Gobernu Programa. Legealdia: 2016 – 2020

Ekimena 1. "Osasun Eskola" ekimena indartuko da, haurtzarotik bizitza‑estilo osasuntsuagoak sustatzeko, baita osasun-zerbitzuen erabilera egokia ere

Eremua: PERTSONAK
3 Guztiontzat eta adin guztietan bizimodu osasungarria bermatzea eta ongizatea sustatzea.
Jarduerak Gaurkotze eguna Arduraduna

Pazienteak aktibatzeko OEren planen baitan dago “Plan Prescribiendo información, Aconsejando salud” plana, 2015eko urte amaieran abiarazitakoa. Plana lehen mailako arretako osasun-profesionalei zuzendutakoa da eta horren helburua da Osakidetzaren webgunean osasunari buruz aurki daitekeen informazioa behar bezala erabiltzeko herritarrak sentsibilizatzea da. Horrez gain, kontsultan bertan emateko materialak ere eskaintzen ditu. 2017ko urtarriletik aurrera, Plan hori ospitale alorreko osasun-profesionalei ere hedatu zaie.

2017/07/19 Osasun sailburuordea

2017 urte hasieratik prestakuntza-programa bat garatu da “min kroniko eta zorrotza kudeatzea” gaiari buruzkoa. Oinarrizko mailakoa da eta euskal osasun-sistema publiko osoko profesionalei zuzendutakoa da.

2017/07/19 Osasun sailburuordea

Osasun-Eskolak herritarren ahalduntzea helburu duten ekimenak biltzen ditu. Ahalduntzea herritar guztiengan, orokorrean, zein gaixotasun kronikoa duten pertsonengan eta zaintzaileengan lortzea da helburua. Bestalde, legegintzaldi honetan garatu nahi den beste ildoa osasun-desberdintasunak murriztea da.

 Ildo horretatik, eta zehazki ijitoen komunitatearen kasuan –kolektibo horretan bizi-itxaropena 60 urtetik beherakoa da−, 2017ko martxoaren 15ean paziente biziaren metodologiaren arabera egituratutako programa bat jarri zen abian: “Nire osasuna biziki zainduz” ijito herrira egokitu zen. Programa horren bidez, ijito-komunitateko 24 begirale prestatu dira eta hiru prestakuntza-tailerren bitartez 40 pertsona prestatu/aktibatu dira. Tailer horiek datozen urteetan ere egingo dira.

2018an 211 pertsona aktibatu dira; horien artean, % 95,5 emakumeak dira.

2019 maiatzaren 22an, EAEko ijito komunitatearen osasuna hobetzeko programak Francisco Garcés Rova Saria jaso du Asistentzia Soziosanitarioaren Espainiako Sozietateak emanda. . (2019/05/22)

Berria
2017.eko martxoak 15
Osasun sailak Paziente Bizia programaren lerro espezifiko bat sortu du Euskadin ijito komunitatearen osasuna hobetzeko
Berria
2019.eko maiatzak 22
Euskal ijitoen komunitatearen osasuna hobetzeko Osakidetzaren programak Laguntza Soziosanitarioaren Espainiako Sozietatearen saria jaso du
2019/05/31 Osasun sailburuordea

2017ko urtarrilaz geroztik, ekimen berri bat abiarazi da, pazienteek beren gaixotasuna autokudeatzea errazteko helburuz. Horretarako, osasun-langileen prestakuntza-estrategia garatu da. Estrategiaren helburua da pazienteak aktibatzeko tresnak eskaintzea: talde-tekniken bitartez hezkuntza sanitarioa eskaintzea, erabaki partekatuetarako metodologia, sustapen- eta prebentzio-jarduerak edota ohitura osasungarriak izateko aholkuak.

2018ko urtean prestakuntza-jarduketa 298 burutu ziren, eta 11.051 profesional etorri ziren haietara.

2019an zehar, zenbait online ikastaro diseinatzen ari dira profesionalentzat, pazienteen gaixotasunaren autokudeaketan eragingo duten gaiak sustatzeko. (2019/05/10)

2019/05/22 Osasun sailburuordea

Paziente Bizia-Paciente Activo programaren metodologiari jarraiki, 2017an on line bidezko prestakuntza-programa bat diseinatzen ari gara, paziente edota zaintzaileak aktibatzeko. Horren helburua da gazteengana iristea, baita aurrez aurreko tailerretara hainbat arrazoigatik bertaratu ezin diren pertsonengana iristea ere.

