Gobernu Programa. Legealdia: 2016 – 2020

Ekimena 4. Herritar guztiei osasun-arreta bere lehentasunezko hizkuntzan, euskaraz ala gaztelaniaz, emango zaiela bermatu

Jarduerak Gaurkotze eguna Arduraduna

2020-2021 ikasturteko euskara ikastaroetarako deia egiten zaie Osakidetza-Euskal osasun zerbitzuko langileei eta Osakidetzari atxikitako Euskal Autonomia Erkidegoko Administrazioko langileei. (2020/06/23) 

2020/06/23 Osasun sailburuordea

348/2020 EBAZPENA, ekainaren 4koa, Osakidetza-Euskal osasun zerbitzuko zuzendari nagusiarena, hizkuntza-eskakizunak egiaztatzeko probetarako 2020ko ohiko bigarren deialdiko probetan parte hartzeko deialdia onartzen duena.

 

2020/06/15 Osasun sailburuordea

Hizkuntza-eskakizunak egiaztatzeko probetarako 2020ko ohiko lehenengo deialdiko probetan parte hartzeko deialdia onartu du Osakidetzak. (2020/02/18)

 

Hizkuntza-eskakizunak egiaztatzeko 2020ko ohiko lehenengo deialdia indarrik gabe utzi da. (2020/04/20) 

2020/06/22 Osasun sailburuordea

Historia kliniko elebiduna izateko helburuaren barruan, Euskara Zerbitzu Korporatiboak CIE 10 gaixotasunen nazioarteko sailkapenaren termino lagunkoiak euskaratu ditu. Termino horiek nahitaez erabili behar dira Estatuko osasun-zerbitzu guztietan.

Egindako lanaren balidazioaz arduratuko den profesional-talde bat eratu ostean, 2020ko lehen hilabeteetan balidazio-lan horri ekingo zaio; eta geroago esandako terminoak Osabide globalean kargatuko dira, erabili nahi dituzten Osakidetzako profesional guztien eskura egon daitezen.

Ekimen honek profesional euskaldunen eskaera etengabeari erantzuten dio. (2019/12/30)

 

2020/01/02 Osasun sailburuordea

Osanaia erizaintzako aplikazioa euskarara egokitzeko lanak beste fruitu bat eman du 2019an: hemendik aurrera erizaintzako alta-txostenak euskaraz sortu ahal izango dira, eta pazienteei nahi duten hizkuntzan entregatu ahal izango zaizkie. (2019/12/30)

 

2020/01/02 Osasun sailburuordea

 

Barrualde-Galdakao ESIak euskarazko arreta espezializatuko eskaintza jarri du martxan. (2019/12/04)

 

2020/01/02 Osasun sailburuordea

Osakidetzako Giza Baliabideen zuzendariaren ebazpen bitartez ezarri da zeintzuk izango diren diruz lagunduko diren proiektuak, pazienteen osasun maila neurtzera bideratutako galdetegiak euskaratu eta baliozkotu daitezen. Zehazki, Barrualde-Galdakao ESIko Ikerketa Unitateak koordinatutako bi proiektu izango dira eta erabilera orokorreko bederatzi galdetegi euskaratu eta baliozkotzea ahalbidetuko dute. (2019/05/16)

Aurreko ekitaldian bezala, Osakidetzako Giza Baliabideen zuzendariaren ebazpen bidez, laguntza-lerro bat deitu da, pazienteen osasun-maila neurtzera bideratutako galdetegiak euskarara egokitzeko eta baliozkotzeko. Hiru proiektu jaso dira, eta horietako bik ebazpenean ezarritako baldintzak betetzen dituzte; beraz, aipatutako laguntza jasoko dute. Iaz bezala, Barrualde-Galdakao ESIko Ikerketa Unitateak koordinatutako proiektuak dira. Ekimenaren helburua euskarazko erabilera orokorreko baliabideak izatea da. Diru laguntza jasoko duten proiektuak garatzearekin batera, euskarara egokituko dira, eta Osakidetzan maiz erabiltzen diren 14 galdetegi baliozkotuko dira. (2019/12/30)

 

2020/01/02 Osasun sailburuordea

 

Pazienteen lehentasunezko hizkuntzaren erregistroan aurrera egin da. 2019ko abenduaren 2an, pazienteen % 61,69k erregistratu du jada lehentasunezko hizkuntza, hau da, 1.489.940 erabiltzailek, eta horietatik 283.010ek hautatu dute euskara. Proiektu hori profesional elebidunak esleitzeari lotuta dago, eta bultzada bat da euskarazko laguntza-zirkuituak sortzeko. Gainera, aurten Osakidetzatik kanpoko gizarte-ekimenetan parte hartu da, proiektu hori gizarteratzeko. (2019/12/30)

2020/01/02 Osasun sailburuordea

KORRIKAren azken eguneko, 2019ko apirilaren 14ko, ospakizunaren ondoren jakin da 259.000 erabiltzailek baino gehiagok aukeratu dutela arreta euskaraz jasotzea, eta 2018. urtean inkesta bete zuten pertsona elebidunen % 74,1 pozik edo oso pozik zeudela laguntza-zerbitzuan euskarari ematen zaion erabilerarekin. (2019-04-26)

Berria
2019.eko apirilak 14
Osasun Sailak eta Osakidetzak klik! egin dute euskararen alde, Korrikaren azken egunean
2019/05/02 Osasun sailburuordea

