Gobernu Programa. Legealdia: 2016 – 2020

Ekimena 3. Osasunaren Tokiko Sareak finkatu eta zabaldu, Lehen Mailako Arretako zerbitzuen, Osasun Publikoko zerbitzuen, udalen eta tokiko sektore eta elkarteen artean lankidetzan aritzeko egitura gisa.

Eremua: PERTSONAK
3 Guztiontzat eta adin guztietan bizimodu osasungarria bermatzea eta ongizatea sustatzea.
Jarduerak Gaurkotze eguna Arduraduna

 

2019an, Osasun Publikoaren eta Adikzioen Zuzendaritzaren proposamen bat aukeratu da herritarrek parte hartzeko prozesuen salutogeno-potentzialari buruzko ezagutza emango duen proiektu pilotu bat garatzeko. Proiektu hau 2018-2020 aldirako Euskadiko Gobernu Irekirako Ekintza Planaren 3. konpromisoaren parte da, eta laborategi bat (I-Lab) sortzea du helburu, herritarren parte-hartzea sustatzeko irtenbide zehatz eta erabilgarriak ikertu, entseatu, ikasi eta eraikitzeko.

Proiektuak osasunaren ikuspegi positiboa hartzen du oinarritzat, eta herritarren partaidetza-prozesuei aparteko balioa ematearen alde egiten du, haien izaera edo helburua edozein dela ere, herritarren ongizatea eta osasuna hobetzen eta komunitatearen osasun-arloko desberdintasunak murrizten laguntzeko. (2019/12/11)

2019/12/11 Osasun sailburuordea

 

Ibilbide osasungarriak sortzen laguntzea, dinamika komunitarioak errazteko. 2018an, Osasun Publikoko eta Adikzioetako langileek ibilbide osasungarriak abian jartzen parte hartu dute 26 udalerritan, jarduera fisikoa bultzatzeko, bai eta gizarte-kohesioa, belaunaldien arteko harremanak eta toki-mailako adinekoen ongizate emozionala bultzatzeko ere. (2019/12/11)

 

2019/12/11 Osasun sailburuordea

Parte-hartze komunitarioko prozesuak bultzatzea toki-mailan. 2018an, 15 udalerritan, Osasun Publikoaren eta Lehen Mailako Arretaren laguntzarekin, hasierako harremanak izan dira udalekin, prozesu komunitarioak abian nola jarri aztertzeko. (2019/12/11)

2019/12/11 Osasun sailburuordea

Toki-erakundeentzako laguntzen urteko deialdia, toki-mailan osasuna sustatzeko ekintzak eta estrategiak lehenetsi, planifikatu eta garatzeko parte-hartze komunitarioko prozesuak sortu eta/edo dinamizatzera bideratutako jarduerak finantzatzeko. Azken deialdia Osasuneko sailburuaren 2019ko maiatzaren 29ko Agindua da. (2019/12/11)

2019/12/11 Osasun sailburuordea

Euskadi Aktiboa proiektuak aktiboen konexioa errazten du (komunitate bateko hainbat eragile eta baliabide), eta pertsonen eta taldeen parte-hartzea eta gaitasuna sustatzen du, beren komunitatean osasuna koproduzitzeko prozesuak sortzeko. Hala, orain arte 265 aktibo jaso dira plataforman osasunerako. (2019/12/11)

2019/12/11 Osasun sailburuordea

2018ko abenduaren 10ean, Osasun Sailak eta Osakidetzak, Vitoria-Gasteizko Udalaren kirol-jardueretarako udal-programarekin koordinatuta, fisioterapiako proiektu pilotu bat jarri dute abian lehen mailako arretan. Helburua da sorbaldako eta bizkarrezurreko mina duten pertsonei arreta egitea osasun-etxeetan bertan, talde- eta heziketa-tratamenduaren bidez.

2019/01/03 Osasun sailburuordea

2018ko abenduaren 10ean, Osasun Sailak lagundu eta parte hartu zuen Droga-menpekotasunen Deustuko Institutuak antolatutako droga-mendekotasunen arloko aurrerapenei buruzko XXV. sinposioan. Sinposioaren gaia “Garapen komunitarioa, osasuna eta bizi kalitatea” izan zen.

2019/01/03 Osasun sailburuordea

2018ko azaroaren 7an, osasunaren sustapeneko eta osasun publikoko langile teknikoen prestakuntzako azken jardunaldia egin zen. Helburua izan zen osasuna sustatzeko etorkizuneko lanerako ibilbide-orria sortzea, Osasun Publikoaren eta Adikzioen Zuzendaritzaren, Zuzendariordetzen eta Osasun Publikoko Eskualdeen mailan.

2018/12/28 Osasun sailburuordea

2017ko maiatzaren 12an Osasun komunitarioa eta osasun sustapenari buruzko IV. Jardunaldia ospatu zen Bilbon eta bertan parte hartu zuten Eusko Jaurlaritzak, UPV/EHUk eta Opik-ek: “Kontsultatik politiketaraino, gizarte-baldintzatzaile jarduten biztanleriaren osasuna hobetzeko”.

2018ko apirilaren 4an, Osasuna eta Osasun Komunitarioa Sustatzeko V. Jardunaldia egin zen: «Udalerria osasuna sortzeko gune bezala».

2019/06/04 Osasun sailburuordea

2017ko maiatzaren 19an, ESI Ezkerraldea Enkarterri Cruces-eko Portugaleteko Lehen Mailako Arretako unitateak (Buenavista, Castaños eta Repélega zentroak), Osasun Publikoaren eta Adikzioen Zuzendariordetzarekin eta Portugaleteko Udalarekin batera Red Local de Salud – Osasunsarea Portugalete  jarri zuten abian. Horren helburua da osasuna sustatzeko esparru komuna eraikitzea, politika eta jardueren artean sinergiak sortu eta udalerriko biztanleen parte-hartzea eta ahalduntzea hobetzea.

Berria
2017.eko maiatzak 19
Osasun Sailak eta Portugaleteko Udalak Osasunsarea sortu dute, bizi proiektu osasuntsuak sustatzeko tokiko osasun sarea
2017/07/19 Osasun sailburuordea

2018an ekintza komunitarioa garatu eta indartu da osasun-arloan, horretarako populazioen araberako esku-hartzeak indarrean jarriz tokian tokiko agente guztien protagonismo eta partaidetzarekin. 2018an 176 prozesu komunitario garatu dira. (2019/05/16)

2019/06/04 Osasun sailburuordea