.

Konpromisoa 34. Ekimena 5. Tresna bat sortzea, ikasleek Euskaditik kanpoko beste ikastetxe batzuetan unibertsitate-ikasketak, ikasketa teknikoak edo lanbide-ikasketak egiteko finantzaketa jaso ahal izan dezaten.

Konpromisoa 35. Ekimena 3. LHko eta Unibertsitateko baterako titulazioen eskaintza zabaltzea.

Konpromisoa 35. Ekimena 4. Prestakuntza duala zabaltzen jarraitzea, bai Lanbide Heziketan, bai unibertsitatean, euskal enpresa-sarearekin elkarlanean.

Konpromisoa 47. Ekimena 6. Kultura eta hezkuntza arloen, Foru Aldundien, kultura sektorearen eta hezkuntza- komunitatearen arteko lankidetzaren bidez, haurtzaroan, nerabezaroan eta gaztaroan sormen-gaitasunak sustatzea, bai eta arte-diziplinekiko harreman goiztiarra ere, eta hezkuntza-sisteman sorkuntza artistikoa eta kulturala deskubritzeko eta sustatzeko programak bultzatzea

Konpromisoa 68. Ekimena 3. Hezkuntza indartzea, curriculumak egokituz gero eta aldakorragoa den lan- merkatuaren eskaerak asetzeko. Trebetasun digitalak, pentsamendu kritikoa eta sormena sustatzeari lehentasuna ematea. Gainera, etengabeko prestakuntza eta lanbide-prestakuntza berritzea sustatzea, gure tokiko talentua etorkizuneko erronketarako eta aukeretarako hornituta egongo dela bermatuz.

Konpromisoa 68. Ekimena 4. Gainerako erakunde, sindikatu, enpresa-elkarte eta klusterrekin lankidetzan, enpresek eskatzen dituzten profilak, gaitasunak eta trebetasunak identifikatzea. Ekosisteman eskatzen diren profil profesional berrien eskaintza eta eskaria enpresek, startupek, ZTB eragileek eta eragile publikoek lotzea, profesionalak erakartzea barne, bereziki RIS3 eremuetan.

Konpromisoa 68. Ekimena 6. Atzerriko tituluen homologazioa sinplifikatzea, behar dugun talentua erakarri ahal izateko.

Konpromisoa 80. Ekimena 8. Eusko Jaurlaritzaren Zientzia, Teknologia eta Berrikuntza Planaren esparruan, Unibertsitatearen eta Lanbide Heziketaren lankidetza indartzea I+G+b proiektuen garapenean, ETEen berrikuntzari laguntza ematen dioten eragile gisa.

Konpromisoa 82. Ekimena 1. I+G sistemako eragile guztien nazioartekotzea sustatzea: unibertsitateak, CCTTak, CICak, BERCak...

Konpromisoa 82. Ekimena 2. Erosketa Publiko Berritzailea sustatzea, horrek funtsezko zeregina izan dezan tokiko negozioen sustapenean eta garapen teknologikoan, batez ere ingurumenaren eta bioosasunaren sektoreetan.

Konpromisoa 119. Ekimena 11. Lanbide heziketako enpresak sortzea sustatzea, ekonomia eredu berrietara eta jasangarriagoetara bideratuak, hala nola ekonomia zirkularra.

Konpromisoa 119. Ekimena 12. Prestakuntza eta gizarteratze programak sustatzea kolektibo jakin batzuentzat, lantegi eskolen eta ofizio etxeen programak garatzea, eta ekonomia zirkularraren arloan lana sustatzea.

Konpromisoa 129. Ekimena 1. Haurren artean, txikitatik, berdintasuneko eta hezkidetzako programak indartzea.