Euskararen Erabilera Normalizatzeko Plana (2018-2022) 2018ko abenduaren 3an onartu zenetik, Osatek-ek neurri jakin batzuk ezarri ditu: euskara batzorde bat eta hizkuntza-normalizazio zerbitzu bat sortu ditu, langileei Plana azaldu die, dokumentuak itzultzen eta estandarizatzen hasi da. (2019-04-09)

Berria
2019.eko apirilak 08
Osateken Euskararen erabilera Normalizatzeko lehen Planaren helburua pazienteen hizkuntza eskubideak bermatzea eta euskara lan hizkuntza izatea da
2019/04/16 Osasun sailburuordea

2018an, proiektu bat abiarazi zen euskara-gaztelania itzultzaile automatiko neuronal bat garatzeko, testu klinikoetan espezializatua. Euskara Zerbitzu Korporatiboak, Kalitate eta Informazio Sistemen Zuzendariordetzak eta EHUko Informatika Fakultateko IXA taldeak bultzatutako proiektu hau aurrerapauso handia izan daiteke etorkizunean historia kliniko elebiduna lortzeko. Itzultzailea garatzeko, sareko profesional elebidunen laguntza behar da, corpus elebiduna sortzen lagunduko dutenak, bi hizkuntzetan baliokidea dena, itzultzaile neuronala trebatzeko. 2019an, aurkezpenak egiten ari dira zerbitzu-erakundeetan. Dagoeneko 9 aurkezpen egin dira, eta dagoeneko profesional asko ari dira aipatutako corpusaren sorreran laguntzen. 2020ko urtarrilerako, oraindik egin ez diren 3 ESIetako aurkezpenak aurreikusten dira. (2019/12/30)

2020/01/02 Osasun sailburuordea

Osatekeko Administrazio Kontseiluak 2018ko abenduaren 3an onartu zuen, aho batez, sozietate publiko honetarako euskararen erabilera normalizatzeko lehen plana.

2018/12/26 Osasun sailburuordea

2018ko Euskararen Eguna ospatzeko, Osakidetzak azterketa bat egin zuen, eta erakusten zuen Osakidetzako euskararen erabilera normalizatzeko Dekretua onartu zenean, hizkuntza-eskakizuna langileen % 7,6k egiaztatua zuela, eta, gaur egun, langile aktiboen % 46,6k. Era berean, 2017an pazienteen hizkuntza-lehentasunen erregistroa abian jarri zenetik, 244.360 erabiltzailek lehenetsi dute euskara.

Berria
2018.eko abenduak 03
Osatekek euskararen erabilera normalizatzeko plan berezia onetsi du, pazienteen hizkuntza-eskubideak bermatu eta euskara lan-hizkuntza bilakatzeko
2019/01/08 Osasun sailburuordea

Osatekeko Administrazio Kontseiluak, 2018ko ekainaren21a,  bere plantillan hizkuntza-eskakizunak esleitzeko akordio bat hartu du lehendabiziko aldiz, eta aurrera pauso bat da hizkuntza-normalizazioan.

Berria
2018.eko ekainak 27
Osatekek pauso bat eman du hizkuntza-normalizaziorantz, plantillan hizkuntza-eskakizunak esleitzeko akordio bat lehenbiziko aldiz hartzean
2018/07/03 Osasun sailburuordea

2017ko martxoaren 7an, Osasuneko sailburuak Eusko Legebiltzarrean eman zuen 2013-2019 Euskararen Erabilera Normalizatzeko II. Planaren betetze-mailaren berri. Halaber, bitarteko ebaluazioa osatzeko lanean ari dira. Osasun Sailak tarteko ebaluazioaren garapenean lan egin du. Egitasmoa 2018ko otsailaren 5ean aurkeztuko du Osasuneko sailburuak Eusko Legebiltzarreko Osasun Batzordean egingo duen agerraldi batean.

Berria
2017.eko martxoak 07
Osakidetzan Euskararen Erabilera Normalizatzeko II. Plana 2013-2019. Osakidetzako langileen herenak egiaztatu du bere lanpostuari dagokion hizkuntza eskakizuna
2018/01/25 Osasun sailburuordea

Euskararen Erabilera Normalizatzeko II. Plana garatzeko, 2017ko otsailaren 2an Osakidetzak “Lagundu egiguzu hobetzen. Aukeratu zure hizkuntza!” kanpaina abiarazi zuen., Horren helburua da Osakidetzako erabiltzaileak ohartaraztea, osasun-laguntza jasotzean erabili nahi duten hizkuntza zein den zehaztu dezaten. Azken xedea da pertsona guztiek osasun-arreta beren lehentasunezko hizkuntzan jaso ahal izatea, gaztelaniaz ala euskaraz.

 

Berria
2017.eko otsailak 02
“Lagundu egiguzu hobetzen: AUKERATU ZURE HIZKUNTZA!” Osakidetzak kanpaina bat jarri du abian erabiltzaileei jakinarazteko lehentasunezko hizkuntza jasota uzteko aukera dutela
Berria
2017.eko abenduak 02
Euskararen eguna 190.000 pertsona inguruk aukeratu dute euskara, Osakidetzarekin komunikatzeko lehentasunezko hizkuntza izan dadin
2018/12/27 Osasun sailburuordea

Osasun Karpetan pertsonaren lehenetsitako hizkuntza aukeratzeko aukera dago (euskara/gaztelania). “Nire datu pertsonalak” menuaren puntuan dago.

2017/07/19 Osasun sailburuordea