Gobernu Programa. Legealdia: 2016 – 2020

Ekimena 1. Mugaz gaindiko garraio-politikak garatu; eskualdeetako agintariekin lankidetza izatea bultzatuko da, zerbitzu-eskaintza optimizatzeko xedez

Jarduerak Gaurkotze eguna Arduraduna

Atlantikoko trenbide-korridorea TEN-T Europan Zeharreko Garraio Sarearen lehentasunezko korridoreetako bat da, eta Euskal Y-aren proiektua (abiadura handiko linea sortzekoa), Arku Atlantikoko core network-aren parte, funtsezko elementua da, eta Euskadiko trenbide-sarea UIC zabalerara egokitzea ahalbidetuko du, besteak beste.

Euskal Y-aren azpiegituraren gaur egungo betearazpenak Europar Batasunaren laguntza finantzarioa du CEF baliabidearen bitartez (elkarreragingarritasunerako eta intermodalitaterako proiektuak ez ezik, mugaz gaindiko sekzioak ere finantzatzeko tresna), eta 2019rako Frantziarekiko mugarekin lotuta egotea aurreikusten du, bi faseren bitartez: lehen fasean, hirugarren bide bat txertatuko da Donostia eta Irun arteko iberiar sarean; bigarrenean, Donostia eta muga (Biriatu) zuzenean lotuko dituen bide berri bat eraikiko da.

Esku-hartze hori aukera paregabea da Euroeskualderako; izan ere, Euskal Y-a zerbitzuan ipintzea ahalbidetuko du, EAEko hiru hiriburuak iparraldearekin eta hegoaldearekin konektatuta, eta horrenbestez, Euskadi, Akitania, Nafarroa eta Midi-Pyrénées eskualdea lotuko dituen mugaz gaindiko trenbide-zerbitzuen eskaintza sortuta. Hots, lehena eta oraina markatuko du, gaur egun existitzen ez diren trenbide-azpiegitura integratuak sortuta, eta pertsonen mugikortasuna nabarmen hobetuko da eta mugaz gaindiko zerbitzu gehiago emango dira.

2018/06/08 Azpiegitura eta Garraioko sailburuordea

Euskal Y-aren eta Nafarroako korridorearen etorkizuneko loturaren informazio-azterlana 2017ko abendurako zegoen aurreikusita. Sustapen Ministerioak konpromiso hori adierazi zien Eusko Jaurlaritzari eta Nafarroako Gobernuari Madrilen egindako hiruko bileran. (Madril, 2017-07-12)

2018/03/22 Azpiegitura eta Garraioko sailburuordea

2018ko urtarrilak 16:  Sustapen Ministerioaren Trenbide Plangintzaren Zuzendariordetzaren iragarkia, zeinaren bidez jendaurrean jartzen den "Kantauri-Mediterraneoa.trenbide-korridorearen proiektuaren informazio-azterlana (Zatia: Iruñea eta EAEko Y grekoarekiko konexioa)".

2018/12/18 Azpiegitura eta Garraioko sailburuordea

2018ko martxoak 12: Sustapen Ministerioaren Trenbide Plangintzaren Zuzendariordetzara bidali zen Eusko Jaurlaritzaren alegazio-txostena, "Kantauri-Mediterraneoa.trenbide-korridorearen proiektuaren informazio-azterlana (Zatia: Iruñea eta EAEko Y grekoarekiko konexioa)" zela eta.

2018/12/18 Azpiegitura eta Garraioko sailburuordea