Euskadi.eus
Arduradunak
Patxi Xabier Aizpurua Telleria (Administrazio eta Zerbitzuen sailburuordea), Adolfo Morais Ezquerro (Unibertsitate eta Ikerketako Sailburuordea)
Garapen Jasangarrirako Helburuak (GJH)
Jarduketak ordena kronologikoaren arabera
Data Jarduera
2023/03/17 Euskadi eta IBMren arteko aliantza konputazio kuantikoaren arloan
IBMko presidente Arvind Krishna eta Hezkuntza sailburua New Yorken batzartu dira, Ikerbasque Fundazioak eta IBM-k sinatutako  akordioaren harira. Inbertsio historikoa: zientzia-azpiegitura baterako Euskadin inoiz egin den inbertsiorik handiena, 50 milioi eurotik gorakoa. IBMk mundu osoan dituen Konputazio Kuantikoko Zentroen seigarrena hartuko du Euskadik. (50.820.000.- €)
2023/03/24 Basque Quantum proiektuaren aurkezpena
Lehendakariak, Araba, Bizkaia eta Gipuzkoako diputatu nagusiekin eta IBM-ren ordezkariekin batera, Basque Quantum estrategia aurkeztu du. Eusko Jaurlaritzak, hiru foru aldundiek eta IBMk bultzatutako proiektuak teknologia kuantikoen ikerketarako zentro bat garatuko du Euskadin. Euskadik IBM Quantum System One ordenagailu kuantikoa hartuko du. IBM buru duen ikerketa kuantikoko nazioarteko aliantza bateko seigarren kide bihurtu da Euskadi.
2023/05/30
Lehendakariak 2023-2026 Unibertsitate Sistemaren Plana aurkeztu du, "Gobernuaren, unibertsitateen, eragileen eta gizartearen arteko Ituna" eta Jaurlaritzak euskal unibertsitate-sistema antolatzeko aitortutako berariazko tresna. Tresna horren bidez, unibertsitate-politikak definitu, helburuak identifikatu eta euskal unibertsitate-ekosistema osatzen duten eragileak koordinatuko dira. Plan honetan jasota geratu den bezala, unibertsitateek Bikaintasun Zientzia ardatzeko ekintza guztiak garatzeko konpromisoa hartu dute, eta konpromiso hori zientziaren eta unibertsitatearen aldeko itun bat da, Euskal Unibertsitate Ekosistema indartzen laguntzen duena.