Gobernu Programa. Legealdia: 2016 – 2020

Ekimena 1. Foru-aldundiekin elkarlanean, Ekintzailetzaren Euskal Sistema sustatu, gizartean ekintzailetzaren kultura aktibatzeko eta atzerriko talentu ekintzailea erakartzeko –batez ere gazteen artean–, hartara Euskadi ekintzaileen lurraldea izan dadin

Eremua: Oparotasuna
8 Guztiontzako hazkunde ekonomiko jarraitua, inklusiboa eta jasangarria, enplegu vetea eta produktiboa nahiz lan duina sustatzea.
Jarduerak Gaurkotze eguna Arduraduna

Ekintzaile Programa: 137 egitasmo ekintzaile, berritzaile eta oinarri teknologikoko lagundu dira 2017. urtean zehar BICetatik. 2018rako programa ireki zen, eta urtean zehar 169 egitasmo onartu dira; alegia, hasieran aurreikusitakoekin alderatuta, %54ko igoera izan da.

2019. urtean, programarekin jarraitu dugu, 2018aren antzeko joerarekin. 163 proiektu berri eta berritzaile onartu dira, oinarri teknologikokoak guztiak ere.

2020/02/06 Teknologia, Berrikuntza eta Lehiarkotasun sailburuordea

SPRI CERN-Ikerketa Nuklearreko Europako Kontseiluaren teknologiak dituzten startupen Europako sarean sartu da. BIC Arabak 5 startup ere inkubatu ahal izango ditu, eta egitasmo bakoitzak 40.000€-ra arteko diru laguntza bat jaso ahal izango du, eta lehentasunezko sarbidea CERNek garatutako teknologiak erabiltzeko, inkubazio programak irauten duen bi urteetan. 2017ko uztailaren 10eko datarekin, BIC Arabak Ineustar Pioneers sareari atxikitzeko hitzarmena sinatu zuen, CERN teknologietan oinarritutako euskal enpresen inkubazioa sustatzeko. Urriaren 26an egin zen aurkezteko jardunaldia, 36 parte hartzailerekin. Jardunaldiaren ondoren, BIC Arabak informazio gehiago jasotzeko eskaerak jaso ditu 10 enpresatatik, horietatik 7 BICeko startupak izanik. Bilerak egin ziren interesa zuten enpresa guztiekin, aukerak zehazteko, eta bost aukeratu ziren. Gaur egun, CERNek informazio gehiago eskatu die lauri, transferentzia teknologikorako aukerak zehaztasunez finkatu ahal izateko.

2019ko urtarrilean, aukeratutako 4 enpresetatik batek erabaki du harremanetan ez jarraitzea, beste 2 baztertu egin dira, CERNek ez dituelako enpresa horien negozioarekin bat datozen teknologiak, eta, beraz, bakarrarekin jarraitzen du harremanetan.

Azken startup horrek negoziazioetan jarraitzen du, CERNen teknologia bere enpresara egokitzeko, baina oraindik ez da behin betiko akordiorik erdietsi.

2019/03/18 Teknologia, Berrikuntza eta Lehiarkotasun sailburuordea

2018ko martxoan CERNeko bisita eginda, eta bilera bat egin zen Knowledge Transferreko zuzendariarekin, egitasmoa etxe horren menpe baitago.

2018/06/27 Teknologia, Berrikuntza eta Lehiarkotasun sailburuordea

Maiatzaren 9an informazio jardunaldi bat egin zen BIC Bizkaia Ezkerraldean, bertako enpresentzat. Bi eskaera aurkeztu zituzten; zehazki, aurreko bigarren paragrafoan aipatutako bi.

2018/11/19 Teknologia, Berrikuntza eta Lehiarkotasun sailburuordea

Apirilean, CERNekin lankidetza programa daukaten herrialdeetako ordezkariak bildu ziren, eta guztiak bat zetozen gauza batean: startupen eta CERNen arteko proiektuen analisirako epeak gehiegizkoak direla. Horregatik, erabaki zen CERNek pertsona bat kontratatzea, prozesua gainbegiratzeko eta epeak bizkortzen ahalegintzeko. CERNek erantzuteko dituen epeak bizkortzeko eta izapideak sinplifikatzeko prozesu berri bat ezartzeari buruz ere hitz egin zuten.

2019/07/26 Teknologia, Berrikuntza eta Lehiarkotasun sailburuordea

Ineustarrekin hitz egin dugu, pertsona berria kontratatu ondoren eta eskaera prozesu berria ezarri ondoren, modu bizkor eta errazagoan eman dezan laguntza. 

2019ko urriaren 22an, aurkezpen jardunaldia egin genuen Garaian, CERNen identifikatutako eta transferituak izateko aukera duten teknologiak ezagutarazteko, bai eta erakunde horrekin harremanetan jartzeko prozesuaren berri emateko ere. 45 pertsonak parte hartu zuten. Oraintxe bertan, transferentzia teknologiko hori jaso dezaketen hainbat proiekturi jarraipena egiten ari gara.

2020/02/06 Teknologia, Berrikuntza eta Lehiarkotasun sailburuordea