Konpromisoa 117. Aisialdian eta formalak ez diren eremu funtzionaletan zabaldu euskararen erabilpena

Kultura eta Hizkuntza Politika Sailak Mingaina dantzan udalekuak aurkeztu ditu Donostian 2017ko maiatzaren 4an

Kultura eta Hizkuntza Politika Sailak Mingaina dantzan proiektua aurkeztu du. Ekimen honi esker euskarazko udaleku batzuk sustatuko dira eta erabileran eragiteko baliagarriak izan daitezkeen tresnen inguruko ikerketa bat garatuko da. Udalekuotan eremu soziolinguistiko oso euskaldunetako gazteak euskarak pisu gutxiago duen eremuetako gazteekin batera izango dira. Proiektu pilotua da, eta hortik aterako diren ondorioak baliagarriak izango dira etorkizunean erabilera sustatzeko estrategiak garatzeko orduan.

Hizkuntza Politikarako Sailburuordetzarekin lankidetzan arituko dira EUDEL eta UEMA.

Kultura eta Hizkuntza Politika Sailak Mingaina dantzan udalekuak aurkeztu ditu, erabileran eragiteko estrategiak diseinatzeko baliogarria izango den proiektu bat

Miren Dobaran Hizkuntza Politikako sailburuordeak ikerketa soziolinguistiko bat garatzeko baliagarriak izango diren Mingaina dantzan udalekuak bisitatu ditu

2017-2018ko aldian Euskara Sustatzeko Ekintza Plana (ESEP) garatzeko diru-laguntza deialdia argitaratu da 2017ko maiatzaren 30ean

Eusko Jaurlaritzako Gobernu Kontseiluak onartu du 2017-2018ko aldian Euskara Sustatzeko Ekintza Plana (ESEP) garatzeko diru-laguntzak emateko araubidea ezarri eta deialdia egiteko agindua.

Plan honen bidez euskararen erabilera sustatzeari loturiko hainbat jarduera lagun daitezke. Horretarako 2.771.000 euroko kontu-saila esleitu da.

Kultura eta Hizkuntza Politika Sailak eta EiTBk Bihotzetik ezpainetara euskara sustatzeko kanpaina aurkeztu dute Bilbon 2017ko ekainaren 15ean

Kultura eta Hizkuntza Politika Sailaren eta EiTBren Bihotzetik ezpainetara euskara sustatzeko kanpainaren baitan, Go!azenen bideoklip berria aurkeztu da. Kanpaina gazteei zuzenduta dago batez ere, eta hauek erakartzeko Go!azen telesail arrakastatsuarekin egin du bat. Asmo nagusia gazteak euskara erabiltzera gonbidatzea da.

Hizkuntza Politika Sailaren babesaz, Go!azen telesailaren lehen atalaren aurrestreinaldia egin da Bilbon 2017ko urriaren 7an

Haur eta gazteentzat antolatutako Izan EiTB Jaiaren parte izan da ekitaldia.

Miren Dobaran Hizkuntza Politikako sailburuordea Izan EiTB Jaiaren aurkezpenean izan da

Hizkuntza Politikarako Sailburuordetzak Euskal Kirolari proiektua aurkeztu du Bilbon 2017ko azaroaren 16an

Proiektu honek euskararen erabilera kirolean sustatzea du helburu, gazteen artean batez ere. Horretarako, hainbat kirolarik zenbait bideo grabatu dituzte euskararekin duten harremana azaltzeko eta beren kirolari loturiko euskarazko terminologia argitzeko (kirol zehatz batzuetako hiztegi terminologikoak gogoan hartuta).

Grabaketak kirol federazioetan, klubetan eta ikastegietan hedatuko dira, eta ikusgai daude http://www.euskadi.eus/euskalkirolari/ webgunean.

Bingen Zupiria sailburuak Euskal Kirolari proiektua aurkeztu du, euskara kirolaren munduan sustatzeko ekimen berritzailea

2017ko Mingaina dantzan udalekuen inguruko ikerketa gauzatu da

Erabileran eragiteko baliagarriak izan daitezkeen tresnen inguruan ikertu da.

·  Nerabeentzako aisialdi jardueretan euskararen erabilera sustatzeko eusle dinamikak udalekuetara egokitzeko proposamena

·  Nerabeentzako aisialdi jardueretan euskararen erabilera sustatzeko udalekuetako programazioan txertatu daitezkeen jarduera eta hizkuntza-jolas proposamenak

Kultura eta Hizkuntza Politika Sailak Mingaina dantzan udalekuak, II. edizioa, aurkeztu ditu Donostian 2018ko apirilaren 17an

2017ko udalekuen balorazio positiboa kontuan hartuta, bigarrenez antolatu dira udalekuok.

