Gobernu Programa. Legealdia: 2016 – 2020

Ekimena 1. Elikadura osasuntsua, ohiko ariketa fisikoa eta bizitza-estilo osasuntsuak sustatu. Elikadurari dagokionez, Elikadura Osasuntsuaren Estrategia egingo da

Eremua: PERTSONAK
3 Guztiontzat eta adin guztietan bizimodu osasungarria bermatzea eta ongizatea sustatzea.
Jarduerak Gaurkotze eguna Arduraduna

2017ko maiatzaren 31n, beste urte batez, Tabakorik Gabeko Munduko Eguna ospatu zen. Egun horren harira, Osasun Publikoaren eta Adikzioen zuzendariak prentsaurreko honetan Osasun Sailak eta Osakidetzak abiarazitako jardueren berri eman zuen. Ekintza horien xedea da tabakorik gabeko euskal gizartea lortzeko eta, horretarako, horren arriskuaz sentsibilizatu eta kontsumoa murrizteko esku-hartze integralak eta bizi-ohitura osasungarri eta politika eraginkorrak sustatu dira. 

Tabako Gabeko Mundu Eguna zela eta, 2018ko maiatzaren 31an, 2017-2018 ikasturteari dagozkion “Kerik Gabeko Gazteak” sariak eman ziren; guztira 79 ikastetxetako ia 7.300 euskal gaztek, DBHko 1. eta 2. urteko ikaslek, hartu zuten parte ekitaldian. KKG programaren helburua da tabako-kontsumoan hasteko adina atzeratzea, tabakoa erretzeari uztea sustatzea, tabakismoan adoregabetzea eta tabakorik gabeko bizitzari buruzko sormen-jarduerak bultzatzea.

Euskadik, beste urte batez, bat egin du Tabakorik Gabeko Nazioarteko Egunarekin, 2019ko maiatzaren 31n. Bada, jakinarazi denez, Euskadiko Adikzioei buruzko azken Inkestaren arabera, herritarren % 75ek ez du erretzen, eta ohikotasunez egiten dutenen ehunekoa % 22ra jaitsi da, 25 urtetan egon den prebalentziarik baxuena izaki hori.

2011tik 22.500 pertsonatik gora parte hartu dute Osakidetzako osasun-zentroetan erretzeari uzteko programetan, eta 660 ikastetxetako 58.000 ikaslek Kerik Gabeko Gazteak kontzientziazio programetan. (2019/05/16)

Berria
2017.eko maiatzak 30
Tabakoaren kontsumoak behera egiten jarraitzen du Euskadin prebentzio eta kontzientziazio politikei eta euskal gizartearen konpromisoari esker
Berria
2019.eko maiatzak 29
Euskadik berretsi egin du gizarte inplikazioaren eta prebentzio eta sentsibilizazio politiken bidez tabakoaren aurkako borrokarekin duen konpromisoa
2019/06/07 Osasun sailburuordea

Kerik Gabeko Klaseak programa berritu eta eguneratu da, eta, 2017-2018 ikasturtetik aurrera, Kerik Gabeko Gazteak (KGG) izena du. Helburu berari eusten dio: ikasleen artean tabakoaren kontsumoa saihestea edo tabakoa kontsumitzen hasteko adina atzeratzea, kerik gabeko ingurunea bermatzea eta nerabeen artean jokabide osasuntsuak garatzea.

Bide batez, 2017-2018 ikasturtean zehar, guztira 79 ikastetxetako 7.282 ikaslek hartu zuten parte programan (1.946 Araban, 2.787 Bizkaian eta 2.549 Gipuzkoan).

Azken zortzi urte hauetan, 58.000 euskal ikaslek hartu dute parte programan.

2019/05/16 Osasun sailburuordea

64 urtetik gorako adineko pertsonen erdia behin edo gehiagotan erortzen da bere etxebizitzan edo etxebizitza-inguruan.

2017an jarraitu egin zen adinekoen erorikoen prebentziorako tailerretako lanketarekin, hiru eragile nagusien (Udalen, Osakidetzaren eta Osasun Publikoaren) arteko lankidetza sendotuz. 2017an 46 tailer egin ziren hiru lurralde historikoetan, eta 2.055 pertsonek hartu zuten parte haietan.

Berria
2017.eko apirilak 27
Adineko pertsonen erorketak prebenitzeko tailer berriak Araba, Bizkaia eta Gipuzkoan
2018/07/01 Osasun sailburuordea

2018an, 400.000 euro inguru eman ziren, 2017. urtean bezala, hiri eta herrietan ariketa fisikoa eta eskoletan, ikasleen osasuna eta autonomia hobetzeko asmoz, mugikortasun aktiboa sustatzera.

