Gobernu Programa. Legealdia: 2016 – 2020

Ekimena 4. Paziente kronikoentzako Ospitalizazio Unitateak sortzea bultzatu

Jarduerak Gaurkotze eguna Arduraduna

Gizartea zahartzen ari dela jabetuta, Osakidetza ari da egoera horri aurre egitera bideratutako zerbitzu berriak sortzen. Azpimarratzekoak dira Arabako Unibertsitate Ospitalean, Santiago eraikinean dauden bi unitatera lehendakariak egindako bisita: Zainketa Aringarrien Unitatera eta Gaixotasun Kronikoak dituzten Pertsonentzako Arreta Unitatera. Estimazioen arabera, aurten 2.000 arabar artatuko dituzte, guztira.

Berria
2017.eko otsailak 13
Lehendakari: “Arabak, gaur, arabarren osasun arretan bikaintasuna lortzeko bidean beste urrats bat eman du"
2017/07/19 Osasun sailburuordea

Paziente kroniko eta pluripatologikoentzako ohe-zuzkidura handitu egin da Araba Unibertsitate Ospitaleko Santiago Unitatean, 38 ohetaraino. Paziente Kronikoen, Pluripatologikoen ospitaleratze-zirkuitua abian jarri da Santiago unitatean, Loturako Erizainek, Lehen Mailako Arretako PPPentzat erreferentziazko erizainek eta Lehen Mailako Arreta zentroetarako Erreferentziazko Mediku Internistak esku hartzen dutelarik.

2018/07/03 Osasun sailburuordea

EAEko biztanleriaren laugarren estratifikazioa egin da 2018. urtean zehar. Baliabide sanitarioak biztanleria talde bakoitzaren osasun-beharretara modu proaktiboan egokitzea da helburua. Estratuen banaketari piramide forma eman zaio: 881.730 biztanle patologia kronikorik gabe; 1.044.421 biztanle patologia kroniko arinen batekin; 278.512 biztanle patologia kroniko moderaturen batekin; eta 69.628 biztanle patologia konplexuarekin. (2019/05/23)

2019/05/31 Osasun sailburuordea

 2019. urtean, patologia anitzeko pazienteak Osakidetzan egindako ibilbideari buruzko dokumentu korporatiboa idatziko da. Agiri horrek eragile inplikatu guztien arreta integratua erraztuko du (esparru desberdinetako profesionalak, pazienteak eta senideak). Konplexutasun handikoen estratuko pazienteetatik 15.000 ingururi eragingo die. (2019/05/23).

2019/05/31 Osasun sailburuordea

2018. urtean, bihotz-gutxiegitasuneko pazienteak Osakidetzan egindako ibilbideari buruzko dokumentu korporatiboa idatzi da. Agiri horrek eragile inplikatu guztien arreta integratua erraztuko du (esparru desberdinetako profesionalak, pazienteak eta senideak). Agiri hori kontraste-fasean dago. (2019/05/23).

2019/05/31 Osasun sailburuordea