Gobernu Programa. Legealdia: 2016 – 2020

Ekimena 4. Herritarren parte-hartzeari leku handiagoa eman osasun-zerbitzuen antolaketan eta erabakiguneetan, eta pazienteen elkarteekin lankidetza izatea sustatu, gaixotasuna hobeto ezagutzeko eta bizi-kalitatea hobetzeko tresnak garatzeko xedez

Eremua: PERTSONAK
3 Guztiontzat eta adin guztietan bizimodu osasungarria bermatzea eta ongizatea sustatzea.
Jarduerak Gaurkotze eguna Arduraduna

Euskadin organo-emateen eta -transplanteen jarduerak COVID-19aren pandemiaren aurreko erritmoari heldu dio berriro. Hil hauetan, presako eta lehentasunezko pazienteentzako arreta bermatu da, eta, aldi berean, organo-emaileek hartzaileei infekziorik ez transmititzeko neurriak hartu dira. Organo Emaileen Eguna dela eta, euskal herritarrei dei egin zaie organo-emateen bidez bizitzak salbatzen laguntzen jarraitzeko. (2020/06/03)

 

2020/06/10 Osasun sailburuordea

Eusko Jaurlaritzako bi Sailek, Gobernantza Publiko eta Autogobernu Sailak eta
Osasun Sailak hain zuzen, onura publikoko izaera  aitortu diote Arnasa elkartea (Bizkaiko fibrosi kistikoaren elkartea) (2020/01/14) 

2020/01/20 Osasun sailburuordea

Euskadi milioi biztanleko 65 organo-emailetara heldu da 2019an. Azken bost urtean, milioi biztanleko (pmp) 60 organo-emailetara heldu da batez besteko tasa, nazioarteko abangoardian, eta pmp 40 organo-emailetik gora dago 2000. Urtetik. Guztira 2.584 pertsonak jaso dute trasplantea azken hamarkadan Euskadin; 2019an milioi biztanleko 124 trasplante izan ziren. Emaile biziaren giltzurrun-trasplantea % 38 handitu zen iaz. (2020/01/10)

 

2020/01/13 Osasun sailburuordea

2019ko irailaren 19an, Menorcako Osasun Publikoaren Eskolaren (EMSP) XXX. Edizioan, Osasun Sistema Nazionaleko Herritarrentzako Osasun Eskolen Sarearen Topaketa egin zen, eta Euskadik Osasun Eskola programarekin parte hartu zuen (2019/09/19).

 

2020/01/07 Osasun sailburuordea

 

Osasun Eskola programaren (OE) berrabiarazte estrategikoaren esparruan, partaidetza-saio bat egin zen herritarrekin eta pazienteen eta familien elkarteekin. (2019/11/25) 

2019/11/26 Osasun sailburuordea

EZKERRALDEA ENKARTERRI CRUCES ESI-ak eta IKEA-k bat egin dute helduak ospitaleratzeko zenbait gela humanizatzeko Bi erakundeen Erantzukizun Sozial Korporatiboaren estrategiari esker, eta haien arteko elkarlanaren ondorioz, ospitaleetako zenbait toki pazienteentzako eta senideentzako atseginagoak bihurtzen ari dira. Oraingoan, paziente helduak egon ohi diren guneak humanizatu dira; hain zuzen, Onkologia Medikoko Zerbitzua eta Hematologia Zerbitzua (1. solairuko E eremuan) eta Endokrinologia Zerbitzua (kanpoko kontsulten eraikuntzako 1. solairuan). Eremu guztietan jarri dira apaingarriak, ingurunea atseginagoa eta koloretsuagoa egiten duten koadroak, elikadura egokiarekin lotutako irudiak, pazienteentzat lagungarriak izan daitekeen informazioa jartzeko panel imanduak, informazio interesgarria, etab. (2019/07/09).

 

2019/07/15 Osasun sailburuordea

Osasun Saila eta Osakidetza odol-emaileak bilatzen ari dira, Euskadiko egungo erreserbak hobetzeko. 52.000 pertsona inguruk eman zuten odola 2018an; horietako 8.200ek lehen aldiz. Iaz, 87.707 aldiz eman zen odola. 2019an, orain arte (ekainera arte), 46.499 aldiz eman da odola, erregistroaren arabera. Horrela, bada, Euskadik Estatuan odol-emaileen indize handiena duen autonomia-erkidegoetako bat da. Hala ere, odol-osagaien kontsumo-tasa handiak ere baditu, Osakidetzako osasun-jardueraren ondoriozkoak eta, batez ere, uda sasoiko beharren gorakadaren ondoriozkoak.  Osasun Sailak eta Osakidetzak odola emateko egiten duten dei berri hori, Euskadiko Odol Emaileen Elkartearekin bat etorriz, publizitate-kanpaina batekin sendotu da, eta horrek animatu egiten du osasun-sistema publikoarekin solidarizatzera. 35.000 pertsona baino gehiago tratatzen dira, urtero, odol-osagaiei eta medikamentu eratorriei esker; horiek odol-emateen bidez baino ezin dira lortu. Horiek gabe, osasun-asistentzia, kasu askotan, ezinezkoa izango litzateke.  (2019/7/4)

 

2019/07/12 Osasun sailburuordea

Osasun Eskolaren barnean, monitoreentzako VII. Omenaldi Ekitaldia egin zen 2019ko urtarrilaren 24an. Jarduera hezigarri/parte-hartzaile horretan, monitoreek beren esperientziak azaldu eta iritziak partekatu zituzten, programa hobetzeko helburuarekin. (2019/05/10)