Eusko Jaurlaritzako Kultura eta Hizkuntza Politika Sailak Mingaina Dantzan udalekuen bigarren edizioa aurkeztu du gaur, euskararen erabileraren inguruko ikerketa bat egiteko baliagarria izango den proiektu bat

Euskal Kirolari proiektua garatu da 2018an

Proiektua kudeatzeko kanpoko kontratazioa bideratu da 2018ko maiatzean. Horrela, kirolari ezagunekin formatu ezberdinetako bideoak egin dira, helburuen arabera:

·  ‘pilulak’ (azalpen praktikoak kirol-diziplina ezberdinen inguruan)

·  ‘gertutik’ (kirolariak hurbiletik ezagutzeko formatua)

·  ‘erronka’ (kirolariak elkarren arteko lehian jarriko dituen atala)

·  ‘autoan’ (Txurru kirolarien autoan sartuko da gai ezberdinen inguruan hitz egiteko)

Webgunea edukiz hornitu eta proiektua sare sozialetan zabaldu da: http://www.euskadi.eus/euskalkirolari/

Euskara eta kirola uztartzen dituen Euskal Kirolari proiektua crossfit-a, surfa, mendizaletasuna, saskibaloi egokitua, atletismoa edota igeriketa bezalako kiroletara hedatuko da denboraldi berria hastearekin batera

Kultura eta Hizkuntza Politika Sailak eta EiTBk hainbat kanpaina garatu dituzte 2018an

EITBrekin lankidetzan, Eusko Jaurlaritzaren euskararen komunikazio ardatza eta euskararen erabilera soziala indartzeko ekimenak bideratu dira. Honako kanpaina hauek egin dira:

- Euskaraldia

- HABE matrikulazioa

VI. Inkesta Soziolinguistikoa landu eta aurkeztu da 2017an

Nafarroako, Iparraldeko eta Euskal Herriko datuen ustiapena eta irakurketa egin da. Nafarroako datuen aurkezpena otsailean egin zen, eta Iparraldekoak eta Euskal Herrikoak uztailaren hasieran egingo dira.

Euskararen Agenda Estrategikoa 2017-2020 osatzeko, Hizkuntza Politikarako Sailburuordetzak, Koordinazioko Zuzendaritzak eta Ekonomia eta Plangintza Zuzendaritzak bilera egin dute Gasteizen 2017ko apirilaren 27an

Euskadi 2020 Gobernu Programa kontuan hartuta, Hizkuntza Politikarako Sailburuordetzako Hizkuntza Ikerketa eta Koordinaziorako Zuzendaritzak Euskararen Agenda Estrategikoa 2017-2020 garatzen jardun du. Lehenengo zirriborroaren gainean Lehendakaritzako Koordinazioko Zuzendaritzak eta Ogasun eta Ekonomia Saileko Ekonomia eta Plangintza Zuzendaritzak txosten bana egin dute. Horrela bada, ekarpenok aztertzeko bildu dira hiru alderdiak, eta Agenda egokitzeko elkarlanean jarraitzea adostu dute.

Soziolinguistika Klusterrari diru-laguntza izenduna eman zaio (Agindua: 2017/05/17)

Diru-laguntza izenduna bideratu da euskarazko hainbat proiektu sustatzeko, eta lehenengo zatia ordaindu ere egin da.

Proiektuak honako hauek dira: Aldahitz, Jendaurrean erabili, Ahozko kale-erabileraren neurketa eta D ereduko kirola.

Euskararen Adierazle Sistema (EAS) proiektua bideratzeko bilerak egin dira 2017ko ekainean

2017ko ekintza-planean zehaztutako eginkizunen arabera, ingurune digitalari eta arlo sozioekonomikoari buruzko datu-iturriak eta adierazleak zehaztu dira. Horrez gain, EAS datuz hornitzeko, adierazle-sistema hornitzeko konpromisoa lotzeko bidea jorratu da datu-iturrien arduradunekin.

Horretarako, Hizkuntza Politikarako Sailburuordetzak bilerak egin ditu erakunde hauetako ordezkariekin: Kultura Sailburuordetza, Hezkuntza Saila, ISEI-IVEI, Etxepare Euskal Institutua, HABE, AEK, IKA, Euskal Herriko Unibertsitatea, Deustuko Unibertsitatea eta Mondragon Unibertsitatea. Bilera horietan, EASen aurkezpena egin zaie aipatutako erakundeei, datu-iturriaren ezaugarriak jasotzen dituen fitxa banatu zaie eta, proiektu honen harira, alde biek hartzen dituzten konpromisoen dokumentua lantzeari ekingo zaiola adostu da.

VI. Inkesta Soziolinguistikoaren datuak aurkeztu dira Baionan 2017ko uztailaren 5ean

Eusko Jaurlaritzak, Nafarroako Gobernuko Euskarabidea Institutuak eta Iparraldeko Euskararen Erakunde Publikoak VI. Inkesta Soziolinguistikoaren datuak ezagutarazi dituzte. Datu horien arabera, orain dela 25 urte egindako I. Inkesta Soziolinguistikoarekin alderatuz gero, euskarak 223.000 hiztun irabazi ditu 1991tik.

Euskarak 223.000 hiztun irabazi ditu euskararen eremu osoan azken 25 urtean, VI. Inkesta Soziolinguistikoaren arabera

“Euskararen erabilera: egoera, bilakaera eta norabidea, datuen argitan” ikastaroa izan da Donostian 2017ko uztailaren 20an eta 21ean, EHUren Uda Ikastaroen barnean

Hizkuntza Politikarako Sailburuordetzak eta Soziolinguistika Klusterrak sustatu dute ikastaroa. Bertan, VI. Inkesta Soziolinguistikoa eta Hizkuntzen Erabileraren VII. Kale-Neurketa ikerketen emaitzak aztertu dira, besteak beste.

Kultura eta Hizkuntza Politika Sailak Soziolinguistika Klusterrarekin lankidetzan sustatutako ikastaro batek euskararen osasuna aztertuko du

Bingen Zupiria Kultura eta Hizkuntza Politikako sailburuak euskararen inguruko Uda Ikastaroari hasiera eman dio, Miramar Jauregian

Deustuko Unibertsitateari diru-laguntza zuzena eman zaio 2017an

Testuinguru oztopatzailean euskararen hiztun aktibo bihurtzea: aukerak eta zailtasunak izeneko ikerketa-egitasmoa gauzatzeko bideratu da diru-laguntza zuzena abenduan.

