Konpromisoa 169. Ebaluazio-kultura sustatu, lankidetzari dagokionez

Gobernu Kontseiluak Garapenerako Lankidetzaren hainbat urterako Plangintza Estrategikoari (2018-2021) dagozkion Orientabide Orokorrak helarazi dizkio Eusko Legebiltzarrari, Giza Eskubide eta Berdintasun Batzordeak eztabaida eta onar ditzan.

2018ko uztailak 24ko Gobernu Kontseiluak onartu du Garapenerako Lankidetzaren IV Gida Plana (2018-2021)

Planak hiru helburu izango ditu: lehena, gure politikaren xede diren pertsona eta kolektiboetara bideratuta egongo da; bigarrena, gure ingurunean elkartasunarekiko konpromisoa handiagotzera zuzenduko da; eta hirugarrenak, gure eginkizuna gauzatzeko beharrezkoak diren prozeduren hobekuntza izango du ardatz.

1. Helburua: Pertsonen eta kolektiboen (eta, bereziki, sistematikoki baztertzen dituztenen) gaitasunak sendotzea eta haiek sustatutako estrategietan laguntzea, giza garapen jasangarria lortzeko eta giza eskubideak bete-betean baliatzeko bidean aurrera egin dezaten.

2. Helburua: Lankidetza-politikaren gizarte-oinarria zabaltzea eta Euskadiko pertsona, entitate eta erakundeen elkartasuna eta inplikazioa sustatzea.

3. Helburua: Gure jardunbideak eta ikuspegiak berrikuntza eta ikaskuntzaren bidetik eraldatzea, garapenaren arazoei era egokitu, integral, estrategiko eta koordinatuagoan erantzuteko.

Garapenerako Lankidetzaren III. Gida Plana (2014-2017) ebaluatu da. Ebaluaketari esker lortutako ikasketa eta gomendioak, IV. Gida Planaren lanketan erabiliko dira.

Programetarako Laguntzak deituriko tresnaren berrikuste prozesuaren barnean, tresnaren barne ebaluazioa egin da eta honen emaitzak GKEEekin sozializatuak izan dira 2017ko martxoan. Ebaluaketa prozesuan lortutako ikasketa zein gomendioak tresna berriaren diseinu prozesuan barneratuko dira.

Euskadiko Gazteak Lankidetzan programaren ebaluazioa

Euskadiko Gazteak Lankidetzan programaren ebaluazioa egin da. Nazioarteko boluntariotza-programa bat da, Eusko Jaurlaritzako Gazteria Zuzendaritzak eta Garapenerako Lankidetzaren Euskal Agentziak bultzatutakoa. 1993. urtetik, Euskal Autonomia Erkidegoko gazteak bidali ditu Hegoaldeko herrialdeetako garapenerako lankidetza-proiektuetara, elkartasunaren kultura sustatu eta EAEko gazteria garapenerako lankidetza-ekintzetan sentsibilizatzeko.

Ebaluazioaren helburu nagusia da programak gazte parte-hartzaileen kultura arteko sentsibilizazioa eta gizarte-inplikazioa sustatzen nola lagundu duen aztertu.

2017ko azaroko eta abenduko hilabeteetan zehar Garapenerako Lankidetzaren III. Gida Planaren ebaluazioa burutu zen. Halaber, 2018ko otsailean ebaluazioaren kudeaketa erantzun txostena landu da. Ebaluazio-txostenaren gomendioez jabetzea eta haiei erantzuna emateko eta jarraipena egiteko neurri zehatzak ezartzea du helburu kudeaketa erantzun txostenak. Bi dokumentuak 2018ko martxoaren 14an ospatutako Garapenerako Lankidetzako Euskal Kontseiluaren bilkura arruntan landu dira. 

Garapenerako GKEetan generoak dituen erresistentzien analisia ikerketa argiratu da, Lorena Pajares Sanchez ikerlariarena. Ikerketa hori txertatzen da Garapenerako Lankidetzaren Euskal Agentziak lankidetza-eragileen artean genero ikuspegia instituzionalizatzeko egiten duen lanaren baitan.

Azaroaren 16an Euskadiko Gazteak Lankidetza programaren ebaluazioa aurkeztu da. Aurkezpenera GKEen 20 ordezkari etorri ziren.