2018an, guztira 6 ikastaro egin dira eta, gutxi gorabehera, 150 pertsonak hartu dute parte.

2018/12/28 Osasun sailburuordea

2017ko azaroaren 22an, Iñigo Urkullu lehendakariak Minbizia izan ondoren nire osasuna zaintzen begiraleen lehen prestakuntza tailerra inauguratu zuen. Inaugurazio ekitaldiaren ondoren, lehendakariak Osakidetzaren Osasun Eskolako «Paziente Bizia-Paciente Activo» programako tailerrean parte hartu zuen.

Berria
2017.eko azaroak 22
Eusko Jaurlaritzak minbizia gainditu duten pertsonen auozaintzarako lehenengo programa jarri du abian
2018/01/30 Osasun sailburuordea

Osasun Eskolari indar handiagoa emateko, bi lantalde eratu dira: Osasun Eskolako Batzorde Teknikoa da eta Osakidetzako zerbitzu-erakundeetako partaideekin osatutako Sarea da bestea.

2018/06/30 Osasun sailburuordea

Osasun Eskolako webgunea hobetzeko, lantalde bat eratu da gaur egun dituen edukiak berrikusteko, eta web-orria bera birdiseinatu egin da atseginagoa eta erabilgarriagoa eginez.

2018/06/30 Osasun sailburuordea

Osasun Eskolaren bitartez, Osakidetza plataforma bat lantzen ari da sare sozial gisakoa izan dadin, non pazienteek eta haien familiartekoek elkarrekin jardungo baitute berdintasun-giroan nork bere esperientziak azaltzeko.

2018/06/30 Osasun sailburuordea

18-09-2018. Osakidetzak 6.000 “paziente aktibo” inguru prestatu ditu Osasun Eskolaren ahalduntzeko programetan

Berria
2018.eko uztailak 23
Osakidetzak 6.000 “paziente aktibo” inguru prestatu ditu Osasun Eskolaren ahalduntzeko programetan
2019/01/07 Osasun sailburuordea

2019ko lehen seihilekoan dokumentu estrategiko bat egingo da Osasun Eskola sustatzeko eta 2019-2022 urteetarako zerbitzu-zorroa zehazteko. (2019/05/10)

2019/05/22 Osasun sailburuordea

2019an zehar online metodologiak (banaka eta taldean) garatzen ari dira zenbait gairen inguruan (tabakoa, alkohola...), paziente gehiago biltzeko helburuarekin, batik bat gazteak. Metodologia horiek aplikazio eta erreminta mugikor ugari erabiliko dituzte (smartphoneak, tabletak, sare sozialak...). (2019/05/10)

2019/05/22 Osasun sailburuordea

Euskadin ijitoen komunitatearen osasuna hobetzeko Osakidetzaren programak Laguntza Soziosanitarioaren Espainiako Sozietateak ematen duen Francisco Garcés Roca saria jaso du Xixonen. Saritutako ekimena beren osasunaren zaintzan herritarrak ahalduntzeko Paziente Bizia programaren baitan dago. Ekimena, Eusko Jaurlaritzako Osasun Sailak sustatu zuen 2016an, ijitoen komunitateak osasun-eremuan bizi dituen gizarte-desparekotasunak murrizteko.

Egun, saritutakoaz gain, hiru tailer ditu abian Osakidetzaren Osasun Eskolaren esparruan Euskadi osora zabaldu den Paziente Biziak: “Nire osasuna aktiboki zainduz”; “Nire diabetesa zaintzen”; eta minbizitik bizirik irten diren “Minbiziaren ondoren nire osasuna zaintzen”, azken hau ere, iaz saritua. Guztira, Euskadiko ia 7.000 pazientek eta zaintzailek parte hartu dute, eta, bertan, 350 monitore inguru  daude. Paziente Biziak hainbat sari jaso ditu, besteak beste: 2016an Teknologia eta Osasuna fundazioak emandakoa, autonomia-erkidego batek sustatutako kronikoen programarik onenagatik, eta Angel Muriel fundazioaren Zainketa Onkologikoen eta Aringarrien inguruko Erizaintzako Ikerketako III. saria, iazko edizioan.  (2019-11-07)

 

2019/11/08 Osasun sailburuordea