Euskadi.eus
Jarduketak ordena kronologikoaren arabera
Data Jarduera
2021/05/17 eLankidetza / Garapenerako Lankidetzaren Euskal Agentzia. ELankidetzaren web-orriaren bidez, herritarrei eta lankidetzako eragileei zuzendutako inkesta-prozesu publiko bat jarri da abian, Garapenerako Lankidetzaren Legearen aurreproiektua egiteari dagokionez.
2021/05/25

Lehendakariak, Osasun sailburuekin eta Berdintasun, Justizia eta Gizarte Politiketako sailburuekin batera, Covid19 txertoen patenteak aldi baterako etetearen aldeko Euskal Adierazpena argitaratu du. Ekitaldian izan dira, lehendakariarekin batera, adierazpena sinatu duten pertsona guztiak: Espainiako Mugarik Gabeko Medikuen presidentea; Nazioarteko Amnistiaren zuzendari nagusia; Euskal Herriko Farmazialarien Kontseiluko Programa, Herritar eta Intzidentzia Saileko zuzendaria; Euskal Herriko Medikuen Kontseiluko Presidentea.

2021/09/23 eLankidetza / Garapenerako Lankidetzaren Euskal Agentzia. Garapenerako Lankidetzaren Euskal Kontseilua bildu da, Garapenerako Lankidetzaren Legearen aurreproiektuaren lehen zirriborroa lantzeko. Testua egiteko prozesua urtarrilean hasi zen, indarrean dagoen legeari buruzko azterketa baten sozializazioarekin. Ondoren, kontraste-espazioak garatu dira hainbat eragilerekin: EAEko eta estatuko administrazio publikoak, GGKEak, azterketa- eta teknologia-zentroak, erakunde feministak eta LGTBI+, migratuen elkarteak, Nazio Batuen agentziak edo hezkuntza-eragileak.
2022/10/27 Euskal Lankidetza zenbakietan 2021 txostena aurkeztu da. Bertan jasotzen denez, 2021ean, garapenerako lankidetzaren euskal erakunde publikoek 1.121ekimen bultzatu zituzten 66 herrialdetan, horretarako 74,2 milioi euro jarri zituzten, 212 erakunderen bidez bideratuak, gehienak Euskadikoak izanda. Txostena Euskal Lankidetza Publikoaren Atarian eskuragarri dago eta Eusko Jaurlaritzaren, hiru foru-aldundien, hiru euskal hiriburuetako udalen eta Euskal Fondoaren informazioa biltzen du.
2022/12/20 Garapenerako Lankidetzaren IV. Plan Zuzentzailea hiru urtez luzatzea onartu zen.
2023/07/26 Lankidetzarako eta elkartasunerako Euskal Lege proiektua onartu da.
Lege-proiektuaren aurkezpena egin zen Eusko Legebiltzarrean.
2024/02/29 3/2024 Legea, otsailaren 15ekoa, Lankidetzarakoa eta Elkartasunerakoa onartu da, Euskadiren konpromiso solidarioa eta pertsona guztien duintasuna bermatzeko botere eraldatzailea berresten dituena. Euskal gizarte eta erakunde guztiei eskatzen die beren gaitasunak eta baliabideak erronka globalen zerbitzura jar ditzatela Hegoaldeko eragileekin aliantzan, eta Eusko Jaurlaritzaren funtsen % 0,7 lankidetza- eta elkartasun-politiketara bideratzeko konpromisoa jasotzen du. EHAA.