 2018an 77 toki-erakundek aurkeztutako 99 proiektu lagundu ziren diruz.

Berria
2017.eko maiatzak 23
Osasun Sailak 400.000 € inguru bideratuko ditu aurten hiri eta herrietan ariketa fisikoa eta eskoletan mugikortasun aktiboa sustatzera (Gobernu Bilera 2017-05-23)
EHAA xedapena
2017.eko ekainak 06
AGINDUA, 2017ko maiatzaren 23koa, Osasuneko sailburuarena, zeinaren bidez diru-laguntzak ematea arautzen baita, 2017ko ekitaldian Euskal Autonomia Erkidegoko toki-eremuan jarduera fisikoa sustatzeko.
EHAA xedapena
2017.eko ekainak 06
AGINDUA, 2017ko maiatzaren 23koa, Osasuneko sailburuarena, zeinaren bidez elkarte eta kooperatibei zuzendutako laguntzetarako deialdia egiten baita, 2017-2018 ikasturtean Euskal Autonomia Erkidegoko ikasleen mugikortasun aktiboa sustatzeko ekintzak gara ditzaten.
EHAA xedapena
2018.eko uztailak 02
AGINDUA, 2018ko ekainaren 13koa, Osasuneko sailburuarena, zeinaren bidez diru-laguntzak ematea arautzen baita, 2018ko ekitaldian Euskal Autonomia Erkidegoko toki-eremuan jarduera fisikoa sustatzeko.
EHAA xedapena
2018.eko irailak 25
AGINDUA, 2018ko irailaren 18koa, Osasuneko sailburuarena, zeinaren bidez elkarte eta kooperatibei zuzendutako laguntzak arautu eta horien deialdia egiten baita, 2018-2019 ikasturtean zehar EAEko ikasleen mugikortasun aktiboa sustatzeko ekintzak gara ditzaten.
Berria
2018.eko irailak 18
Osasun sailak onartu du 2018-2019an osasun arloko profesionalak prestatzeko bekak eta laguntzak emateko deialdiaren agindua (Gobernu Bilera 2018-09-18)
2019/06/04 Osasun sailburuordea

“Euskadi tabako-kerik gabe” programaren baitan, Eskolak kerik gabe  programa lantzen jarraitu da. Horren helburua da DBHko lehen zikloko ikasleen artean tabakismoa prebenitzea. 2016-2017 ikasturtean zehar, 6.179 gaztek hartu zuten ez erretzeko konpromisoa (1.497k Araban, 2.782k Bizkaian eta 1.900ek Gipuzkoan), 77 ikastetxetan banatuta. Azken zortzi urteetan, 660 ikastetxetako 58.000 ikaslek parte hartu dute programan.

 

Berria
2017.eko maiatzak 31
Ia 40.000 ikaslek 12 eta 13 urte bitartekoek parte hartu dute azken lau urteotan “Kerik Gabeko Ikasgelak” prebentzio eta kontzientziazioko programan
2019/06/04 Osasun sailburuordea

Donostiako Kerik gabeko 2017ko Astearen harira, Udalak, ESI Donostialdeak eta Osasun Publikoaren Zuzendaritzaordeak, Osatzen eta AECC-ren laguntzarekin, “zokora kajetillak eta atera zapatillak!/menos cajetilla y más zapatilla” leloa zabaldu zuten ekainaren 4an ospatutako martxarako. Horren helburua da gizartea tabakoaren kontsumoaren arriskuaz eta bizi-ohitura osasungarriak izateko garrantziaz sentsibilizatzea.

2018an, aurreko urteetan bezalaxe, “Bizi tabakorik gabe” kanpainako triptikoak eta kartelak banatu dira osasun-etxeetan eta ospitaleetan: 150.000 liburuxka eta erretzeari uzteari buruzko eta tabakorik gabeko haurdunaldiari buruzko bi gidetako 60.000 ale.

Horrez gain, SEMFYCekin elkarlanean jardun da “Para disfrutar a saco, no necesitas tabaco” leloa duten 50.000 liburuxka eta 2.500 kartel inprimatzeko eta banatzeko.

2018an, ESIak tabakorik gabeko osasun-erakunde gisa egiaztatzeko ikuskapenek jarraitzen dute. Honako ESI hauek akreditatu dira: Araba, Barrualde-Galdakao, Debabarrena, Goierri-Urola Garaia eta Tolosaldea.