Gobernu batzordeak 104.000 euro onartu ditu euskararen erabileraren esparruan ikerketa sustatzeko (Gobernu Bilera 2017-12-12)

Mondragon Unibertsitateko HUHEZI fakultateari diru-laguntza zuzena eman zaio 2017an

HUHEZIko ikasleen kultura- eta hizkuntza-identitateen bilakaeraren azterketan eragiteko gakoa izeneko ikerketa gauzatzeko bideratu da diru-laguntza zuzena abenduan.

Gobernu batzordeak 104.000 euro onartu ditu euskararen erabileraren esparruan ikerketa sustatzeko (Gobernu Bilera 2017-12-12)

Eusko Jaurlaritzak Euskararen Agenda Estrategikoa 2017-2020 onartu du 2017ko abenduaren 19an

Euskararen Agenda Estrategikoa 2017-2020 dokumentuan legegintzaldi honetarako hizkuntza politikaren lan-ildoak zein helburu estrategikoak zehaztu dira. Horretarako, Euskadi 2020. Gobernu Programan euskarari lotuta jaso diren 4 konpromisoetan oinarritu da: euskararen ezagutza areagotzea, euskararen erabilera handitzea, hizkuntza eskubideen bermean aurrera egitea eta euskararen hiru lurraldeetako erakundeen arteko lankidetza sendotzea.

Eusko Jaurlaritzak 2017-2020 epealdirako Euskararen Agenda Estrategikoa onartu du eta legealdiaren amaieran betetze-maila ebaluatuko du (Gobernu Bilera 2017-12-19)

Euskararen Adierazle Sistema (EAS) aurkeztu dute Donostian 2017ko abenduaren 20an 

Euskararen Adierazle Sistema (EAS) 33 adierazle nagusiren bidez euskararen osasunaren inguruko informazioa ematen duen tresna berritzailea da.

Eusko Jaurlaritzak, Nafarroako Gobernuak, Iparraldeko Euskararen Erakunde Publikoak eta hiru foru aldundiek sustatu dute ekimena.

Euskararen Adierazle Sistema (EAS) aurkeztu dute Donostian, euskararen osasunaren inguruko informazioa biltzen duen tresna berritzaile bat

Euskararen Adierazle Sistemak ingurune digitala ere aintzat hartuko du hemendik aurrera

Euskara sustatzeari eskainitako aurrekontuen eta baliabideen gaineko ikerketa egin da 2017an

2017an ikerketa egin da EAEko erakunde publikoek 2016an euskararen sustapenera bideratu dituzten aurrekontu likidatuak ezagutzeko.

Eragiketa estatistikoetan euskarari buruzko galderak txertatzeko bidea landu da 2017an

Euskarari buruzko informazioa lortzeko xedez, Eusko Jaurlaritzan egiten diren operazio estatistikoetan euskarari buruzko oinarrizko galderak sartu edota egokitu dira Eusko Jaurlaritzako sail batzuetan.

Euskararen azpiegituren datu-basea eguneratu da 2017an

Euskararen azpiegituren datu-basea eguneratu da; eguneratu beharreko erregistro-kopuruaren arabera, urtean 2 edo 3 eguneraketa egiten dira.

Datu-base honek euskararen erabilera bultzatzen duten elkarte eta erakundeak biltzen ditu; baita zerbitzua euskaraz edo ele bietan eskaintzen dutenak ere, beren-beregi euskara sustatzea helburu zuzena ez izan arren.

Euskararen Agenda Estrategikoaren jarraipena egin da Kultura, Euskara eta Kirol Batzordean 2018ko martxoaren 9an

Kultura eta Hizkuntza Politikako sailburuak Euskararen Agenda Estrategikoaren berri eman du Eusko Legebiltzarreko Kultura, Euskara eta Kirol Batzordean. Ondoren, Agendaren inguruko ebazpen batzuk onetsi dituzte.

Kultura, Euskara eta Kirol Batzordea (2018/03/09)

Soziolinguistika Klusterrari diru-laguntza izenduna eman zaio (Agindua: 2018/04/10)

Diru-laguntza izenduna bideratu da euskarazko hainbat proiektu sustatzeko, eta lehenengo zatia ordaindu ere egin da.

Proiektuak honako hauek dira: Aldahitz, Jendaurrean erabili, Erabileraren Azterketa Sakona eta D ereduko kirola.

Eusko Jaurlaritzak eta UPV/EHUk Euskararen Historia liburua aurkeztu dute 2018ko maiatzaren 9an Gasteizen

Euskarak historiaurretik gaur arte izan duen bilakaera batzen du lan honek.

Aurkezpena egin ostean, “Euskararen historia, bide berriak” mintegia egin da, euskararen historia lau solasalditan errepasatu duena.

Eusko Jaurlaritzak Euskararen Historia liburua aurkeztu du, UPV/EHUrekin bultzatutako proiektu bat euskararen bilakaera historikoa errepasatzen duena

Euskararen Agenda Estrategikoaren Jarraipen Batzordea elkartu da 2018ko maiatzaren 30ean

Kultura eta Hizkuntza Politikako sailburuak Jarraipen Batzordearen osaera eta egitekoak aipatu ditu; batzordearen bitartez Agendaren zehar-lerrotasuna bermatu nahi da.

