Gobernu Programa. Legealdia: 2016 – 2020

Ekimena 4. Gasteizko tranbia Unibertsitatera eta Salburura luzatu, eta gero Zabalgana auzora

Jarduerak Gaurkotze eguna Arduraduna

Gobernu Kontseiluak ETSri (Euskal Trenbide Sarea) emandako agindua onetsi zuen Gasteizko Tranbia Angulema-Unibertsitatea eta Angulema-Salburua tarteetara luzatzeko.

2018/03/22 Azpiegitura eta Garraioko sailburuordea

Euskal Trenbide Sareak (ETS) lizitazioa atera zuen hegoaldeko luzapenerako (Angulema-Unibertsitatea), 2017ko maiatzaren 22an. Aurreikusi zen Gasteizko tranbia hegoalderantz, Unibertsitate ingururantz, luzatzeko lanak 2017ko udazkenean hasiko zirela. Tranbiaren traztuak 1,4 kilometro luzatuko du egungo 8 kilometroko bidea, eta lau geltoki berri izango ditu: Florida, Las Trianas, Hegoalde eta Unibertsitatea; gaur egun zerbitzuan dauden 21 geltokiei gehituko zaizkie.

2018/03/22 Azpiegitura eta Garraioko sailburuordea

Euskotren lanean ari da Gasteizen edukiera handiagoko tranbia gehiago jartzeko. Lehen fasean 7 bagoiko 3 unitate erosiko direla eta 5 bagoiko 3 unitate (egun tranbian lanean ari direnak) 7 bagoira handituko direla aurreikusten da. Plegu Teknikoak egin dira, eta, luze gabe, lehen lizitazioa aterako da.

2018/03/22 Azpiegitura eta Garraioko sailburuordea

Zabalgana auzora tranbia hedatzeko informazio-azterlana esleitu zen (2017ko maiatzaren 29a), urtebeteko entregatze-epearekin.

2018/03/22 Azpiegitura eta Garraioko sailburuordea

Gasteizko hirirako Garraiobide Publikoen Sistema Multimodal Integratu eta Osorik Elektrifikatutakoa sortzeko proiektuak idazteko lankidetza-hitzarmenaren jarraipen-bilerak (Eusko Jaurlaritza, Arabako Foru Aldundia eta Gasteizko Udala). 1.: 2016ko ekainaren 1a; 2.: 2017ko uztailaren 17a; 3.: 2017ko irailaren 28a; 4.: 2017ko azaroaren 27a; 5.: 2017ko abenduaren 26a (hitzarmen horrek barruan hartzen ditu Autobus Elektriko Adimenduna eta Gasteizko Zabalgana eta Salburua auzoetako tranbia-luzapenak egiteko informazio-azterlanak eta eraikuntza-proiektuak).

2018/03/22 Azpiegitura eta Garraioko sailburuordea

Euskal Trenbide Sareak (ETS, 2017ko irailaren 27a) hegoaldeko luzapen-lanak (Angulema-Unibertsitatea) esleitu zizkion Altuna y Uria eta TECSA enpresek osatutako ABEEari (8,57 milioi euro, BEZik gabe); lizitazioaren hasierako prezioa: 10,48 milioi euro, BEZik gabe. Obren iraupena: 20 hilabete; hasierako lizitazio-epea: 24 hilabete.

2018/03/22 Azpiegitura eta Garraioko sailburuordea

Gasteizko Tranbiaren hegoaldeko luzapenaren (Angulema-Unibertsitatea) Ondasunen eta Eskubideen Zerrenda behin betiko onartzen duen Garraio Azpiegituren Zuzendaritzaren ebazpena argitaratu zen EHAAn eta ALHAOn, eta Aurreko Aktetarako deialdia egin zen Gasteizko Udalean 2017ko urriaren 17 eta 18rako.

2018/03/22 Azpiegitura eta Garraioko sailburuordea

Euskal Trenbide Sareak (ETS, 2017ko irailaren 27a) hegoaldeko luzapenaren (Angulema-Unibertsitatea) Obren Zuzendaritzari laguntzeko zerbitzua DAIR INGENIEROS SLri esleitu zion (399.420,0 euro, BEZik gabe); lizitazioaren hasierako prezioa: 588.000,0 euro, BEZik gabe. Gauzatze-epea: 21 hilabete; hasierako lizitazio-epea: 21 hilabete.

2018/03/22 Azpiegitura eta Garraioko sailburuordea

2017ko azaroaren 27a: Tranbia Unibertsitatera Hedatzeko lanen Erakunde Arteko Jarraipen Batzordean, Proiektuaren Idazketa Aldatua aurkeztu zen, bi aldaketa nagusirekin: Trianaseko Zubiko Geltoki Multimodala baztertzea, eta bide bakarreko ibilbidea jartzea Nieves Cano kaletik Unibertsitate geltokian ibilbidea bukatu arteko zatian.

2018/03/22 Azpiegitura eta Garraioko sailburuordea

2017ko azaroaren 27a: Altuna y Uria eta TECSA enpresek osatutako ABEEak Hegoaldeko Luzapenerako (Angulema-Unibertsitatea) lanak hasi zituen. Obren iraupena: 20 hilabete; hasierako lizitazio-epea: 24 hilabete.