2019/06/04 Osasun sailburuordea

Urtero egiten da Oinez bizi kanpaina. Horren helburua da adin guztietako pertsonak egunero ariketa fisikoa praktikatzearen onuren inguruan kontzientziatzea. 2017ko, 2018ko  eta 2019ko edizioa apirilaren Getxon ospatu zen, Osasuneko sailburuak eta Getxoko alkateak hartu zuten parte. (2019-04-09)

Berria
2017.eko apirilak 10
Ariketa fisikoa maiz egiteak depresioa ekidin eta gaixotasun kronikoak pairatzeko arriskuak murrizten ditu
Berria
2019.eko apirilak 07
Nekane Murga: "ariketa, elikadura osasungarria eta ohitura osasungarriak dira osasuna zaintzeko errezetarik onena"
2019/04/12 Osasun sailburuordea

2017ko urriaren 30ean Euskadiko elikadura osasungarrirako ekimenak dokumentua aurkeztu zen. Elikaduraren eta osasunaren arteko harreman estua kontuan izanik, elikaduraren bitartez osasuna sustatzeko ingurune bat finkatu nahi du, eta, hala, gure artean gero eta eragin handiagoa duten gaitzak geldiarazten lagundu, adibidez hipertentsioa, hiperkolesterolemia, obesitatea, diabetesa edo gaixotasun kardiobaskularrak. Dokumentu horrek ekimen erabilgarri eta praktikoak proposatzen ditu, epe motz eta ertaineko ekintza zehatzen bidez mila egunetan emaitza positiboak eman ditzaketenak. Osasun Sailburuak, Administrazio eta Zerbitzuen Sailburuordea eta Nekazaritza, Arrantza eta Elikagaien Politikako Sailburuordea aurkeztu zuten Plana Eusko Legebiltzarreko Osasun Batzordean 2018ko otsailaren 21ean egin zen bilkuran.

Berria
2017.eko ekainak 02
Osasuneko sailburu Jon Darpón: "Euskadin elikadura osasungarriaren aldeko proiektua, laster abian, haurren obesitatearen plan espezifikoa garatzeko esparru orokorra izango da”
2018/07/01 Osasun sailburuordea

2017ko azaroaren 9an, Donostian, II. Tabako Kerik Gabeko Euskadi jardunaldia egin zen, Osakidetzako, Osasun Publikoko eta tokiko erakundeetako profesionalen parte-hartzearekin.

2018/12/13 Osasun sailburuordea

Osakidetzak NAOS Estrategia Saria jaso du Agindu Bizitza Osasungarria ekimenarengatik. Agindu Bizitza Osasungarria estrategiak lehen mailako arretan eta arreta komunitarioan osasunaren sustapena optimizatzen du, osasun arloko programa berritzaileak garatu eta integratzeko eta bizi-ohitura positiboak bultzatzeko, adibidez tabakoa uztea, jarduera-fisikoa egitea edota elikadura osasungarria izatea.

Berria
2017.eko azaroak 22
Osakidetzak NAOS Estrategia Saria jaso du “Agindu Bizitza Osasungarria” ekimenagatik
2018/01/30 Osasun sailburuordea

Bulkada eman zaie txango eta ibilaldi osasungarriak sortu eta dinamizatzeko ekimenei, komunitatearen (elkarte, udaletxe, osasun-zerbitzu eta bestelako eragileen) esku-hartzearen bitartez, batez ere Gipuzkoan, non horrelako ibilguneei Ttipi-ttapa izena eman baitzaie, ikerkuntza-ekintzat prozesu parte-hartzaileen bidez. 2017an, 27 udalek hartu dute parte ekimen horietan, eta 2018an jarraipena izango dute.

2018/07/01 Osasun sailburuordea

Oinezko Hirien Sarearen helburua da hirietan oinezko joan-etorriak bultzatzea. Euskadin, Gasteizko, Irungo, Errenteriako eta Zallako udalak daude proiektuan engaiatuta.

 

2018/07/01 Osasun sailburuordea

20-07-2018. Euskal erakundeek sustatutako Mugiment programak osasun-zerbitzuen eta kirol-zerbitzuen arteko koordinazioa bultzatu du, sedentarismoari aurre egiteko

Berria
2018.eko uztailak 20
Euskal erakundeek sustatutako Mugiment programak osasun-zerbitzuen eta kirol-zerbitzuen arteko koordinazioa bultzatu du, sedentarismoari aurre egiteko
2018/12/27 Osasun sailburuordea

«Elikadura osasungarriaren aldeko ekimenak Euskadin» proiektuaren lehen lan-urtea zela eta, 2018ko urriaren 17an, jardunaldi bat egin zen, eremu horretan izan diren aurrerakuntzen berri emateko, eta nabarmendu zen 20 enpresa edo erakunde baino gehiago atxiki zaizkiola proiektuari, eta 60 eragile baino gehiagoren elkarlana lortu duela.

