Ekimena 2. Edozein erradikalizazio biolento prebenitzeko programak indartzea, sinesmen edo iritzi desberdinak ez errespetatzeagatik eragindako bereizkeria-, xenofobia- edo arrazakeria-adierazpenak barne, baita fanatismo totalitarioa bereizten duen gorrotora erakartzeko eta horretan hezteko tresna berriak ere, propaganda jihadistarekiko ahulenak diren kolektiboetan sakonduz.

Garapen Jasangarrirako Helburuak (GJH)

Jarduketak ordena kronologikoaren arabera

Data	Jarduera
2021/05/31	Legebiltzarrean, lehendakariordeak berak eskatuta, "Euskadiko Odio Gertaeren Txostena 2020" aurkeztu da, EHUko Giza Eskubideen eta Botere Publikoen Katedrako irakasleen zuzendaritzapean eta koordinaziopean egindako dokumentua. Txostenak Ertzaintzak iaz erregistratutako 241 gorroto-delituak jasotzen eta aztertzen ditu. Ekitaldi horretan, ez dago, ezohiko moduan, gorroto-istiluekin lotutako arau-hauste administratiborik.
2022/03/22	Euskal Herriko Unibertsitateko Giza Eskubideen eta Botere Publikoen Katedrarekin lankidetza-hitzarmena izenpetzeko baimena eman da, Euskadin gertatutako gorroto-delituei buruzko urteko txostena eta Europarekiko konparazio-azterketa egiteko eta hitzarmen horren bidez bideratutako zuzeneko dirulaguntza esleitzeko.
2022/04/11	Eusko Legebiltzarraren “Euskadiko Gorroto Gertakariei buruzko 2021ko Txostena”-ren aurkezpena egiten da. Txostenean jaso eta aztertzen dira gorroto-gertakariekin lotuta Ertzaintzak 2021ean erregistratu zituen 277 delitu eta 2 arau-hauste administrativo. Gainera, berritasun gisa eta gorroto-delituen eta genero-indarkeriako delituen arteko intersekzioa aztertzea helburu izanik, aztertzen dira Euskadin bikotekideek edo bikotekide ohiek hildako emakumeei buruzko 25 epai.