Jarduketak ordena kronologikoaren arabera (4697)

Data	Jarduera
2022/12/30	Langabeei zuzendutako teleprestakuntza-modalitatean egiazta daitekeen prestakuntza-eskaintza finantzatzeko laguntza-programa, parte-hartzaileek profesionaltasun-ziurtagiriak lor ditzaten. 2023-2024 deialdia (2.000.000.- €) (2022/12/30). Informazio gehiago. Ekimena 2. Saihestea 45 urtetik gorako pertsonen langabezia kronifikatzea, laneratzeko prestakuntza ekintza integralekin eta laguntza pertsonaleko ekintzekin, genero-ikuspegia txertatuz. Arreta berezia emango zaie ezgaitasunen bat duten pertsonei.
2022/12/30	Debagoieneko Ospitaleko eraikin zaharra eraisteko lanak hasi dira, pabiloi berri bat eraikitzeko. Pabiloi horren bidez, eguneko ospitale mediko-kirurgikoa handitu, endoskopia-zerbitzua eskainiko duen digestio-unitate berri bat eta errehabilitazio-zerbitzu berri bat sortu eta erresonantzia magnetikoko gela bat integratu ahal izango da Ospitalearen barruan. Obraren inbertsioa 25 milioi eurokoa da. Ekimena 1. Osasun-instalazioak eta ekipoak hobetzeko eta modernizatzeko berariazko plan bat onestea legegintzaldi osorako, zehazki, jarduera hauek aurreikusten dituena: osasun-azpiegituren berritzea; X izpien ekipamenduen eta anestesia-ekipoen berritze mailakatua; bloke kirurgikoak, endoskopia-gelak, hemodinamikoa, erradioterapia eta ospitaleetako gainerako ekipamendu medikoak eta instalazioak modernizatzea eta handitzea eta bereizmen handiko zentro bat eraikitzea Tolosan.
2022/12/30	Lehen Aukera laguntza-programa. Beren tituluarekin lotutako lanetan esperientzia gutxi edo batere esperientziarik ez duten gazte langabeak sartu ahal izango dira. 2023ko deialdia (7.000.000.-€) (2022/12/30). Informazio gehiago. Ekimena 4. “Enplegu eta susperraldi ekonomikoko esparru-programan” txertatutako Gazteen Enplegurako Txoke-plan bat onestea eta abian jartzea, 30.000 gazteri lehenengo lan-esperientzia bat eskaintzeko. Hauek izango dira plan horren jarduketa-Ardatzak: gazteen enplegurako prestakuntza duala; hezkuntza-mundutik lanerako trantsizioa; prestakuntza-bekak eta esperientzia profesionala kontratazio-konpromisoarekin; gazteen laneratzerako eta enplegurako berariazko programak; ekintzailetzaren garapena; gazteen autoenplegua eta start-upak; tokiko zein eskualdeko enplegu-planak; enplegu publikoko eskaintzak eta gazteen kolektiboan bereziki enplegu-prekarietatea murrizteko programak.
2022/12/30	Euskal Autonomia Erkidegoko Segurtasun Administrazioko zerbitzu laguntzaileetako enplegu publikoa finkatzeko salbuespenezko prozesuak arautuko dituzten oinarri orokorrak onartu dira. Guztira 315 plaza eskaini dira. Ekimena 3. Larrialdiei Aurre Egiteko eta Babes Zibilerako Euskal Sistemarekiko lankidetza-mekanismoetan sakontzea, larrialdietarako zentro adimendun bat abiaraziz eta hondamendietan laguntzeko unitateak sortuz, beharrezkoa izatekotan, lurralde artean eta autonomia erkidegotik kanpo jarduteko gaitasuna izango dutenak.
2022/12/29	Emakunde-Emakumearen Euskal Erakundea / Elkartegintza sustatzeko eta emakumeek Euskal Autonomia Erkidegoko esparru guztietan parte hartzeko laguntza-programa. 2023ko deialdia (400.000.-€) (2022/12/29). Informazio gehiago. Ekimena 2. Emakumeen elkarte-mugimenduaren eta mundu feministaren ekimenak sustatzea ahalduntze-proiektuetan eta balio-aldaketako proiektuetan.
2022/12/29	Emakunde-Emakumearen Euskal Erakundea. Enpresa eta erakunde pribatuentzako dirulaguntza-programa, aholkularitza-enpresa homologatuak kontratatu ditzaten, emakume eta gizonen arteko berdintasunari buruzko diagnostikoak eta berdintasun-planak egiteko, minimis laguntzen araubidea baliatuta. 2023ko deialdia (400.000.-€) (2022/12/29). Informazio gehiago. Ekimena 1. Berdintasun-planak bermatzea 50 langile baino gehiagoko enpresetan eta, 50 langile baino gutxiagoko enpresetan, berdintasun-planen negoziazioa sustatzea, betiere Gizarte Elkarrizketarako Mahaian lortutako akordioei jarraiki.