Berria
2018.eko urriak 17
365 egun Euskadin elikadura osasungarria sustatzen
2018/12/27 Osasun sailburuordea

2018ko urriaren 25ean, Osasun Publikoaren eta Adikzioen Zuzendaritzak Osasun Sistema Nazionalaren jardunbide onen diploma jaso zuen, prozesu komunitario parte-hartzaileetara bideratzen diren eskola-bideak sortzeko laguntzen berrorientazioari buruzko lanaren ondorioz.

2019/01/03 Osasun sailburuordea

2018ko abenduaren 16az geroztik, Eusko Jaurlaritzak denboraldiko elikagaien egutegiak banatu ditu prentsa idatziko hedabide nagusietan —Ekonomiaren Garapen eta Azpiegitura Sailak, Elika fundazioaren bitartez, eta Osasun Sailak batera egindako ekimen baten barruan—.

Berria
2018.eko abenduak 15
Eusko Jaurlaritzak sasoiko elikagaien egutegiak banatuko ditu, egunkarien bidez, igande honetatik aurrera
2019/01/08 Osasun sailburuordea

MUGIMENT sareen esparruan, 2018. urtean, ZUIA-URKABUSTAIZ-KUARTANGOko sareetan hainbat esku-hartze abiatu dira, Jarduera Fisikoa Sustatzeko Zerbitzua sortu da AMURRION eta kontaktuak hasi eta talde sustatzailea sortu dira LAUDION eta LEGUTION. MUGIMENT sareetan hainbat erakundetako profesionalek hartzen dute parte, hala nola udaletako profesionalek, diputazioetako kirol-zerbitzuetako profesionalek, Osakidetzako profesionalek eta Eusko Jaurlaritzaren Osasun Saileko profesionalek.

EAEko hiru lurraldeetan 23 MUGIMENT sare zeuden 2018an (jarduera fisikoa tokian toki sustatzeko sektore arteko ekimena). (2019/05/16)

2019/06/04 Osasun sailburuordea

Elikadura Osasungarriko Ekimenen baitan, zehazki «Eskoletako jangelak eta sukalde zentralen baldintza-agiriak eguneratzea» izeneko 3. proiektuaren barnean, elikagaien testura eta zaporea hobetzeko asmoz eskoletako menuak aldatzeko proposamenak egin ziren 2018an. Proposamenon jarraipena ere egin zen. Hezkuntza Sailak sukalde zentralak kontratatzeko baldintza teknikoen pleguak aldatzeko proposamena ere egin zen. (2019/05/16)

2019/06/04 Osasun sailburuordea

2018-2019 ikasturtean, 77 ikastetxetako 6.586 gaztek parte hartu zuten tabako kontsumoa prebenitzeko Kerik Gabeko Gazteak programan (1.497 Araban, 2.782 Bizkaian eta 1.900 Gipuzkoan). (2019/05/16)

2019/06/04 Osasun sailburuordea

Osasuna sustatzeko jardueretarako diru-laguntzak esleitzeko prozeduraren deialdia egin da, 2019an Euskal Autonomia Erkidegoan tokiko eremuan parte hartzeko esparruan garatuko diren jardueretarako. (292.000 €) (2019-05-28)

Berria
2019.eko maiatzak 28
Gobernu kontseiluak toki eremuan osasuna sustatzeko laguntzen deialdiaren oinarriak onetsi ditu (Gobernu Bilera 2019-05-28)
2019/07/11 Osasun sailburuordea

Elikadura osasungarria eta adin goiztiarretan elikadura-ohitura onak eskuratzea sustatzen jarraitzeko, Osasun Sailak, Eusko Jaurlaritzako Hezkuntza Sailarekin elkarlanean, honako gida hau argitaratu du: “Eskolako jangeletan sukaldaritza erakargarria eta osasungarria izateko aholku praktikoak”. 600 ale zabaldu dira. Cateringetan eta eskola-jangeletan esperientzia handia duten sukaldariek prestatu dute, Basque Culinary Center-eko lagileen laguntzarekin. Neurria Osasun Sailaren Programan sartzen da: “Euskadin Elikadura Osasungarria izateko ekimenak”. Horren bidez, besteak beste, eskola-menuetan hobekuntzak sartu dira, eta, horrela, begetal, fruitu, zuntz eta arrain urdin gehiago sartu dira. (2019-09-06)

 

2019/09/09 Osasun sailburuordea