Euskararen Agenda Estrategikoa 2017-2020 aurkeztu eta 2017/2018 urteetako planak laburbildu dira.

Deustuko Unibertsitateari diru-laguntza zuzena eman zaio (Gobernu Kontseiluaren 2018-08-28ko Erabakia)

Unibertsitatean Bilbon euskararen hiztun aktibo bilakatzen: Euskaraldia Deustuko Unibertsitatean eta Begoñako Andra Mari Irakasle Eskolan izeneko ikerketa-egitasmoa gauzatzeko diru-laguntza zuzena.

Mondragon Unibertsitateko HUHEZI fakultateari diru-laguntza zuzena eman zaio (Gobernu Kontseiluaren 2018-09-11ko Erabakia)

Kulturarekiko eta hizkuntzarekiko pertzepzioak, eta identitatearen eraikuntza: HUHEZIko ikasleen kasua izeneko ikerketa-egitasmoa garatzeko diru-laguntza zuzena.

Eusko Jaurlaritzak 35.000 euroko diru-laguntza onartu du Mondragon Unibertsitateko Huhezi fakultatearentzat, identitatearen garapenean kulturak eta hizkuntzak duten garrantzia aztertuko duen ikerketa bat burutu dezan (Gobernu Bilera 2018-09-11)

UZTAI fundazioari diru-laguntza zuzena eman zaio 2018an

Gogoa euskaraz sustatuz ikerketa-proiektua gauzatzeko bideratu da diru-laguntza zuzena azaroan.

Galtzaundi Elkarteari diru-laguntza zuzena eman zaio (Gobernu Kontseiluaren 2018/12/11ko Erabakia)

Diru-laguntza zuzena bideratu da “Tolosaldeko euskalgintzaren eskualdetze prozesua: antolaketa, eragin esparruak eta Tolosaldeko euskararen mahaia” programa garatzeko.

Eusko Jaurlaritzak 20.000 euroko diru-laguntza zuzena onartu du Galtzaundi Elkartearentzat, Tolosaldean euskararen aldeko proiektuak gara ditzan (Gobernu Bilera 2018-12-11)

Euskararen azpiegituren datu-basea eguneratu da 2018an

Euskararen azpiegituren datu-basea eguneratu da; azken eguneratzea abenduan egin da.

Euskararen Adierazle Sistema (EAS) osatzen jarraitu da 2018an

2017an 33 adierazle nagusi eta 34 azpi-adierazle igo ziren Euskararen Adierazle Sistema (EAS) aplikaziora. 2018an beste 4 adierazle igo dira.

Horrez gain, 2018an 3 eremutako lantaldeak lanean ari dira: aisialdia eta kirola, unibertsitatea eta ingurune digitala.

ESEPen ebaluaziorako datuak bildu dira 2018an

ESEPen jarraipena eta tarteko ebaluazioa egiteko adierazleak aztertu dira eta informazioa bildu da. Emaitza txostena 2019an egingo da.

VI. Inkesta Soziolinguistikoaren emaitzen idazketa egin da 2018an

Inkestaren emaitzen idazketa egin da, eta argitaratzeko lanak abiatu dira: argitalpenerako testuak itzuli, zuzendu eta maketatu.

Lan Merkatuaren Erroldan euskarari buruzko galderak txertatu dira 2018an

Euskarari buruzko informazioa lortzeko xedez, euskarari buruzko galdera batzuk sartu dira Lan Merkatuaren Erroldan (LME).

VI. Mapa Soziolinguistikoa gauzatzeko aurrelanak egin dira 2018an

VI. Mapa Soziolinguistikoaren egitura zehaztu eta datuak eskatu dira.

Euskararen Agenda Estrategikoaren Jarraipen Batzordea elkartu da 2019ko martxoaren 21ean

Euskararen Agenda Estrategikoa 2017-2020 dokumentuaren jarraipena egin da. Agendaren bidez euskararen zehar-lerrotasuna bermatu nahi da.

Euskara Ingurune Digitalean batzordea eratu da, HAKOBAren barruan, 2017ko maiatzaren 10ean

HAKOBAk eskatuta, Euskara Ingurune Digitalean batzordea eratu eta elkartu da Gasteizen maiatzaren 10ean, euskara ingurune digitalean sustatzeko erakunde bakoitzak egiten duen lana aztertzeko eta bakoitzak dituen baliabideen zein ekimenen mapa osatzeko. Informazioa bildu eta aztertu ondoren, HAKOBAren esku jarriko da eta elkarlanerako aukerak aztertuko dira.

Euskararen Aholku Batzordeak onartutako Euskarazko IKTak: gomendioak herri-aginteentzat dokumentua da lanerako abiapuntua eta gida.

Euskara Ingurune Digitalean deialdia argitaratu da 2017ko maiatzaren 24an

Ingurune Digitalean euskara sustatu, garatu edota normalizatzeko diru-laguntzak emateko deialdia argitaratu da (lehengo IKT deialdia).

Diruz lagun daitezkeen egitasmoak 2 multzotan bereizi dira: ID1 multzoa, egitasmo berrientzat; eta ID2 multzoa, lehen­dik abian dauden euskarazko egitasmoak eguneratzeko (edukiak gehituz edota funtzionalitate zein zerbitzu berriak gehituz).

