Gobernu Programa. Legealdia: 2016 – 2020

Ekimena 1. Informazio eta arreta pertsonalizatu osoa eta kalitatezkoa eman pazienteari, osasun-sistemaren baliabideak eta funtzionamendua hobeto ezagutu ditzan, eta, horrela, osasun-arreta pertsonal eta indibidualizatua bultza dadin

Jarduerak Gaurkotze eguna Arduraduna

Osakidetzaren Osasun Karpeta Osakidetzaren eta pazienteen zein erabiltzaileen arteko harremanetarako sareko plataforma da, eta eguneko 24 orduetan dago bertan sartzeko aukera, mundu osotik, ordenagailu, tableta edo smartphone bat erabiliz. Haren funtzionalitateak handitu ditugu 2017an; hala bada, gurasoek 16 urtetik beherako seme-alaben osasun-informaziora sartzeko aukera dute, eta gauza bera ardurapean ditugun pertsonei edota tutoretzapeko pertsonei dagokienez. 2015ean 116.000 sarrera izan ziren, 2016an 200.000, 2017an 396.000 eta 2018an 552.382. 2019ko lehen lau hilabeteetan, 282.084 sarrera izan dira dagoeneko.

Berria
2017.eko otsailak 13
Ia 50.000 pertsonak instalatu du bere telefono mugikorrean Osakidetzaren APP-a. Gaurtik aurrera pertsonekiko komunikazioa hobetzen duen beste bertsio bat dago erabilgarri
2019/06/04 Osasun sailburuordea

Aurreko legegintzaldian bezala, smartphonetarako aplikazioak garatu dira, esaterako, Osakidetzako Atari Mugikorra Aplikazioa. 2017ko lehenengo seihilekoan aplikazio berriak diseinatu dira, Mi tratamiento/Nire tratamendua, adibidez, medikazioaren jarraibideak behar bezala jarraitzen laguntzeko tresna, edo Bihotz Geldialdi baten aurrean laguntzeko aplikazioa.

2019an zenbait aplikazioren garapenean lanean ari gara. Honakoak dira uneotan garatuen ditugunak: Transfusioen eta Giza Ehunen Euskal Zentroak proposatutako aplikazio bat odol-ematea sustatzeko eta Serious Game teknologian oinarritutako aplikazio bat Haur Obesitateari Aurre Egiteko Programarentzat.

Berria
2017.eko martxoak 20
Osakidetzak App berri bat sortu du pazienteei bere tratamendu medikoa behar bezala jarraitzen laguntzeko
Berria
2017.eko apirilak 03
“Nire Tratamendua” APP-a, Euskadi osoan eskuragarri astelehen honetatik aurrera
2019/06/04 Osasun sailburuordea

Historia Kliniko Digitalaren (Osabideren) bidez Bertaratu gabeko Interkontsultak −lehen mailako arretako mediku baten eta ospitaleko mediku baten artean paziente baten osasun-arazoa aztertzea, pazientea ospitalera bertaratu gabe− hazi egin dira. 2018ko abendura arteko deribazioen % 11 egiten dute (2017ko arazoanan % 9 ziren) eta horrek lehen mailako arretaren erabakimena hobetzen du, sarean egindako lankidetzaren bitartez, eta ehuneko hori mantendu egiten da 2019ko apirilaren 30ean.

2019/06/04 Osasun sailburuordea

Osakidetzak gogobetetasun-inkestak egiten dizkie pazienteei hainbat jarduketa eremutan, hobetzeko aukerak detektatu eta urtean zehar abian jarritako egitasmoak ebaluatzeko helburuarekin. Inkestak jarduketa eremu hauetan egiten dira: lehen mailako arreta; familia-medikuen eta pediatren balorazioa; ospitalizazioa akutuentzako ospitaleetan, egonaldi ertain eta luzekoetan, eta ospitale psikiatrikoetan; kirurgia handi anbulatorioa; kanpoko kontsultak eta ospitaleko larrialdiak.

Balorazio orokorra oso positiboa izan da eremu guztietan. Gogobetetasun-inkestetan jasotako indizerik baxuena ospitale psikiatrikoetan ospitaleratutako pertsonena izan da, zehazki, pazienteon % 88,5ek egin dute jasotako arretaren balorazio orokor positibo bat.

2018/01/25 Osasun sailburuordea

Erregistraturik dauden Aldez Aurreko Borondateen Dokumentuen kopuruari dagokionez Euskadi lehena bada ere, 1.000 biztanleko 9,9 dokumentuko tasarekin, Gobernu Kontseiluak, 2018ko maiatzaren 2ko bileran, onetsi zuen 270/2003 Dekretua, azaroaren 4koa, Aurretiazko Borondateen Euskal Erregistroa sortu eta arautzekoa, aldatzea, eta espero da aldaketa horren ondoren dokumentua egiten dutenen kopurua % 33 handitzea.

2018/07/01 Osasun sailburuordea

Osakidetzaren sorreraren 35. urteurrena zela eta, Osasun Sailak eta Osakidetzak zenbait ekitaldi antolatu zituzten; besteak beste, argazki-erakusketa bat, euskal osasun-sistema publikoak oinarritzat dituen printzipioetan zehar ibilbide bat egiteko. Horrez gain, irailaren 27an, Bilbon, goi-mailako jardunaldi zientifiko bat egin zen; eta, azaroaren 16an, Donostian, ekitaldi sozial bat antolatu zen. Lehendakariak eman zien amaiera bi ekitaldi horiei.

2018/12/26 Osasun sailburuordea

2018ko azaroaren 10ean Lehen Mailako Arretako Erizaintzako eta Familia Medikuntzako kontsulten inguruko gogobetetasun-inkesta aurkeztu zen. Bertan, % 97k dio, hautatzeko aukera izango balu, arreta eman dioten zentrora itzuliko litzatekeela (2013an baino % 10 gehiago).

Berria
2018.eko azaroak 10
Hamar pazientetik seik bikain kalifikazioa eman diote Osakidetzako osasun zentroetan jasotako arretari, 2013ko kalifikazioa baino % 10 handiagoa
2019/01/17 Osasun sailburuordea