2018/03/22 Azpiegitura eta Garraioko sailburuordea

2017ko abenduaren 14a: 2. linea periferikorako Autobus Elektriko Adimendunaren Eraikuntza Proiektuaren aurkezpen publiko instituzionala egin zen Gasteizen. Ekonomiaren Garapen eta Azpiegiturarako sailburuaren eta Gasteizko alkatearen aurkezpena Gasteizko Europa jauregian, Gasteizko udaletxean Udaleko talde politikoei aurkezpena, eta Gasteizko Mugikortasun Iraunkorraren aldeko Herritar Foroari (ELKARGUNE) aurkezpena.

2018/03/22 Azpiegitura eta Garraioko sailburuordea

2017ko abenduaren 19a: Gasteizen Autobus Elektriko Adimenduna (BEI-BEA) ezartzeko erakundearteko finantzaketa-hitzarmena onartu da Gobernu Kontseiluan. Bada, Eusko Jaurlaritzak (% 65), Arabako Foru Aldundiak (% 17,5) eta Vitoria-Gasteizko Udalak (% 17,5) finantzatuko dute. 2018ko otsailean sinatu da hitzarmena.

2018/07/13 Azpiegitura eta Garraioko sailburuordea

2017ko azaroaren 30a: Gasteizen tranbia Salburua auzora hedatzeko proiektuaren informazio-azterlanaren argitalpena aurkeztu da erakundeen artean. Alegazioak jartzeko aldia ireki da, baliodun (30+15+30) egunekoa (2018ko martxoaren 15era arte, berori barne hartuta), informazio-azterlana 2017ko azaroaren 30ean bertan Euskal Herriko Agintaritzaren Aldizkarian argitaratu zenetik zenbatzen hasita.  Informazio-azterlanaren dokumentazioa herritarren eskura dago, paperean, bai Eusko Jaurlaritzaren Garraio Azpiegituren Zuzendaritzan, bai Vitoria-Gasteizko Udalean. Halaber, Eusko Jaurlaritzaren webean argitaratzen da dokumentazio guztia:

http://www.euskadi.eus/informazioa/vitoria-gasteizko-hego-tranbia-handitzeko-informazio-azterlana-2-zatia/web01-a2trenbi/eu/

2018/07/13 Azpiegitura eta Garraioko sailburuordea

2018ko maiatzaren 2a: Gasteizko Udalarekin lankidetza-hitzarmena egitea onartu da Gobernu Kontseiluan, Gasteizen Autobus Elektriko Adimenduna ezartzen laguntzeko. Autobus Elektriko Adimendunaren (BEI-BEA) garajeak eta Latinoamerika biribilgunea eraikitzeko proiektuak finantzatzeko eta egiteko konpromisoa hartu du Eusko Jaurlaritzak. Bi proiektuen finantzaketa 960.000 eurokoa da (BEZa barne).

2018ko maiatzaren 10a: Arantxa Tapia Ekonomiaren Garapen eta Azpiegituretako sailburuak eta Gorka Urtaran Gasteizko alkateak sinatu dute hitzarmen hori.

2018/07/13 Azpiegitura eta Garraioko sailburuordea

2018ko maiatzaren 11: Gasteizko tranbia hegoaldera hedatzeko proiektuaren proiektu aldatua onartzeko ebazpena eman du Eusko Jaurlaritzaren Garraio Azpiegituren Zuzendaritzak. Lizitazioaren oinarrizko aurrekontua 8.071.837,52 eurokoa da (BEZik gabe); hots, hasierako proiektuaren lizitazioaren oinarrizko aurrekontua baino % 5,8 txikiagoa. Bestetik, zuinketa-akta sinatzen denetik, 22 hilabeteko epea egongo da lanak egiteko (obrak amaitzeko aurreikusi den data: 2019ko iraila).

2018/07/13 Azpiegitura eta Garraioko sailburuordea

2018ko maiatzaren 25a: Tranbia Salburua auzora hedatzeko proiektuaren informazio-azterlanaren ingurumen-inpaktuaren ebaluazioa eta alegazioen erantzunak eskatu dizkio Eusko Jaurlaritzaren Garraio Azpiegituren Zuzendaritzak Eusko Jaurlaritzaren Ingurumen Kalitaterako Zuzendaritzari.

2018/07/13 Azpiegitura eta Garraioko sailburuordea

2018ko maiatzaren 28a: Gasteizko Autobus Elektriko Adimendunaren (BEI-BEA) proiektua lizitatu du Gasteizko Udalak. Lizitazioaren aurrekontua: 44,7 M€, BEZa barne. % 100 elektrikoak diren 13 ibilgailu (18 metroko 7 artikulatu eta 12 metroko 6) sartzen dira. Aurreikusi denez, 2020an jarriko dira martxan. 10,1 km-ko ibilbide zirkularra; TUVISAren 2L, periferikoa.

2018/07/13 Azpiegitura eta Garraioko sailburuordea