Eusko Jaurlaritzak 807.000 euro onartu ditu euskara ingurune digitalean sustatzeko (Gobernu Bilera 2017-05-09)

Hizkuntza Politikarako Sailburuordetza ElkarOla proiektuaren aurkezpenean izan da Usurbilen 2017ko ekainaren 19an

Hizkuntza- eta hizketa-teknologien alorreko ElkarOla ikerketa proiektuak Hizkuntza Politikarako Sailburuordetzaren babesa izan du.

Ikerketa bi urtez garatu da (2015-2016), eta VICOMTECH-IK4 eta TECNALIA zentro teknologikoek, UPV/EHUko Aholab eta IXA ikerketa-taldeek eta Elhuyarrek osatutako partzuergoak egin du ikerketa.

Eusko Jaurlaritza ElkarOla proiektuaren aurkezpenean izan da, hizkuntza- eta hizketa-teknologien alorreko ikerketa bat

Euskal Wikilarien Kultura Elkarteari diru-laguntza zuzena eman zaio (Akordio-proposamena: 2017/09/18)

Wikipedian 12-16 urteko gazteentzako artikuluak eskuragarri izatea helburu duen egitasmoa bultzatzeko bideratu da diru-laguntza zuzena.

Eusko Jaurlaritzak eta Euskal Wikilarien Kultura Elkarteak proiektu berritzaile bat jarri dute abian ikasleentzat baliagarriak izango diren 1.000 artikulu baino gehiago sustatzeko euskarazko Wikipedian

Euskarazko doktorego-tesi digitalizatuen corpusa eguneratu da 2017an

Euskarazko doktorego-tesi digitalizatuen corpusa osatzen doa urtez urte. 2017an 14 tesiren gaineko eskubideak eskuratu dira, pdf eta metadatuekin batera, baita 44 tesiren metadatuak lortu ere. Corpus horretan euskarazko 440 tesi daude kontsultagai.

Itzultzaile automatiko publikoa eguneratu da 2017an

Itzultzaile automatikoaren 4 itzulpen-norabideak (es>eu / eu>es / en>eu / eu>en) eguneratzeko eta hobetzeko lanak egin dira. Horrez gain, frantsesa>euskara itzulpen-norabidearen hirugarren eta azken fasea abiatu da (2018ko maiatzean bukatuko da).

Hizkuntza Politikarako Sailburuordetzak sarerako hainbat tresna aurkeztu ditu Donostian 2018ko otsailaren 8an

2017an garatutako hainbat produktu aurkeztu dira 2018ko prentsaurrekoan:

- Elhuyar Hiztegia, on-line bertsio berritua (datu-basea, aplikazioa eta interfazea). Hiztegi horren on-line eta off-line bertsioak bateratzen dituen bertsioa egin da. Play Store (Android) eta Apple Storen (iOS) eskura daiteke.

- HiztegiBar tresnaren bertsioa egin da, Internet Explorer eta Chromerako.

- Hizketa-ereduak / Modelos de conversación APPa egin da. Play Store (Android) eta Apple Storen (iOS) eskura daiteke.

Eusko Jaurlaritzako Kultura eta Hizkuntza Politika Sailak 13 baliabide aurkeztu ditu euskararen erabilera sustatzeko, batez ere lexikoaren eta terminologiaren ikuspuntutik

Euskara Ingurune Digitalean deialdia argitaratu da 2018ko apirilaren 24an

Ingurune Digitalean euskara sustatu, garatu edota normalizatzeko diru-laguntzak emateko deialdia argitaratu da.

Diruz lagun daitezkeen egitasmoak 2 multzotan bereizi dira: ID1 multzoa, egitasmo berrientzat; eta ID2 multzoa, lehen­dik abian dauden euskarazko egitasmoak eguneratzeko (edukiak gehituz edota funtzionalitate zein zerbitzu berriak gehituz).

Euskal Wikilarien Kultura Elkarteari diru-laguntza zuzena eman zaio 2018-2019 epealdirako

Diru-laguntza zuzen honen bidez hainbat artikulu berri gehitu dira euskarazko Wikipedian.

Txikipedia proiektua ere sortu da, 8-13 urte bitarteko umeentzako entziklopedia aitzindari bat.

Eusko Jaurlaritzak eta Euskal Wikilarien Kultura Elkarteak iaz sinatu zuten akordioari esker, unibertsitateetako 829 ikaslek 317 artikulu berri gehitu dituzte Euskarazko Wikipediara eta 716 hobetu dituzte

Egile eskubideei lotutako GPL eta Creative Commons lizentzia batzuk euskaraz eskura daitezke sarean 2018ko urriaren 3tik aurrera

Euskararen Aholku Batzordearen Ingurune Digitalean Euskara Sustatzeko Batzorde-atalak egindako proposamenari jarraiki, Hizkuntza Politikarako Sailburuordetzak gehien erabiltzen diren lizentziak aztertu, aukeratu eta horiek euskaratzeko prozesua abian jarri zuen.

Lizentzia horiek, egile eskubideei lotutakoak eta Interneteko erabilienak, www.euskadi.eus eta Creative Commons eta GNU fundazioen webguneetan daude eskura.

GPL eta Creative Commons lizentziak euskaraz eskuragarri daude jadanik, Eusko Jaurlaritzaren eta Euskararen Aholku Batzordearen lanari esker

Euskarazko doktorego-tesi digitalizatuen corpusa eguneratu da 2018an

2018an 57 tesi gehitu dira www.euskadi.eus/tesiak webgunean. Gaur egun, guztira 497 tesi kontsulta daitezke.

