Gobernu Programa. Legealdia: 2016 – 2020

Ekimena 1. Lantokietako lan-baldintzak zaindu eta haiei buruzko informazioa eman

Jarduerak Gaurkotze eguna Arduraduna

Onartu dute Lan eta Justizia Sailaren eta Auditoritza Soziolaboralen eta Berdintasunaren Euskal Erakundearen (IVAS-ASEE) arteko lankidetza-hitzarmenaren sinadura. Hitzarmenaren xedea da Eusko Jaurlaritzako Lan eta Justizia Sailaren eta Auditoritza Soziolaboralen eta Berdintasunaren Euskal Erakundearen arteko lankidetza arautzea, era horretan Agenda 2030eko garapen jasangarriko helburuak hobeto betetzeko eta lan-harremanen esparruan helburu horiek bizkortasun eta efizientzia handiagoarekin lortzen laguntzeko, honako hauen bidez: gizarte-arloko prestakuntza eta informazioa, enpresen gizarte-kaudimenaren ziurtapena, jardunbide egokien bultzada, arauak betetzearen kulturaren hedapena eta Lanaren Nazioarteko Erakundearen Lan Duinaren Programaren zutabeak edo ezaugarriak biltzen dituzten helburuak lortzen laguntzen duen beste edozein lan edo jarduera (2020/02/11)

2020/02/13 Laneko eta Gizarte Segurantzako sailburuordea

Lan Ikuskaritza eta Soldata Arrakalari buruzko hiru jardunaldi antolatu ditugu: Donostian, “Genero-arrazoietan oinarritutako soldata-diskriminazioaren kontrol publikoa” izenburupean (2019/11/12); Bilbon, “Laneko Ikuskaritza eta horrek Soldata Arrakalaren aurkako borrokan duen eginkizuna. Tresnak” (2019/11/27); eta Gasteizen,"Berdintasun planak, soldata-arrakalaren aurka borrokatzeko tresna. Lan-Ikuskaritzaren jarduera genero berdintasunean" (2019/12/12).

2020/01/09 Laneko eta Gizarte Segurantzako sailburuordea

Etxeko langileen egoerei buruzko azterketa-diagnostikoa eta 177/2010 Dekretuaren 14.3 artikuluaren eta 31/2015 Dekretuaren 4.3 artikuluaren aplikazioa etetearen ondorioei buruz egindako txosten juridikoa egin eta gero, Lan eta Justizia Sailak Etxeko Enpleguari buruzko I. Kongresua antolatu du, "Nondik gatozen, non gauden eta norantz goaz". Alde batetik, ekonomia irregularraren errealitatea analizatu nahi izan da, baita etxeko lanean “emakume” eta “etorkin” aldagaiek nolako eragina duten ere; eta bestetik, laneko arriskuen prebentzioaren, kontratua iraungitzearen, lanaldiaren, hitzarmen kolektiboaren eta langabezia-prestazioa eskuratzearen inguruan hausnarketa egin da, Gizarte Segurantzaren Araubide Orokorreko gainerako langileekin eskubide-berdintasuneko formula aldakorrak proposatzeko.

2020/01/09 Laneko eta Gizarte Segurantzako sailburuordea

Euskal Herriko Unibertsitatearekin hezkuntza-arloko sinatutako lankidetza-hitzarmena adosten da, UPV/EHUko Zuzenbide Fakultateko gradu eta graduondoko ikasleek kanpo-praktika akademikoak egiteko -curriculum barrukoak zein kanpokoak- Euskal Autonomia Erkidegoko Laneko eta Gizarte Segurantzako Ikuskaritzan. Horrela ikasleen prestakuntza hobetzea bilatzen da. (2019/10/01)

2020/01/09 Laneko eta Gizarte Segurantzako sailburuordea

2017ko Lan eta Gizarte-Segurantza Ikuskapeneko txostenaren emaitzak eta 2018ko plana aurkeztu dira.

Berria
2018.eko otsailak 07
La Inspección de Trabajo en 2017
2019/12/12 Laneko eta Gizarte Segurantzako sailburuordea

Lan eta Justizia Sailburuak azaldu ditu 2018ko Laneko Ikuskaritzaren emaitza esanguratsuak.

2019/12/12 Laneko eta Gizarte Segurantzako sailburuordea

2019ko Lan Ikuskaritzako datuak aurkeztu ditugu. Aldi baterako edo lanaldi partzialeko 6.379 kontratu bihurtu dira urte horretan mugagabe edo lanaldi osoko kontratu, 2019an berrikusitako 21.258 kontratuetatik.Beraz, legealdia hasi zenetik, guztira 16.218 kontratu aldatu dira (2019/12/30).

2020/01/09 Laneko eta Gizarte Segurantzako sailburuordea