Gobernu Programa. Legealdia: 2016 – 2020

Ekimena 7. Enpresa berriak finantzatzeko formulak garatu

Eremua: Oparotasuna
8 Guztiontzako hazkunde ekonomiko jarraitua, inklusiboa eta jasangarria, enplegu vetea eta produktiboa nahiz lan duina sustatzea.
Jarduerak Gaurkotze eguna Arduraduna

Finantzen Euskal Institutuarekin eta Elkargirekin lankidetzan, enpresa ekimen berrientzako finantza tresna berri bat diseinatu da. Tresna berri honen helburua da, hain zuzen, epe luzerako finantzaketa ematea sortu berri diren enpresa txiki eta ertain ekintzaileei. Finantzen Euskal Institutuak Elkargiren bermea izango du, eta maileguak emango dizkie oinarri teknologikoko enpresa berriei. 2018/03/15ean SPRI-FEI-Elkargi hitzarmena sinatu zen, finantza tresna berria martxan jartzeko (5 milioi euroko hornidura). 2019ko urtarrilera bitarte, 26 proiektu onartzea dago aurreikusita, eta horretarako, gutxi gorabehera 3 milioi euroko baliabide konprometituak daude.

2019/12/31n 40 proiektu zeuden onartuta, 5.020 mila euroko finantzaketa konpromisoarekin. Jasotako eskaera kopuru handia dela tarteko ─hasierako aurreikuspenetik oso gora egia esan─, 2019/06/24an, hitzarmenari esleitutako funtsak handitu ziren, 5 milioi euro gehigarrirekin.

 

Bi proiektu onartu dira 2020ko lehen hiruhilekoan, eta, gaur egun, startupen eskaerak Elkargira bideratzen ari dira, Eusko Jaurlaritzak COVID-19aren ondorioz ezarritako finantzaketa lerrorako.

 

2020/04/25 Teknologia, Berrikuntza eta Lehiarkotasun sailburuordea