Itzultzaile automatiko publikoa eguneratu da 2018an

Itzultzaile automatikoaren 4 itzulpen-norabideen (es>eu / eu>es / en>eu / eu>en) mantentze-lanak egin dira. Horrez gain, ingelesa>frantsesa norabidearen garapena amaitu da (inplantazioa egin behar da), eta euskara>frantsesa norabidearen garapen-lanak martxan jarri dira.

Kultura eta Hizkuntza Politika Sailak 279 filmen eta 24 serietako 225 kapituluren euskarazko azpitituluak jarri ditu Open Data Euskadin

Hizkuntza Politikarako Sailburuordetzaren eta DTS enpresaren arteko lankidetzari esker, atzerriko hizkuntzetan ekoizturiko filmak eta telesailak euskarazko azpitituluekin ikusteko aukera izan da Movistar+ Estrenos (lehenago Canal+ 1 eta Canal+ Estrenos) plataforman. Ekimen honen helburu nagusia da atzerriko hizkuntzetan ekoiztutako zinea jatorrizko bertsioan eta euskaraz azpititulaturik ikusteko aukerak areagotzea.

Orain arte 548 film eta 67 serietako 600 kapitulu inguru azpititulatu dira. Oraingoz 279 filmen eta 24 fikzio-serietako 225 kapituluren euskarazko azpitituluak daude eskuragarri .srt formatuan Open Data Euskadin.

Kultura eta Hizkuntza Politika Sailak erabiltzaile guztien eskura jarri ditu 279 filmen eta 24 serietako 225 kapituluren azpitituluak

Galtzagorri Elkarteari diru-laguntza izenduna eman zaio (Agindua: 2017/02/17)

Diru-laguntza izenduna bideratu da Galtzagorri Elkarteak sustatutako euskarazko irakurketa programak (Bularretik Mintzora egitasmoa) indartzeko.

2017an gizarte-bizitzan euskara sustatzeko, garatzeko edota normalizatzeko diru-laguntza deialdia (Euskalgintza deialdia) argitaratu da 2017ko martxoaren 22an

Eusko Jaurlaritzako Gobernu Kontseiluak oniritzia eman dio 2017. urtean gizarte-bizitzan euskara sustatzeko, garatzeko edota normalizatzeko diru-laguntzak emateko araubidea ezarri eta deialdia egiteko aginduari.

Deialdi honen bidez euskalgintzaren alorrean lan egiten duten elkarte, jarduera edota proiektuak diruz laguntzen dira. Begiz jotako xedeari aurre egiteko 979.200 euro erabiliko dira.

Eusko Jaurlaritzak 979.200 euro onartu ditu euskara sustatzea helburu duten proiektuak laguntzeko (Gobernu Bilera 2017-03-21)

ONCE Fundazioari diru-laguntza izenduna eman zaio (Agindua: 2017/03/22)

Diru-laguntza izendun honen bidez, ikusteko urritasuna duten herritar euskaldunentzako hainbat literatura testu egokituko ditu ONCE Fundazioak.

EIZIEri diru-laguntza izenduna eman zaio (Agindua: 2017/03/22)

EIZIEk (Euskal Itzultzaile, Zuzentzaile eta Interpreteen Elkartea) “Literatura Unibertsala” bilduma eta berrargitalpen plana susta ditzan eta itzulpengintzan diharduten profesionalak sustatzeko ekintzak gara ditzan bideratu da diru-laguntza izenduna.

Mintzola Fundazioari diru-laguntza izenduna eman zaio (Agindua: 2017/03/28)

Mintzola Fundazioak urteko ohiko jarduerak (euskararen ahozkotasuna) bete ditzan bideratu da diru-laguntza izenduna.

Andoaingo Udalari diru-laguntza izenduna eman zaio (Agindua: 2017/03/29)

Diru-laguntza izendun honen bidez, Andoaingo Udalak antolatutako Rikardo Arregi Kazetaritza Saria finantzatuko da. Sariaren helburua euskarazko kazetaritzaren kalitatea, bikaintasuna eta berrikuntza bultzatzea da.

Rikardo Arregi Kazetaritza Sariaren XXIX. edizioa aurkeztu dute Donostian

Norman Manea idazlearen The Hooligan’s return lanaren euskarazko itzulpena aurkeztu dute Donostian 2017ko apirilaren 19an

Norman Manea idazlearen The Hooligan’s return lanaren euskarazko itzulpena aurkeztu dute; Huliganaren itzulera.

Hizkuntza Politikarako Sailburuordetzak EIZIErekin duen hitzarmenari esker itzuli da idazle errumaniarraren autobiografia-eleberria. Horrela, Erein argitaletxeak kaleratu du lan hau Literatura Unibertsala sailaren barruan.

‘Huliganaren itzuleraren’ aurkezpenean izan da Estibaliz Alkorta Euskara Sustatzeko zuzendaria

Euskal Herriko Bertsozale Elkarteari diru-laguntza izenduna eman zaio (Agindua: 2017/05/10)

Euskal Herriko Bertsozale Elkarteak (EHBE) urteko lan-programa (bertsolaritza zaindu, sustatu, ikertzea eta bere etorkizuna bermatzea) bete dezan bideratu da diru-laguntza izenduna.

TOKIKOM elkarteari diru-laguntza izenduna eman zaio (Agindua: 2017/06/20)

Diru-laguntza izendun honen bidez, TOKIKOM  elkarteak (toki komunikabideen bateraguneak) 2017-2018 epealdian garatuko duen jarduera finantzatuko da.

