Euskadi.eus
Garapen Jasangarrirako Helburuak (GJH)
Jarduketak ordena kronologikoaren arabera
Data Jarduera
2020/10/26 Lehendakariak, bideokonferentzia bidez, Espainiako Gobernuko presidenteak deitutako erkidegoetako presidenteen bileran parte hartu zuen, eta elkarlaneko gobernantza eta subsidiariotasun-printzipioa defendatu zituen eta autonomia-erkidegoek krisi honetatik irteteko parte-hartze aktiboa izan dezatela planteatu zuen. Bileran Europako Batzordeko presidentea egon zen, "Next Generation" Europako Funtsen irizpide eta ildo nagusiak partekatzeko.
2021/02/02
Euskadik industria-politikaren arloko aholkularitza emango dio Europako Batzordeari datozen lau urteetan; izan ere, Europako Batzordeak Euskadi hautatu du bere industria-foro berriko kide gisa, Vanguard Initiative Europako eskualdeen sarearen ordezkari gisa. (Ekonomiaren garapen, Iraunkortun eta Ingurumen Sailak hartu du parte)
2021/11/17 Lehendakariak Erresuma Batuko enbaxadorea hartu du
2021/11/21 Bilera Korsikako Kolektibitateko arduradunekin, 2021eko apirilean sinatutako memorandumaren esparruan hizkuntza-politikaren arloan lankidetzan aritzeko oinarriak ezartzeko.
2021/11/22 Europak bere etorkizuna birplanteatu du: dozena erdi bat analistak Europar Batasunaren erronkei buruzko gogoeta egin dute Donostiako Kursaal Jauregian "Europa Geopolitiko bat: menpekotasunetik autonomia estrategikora" jardunaldian. Topaketak bost erronka, Europa bat hitzaldi-zikloan parte hartzen du. Hitzaldi horiek Eusko Jaurlaritzarekin lankidetzan antolatu ditu EuroBasquek, eta Europaren Etorkizunari buruzko Konferentziak EBren funtzionamendua erreformatzeko duen zeregina aldarrikatzen du
2022/01/31 Lehendakariak Suitzako enbaxadorea hartu du.
2022/05/25 Lehendakariak “Next Generation Euskadi” lan-jardunaldian parte hartu du, eta bertan, Europako Funtsei buruzko lau proposamen eraikitzaile partekatu ditu: 1) Bizkortasun handiagoa Europako Funtsen gauzatzean; 2) Parte-hartze handiagoa PERTEetan; 3) Eskualdeek protagonismo handiagoa izatea funtsen inplementazioan, Eskualdeetako PERTEren bidez; eta 4) Autonomia-erkidegoekn parte hartzea Espainiako Berreskuratze Planaren Adenda diseinatzen, Bruselara aurkezteko eta 70.000 milioi euroko maileguak eskuratzeko.
2022/07/06 Lehendakariak Mercedes-Benzek Stuttgarten duen egoitza bisitatu du.
2022/07/21 Euskadi eta Portugal partaide Europako proiektua. Historia klinikoa eta errezetak partekatzea. Europar Batasunak Euskadi eta Portugal aukeratu ditu kontinente zaharrean programa pilotu bat martxan jartzeko. Programa horrek bermatuko du hainbat lurraldetako medikuek Europako pazienteen historia klinikoan sartzea eta erabiltzaileek beste edozein herrialdetako farmazietan sendagaiak lortzea. Horrela, uztailaren 15etik aurrera, Portugalgo edozein osasun-langilek eskura dezake Euskal Autonomia Erkidegoan bizi den eta arreta behar duen edozein pertsonaren historia klinikoa.