Ekimena 6. Aurrera egitea hizkuntza-normalizaziorako planean, Euskadiko hizkuntza ofiziala den aldetik, herritarrak justiziaren eremuan euskara erabiltzeko duten eskubidea betearazteko.

Garapen Jasangarrirako Helburuak (GJH)

Jarduketak ordena kronologikoaren arabera

Data	Jarduera
2021/08/31	Berdintasun, Justizia eta Gizarte politiketako Sailaren eta Helduen Alfabetatze eta Berreuskalduntzerako Erakundearen (HABE) arteko kudeaketa-gomendiorako akordio bat onartu da, Euskal Autonomia Erkidegoan lan egiten duten Justizia Administrazioko langileen euskarazko hizkuntza-prestakuntzarako.
2022/04/22	Justiziaren arloko langileetatik % 45,2k egiaztatu dute bere plazari edo kidego profesionalari dagokion hizkuntza-eskakizuna. Ehunekoak 10 puntuan gainditzen ditu 2011-2020 aldirako Normalizazio Planaren hasierako aurreikuspenak.
2024/02/27	Berdintasun, Justizia eta Gizarte Politiketako Sailaren eta HABEren arteko kudeaketa gomendioarena Akordioa, euskarazko hizkuntza prestakuntza emateko Euskal Autonomia Erkidegoan zerbitzuak ematen dituzten Justizia Administrazioko langileei. EHAA. (430.000.- €)
2024/03/05	Lau urtez luzatu da abokatutza eta prokuradoretzaren lanbideetan sartzeko probak euskaraz egiteko hitzarmena.
2024/06/18	Hitzarmena Ikasketa Juridikoen Zentroarekin, Justizia Administrazioko letraduen, Estatuko abokatuen eta Auzitegi Medikuntzako Institutuko eta Toxikologiako Institutu Nazionaleko langileen kidegoei zuzendutako prestakuntzaren arloan lankidetzan aritzeko. Hitzarmen honi esker, euskara ikasteko prestakuntza eskaintzen zaie titularrei, bitartekoei edo praktiketan daudenei, baldin eta lan-jarduera Euskal Autonomia Erkidegoan edo Estatuko gainerako lurraldeetan egiten badute. EHAAn egindako argitalpena.