Topagunea Euskara Elkarteen Federazioari diru-laguntza izenduna eman zaio (Agindua: 2017/06/23)

Diru-laguntza izendun honen bidez, Topagunea Euskara Elkarteen Federazioak sustatutako Bidaide egitasmoa (euskara ikasten ari direnek esparru informaletan euskal hiztunekin euskara erabil dezaten) eta Auzoko egitasmoa (euskaratik urrun daudenak euskarara hurbil daitezen) finantzatuko dira.

Gaztelaniazko hedabideetan euskararen erabilera areagotzeko deialdia argitaratu da 2017ko uztailaren 24an

Nagusiki gaztelania darabilten eta paperean inprimatzen diren egunkarien edizio digitaletan eta Internet bidez notiziak euskaraz ere ematen dituzten berri-agentzietan euskararen erabilera areagotzeko diru-laguntzak emateko deialdia argitaratu da.

Diruz lagun daitezkeen egitasmoak 2 multzotan bereizi dira: A multzoa, nagusiki gaztelania darabilten paperean inprimatutako egunkarien edizio digitalak; eta B multzoa, Internet bidez notiziak euskaraz ere ematen dituzten berri-agentziak.

Eusko Jaurlaritzak 400.000 euro bideratuko ditu euskarazko edukiak sustatzera nagusiki gaztelaniaz diren hedabideetan (Gobernu Bilera 2017-07-11)

Emily Bronte idazlearen Wuthering Heights eleberriaren euskarazko itzulpena aurkeztu dute Donostian 2017ko abenduaren 1ean

Emily Bronte idazlearen Wuthering Heights eleberriaren euskarazko itzulpena aurkeztu dute; Gailur Ekaiztsuak.

Hizkuntza Politikarako Sailburuordetzak EIZIErekin duen hitzarmenari esker itzuli da eleberria. Horrela, Erein argitaletxeak kaleratu du lan hau Literatura Unibertsala sailaren barruan.

Estibaliz Alkorta Euskara Sustatzeko zuzendaria ‘Gailur Ekaiztsuak’ eleberriaren itzulpenaren aurkezpenean izan da; lan hau Eusko Jaurlaritzaren laguntzari esker itzuli da

Herri Urrats Elkarteari dirulaguntza zuzena eman zaio (Gobernu Kontseiluaren 2017/12/26ko Erabakia)

Dirulaguntza zuzena eman da gazteen aisialdian euskararen erabilera sustatzea helburu duten egitasmoak bultzatzeko.

Eusko Jaurlaritzak 130.000 euro onartu ditu Herri Urrats elkartearentzat, bere urteroko jaia finantzatzen laguntzeko (Gobernu Bilera 2017-12-26)

Hedabideak deialdia (2016-2018) kudeatzen jarraitu da 2017an

2016-2018 epealdian euskarazko hedabideak sendotu, eraginkortu, garatu eta normalizatzeko diru-laguntzak emateko deialdia (Hedabideak deialdia) kudeatzen jarraitu da.

EIZIEri diru-laguntza izenduna eman zaio (Agindua: 2018/02/20)

EIZIEk (Euskal Itzultzaile, Zuzentzaile eta Interpreteen Elkartea) “Literatura Unibertsala” bilduma eta berrargitalpen plana susta ditzan eta itzulpengintzan diharduten profesionalak sustatzeko ekintzak gara ditzan bideratu da diru-laguntza izenduna.

Galtzagorri Elkarteari diru-laguntza izenduna eman zaio (Agindua: 2018/03/01)

Diru-laguntza izenduna bideratu da Galtzagorri Elkarteak sustatutako euskarazko irakurketa programak (Euskarazko irakurzaletasuna sustatzeko lantegiak egitasmoa) indartzeko.

ONCE Fundazioari diru-laguntza izenduna eman zaio (Agindua: 2018/03/26)

Diru-laguntza izendun honen bidez, ikusteko urritasuna duten herritar euskaldunentzako hainbat literatura testu egokituko ditu ONCE Fundazioak.

Mintzola Fundazioari diru-laguntza izenduna eman zaio (Agindua: 2018/03/26)

Mintzola Fundazioak urteko ohiko jarduerak (euskararen ahozkotasuna) bete ditzan bideratu da diru-laguntza izenduna.

Topagunea Euskara Elkarteen Federazioari diru-laguntza izenduna eman zaio (Agindua: 2018/03/26)

Diru-laguntza izendun honen bidez, Topagunea Euskara Elkarteen Federazioak sustatutako Bidaide egitasmoa (euskara ikasten ari direnek esparru informaletan euskal hiztunekin euskara erabil dezaten) eta Auzoko egitasmoa (euskaratik urrun daudenak euskarara hurbil daitezen) finantzatuko dira.

Euskal Herriko Bertsozale Elkarteari diru-laguntza izenduna eman zaio (Agindua: 2018/04/13)

Euskal Herriko Bertsozale Elkarteak (EHBE) urteko lan-programa (bertsolaritza zaindu, sustatu, ikertzea eta bere etorkizuna bermatzea) bete dezan bideratu da diru-laguntza izenduna.

