Gobernu Programa. Legealdia: 2016 – 2020

Ekimena 4. Arabako Unibertsitate Ospitaleko zerbitzu orokorretako eraikin berria eraiki, Gasteizko Txagorritxu auzoan

Jarduerak Gaurkotze eguna Arduraduna

2017ko apirilaren 27an hasi ziren Txagorritxuko zati bat eraisteko lanak; 2017ko uztailaren 17an hasi ziren AUOko laguntza-zerbitzu orokorren eraikin berria altxatzen. 30 hilabeteko obrak aurreikusten dira, eta 50 milioi eurotik gorako inbertsioa izango du. 2018ko ekainean, obrak martxan jarraitzen du, aurreikusitakoaren arabera, eta dagoeneko ikusgai dago eraikinaren egitura. Obrak direla eta, beharrezkoa izan da bi aparkaleku-partzela egokitzea, bata 180 plazarekin eta bestea 182 plazarekin. Euskalerria Bulebarraren eta Wellingtongo Dukearen arteko izkinan dagoen lursaila uztailaren 3an jarri da martxan. 2019ko ekainean, obran, fatxada amaitu da, eta Larrialdietara sartzeko markesina osatzeke geratu da. Barruko banaketak amaitzen ari dira, eta instalazioekin aurrera egiten ari da. Horrez gain, erantsitako eraikinaren aztarnaren indusketa osatu da energia-sorkuntzarako eta beste erabilera batzuetarako, eta geotermia instalatzeko lanak hasi dira. 2019ko abenduan Ospitaleko Zerbitzu Orokorren eraikin berria itxita dago, barruko banaketak eta instalazioak azken faseetan daude, eta larrialdietara sartzeko markesinaren egitura ere altxatu da. Energia sortzeko eta tailerretarako eraikinari dagokionez, egitura guztia altxatu eta fatxadak ixten ari dira. (2020/01/15)

 

 

2020/01/16 Osasun sailburuordea