2022/12/29	Repsol Fundazioarekin hitzarmen bat formalizatzea, hiri-berroneratze integralari buruzko lan-foroa sortzeko. Ekimena 8. Euskadiko Epe Luzerako Hiri Berroneratzeko Estrategia lantzea, arreta berezia jarriz honekin lotutako alderdietan: energia-eraginkortasuna, osasuna bermatzeko baldintzak, erosotasuna edo txirotasun energetikoaren arriskuaren deuseztapena.
2022/12/29	Toki-erakundeei eta haiek sustatutako erakundeei kontsumitzaileen eta erabiltzaileen eskubideak eta interesak sustatu eta babesteko dirulaguntza programa 2023ko deialdia (1.150.000.-€)(2022/12/29) Ekimena 1. Kontsumitzaileak defendatzen lan egiten duten organismo guztien jarduketak koordinatzea, horrela horien eskubideak babesteko ekintzak indartzeko. Kontsumitzaileen babes integrala bermatzea lehenetsiko da, sail zein erakunde arteko lankidetza hobetuz. Akordio berriak diseinatuko dira eragile giltzarriekin eta kontsumo-politikekin lotutako eragile guztien erantzunak homogeneizatuko dira.
2022/12/29	Euskal Autonomia Erkidegoko udalerri, koadrila eta mankomunitateei zuzendutako dirulaguntza-programa. Dirulaguntza horiek emakume eta gizonen berdintasunari buruzko diagnostikoak egiteko eta/edo berdintasunerako planak prestatu eta ebaluatzeko behar den laguntza teknikoa emateko bideratuko dira. Convocatoria 2023 (500.000.-€) (2022/12/29). Informazio gehiago. Ekimena 1. Indarkeria matxistaren prebentzioa eta horren aurkako borroka eta berdintasunaren bultzada berria berariaz aurreikusten dituen Berdintasun Lege berria onestea.
2022/12/29	Emakundek 2023. urtean emakumeen eta gizonen berdintasunari buruzko ikerlanak egiteko hiru bekatarako deialdia egin du. Informazio gehiago. (69.999.-€) Ekimena 3. Aurrera egitea intersekzionalitatean, emakume guztien premia desberdinei hobeto erantzuteko.
2022/12/29	Enplegua egonkortzeko salbuespenezko prozesurako deialdia egiten da Hezkuntza Saileko hezkuntzako lan-legepeko hezitzaileen lan-kategorietako plazak modu finkoan betetzeko (520 plaza) Ekimena 9. Irakasleen eta hezkuntza-langileen egonkortasuna finkatzea, egiturazko bitartekotasuna 10 puntu murrizteko helburuan aurrera.
2022/12/29	Emakumeen aurkako indarkeria-portaerei buruzko sentsibilizazio- eta prebentzio-jarduerak bultzatzen eta sustatzen dituzten erakunde, elkarte eta fundazioei zuzendutako dirulaguntza-programa. 2023ko deialdia (300.000.-€) (2022/12/29). Informazio gehiago. Ekimena 4. Indarkeria matxistaren biktima diren emakumeak identifikatzea sustatzea, gero emakume horiekin esku hartzeko tresna berriak txertatuz.
2022/12/29	Euskadiko Garraio Agintaritzak jakinarazi du berriro ere laguntza emango diela tokiko administrazioei Euskadiko garraio publikorako hobariak finantzatzeko, 2022ko azken lauhileko honetan deskontuen lehen fasea egin ondoren. Deskontuak % 50ean mantentzen dituzten udal eta aldundiei laguntza luzatuko zaie. Ekimena 3. Integratutako garraio publiko kolektiboa eta horren intermodalitatea sustatzea tarifa-integrazioarekin eta txartel bakarrarekin, Hiri-mugikortasun Jasangarriko Planen garapena sustatuz tokiko eskalan eta garraio publikoaren erabilera intentsiborako hobariak emanez.
2022/12/29	Enplegua egonkortzeko salbuespenezko prozesuetarako deialdia egiten da Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko (480 plaza) Ekimena 9. Irakasleen eta hezkuntza-langileen egonkortasuna finkatzea, egiturazko bitartekotasuna 10 puntu murrizteko helburuan aurrera.
2022/12/28	Gauzatu Industria programa, oinarri teknologikoko ETEen eta/edo berritzaileen sorrera eta garapena bultzatzeko laguntza itzulgarrien bidez. 2023ko deialdia (28.000.000.-€)(2022/12/28) Ekimena 2. Enpresa-berrikuntza babesteko programak indartzea, bereziki zuzenduko zaizkienak ETE industrialei eta industriarekin lotutako zerbitzuen ETEei, 5.000 ETE gehitzeko eraldaketa digitalera eta berrikuntzara.