Alice Munro idazlearen Hateship, Friendship, Courtship, Loveship, Marriage eta Friedrich Dürrenmatt idazlearen Der Richter und Sein Henker eleberrien euskarazko itzulpenak aurkeztu dituzte Donostian 2018ko maiatzaren 22an

Literatura Unibertsala sailaren barruan itzulpen bi argitaratu dira: Alice Munroren Etsaiak, lagunak, ezkongaiak, maitaleak, senar-emazteak (Hateship, Friendship, Courtship, Loveship, Marriage) eta Friedrich Dürrenmatten Epailea eta haren borreroa (Der Richter und Sein Henker).

Estibaliz Alkorta Euskara Sustatzeko zuzendaria Literatura Unibertsala saileko bi argitalpen berriren aurkezpen ekitaldian izan da

Andoaingo Udalari diru-laguntza izenduna eman zaio (Agindua: 2018/06/04)

Diru-laguntza izendun honen bidez, Andoaingo Udalak antolatutako Rikardo Arregi Kazetaritza Saria finantzatuko da. Sariaren helburua euskarazko kazetaritzaren kalitatea, bikaintasuna eta berrikuntza bultzatzea da.

Rikardo Arregi Sariak bere 30. edizioa ospatuko du aurten, azken hamarkadotan euskarazko kazetaritzan mugarri izan diren ekimenak sarituz

Bingen Zupiria sailburuak Rikardo Arregi Kazetaritza Sarien 30. edizioaren sari banaketan parte hartu du

2018an gizarte-bizitzan euskara sustatzeko, garatzeko edota normalizatzeko diru-laguntza deialdia (Euskalgintza deialdia) argitaratu da 2018ko ekainaren 15ean

2018ko Euskalgintza deialdiak 979.200 euro banatuko ditu euskara sustatzeko hainbat proiekturen artean.

Diruz lagun daitezkeen egitasmoak 7 multzotan sailkatu dira; aurtengo berritasun nagusia da A multzoa bi azpimultzotan banatu dela.

Eusko Jaurlaritzak 979.200 euro onartu ditu euskara sustatzea helburu duten proiektuak laguntzeko (Gobernu Bilera 2018-06-05)

Gaztelaniazko hedabideetan euskararen erabilera areagotzeko deialdia argitaratu da 2018ko uztailaren 3an

Diruz lagun daitezkeen egitasmoak 2 multzotan bereizi dira: A multzoa, nagusiki gaztelania darabilten paperean inprimatutako egunkarien edizio digitalak; eta B multzoa, Internet bidez notiziak euskaraz ere ematen dituzten berri-agentziak.

Eusko Jaurlaritzak 400.000 euro inbertituko ditu aurten nagusiki gaztelania darabilten hedabideetan eta albiste-agentzietan euskara sustatzeko (Gobernu Bilera 2018-06-12)

Telefónica Audiovisual Digital SLU entitateari diru-laguntza izenduna eman zaio (Agindua: 2018/09/10)

Diru-laguntza izendun honen bidez, 220 film luze eta fikzio-serietako 300 kapitulu euskaraz azpititulatuko dira.

Ikusi Open Data Euskadi

Txakur Gorria kolektiboari diru-laguntza zuzena eman zaio 2018an

Bertsolaritzaren bilakaera generoaren ikuspegitik jasotzen duen infografia gauzatzeko bideratu da diru-laguntza zuzena azaroan.

Eusko Jaurlaritzako Kultura eta Hizkuntza Politikako Sailak eta Emakundek ‘Bertsolaritzaren bilakaera genero ikuspegitik’ proiektua lagundu dute; Donostian aurkeztu dute gaur

TOKIKOM elkarteari diru-laguntza izenduna eman zaio (2017-2018)

2017-2018 epealdiko diru-laguntza bideratu da.

TOKIKOM elkarteari diru-laguntza zuzena eman zaio (Gobernu Kontseiluaren 2018/12/11ko Erabakia)

Diru-laguntza zuzena bideratu da Ttap euskarazko aldizkari digital multimedia abian jartzeko.

Eusko Jaurlaritzak 40.000 euroko diru-laguntza zuzena onartu du Ttap euskarazko aldizkari digitalarentzat (Gobernu Bilera 2018-12-11)

On Time Ekoizpenak SL enpresari diru-laguntza zuzena eman zaio (Gobernu Kontseiluaren 2018/12/18ko Erabakia)

Diru-laguntza zuzena bideratu da Zubi lana dokumentala ekoizten laguntzeko. Dokumentala euskal kazetaritzak azken 50 urteetan bizi izan duen bilakaeraren ingurukoa da.

Berria Hedabideen Fundazioari diru-laguntza zuzena eman zaio (Gobernu Kontseiluaren 2018/12/18ko Erabakia)

Diru-laguntza zuzena eman da euskarazko hedabideen alorrean garatzen eta sortzen ari diren produktuak sustatzeko.

Herri Urrats Elkarteari dirulaguntza zuzena eman zaio (Gobernu Kontseiluaren 2018/12/18ko Erabakia)

Dirulaguntza zuzena eman da gazteen aisialdian euskararen erabilera sustatzea helburu duten egitasmoak bultzatzeko.

Eusko Jaurlaritzak 130.000 euro onartu ditu Herri Urrats elkartearentzat, bere urteroko jaia finantzatzen laguntzeko (Gobernu Bilera 2018-12-18)

Hedabideak deialdia (2016-2018) kudeatzen jarraitu da 2018an

2016-2018 epealdian euskarazko hedabideak sendotu, eraginkortu, garatu eta normalizatzeko diru-laguntzak emateko deialdia (Hedabideak deialdia) kudeatzen jarraitu da.