2019/05/22 Osasun sailburuordea

2019ko martxoaren 1ean, topaketa egin zen odol-emaileen elkarteekin, Iñigo Urkullu lehendakaria buru zela; bada, horren harira jakinarazi denez, 2018an 52.000 pertsonak eman zuten odola Euskal Autonomia Erkidegoan, non urtero 30.000 paziente tratatzen diren odol-deribatuei esker. (2019-03-29)

Berria
2019.eko martxoak 01
52.000 pertsona inguruk odola eman zuten 2018an Euskadin; bertan, odol deribatuei esker, urtero, 30.000 paziente tratatzen dira
2019/04/03 Osasun sailburuordea

2018ko uztailean onartu da 100/2018 Dekretua, Osakidetza ente publikoan txertatutako erakunde sanitario integratuena. Dekretu horrek pertsona jarri du asistentzia-jarduketaren erdigunean, eta herritarren parte-hartzea egituratu du, erakundeen oinarri nagusi izateko. Berariaz aipatzen du herritarren parte-hartzea ESIetako zuzendaritza-organoen esparruetako bat dela, eta, gainera, parte hartzeko organoak egituratzen eta sustatzen ditu. Esaterako, gizarte-kontseilua sortzea barne hartzen du, erakunde sanitarioa kokatuta dagoen lurraldeko udal- eta foru-esparruetako, eta komunitate-, ekonomia- eta gizarte-esparruetako ordezkarien ikuspegia txertatuta. Horrek ikuspegi asistentziala osatzen du, eta, ez dut zalantzarik bat ere, aberastu ere bai.

2019/02/04 Osasun sailburuordea

Herritarrak osasunean ahalduntzea lortzeko lanketa koordinatua eta parte-hartzailea egitearen garrantziaz herritarrak eta osasun-sistemako profesionalak sentiberatzeko asmoarekin, joan zen 2018ko apirilaren 17an Osasun Eskolaren bidez Osasun Eskolako I. Jardunaldia antolatu zen “Elkarrekin ahaleginduz osasunean ahalduntzeko”. Jardunaldi horretan 180 lagun baino gehiagok hartu zuten parte, Osakidetzakoak zein herritarrak eta sistemaz kanpoko eragileak.

2018/06/30 Osasun sailburuordea

Ezkerraldea Enkarterri Gurutzeta ESIaren eta IKEA enpresaren Gizarte Erantzukizun Korporatiboko estrategia egikarituz, Pediatriako Zainketa Intentsiboetako Unitateak badu “Ikea Gela” berri bat, unitate horretan ospitaleratuta dauden haurren familiartekoen atsedenerako.

2018/06/30 Osasun sailburuordea

2018an Euskadin 64,4 milioi organo-emaile izan ziren milioi bat biztanleko, eta azken bosturtekoan 50 emailetik gora daude milioi bat biztanleko. Beraz, munduan aitzindariak gara, eta ONT erakundeak 2022rako ezarrita zituen helburuak gainditu ditugu.

2019/02/04 Osasun sailburuordea

Osasun Sailak, Osakidetzak eta Euskadiko Odol Emaileen Elkarteak euskal herritarren solidaritatea ontzat hartzen dute, 2017an 58.538 pertsonek eman baitute odola, eta 7.361 emaile berrik eman baitute izena.

2018/06/30 Osasun sailburuordea

2017ko abenduaren 27an, Eusko Jaurlaritzak, Luzon Fundazioak eta ADELA Euskal Herria elkarteak hitzarmen bat sinatu dute, instituzio sinatzaileen arteko lankidetzarako marko egonkor bat ezartzen duena, Euskadin 150 pertsona inguruk pairatzen duten alboko esklerosi amiotrofikoari buruzko ikerketak bultzatzeko. Gaitz neurodegeneratibo sendaezina da alboko esklerosi amiotrofikoa.

Berria
2017.eko abenduak 27
Eusko Jaurlaritzak, Luzón Fundazioak eta Adela Euskal Herria elkarteak indarrak batu dituzte alboko esklerosi amiotrofikoa duten pertsonen bizi kalitatea hobetzeko
2018/01/30 Osasun sailburuordea

Paziente-elkarteekin harreman estua mantentzeko helburuz, Osasun Saila bilera eskatu duten elkarte guztiekin bildu da, eta horien artean daude: Elhers Danlos Giltzaduraren Hiperlaxotasun Sindromea duten pertsonen elkartea, ASPANOVAS, Euskal Gorrak, FEATECE, Euskal Herriko Fibrosi Kistikoa Elkartea, Euskadiko Polio Elkartea, Jehovaren lekukoak, ADELA, etab

2017/07/19 Osasun sailburuordea

Osasun Eskolaren (OEren) helburua da hainbat paziente-elkarte gehitzea, lan-saio, jardunaldi eta abarren bitartez, OEren web-plataforma egokitu eta berrikuntzak gehitzeko, kolektibo horien beharrizan eta itxaropenei erantzuna ematea xede. Ildo horretatik, pasa den 2017ko ekainaren 14an workshop bat antolatu zen eta bertan parte hartu zuten sare sozialetako erabiltzaileek, paziente-elkarteek, zaintzaileek, hirugarren sektoreak eta beste kanpo-eragile batzuk.

2017/07/19 Osasun sailburuordea