| Data |
Jarduera |
| 2021/03/10 |
Terrorismoaren Biktimen Partaidetzarako Euskal Kontseiluak bilkura berezi bat egin zuen, Lehendakaria eta Berdintasuneko, Justiziako eta Gizarte Politiketako sailburua bertan zirela, Terrorismoaren Biktimen Europako Eguna dela-eta (martxoaren 11n da). Bileran, biktimen elkarteek agiri adostu bat aurkeztu zuten, errekonozimenduaren eta erreparazioaren arloan eman beharreko urratsei buruz.
|
| 2021/06/24 |
Euskal Autonomia Erkidegoan 1978 eta 1999 bitartean izandako motibazio politikoko indarkeria-egoeran giza eskubideen urraketak jasan dituzten biktimei errekonozimendua eta erreparazioa emateko Balorazio Batzordeak bere lehen txostena aurkeztu du Legebiltzarrean. Aztertu diren 55 kasuetatik 35 aintzatesteko eta erreparatzeko proposatu dira, gainerakoak azterketa-prozesuan daude; Gobernuak, EAEn 1978 eta 1999 bitartean izandako motibazio politikoko indarkeriaren testuinguruan giza eskubideen urraketak jasan dituzten biktimei errekonozimendua eta erreparazioa emateko Balorazio Batzordeak proposatuta, 35 kasutan aitortzen du izaera hori.
|
| 2021/09/21 |
Udaberri 2024 Plan/Bizikidetzaren, Giza Eskubideen eta Aniztasunaren Plana aurkeztu da. Plan horren helburua da aurrera egiten jarraitzea honako printzipio hauetan oinarritutako bizikidetza-eredu baten eraikuntzan: pertsonaren duintasuna, terrorismoaren eta indarkeriaren erabateko deslegitimazioa, giza eskubideen berme eta babes eraginkorra, eta aniztasuna eta aniztasuna babestu eta garatu beharreko baliotzat hartzea. (2021/09/21)
Bizikidetzaren, Giza Eskubideen eta Aniztasunaren Plana – Udaberri 2024 aurkeztu da Madrilen, politikarekin (Kongresoa eta Senatua), kazetaritzarekin, kulturarekin eta gizartearekin lotutako berrogeita hamar pertsona baino gehiagoren aurrean, baita terrorismoaren biktimen hainbat elkartetako eta bake-erakunde eta -institutuetako ordezkarien aurrean ere. (2021/10/06)
|
| 2021/10/20 |
Gogora Memoriaren, Bizikidetzaren eta Giza Eskubideen Institutuan egin da: Biktimen Oroimenezko Ekitaldia. Bizikidetza eraikitzen. Eusko Jaurlaritzak ETAren amaieraren hamargarren urteurrena dela eta antolatutako ekitaldien programa ixten duen ekitaldi instituzionala da.
|
| 2022/01/21 |
Estatuko Segurtasun Indar eta Kidegoetako kideek eta haien familiek ETAren terrorismoak jasandako bidegabekeriari buruzko txostena aurkeztea.
|
| 2022/06/27 |
Eusko Jaurlaritzak Miguel Ángel Blancoren oroimenez eta omenez egingo diren ekitaldien barruan antolatu dituen bi erakusketen aurkezpena, ETAk hil zuenetik 25 urte betetzen direnean. Bi erakusketak-bata Gogorak Memoriaren, Bizikidetzaren eta Giza Eskubideen Institutuak antolatuta, eta bestea Ertzaintzak antolatuta- Ermuako Udalarekin lankidetzan antolatu dira, uztailean zehar Bizkaiko herri horretan egingo diren ekitaldi, erakusketa eta omenaldien sustatzailea baita.
|
